Trauma Care Society Palakkad

03/01/2026

വർദ്ധിച്ചുവരുന്ന റോഡ് അപകടങ്ങളും
നിത്യേന നമ്മൾ ഉപയോഗിക്കുന്ന ഗ്യാസ് സിലിണ്ടർ അപകടവും. ഒരു വീട്ടിൽ ഏതു നിമിഷവും നമ്മൾ നേരിടാവുന്ന അപകടങ്ങളിൽ നിന്ന് രക്ഷനേടാനുള്ള കരുതൽ മാർഗ്ഗങ്ങൾ അറിയാനുള്ള ട്രെയിനിങ് പ്രോഗ്രാമിലേക്ക് ഏവർക്കും സ്വാഗതം
NSS കരയോഗം നെയ്തരംപുള്ളിയുടെ നേതൃത്വത്തിൽ അത്യാഹിത ഘട്ടങ്ങളിൽ സ്വീകരിക്കേണ്ട പ്രഥമ ശുശ്രുഷകളെപറ്റി ഒരു ട്രെയിനിങ് ക്ലാസ്സ്‌ 4/1/2026 ഞായറാഴ്ച കാലത്തു 10:30 മണിക്ക് കരയോഗ ഹാളിൽ വെച്ച് നടത്തുന്നുണ്ട്. ടൗൺ നോർത്ത് ജനമൈത്രി പോലീസും ട്രോമ കെയർ സൊസൈറ്റി പാലക്കാട് എന്ന സംഘടനയും ആണ് ട്രെയിനിങ് നൽകുന്നത്. പ്രസ്തുത ചടങ്ങിലേക്ക് പങ്കെടുക്കാൻ താല്പര്യം ഉള്ളവർ മുൻകൂട്ടി താഴെ കൊടുത്ത നമ്പറിൽ 7356349553 രജിസ്റ്റർ ചെയ്യുക.

28/11/2025

14/10/2025

World trouma day 16 th..... Yathra.... Palakkad to kasargod

28/05/2025

പാലക്കാട് ഇലക്ട്രിക്കൽ സർക്കിളിന്റെ കീഴിൽ കൺട്രോൾ റൂം തുറന്നു:*
പാലക്കാട് ഇലക്ട്രിക്കൽ സർക്കിളിന്റെ പരിധിയിലുള്ളവർക്ക് 9496009936 എന്ന നമ്പറിൽ 24 മണിക്കൂറും വൈദ്യുതി തടസ്സവും അപകടസാധ്യതയും സംബന്ധിച്ച് പരാതികൾ അറിയിക്കാൻ ബന്ധപ്പെടാവുന്നതാണ്.
വൈദ്യുതി സംബന്ധമായ അപകടമോ അപകടസാധ്യതയോ ശ്രദ്ധയിൽപ്പെട്ടാൽ എത്രയും വേഗം അത് സെക്ഷൻ ഓഫീസുകളിലോ, 9496010101 എന്ന എമർജൻസി നമ്പറിലോ അറിയിക്കേണ്ടതാണ്.
പരാതികൾ അറിയിക്കാൻ 9496001912 എന്ന ടോൾ ഫ്രീ നമ്പറിൽ വാട്ട്സ്ആപ്പ് മുഖേനയോ കോൾ മുഖേനയോ ബന്ധപ്പെടാവുന്നതാണ്.

SMS അറിയിപ്പുകൾക്ക്:
വൈദ്യുതി തടസ്സം സംബന്ധിച്ച മുന്നറിയിപ്പുകൾ എസ്എംഎസ് മുഖേന ലഭ്യമാക്കുന്നതിനായി ഉപഭോക്താക്കൾക്ക് www.kseb.in എന്ന വെബ്സൈറ്റിൽ പ്രവേശിച്ച് സ്വമേധയാ മൊബൈൽ നമ്പർ അപ്ഡേറ്റ് ചെയ്യാവുന്നതാണ്.

29/04/2025

മുങ്ങി മരിച്ചു.
വീടിനു സമീപത്തുള്ള ജലാശയത്തിൽ മൂന്ന് കുരുന്നുകൾ മുങ്ങി മരിച്ചു.
കരിമ്പ ഗ്രാമപഞ്ചായത്ത് മൂന്നാം വാർഡിൽ മൂന്നേക്കർ തുടിക്കോട് ആദിവാസി ഉന്നതിയിലെ തമ്പി - മാധവി ദമ്പതികളുടെ മകൾ രാധിക (9) ,
പ്രകാശൻ - അനിത ദമ്പതികളുടെ മക്കളായ പ്രദീപ് (5), പ്രജീഷ് (3) എന്നിവരാണ് മരിച്ചത്.
ഇന്ന് വൈകുന്നേരം 3 മണിയോടെ കുട്ടികളെ കാണാതായിരുന്നു. തുടർന്ന് വീട്ടുകാർ തിരച്ചിൽ നടത്തിയെങ്കിലും 5 മണിയോടെ ഉന്നതിക്കു സമീപത്തുള്ള ചിറയിലെ വെള്ളക്കെട്ടിനു സമീപം കുട്ടികളുടെ ചെരിപ്പുകൾ കണ്ടതോടെ വെള്ളത്തിൽ നടത്തിയ തിരച്ചിലിലാണ് മൂവരെയും മരിച്ച നിലയിൽ കണ്ടെത്തിയത് .
ഉടൻ തന്നെ ഇവരിൽ രാധികയെ തച്ചമ്പാറ ഇസാഫ് ആശുപത്രിയിലും മറ്റു രണ്ടുപേരെയും പാലക്കാട് ജില്ലാ അശുപത്രിയിലും എത്തിക്കുകയായിരുന്നു.
രാധിക മരുതുംകാട് ഗവ. എൽ.പി സ്കൂൾ നാലാം ക്ലാസ് വിദ്യാർതഥിയും പ്രദീപ് ഒന്നാം ക്ലാസ് വിദ്യാർത്ഥിയുമായിരുന്നു.
ആദരാജ്ഞലികൾ 😢💐😢

13/12/2024

പനയംപാടത്തുള്ള അപകടങ്ങൾ ഒരു തുടർക്കഥയാകുന്നു. പാലക്കാട്‌ trauma care society ഇത് സംബന്ധിച്ച റിപ്പോർട്ടുകൾ പല തവണ അധികൃതരിലേക്ക് എത്തിച്ചിട്ടുണ്ട്. അവിടുത്തെ ഭൂപ്രകൃതിയും അതിനനുയോജ്യമല്ലാത്ത റോഡ് നിർമ്മാണവുമാണ് ഇത്രയേറെ അപകടങ്ങൾ വിളിച്ചു വരുത്തുന്നത്. അധികൃതർ ഉചിതമായ തീരുമാനങ്ങൾ കൈകൊണ്ടിരുന്നെങ്കിൽ ഇപ്പോൾ ഇവിടെ ഈ 4 കുരുന്നുമക്കൾക്ക് സ്വന്തം ജീവൻ നൽകേണ്ടിവരില്ലായിരുന്നു. ഇനിയെങ്കിലും അധികൃതർ വേണ്ട നടപടികൾ സ്വീകരിച്ചാൽ ഇത്തരം വാർത്തകൾ നമുക്ക് ഇനിയും കേൾക്കേണ്ടിവരില്ല. ഇന്നലെ വരെ ഒത്തിരി പ്രതീക്ഷകളുമായി ജീവിച്ചിരുന്ന മക്കളാണ് ഇന്ന് മൃതദേഹങ്ങളായി കിടക്കുന്നത്. ഈ അവസ്ഥ തുടരുകയാണെങ്കിൽ നാളെ നമ്മളിൽ പലരുടെയും പേരുകൾ ഇത് പോലെ വായിക്കേണ്ടി വരും.

ഷാമിനി
jo secretary
Palakkad Trauma Care Society

13/12/2024

അധികൃതരുടെ അനാസ്ഥയും ഡ്രൈവർമാരുടെ അശ്രദ്ധയുംമൂലം സംഭവിക്കുന്ന റോഡപകടങ്ങളാകുന്ന മഹാവിപത്തുകൾ ഇന്ന് നമ്മുടെ നാട്ടിലെ തനിയാവർത്തനക്കാഴ്ചകളാണ്. അകാലത്തിൽ പൊലിഞ്ഞു പോകുന്ന എത്രയോ ജന്മങ്ങൾ ! അവരെ ഓർത്ത് ആ ശപ്ത നിമിഷങ്ങളെ പഴിച്ച് കണ്ണുനീർ തോരാതെ എത്രയോ കുടുംബങ്ങൾ !ഇതിനെന്നാണൊരു അറുതി ? അപകടങ്ങൾ തുടർക്കഥയായി പിന്തുടരുന്ന പനയംപാടം എന്ന കൊച്ചു ഗ്രാമവും അശാസ്ത്രീയമായ റോഡുനിർമ്മാണം കൊണ്ടുള്ള അപകടങ്ങളാൽ തെരുവിൽ നിന്നുയരുന്ന നിലവിളികൾക്ക് കണ്ണീരൊഴിയാതെ സാക്ഷിയാകുന്നു. നിറമുള്ള സ്വപ്നങ്ങളും ഉത്സവമേളങ്ങളും കൊഞ്ചലുകളും പൊട്ടിച്ചിരികളും എല്ലാം ബാക്കി വെച്ച് എല്ലാ പ്രതീക്ഷകൾക്കും അവധി കൊടുത്ത് ഇന്നലെ പൊലിഞ്ഞു പോയ ആ കുരുന്നുകൾക്ക് ആദരാഞ്ജലി അർപ്പിയ്ക്കാനല്ലാതെ നമുക്കെന്തു ചെയ്യാൻ കഴിയും? അവരുടെ കുടുംബങ്ങൾ എങ്ങനെ ഈ ദു:ഖത്തിൽനിന്നു മുക്തിനേടും? ആ സങ്കടങ്ങളിൽ പങ്കു ചേർന്ന് നമ്മെ വിട്ടു പോയ കുഞ്ഞുങ്ങളുടെ ആത്മശാന്തിയ്ക്കായി പ്രാർത്ഥിക്കുന്നു. .........🙏🙏ആർക്കും പാടാം ഗ്രൂപ്പിൽ നിന്ന് ശ്രീകുമാരി .പി. മേനോൻ.

13/12/2024

ഇന്നലെ പനയംകോട് വെച്ച് നടന്ന റോടപകടത്തിൽ പെട്ട കുട്ടികളുടെ ഭാഗത്തു ഒരു തെറ്റും നമുക്ക് പറയാൻ ഇല്ല. അശ്രദ്ധമായി വാഹനമോടിച്ചതിന്റെയും ആശാസ്ത്രീയമായ റോഡ് നിർമാണവും തന്നെയാണ് പ്രധാന കാരണങ്ങൾ. കൂടാതെ പീക്ക് ടൈമിൽ ചരക്ക് വാഹനങ്ങളുടെ നിയന്ത്രണം നിയമപരമായി പാലിക്കാത്തതും മറ്റൊരു കാരണമായി കണക്കാക്കാവുന്നതാണ്. ഇതുവരെ നടന്നതായ സംഭവങ്ങൾ മാറ്റാൻ സാധിക്കില്ലെന്നിരിക്കെയും ഇനി നടക്കാൻ സാധ്യത ഏറെയുള്ള സ്ഥലങ്ങൾ ആയതുകൊണ്ടും മുൻകരുതലുകൾ എടുക്കേണ്ടത് അത്യാവശ്യമാണ്. റോടുകൾ നിർമ്മിക്കുന്നതിനൊപ്പം ഇരുവശങ്ങളിലും നടപ്പാതകൾകൂടി നിർമിക്കേണ്ടതായിട്ടുണ്ട്. അപകടസാധ്യതാ മേഖലകളിലെ റോഡുകളിൽ റെയിൽ വേട്രാക്കിന്റെ ഇരുവശത്തും പതിച്ചിട്ടുള്ളതുപോലെയുള്ള റൗണ്ട് ടൈപ്സ് കല്ലുകൾ പതിക്കുകയാണെങ്കിൽ വാഹനങ്ങൾക്ക് ഗ്രിപ് കിട്ടുവാനും, ആ ഭാഗങ്ങളിൽ വേഗത കുറച്ചു പോകുവാനും ഉപകരിക്കുന്നതായിരിക്കും. നടപ്പാതകൾ ഉള്ളയിടത്തും ഇല്ലാത്ത യിടത്തും ഇരുവശങ്ങളിലായി വളർന്നുനിൽക്കുന്ന പാഴ്ച്ചെടികളും മറ്റൊരു ഭീഷണിയാണ്. അതാത് തദ്ദേശ സ്വയംഭരണ സ്ഥാപനങ്ങൾ മുൻകൈ എടുത്ത് റോഡിനിരു വശവും എപ്പോഴും വൃത്തിയായി സൂക്ഷിക്കുവാൻ തൊഴിലുറപ്പ് തൊഴിലാളികളെ ഏൽപ്പിക്കുന്നതും നല്ലതായിരിക്കും. റോഡ് നിർമാണം ആശാസ്ത്രീയമാകാതിരിക്കാനും സുരക്ഷിതമായ രീതിയിൽ നിർമ്മിക്കാനും PWD വകുപ്പും നിർമതാക്കളും പ്രത്യേകം ശ്രദ്ധിക്കേണ്ടതുണ്ട്. ട്രാഫിക് നിയമങ്ങളെ പറ്റിയും റോഡുകളിൽ പാലിക്കേണ്ടതായ നിബന്ധനകളെക്കുറിച്ചും വിദ്യാർത്ഥികളെ ബോധവൽക്കരിക്കുന്നതും വിദ്യാർത്ഥികളിലൂടെ പൊതുജനങ്ങളിലേക്ക് അവബോധം സൃഷ്ടിക്കുന്നതും paadyapadhadhiyil ഭാഗമാക്കേണ്ടതും അത്യാവശ്യമാണ്. rajeswari aaarkkum paadaam