District Hospital Kozhencherry

18/03/2026

ജില്ലാ ആശുപത്രിയിൽ പുതിയ ബ്ലോക്കിൻ്റെ ഫയർ,ഇലക്ട്രിക്കൽ ഇൻസ്പെക്ടറേറ്റ് എന്നിവയുടെ പരിശോധന നടന്നു കൊണ്ടിരിക്കുന്നു. പുതിയ ഉപകരണങ്ങളുടെ ഇൻസ്റ്റലേഷൻ ഒരാഴ്ചക്കകം പൂർത്തിയാകും. ട്രെയേജ് സംവിധാനത്തിൻ്റെ ട്രെയിനിങ് ജീവക്കാർക്ക് നൽകിയിട്ടുണ്ട് ഏപ്രിൽ ആദ്യ വാരം ബിൽഡിങ് പ്രവർത്തനസജ്ജമാക്കും. കാഷ്വൽറ്റി ,അഡ്മിനിസ്ട്രേഷൻ,OP എന്നീ ക്രമത്തിലാകും സേവനങ്ങൾ വിപുലീകരിക്കുന്നത്.

08/03/2026

ജില്ലാ ആശുപത്രിയിൽ ഒരു സെക്കൻ്ററി ലെവൽ ആശുപത്രിയിൽ ചെയ്യേണ്ട സർജറികൾ എല്ലാം തന്നെ ചെയ്യുന്നുണ്ട്.. തൈറോയ്ഡ്,mastectomy, ലാപ്രോസ്കോപ്പിക് സർജറികൾ,C-arm ഉപയോഗിച്ചുള്ള ഓർതോപീഡിക് സർജറി,തുടങ്ങി 150 ൽ പരം മേജർ ശസ്ത്രക്രിയകളും,1500 മൈനർ ശസ്ത്രക്രിയകൾ പ്രതിമാസം ചെയ്യുന്നുണ്ട്. എന്നാൽ complicated ആയതും,ചെയ്താൽ മികച്ച റിസൾട്ട് ലഭിക്കാത്തതും,ഉയർന്ന കാർഡിയോളജി റിസ്ക് ഉള്ളതുമായ സർജറികൾ കഴിവതും tertiary സെൻ്ററിൽ തന്നെ ചെയ്യേണ്ടതാണ് എന്ന് ഡോക്ടർമാർ അഭിപ്രായപ്പെടാറുണ്ട്.രോഗിക്ക് ഏറ്റവും മികച്ച സേവനം കിട്ടണം എന്ന ഉദ്ദേശലക്ഷ്യത്തോടെ ആണ് മേൽ അഭിപ്രായത്തോട് കൂടി റഫർ ചെയ്യുന്നതും.അത്തരത്തിൽ ഒരു കേസ് ചെയ്യേണ്ടി വരികയാണെങ്കിൽ അത് high risk informed consent എഴുതി മാത്രം ചെയ്യുന്നുണ്ട്.അത്തരത്തിൽ ചെയ്ത ഒരു സർജറി , രാഷ്ട്രീയ ലക്ഷ്യം വച്ച് ഞങ്ങളുടെ ഡോക്ടർമാരെ മോശക്കരാക്കി ചിലർ കാണിച്ചതിനോട് ജില്ലാ ആശുപത്രി ശക്തമായി പ്രതിഷേധിക്കുന്നു.🙏

02/03/2026

ഇനി മുതൽ എല്ലാ ദിവസവും വൈകുന്നേരം 7 മണിക്ക് പിറ്റേന്ന് ജില്ലാ ആശുപത്രിയിൽ ഉള്ള OP സ്റ്റാറ്റസ് ആയി തീയതി സഹിതം പോസ്റ്റ് ചെയ്യുന്നതാണ്.🙏

02/03/2026

ഓങ്കോളജി വിഭാഗം – DH കോഴഞ്ചേരി

പ്രതിവർഷം ശരാശരി 8200 രോഗികളെ ചികിത്സിക്കുന്നു. 10 കിടക്കകൾ ഉള്ള ജില്ലയിലെ ഏക കീമോതെറാപ്പി യൂണിറ്റ് ജില്ലാ ആശുപത്രിയിൽ ആണ് ഉള്ളത്.ഓരോ വർഷവും 250-ൽ അധികം പുതിയ കേസുകൾ ഇവിടെ രജിസ്റ്റർ ചെയ്യപ്പെടുന്നു. ദിവസേന ശരാശരി 25 ഓളം സിസ്റ്റമിക് ചികിത്സകൾ നൽകുന്നു. ഇതിൽ IVയും ഓറൽ കീമോതെറാപ്പിയും, ഹോർമോൺ തെറാപ്പി, മോണോ ക്ലോണൽ ആന്റിബോഡികൾ എന്നിവ ഉൾപ്പെടുന്നു.

ജില്ലാ ആശുപത്രിയിൽ ഏറ്റവും കൂടുതൽ ചികിത്സിക്കുന്നത് സ്തനാർബുദമാണ്. രോഗശമന (Curative) ചികിത്സയും സാന്ത്വന പരിചരണ ചികിത്സയും നൽകുന്നു. ഇതോടൊപ്പം തല-കഴുത്ത് കാൻസറുകൾ, ശ്വാസകോശ കാൻസർ, ഗർഭാശയ (എൻഡോമെട്രിയം) കാൻസർ, വലിയകുടൽ (കൊളോറെക്ടം) കാൻസർ, മൾട്ടിപ്പിൾ മൈലോമ, ലിംഫോമ, മൂത്രാശയ കാൻസർ, പ്രോസ്റ്റേറ്റ് കാൻസർ എന്നിവയും ചികിത്സിക്കുന്നു.
സ്തനാർബുദവും കൊളോൺ കാൻസറും ജില്ലാ ആശുപത്രിയിൽ സ്വതന്ത്രമായി ചികിത്സിക്കുന്നു, കാരണം ഈ ശസ്ത്രക്രിയകൾ നന്നായി നിർവഹിക്കുന്ന പ്രാവീണ്യമുള്ള സർജിക്കൽ വിഭാഗം നമുക്കുണ്ട്.

പ്ലാൻ ഫണ്ട് വഴി കാൻസർ കീമോതെറാപ്പി മരുന്നുകൾ വാങ്ങുന്നതിന് പുറമെ,KASP പദ്ധതിയിൽ ഉൾപ്പെടുത്തി സൗജന്യ മരുന്നുകൾ ഉറപ്പ് വരുത്തുന്നു.ജില്ലാ പഞ്ചായത്ത് പ്രോജക്ട് വഴി കാൻസർ രോഗികൾക്ക് വേണ്ടി പ്രതിവർഷം 20 ലക്ഷത്തിന് മരുന്നുകൾ വാങ്ങുന്നുണ്ട്.

RCCയും മറ്റ് മെഡിക്കൽ കോളേജുകളും വിശ്വാസയോഗ്യമായ സ്ഥാപനമായതിനാൽ കീമോതെറാപ്പിക്കായി രോഗികളെ റഫർ ചെയ്യുന്നു

സ്തനാർബുദവും തല-കഴുത്ത് കാൻസറുകളും ഉള്ള രോഗികൾക്ക് ഫോളോ-അപ്പ് സേവനങ്ങൾ നൽകുന്നു.

വായ്ക്കുള്ളിലെ കാൻസർ കണ്ടെത്തുന്നതിനുള്ള സ്ക്രീനിംഗ് ഡെൻ്റൽ യൂണിറ്റ് നടത്തുന്നു

ഗർഭാശയഗl(സെർവിക്സ്) കാൻസർ സ്ക്രീനിംഗ് ഗൈനക്കോളജി വിഭാഗത്തിൽ നടത്തുന്നു.

ആവശ്യമായവർക്ക് പാലിയേറ്റീവ് കെയർ സേവനങ്ങൾ നൽകുകയും, ഓങ്കോളജി രോഗികൾക്കും അല്ലാത്തവർക്കും ഉൾപ്പെടെ മോർഫിൻ പോലുള്ള വേദനാശമന മരുന്നുകൾ(pain management) നൽകുകയും ചെയ്യുന്നു.

26/02/2026

വന്ധ്യതാ പ്രശ്നങ്ങൾ നേരിടുന്ന ദമ്പതികൾക്ക് ആശ്വാസമേകുന്ന ഒരു സംരംഭമാണ് ലെവൽ 1 വന്ധ്യതാ നിവാരണ ക്ലിനിക്കുകൾ. ദമ്പതികൾക്ക് ആവശ്യമായ പരിശോധനകൾ,പ്രാഥമിക ചികിത്സകൾ,ഉയർന്ന പരിചരണത്തിന് വേണ്ടിയുള്ള റെഫെറൽ സംവിധാനങ്ങൾ എന്നീ സേവനങ്ങൾ ഇത്തരത്തിലുള്ള ക്ലിനിക്കുകൾ മുഖേന നൽകാൻ സാധിക്കും.മറ്റു സ്വകാര്യ ആശുപത്രികളിൽ ഇത്തരം ചികിത്സകൾക്ക് ആവശ്യമായി വരുന്ന ചിലവുകൾ താരതമ്യം ചെയ്യുമ്പോൾ ഗർഭധാരണത്തിനുള്ള ഏറ്റവും ചെലവ് കുറഞ്ഞതും പ്രായോഗികവുമായ ചികിത്സ പൊതുജനങ്ങൾക്ക് ലഭ്യമാക്കുന്നതിനുള്ള ആദ്യ ചുവടു വയ്പാണ് സർക്കാർ മേഖലയിലുള്ള ഈ ക്ലിനിക്ക്.

കോഴഞ്ചേരി ജില്ലാ ആശുപത്രിയിലെ ലെവൽ വന്ധ്യതാ നിവാരണ ക്ലിനിക്കിൽ ലഭ്യമാകുന്ന സേവനങ്ങൾ

• പ്രാഥമിക കൗൺസിലിംഗ്
• ഹോർമോൺ പരിശോധനകൾ
• സെമെൻ അനാലിസിസ്
• ഫോളിക്കുലാർ സ്റ്റഡി
• ഓവുലേഷൻ ഇൻഡക്ഷൻ ചികിത്സ
• ഗർഭാശയ ബീജ സങ്കലനം(IUI)
പത്തനംതിട്ട ജില്ലയിലെ ആദ്യത്തെ ലെവൽ 1 വന്ധ്യതാ നിവാരണ ക്ലിനിക്കാണ് കോഴഞ്ചേരി ജില്ലാ ആശുപത്രിയിൽ സാക്ഷാത്കരിക്കാൻ പോകുന്നത്.ലെവൽ 1 വന്ധ്യതാ നിവാരണ ക്ലിനിക്ക് ഈ ആശുപത്രിയിൽ ആരംഭിക്കുന്നതിനു വേണ്ടിയുള്ള സർക്കാർ സർട്ടിഫിക്കേഷൻ ഈ ആശുപത്രിക്കു ലഭ്യമായിക്കഴിഞ്ഞു.ഈ സേവനങ്ങൾ എല്ലാം തന്നെ ആശുപത്രിയെ ആശ്രയിച്ചു വരുന്ന ഏറ്റവും സാധാരണക്കാരായ ജനങ്ങൾ ഉൾപ്പെടെയുള്ളവർക്ക് നൽകുന്നതിനായി വിദഗ്ധ പരിശീലനം ലഭിച്ച ഡോക്ടർമാരും നഴ്സുമാർ ഉൾപ്പെടെയുള്ള പാരാ മെഡിക്കൽ ജീവനക്കാരും സജ്ജരാണ്.

26/02/2026

ജില്ലാ ആശുപത്രിയിൽ നമ്മൾ അഭിമുഖീകരിച്ചു കൊണ്ടിരിക്കുന്ന ഒരു പ്രശ്നം ആണ് A ബ്ലോക്കിന് പുറകിലെ വെള്ളക്കെട്ട്, ഡയാലിസിസ്,lab എന്നിവിടങ്ങളിൽ നിന്നുള്ള വെള്ളം ചെറിയ ഭൂഗർഭ ടാങ്കിലേക്ക് വളരെ പതുക്കെ മാത്രം വെള്ളം വലിക്കുന്നത് ഒരു കാരണം ആണ്. നിലവിൽ ആശുപത്രിയിൽ ഉള്ള STP സംവിധാനത്തിലേക്ക് ഈ വെള്ളം നേരിട്ടു കൊടുക്കാൻ കഴിഞ്ഞിരുന്നില്ല കെമിക്കൽ റിയാക്ഷൻ കാരണം STP ഇലക്ട്രോഡുകൾക്ക് തേയ്മാനം സംഭവിക്കും എന്നതിനാൽ ആണത്.പ്രസ്തുത വിഷയം HMC യിൽ ചർച്ച ചെയ്യുകയും,KIIFB എൻജിനീയർമാരുമായി കൂടി ആലോചിക്കുകയും ചെയ്തു.തുടർന്ന് ഗവൺമെൻ്റിൻ്റെ അനുമതിയോടെ effluent treatment tank(ETP) നിർമിക്കുകയും, വെള്ളം സംസസ്കരിച്ചതിന് ശേഷം STP യിലേക്ക് കടത്തി വിടാനും തീരുമാനം ആയി.ETP യുടെ നിർമാണച്ചുമതല ഗവണ്മെൻ്റ് KIIFB.യെ ഏൽപിക്കുകയും ചെയ്തു. മൂന്നു ദിവസങ്ങൾക്കുള്ളിൽ ETP യുടെ പ്ലംബിംഗ് വർക്കുകൾ കഴിഞ്ഞു പ്രവർത്തനക്ഷമം ആകുകയും,ETP,STP എന്നിവ ഒരുമിച്ച് പ്രവർത്തിക്കുമ്പോൾ നിലവിലുള്ള വെള്ളക്കെട്ടിന് ശാശ്വത പരിഹാരം ആകുകയും ചെയ്യും.A ബ്ലോക്കിൻ്റെ നവീകരണജോലികൾ മാർച്ച് മാസം രണ്ടാം ആഴ്ചയോട് കൂടി ആരംഭിക്കും.

24/02/2026

പൂർണമായി GRIHA guidelines പാലിച്ചാണ് നമ്മുടെ പുതിയ OP and Diagnostic കെട്ടിടം നിർമ്മിച്ചിരിക്കുന്നത്.സൗരോർജം,സ്വാഭാവിക വെളിച്ചം,ക്രോസ് വെൻ്റിലേഷൻ എന്നിവ പരമാവധി പ്രയോജനപ്പെടുത്തിയിട്ടുണ്ട്.ജില്ലാ ആശുപത്രി സൂപ്രണ്ട് ഡോ. നിധിഷ് ഐസക് സാമുവൽ,HITES എൻജിനീയർമാരായ കൃഷ്ണശ്രീ , ബ്ലെസിംഗ് എന്നിവർക്കൊപ്പം

24/02/2026

Dr.സരസ്വതിയമ്മ, സീനിയർ കൺസൾട്ടൻ്റ്, ഗൈനക്കോളജി

24/02/2026

24/02/2026

24/02/2026

Inauguration moments💐