http://www.parumalahospital.com/

Parumala Hospital, St Gregorios Medical Mission Hospital, Parumala (2026)

27/05/2026

പരുമല ആശുപത്രിയിലെ സീനിയർ കൺസൾട്ടൻ്റ് കാർഡിയോളജിസ്റ്റ് ഡോ. ജോർജ് കോശിയുടെ അറുപതാം ജന്മദിനാഘോഷം.

27/05/2026

Emergency Medicine Day 2026

Safe Space for Emergency Medicine Teams - Stop Violence Everywhere.

26/05/2026

പരുമല ആശുപത്രിയിലെ സീനിയർ കൺസൾട്ടൻ്റ് കാർഡിയോളജിസ്റ്റ് ഡോ. ജോർജ് കോശിയുടെ അറുപതാം ജന്മദിനം ആഘോഷിച്ചു

നിരണം ഭദ്രാസനാധിപൻ അഭിവന്ദ്യ ഡോ. യൂഹാനോൻ മാർ ക്രിസോസ്റ്റമോസ് മെത്രാപ്പോലീത്ത ജന്മദിനാശംസകൾ നേർന്ന് അനുഗ്രഹ പ്രഭാഷണം നടത്തി. ആശുപത്രിയുടെ പ്രോജക്ട് ഡയറക്ടറും സെക്രട്ടറിയുമായ ശ്രീ. വർക്കി ജോൺ, ചീഫ് എക്സിക്യൂട്ടീവ് ഓഫീസർ ഫാ. എം. സി പൗലോസ്, ചാപ്ലയിൻ ഫാ. ജിജു വർഗീസ്, ഡെപ്യൂട്ടി മെഡിക്കൽ സൂപ്രണ്ട് ഡോ. എബിൻ വർഗീസ് തോമസ്, കാർഡിയോളജി വിഭാഗം മേധാവിയും സീനിയർ കൺസൾട്ടൻ്റുമായ ഡോ. മഹേഷ് നളിൻ കുമാർ, ന്യൂറോ സർജറി വിഭാഗം മേധാവിയും സീനിയർ കൺസൾട്ടൻ്റുമായ ഡോ. ശ്രീകുമാർ എം എന്നിവർ ആശംസകൾ നേർന്നു. ആശുപത്രിയിലെ മറ്റ് ഡോക്ടർമാരും ജീവനക്കാരും ചടങ്ങിൽ സന്നിഹിതരായിരുന്നു.

26/05/2026

തീവ്രപരിചരണ വിഭാഗത്തിലെ റേഡിയോളജി ഇമേജിംഗ്

ഇന്ത്യൻ സൊസൈറ്റി ഓഫ് ക്രിട്ടിക്കൽ കെയർ മെഡിസിൻ (ISCCM) തിരുവല്ലയുടെ ആഭിമുഖ്യത്തിൽ അക്കാദമിക് സെമിനാർ സംഘടിപ്പിച്ചു. കല്ലിശേരി ജോൺസ് റീജൻസിയിൽ നടന്ന ചടങ്ങിൽ 'Imaging in Critical care: A multimodality approach' എന്ന വിഷയത്തെ ആസ്പദമാക്കിയാണ് സെമിനാർ നടന്നത്.

പരുമല ആശുപത്രിയിലെ റേഡിയോളജി വിഭാഗം സീനിയർ കൺസൾട്ടന്റും ക്ലിണിക്കൽ ലീഡുമായ ഡോ. അനിരുദ്ധ് നായർ മുഖ്യപ്രഭാഷണം നടത്തി. തീവ്രപരിചരണ വിഭാഗത്തിൽ ചികിത്സയിൽ കഴിയുന്ന രോഗികൾക്ക് നൽകുന്ന സപ്പോർട്ടീവ് കെയറിൽ റേഡിയോളജിക്കൽ ഇമേജിംഗിനുള്ള പ്രാധാന്യത്തെക്കുറിച്ചും, കൃത്യമായ രോഗനിർണ്ണയത്തിന് ഇത് നൽകുന്ന സഹായങ്ങളെക്കുറിച്ചും അദ്ദേഹം വിശദീകരിച്ചു. പരുമല ക്രിട്ടിക്കൽ കെയർ വിഭാഗം മേധാവിയും ഇന്റൻസിവിസ്റ്റുമായ ഡോ. സുജിത്ത് എം. തോമസ് സെമിനാറിൽ മോഡറേറ്ററായിരുന്നു.

ISCCM തിരുവല്ല ബ്രാഞ്ച് ചെയർപേഴ്സണും പുഷ്പഗിരി മെഡിക്കൽ കോളേജ് ക്രിട്ടിക്കൽ കെയർ വിഭാഗം മേധാവിയുമായ ഡോ. മാത്യു പുളിക്കൻ യോഗം ഉദ്ഘാടനം ചെയ്തു. ബ്രാഞ്ച് സെക്രട്ടറിയും അടൂർ ലൈഫ് ലൈൻ ആശുപത്രിയിലെ ക്രിട്ടിക്കൽ കെയർ വിഭാഗം മേധാവിയുമായ ഡോ. ബെഞ്ചു ഷാജി വർഗീസ്, ട്രഷററും പരുമല ആശുപത്രിയിലെ ക്രിട്ടിക്കൽ കെയർ വിഭാഗം സീനിയർ ഇൻ്റൻസിവിസ്റ്റ് ഡോ. ചിക്കു ജോൺ എന്നിവർ പരിപാടികൾക്ക് നേതൃത്വം നൽകി.

23/05/2026

ജനറൽ മെഡിസിൻ, പീഡിയാട്രിക്സ് വിഭാഗങ്ങളിൽ എല്ലാ ഞായറാഴ്ചളിലും ഡോക്ടറുടെ സേവനം ലഭ്യമാണ്.

പരുമല ആശുപത്രിയുടെ പ്രത്യേക ജനറൽ മെഡിസിൻ സായാഹ്ന ക്ലിനിക് - ജനതാ ക്ലിനിക്കിന്റെ പ്രവർത്തന സമയം ഞായറാഴ്ചകൾ ഉൾപ്പെടെ എല്ലാ ദിവസവും വൈകുന്നേരം 5 മണി മുതൽ രാത്രി 8.00 വരെയാണ്. 50 രൂപ നിരക്കിൽ ഡോക്ടർ കൺസൾട്ടേഷൻ നൽകിയാണ് ജനതാ ക്ലിനിക് പ്രവർത്തിക്കുന്നത്.

കൂടുതൽ വിവരങ്ങൾക്കും അന്വേഷണങ്ങൾക്കുമായി 04792317000, 7902521747 ബന്ധപ്പെടുക

23/05/2026

പ്രോസ്റ്റേറ്റ് വേദനകളെ നീരാവിയാക്കി മാറ്റാം

പ്രോസ്റ്റേറ്റ് ഗ്രന്ഥിയുടെ വീക്കം (BPH) മൂലം പ്രയാസങ്ങൾ നേരിടുന്നവർക്ക് ശസ്ത്രക്രിയ ഇല്ലാതെ സുരക്ഷിതവും ഫലപ്രദവുമായ അത്യാധുനിക 'റിസം വാട്ടർ വേപ്പർ തെറാപ്പി (Rezum Water Vapour Therapy) ചികിത്സ പരുമല ആശുപത്രിയിൽ.

സ്വാഭാവിക നീരാവി ഉപയോഗിച്ചുള്ള ഈ ചികിത്സയിലൂടെ യാതൊരു ബുദ്ധിമുട്ടുകളുമില്ലാതെ അതിവേഗം പ്രോസ്റ്റേറ്റ് സംബന്ധമായ പ്രശ്‌നങ്ങളില്‍ നിന്നും സാധാരണ ജീവിതത്തിലേക്ക് മടങ്ങാനും കഴിയും.

22/05/2026

പരുമല ആശുപത്രിയുടെ ആഭിമുഖ്യത്തിൽ സംഘടിപ്പിച്ച 'പരുമല ഓങ്കോഇൻസൈറ്റ് 2026 3.0' (PARUMALA ONCOINSIGHT 2026 3.0) മെഡിക്കൽ കോൺഫറൻസ് മലങ്കര ഓർത്തഡോക്സ് സഭയുടെ പരമാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ ഉദ്ഘാടനം നിർവഹിച്ചു.

പരുമല ആശുപത്രി സി.ഇ.ഒ ഫാ. എം. സി പൗലോസ് അധ്യക്ഷത വഹിച്ച യോഗത്തിൽ മുംബൈ ടാറ്റാ മെമ്മോറിയൽ സെന്ററിലെ റേഡിയോ ഡയഗ്നോസിസ് വിഭാഗം മേധാവിയും അക്കാദമിക് ഡെപ്യൂട്ടി ഡയറക്ടറുമായ ഡോ. സുയാഷ് കുൽക്കർണി മുഖ്യപ്രഭാഷണം നടത്തി. കോൺഫറൻസിനോടനുബന്ധിച്ച് പരുമല ആശുപത്രിയിലെ പുതിയ ജെറിയാട്രിക് ഓങ്കോളജി വിഭാഗത്തിന്റെ ഉദ്ഘാടനവും ഡോ. സുയാഷ് കുൽക്കർണി നിർവഹിച്ചു.

പരുമല സെമിനാരി മാനേജർ റവ. ഫാ. എൽദോസ് ഏലിയാസ്,
മെഡിക്കൽ ഓങ്കോളജി വിഭാഗം മേധാവിയും സീനിയർ കൺസൾട്ടന്റുമായ ഡോ. മാത്യൂസ് ജോസ്, റേഡിയേഷൻ ഓങ്കോളജി വിഭാഗം മേധാവി ഡോ. ആന്റോ ബേബി എന്നിവർ വേദിയിൽ സന്നിഹിതരായിരുന്നു.

'ജെറിയാട്രിക് ഓങ്കോളജി ആൻഡ് നോൺ-സ്മോൾ സെൽ ലങ് ക്യാൻസർ' (Geriatric Oncology & Non-Small Cell Lung Cancer - NSCLC) എന്ന കാലികപ്രസക്തമായ വിഷയത്തിലായിരുന്നു ഈ വർഷത്തെ കോൺഫറൻസ് ശ്രദ്ധ കേന്ദ്രീകരിച്ചത്. വയോജനങ്ങളിലെ ക്യാൻസർ ചികിത്സയുടെ ഇന്ത്യയിലെ നിലവിലെ അവസ്ഥയും ഭാവിയിലെ സാധ്യതകളും എന്ന വിഷയത്തിൽ വിശദമായ ചർച്ചകൾ നടന്നു.

സമഗ്രമായ ജെറിയാട്രിക് വിലയിരുത്തൽ (Comprehensive Geriatric Assessment - CGA) ക്യാൻസർ രോഗികളുടെ ചികിത്സയിൽ ഉണ്ടാക്കുന്ന ഗുണപരമായ മാറ്റങ്ങളെക്കുറിച്ച് വിദഗ്ധർ ക്ലാസുകൾ നയിച്ചു. തുടർന്ന് ജെറിയാട്രിക്സ് വിഭാഗത്തിൽ നടന്ന കേസ് അധിഷ്ഠിതമായ പാനൽ ചർച്ചയ്ക്ക് ഡോ. വരുൺ രാജൻ, ഡോ. പ്രേം നരസിംഹൻ തുടങ്ങിയ പ്രമുഖർ നേതൃത്വം നൽകി.

ശ്വാസകോശ കാൻസർ (NSCLC) ചികിത്സയിലെ ആധുനിക സങ്കേതങ്ങളായ ഇമ്മ്യൂണോതെറാപ്പി, പ്രിസിഷൻ ഓങ്കോളജി, സമഗ്ര ജീനോമിക് പ്രൊഫൈലിംഗ് എന്നിവയെക്കുറിച്ചുള്ള വിപുലമായ പഠന ക്ലാസുകളും ഉച്ചതിരിഞ്ഞ് കോൺഫറൻസിന്റെ ഭാഗമായി നടന്നു. റേഡിയോളജി, ഇൻ്റർവെൻഷണൽ പൾമണോളജി, സർജിക്കൽ ഓങ്കോളജി എന്നീ വിവിധ വിഭാഗങ്ങളെ ഏകോപിപ്പിച്ചുകൊണ്ടുള്ള ശ്വാസകോശ കാൻസർ നിർണ്ണയവും (Mediastinal Evaluation) നൂതന ചികിത്സാ രീതികളും വിദഗ്ധർ ചർച്ച ചെയ്തു.

കേരളത്തിനകത്തും രാജ്യത്തിന്റെ വിവിധ ഭാഗങ്ങളിൽ നിന്നുമുള്ള പ്രമുഖ ഓങ്കോളജിസ്റ്റുകൾ, ഫിസിഷ്യന്മാർ, മറ്റ് ആരോഗ്യ പ്രവർത്തകർ എന്നിവർ ഈ അക്കാദമിക് സമ്മേളനത്തിൽ പങ്കെടുക്കുകയും ക്യാൻസർ ചികിത്സാ രംഗത്തെ പുതിയ കാൽവെപ്പുകൾ പങ്കുവെക്കുകയും ചെയ്തു.

20/05/2026

പരുമല ആശുപത്രി ജീവനക്കാരുടെ മക്കൾക്കായി സൗജന്യ സ്കൂൾ കിറ്റ് വിതരണം

പുതിയ അധ്യയന വർഷാരംഭത്തോടനുബന്ധിച്ച് പരുമല ആശുപത്രിയിലെയും അനുബന്ധ സ്ഥാപനങ്ങളിലെയും എല്ലാ ജീവനക്കാരുടെയും സ്കൂൾ വിദ്യാർത്ഥികളായ മക്കൾക്കായി 'കുഞ്ഞുങ്ങളുടെ പരുമല - ബാക്ക് ടു സ്കൂൾ 2026' സൗജന്യ സ്കൂൾ കിറ്റ് വിതരണം സംഘടിപ്പിച്ചു. പുതിയ അധ്യയന വർഷത്തേക്ക് തയ്യാറെടുക്കുന്ന കുട്ടികൾക്ക് പ്രോത്സാഹനമേകുക എന്ന ലക്ഷ്യത്തോടെ നടപ്പിലാക്കിയ ഈ പദ്ധതി, മെയ് 19-ന് ഉച്ചകഴിഞ്ഞ് 3 മണിക്ക് മലങ്കര ഓർത്തഡോക്സ് സഭയുടെ പരമാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ ഔദ്യോഗികമായി ഉദ്ഘാടനം ചെയ്യുകയും കിറ്റ് വിതരണം നിർവ്വഹിക്കുകയും ചെയ്തു.

ആശുപത്രിയുടെ പ്രോജക്ട് ഡയറക്ടറും സെക്രട്ടറിയുമായ ശ്രീ. വർക്കി ജോൺ, സി.ഇ.ഒ ഫാ. എം. സി. പൗലോസ്, ചാപ്ലിൻ ഫാ. ജിജു വർഗീസ്, മെഡിക്കൽ സൂപ്രണ്ട് ഡോ. ഷെറിൻ ജോസഫ്, ഡെപ്യൂട്ടി മെഡിക്കൽ സൂപ്രണ്ട് ഡോ. എബിൻ വർഗീസ് തോമസ് എന്നിവരുടെ നേതൃത്വത്തിൽ ആയിരത്തി ഇരുന്നൂറിലധികം (1200+) വിദ്യാർത്ഥികൾക്ക് സൗജന്യ സ്കൂൾ കിറ്റുകൾ വിതരണം ചെയ്തു. പരുമല ലിറ്റിൽ സ്റ്റാർ റീൽ വീഡിയോ മത്സരത്തിലെ വിജയികൾക്കുള്ള ക്യാഷ് അവാർഡും ചടങ്ങിൽ സമ്മാനിച്ചു.

കൺസൾട്ടൻ്റ് പീഡിയാട്രിക് ന്യൂറോളജിസ്റ്റ് ഡോ. രാകേഷ് ആർ. നയിച്ച 'ഹാക്സ് ഫോർ സൂപ്പർ മെമ്മറി' എന്ന പ്രത്യേക ക്ലാസ്സും, കുട്ടികളെ രസിപ്പിക്കുന്നതിനായി മാജിക് ഷോയും പരിപാടിയുടെ ഭാഗമായി നടത്തപ്പെട്ടു.

20/05/2026

നിങ്ങൾ safe ആണോ ? comment your number 🫁 നിങ്ങളുടെ ശ്വാസകോശത്തിന്റെ ശക്തി വീട്ടിൽ തന്നെ പരിശോധിക്കാൻ സഹായിക്കുന്ന ഒരു പ്രധാന ട്രിക്ക്!

Dr. Arjun Chandran — Consultant Clinical & Interventional Pulmonologist, Parumala Hospital — പറയുന്ന രണ്ട് ലളിതമായ Lung Capacity Tests 👇

✅ ടെസ്റ്റ് 1 – Single Breath Count Test
ഒരു വലിയ ശ്വാസം അകത്തേക്ക് എടുത്ത ശേഷം വീണ്ടും ശ്വാസം എടുക്കാതെ 1 മുതൽ 30 വരെ എണ്ണാൻ ശ്രമിക്കൂ.
✔️ 30 വരെ സുഖമായി പറയാൻ കഴിയുന്നുവെങ്കിൽ നിങ്ങളുടെ ലംഗ് കപ്പാസിറ്റി നല്ലതാകാം.

✅ ടെസ്റ്റ് 2 – Candle Blow Test
വായിൽ നിന്ന് ഏകദേശം 15 സെ.മീ ദൂരത്തിൽ ഒരു മെഴുകുതിരി വെക്കുക. ശേഷം ചുണ്ടുകൾ ഭാഗികമായി തുറന്ന് നിയന്ത്രിതമായി വായു ഊതി തീ കുലുക്കാൻ ശ്രമിക്കുക.
✔️ ശക്തമായ airflow ഉണ്ടെങ്കിൽ അത് നല്ല ശ്വാസ ശേഷിയുടെ സൂചനയായേക്കാം.

⚠️ ഇത് awareness purpose ന് വേണ്ടിയുള്ള ഒരു basic test മാത്രമാണ്. ഇത് medical diagnosis അല്ല.

🎥 ആരോഗ്യ ബോധവൽക്കരണത്തിനായി പങ്കുവെച്ചത്:
👨‍⚕️ Dr. Arjun Chandran
🏥 Parumala Hospital

Parumala Hospital

27/05/2026

27/05/2026

26/05/2026

26/05/2026

23/05/2026

23/05/2026

22/05/2026

20/05/2026

20/05/2026

Address

Telephone

Website

Alerts

Contact The Practice

Shortcuts

Share

Category