Anjaneyam Ayurvedic Hospital

26/03/2024

Anjaneyam

26/03/2024

21/03/2024

Chenda hospital

15/04/2023

Vishu kani in anjaneyam ayurvedic hospital

15/04/2023

Vishu kani in kalari

14/04/2023

Happy vishu 🌻💐☺️

13/04/2023

Rudraksham

10/03/2023

നിങ്ങൾക്കറിയാമോ? വാഴപ്പഴം കഴിച്ചാൽ നിങ്ങളുടെ ലിവർ തകരാറിലാവും, മഞ്ഞൾ കഴിച്ചാൽ നിങ്ങൾ കരൾ രോഗിയാവും, കറ്റാർവാഴ, അമുക്കുരം എന്നിവ കഴിച്ചാൽ നിങ്ങൾക്ക് കാൻസർ വരും. ഈയടുത്ത കാലത്തായി സോഷ്യൽ മീഡിയയിൽ യുവ അലോപ്പതി ഡോക്ടർമാരുടെ ഒരു നീണ്ടനിര തന്നെ ഇത്തരത്തിലുളള പ്രസ്താവനകളും അതിനുള്ള ശാസ്ത്രീയ വിശദീകരണങ്ങളുമായി മുന്നോട്ട് വന്നിട്ടുണ്ട്. Scientific ആയി ചിന്തിക്കുകയും വിശ്വസിക്കുകയും ചെയ്യുന്ന ഇന്നത്തെ തലമുറയെ ബോധ്യപ്പെടുത്താൻ (തെറ്റിദ്ധരിപ്പിക്കാൻ) ഓരോ scientific study യുമായാണ് ഇവർ വരുന്നത്. ഇവരുടെ scientific study presentation കണ്ടു കഴിഞ്ഞാൽ ഇന്നു നമ്മൾ ദൈനംദിനമായി കഴിച്ചുകൊണ്ടിരിക്കുന്ന ഭക്ഷണ പദാർത്ഥങ്ങൾ അപകടകരവും അലോപ്പതിയിലെ രാസമരുന്നുകൾ വളരെ സുരക്ഷിതവുമാണെന്നാണ് തോന്നുക. അടുത്തിടെ ഇറങ്ങിയ ഈ വീഡിയോകൾ കണ്ടാൽ ഇവരുടെ ഉദ്ദേശം നിങ്ങൾക്ക് വ്യക്തമായി മനസ്സിലാവും. മഞ്ഞൾ, നെല്ലിക്ക, വാഴപ്പഴം, കറ്റാർവാഴ, അമുക്കുരം, കീഴാർനെല്ലി, വേപ്പ് തുടങ്ങിയവയെല്ലാം വലിയ അപകടകകാരികളാണ്, പകരം അലോപ്പതി മരുന്നുകൾ നിങ്ങൾ നിത്യജീവിതത്തിൽ ഉൾപ്പെടുത്തുന്നത് നിങ്ങളുടെ ആരോഗ്യത്തിന് നല്ലതാണ് എന്ന രീതിയിലാണ്. ഒരു രാസഘടകത്തെ അടിസ്ഥാനമാക്കിയുള്ള പഠനങ്ങളുടെയും അവലോകനങ്ങളുടെയും അടിസ്ഥാനത്തിലാണ് ഭക്ഷ്യ പദാർത്ഥങ്ങളും ആയുർവേദ മരുന്നുകളുമെല്ലാം അപകടകരങ്ങളാണെന്ന് ഇവർ തെളിയിക്കാൻ ശ്രമിക്കുന്നത്. ഇത്തരം ശാസ്ത്രീയ പഠനങ്ങൾ ഒരുപാട് പഴുതുകളുള്ള പഠനങ്ങളാണ്. എല്ലാ സസ്യങ്ങളിലും പലതരം രാസഘടകങ്ങൾ അടങ്ങിയിട്ടുണ്ട്. ഇതിൽ ചില ഘടകങ്ങൾ മാത്രമെടുത്ത് പഠനം നടത്തുമ്പോൾ അത് ചിലപ്പോൾ ശരീരത്തിന് ദോഷകരമായി ബാധിക്കുന്നതാവാം. പക്ഷെ ഇത് പലപ്പോഴും അളവിലും ഘടനയിലും കുറഞ്ഞും ആ സസ്യത്തിൽ തന്നെ കാണുന്ന മറ്റു പല രാസഘടകങ്ങളാൽ നിയന്ത്രിതമായുമാണ് കാണപ്പെടുന്നത്. മുമ്പ് പറഞ്ഞതു പോലുള്ള ശാസ്ത്രീയ പഠനങ്ങളിൽ ഇത്തരം ഘടകങ്ങളെ പൊലിപ്പിച്ച് കാണിച്ച് സസ്യങ്ങളെല്ലാം അപകടകാരികളാണ് അതുകൊണ്ട് നിങ്ങൾ ആയുർവേദ മരുന്നുകൾ ഒന്നും ഉപയോഗിക്കരുത്, മഞ്ഞളും കറ്റാർവാഴയും നെല്ലിക്കയും അമുക്കുരവും നിങ്ങളുടെ ലിവറും കിഡ്നിയും, ഹാർട്ടുമൊക്കെ നശിപ്പിക്കും എന്ന് പറയുന്നതിലെ ദുരുദ്ദേശം അലോപ്പതിക്കാരന്റെ കച്ചവടക്കണ്ണു മാത്രമാണ്. അങ്ങനെയാണെങ്കിൽ ആയുർവേദമില്ലാത്ത വിദേശ രാജ്യങ്ങളിൽ മരുന്നിന്റെ പാർശ്വഫലങ്ങൾ കൊണ്ടുള്ള രോഗങ്ങൾ (iatrogenic diseases) ബാധിക്കുന്നവരുടെ എണ്ണം വളരെയധികം വർദ്ധിച്ചു കൊണ്ടിരിക്കുകയാണ്. ആയുർവേദവും പച്ചിലകളുമാണ് അപകടം എന്നിവർ സമർത്ഥിക്കാൻ ശ്രമിക്കുന്നത് സത്യമല്ല എന്നിതിൽ നിന്ന് മനസ്സിലാക്കാം. ഇവരീ പറയുന്ന പഠനങ്ങൾ സത്യമാണെങ്കിൽ നമ്മുടെ ദൈനംദിന ജീവിതത്തിൽ കഴിക്കുന്ന അരിയും പച്ചക്കറികളും വരെ അപകടകാരികളാണ്. വാഴപ്പഴത്തിൽ പൊട്ടാസ്യമുണ്ട്, അത് ഹാർട്ട് അറ്റാക്ക് ഉണ്ടാക്കാം. കാരറ്റിൽ വിറ്റാമിൻ എ അളവിലധികമുണ്ട്, അത് നിങ്ങളുടെ വൃക്കകൾക്ക് തകരാറുണ്ടാക്കാം. ബീറ്റ്റൂട്ടിൽ ഹൈ ഓക്സിലേറ്റ് കണ്ടന്റ് ഉണ്ട്, അത് Kidney failure അല്ലെങ്കിൽ kidney stone ഉണ്ടാക്കാം. എന്തിനധികം പറയുന്നു മലയാളികളുടെ പ്രധാന ഭക്ഷണമായ അരിയിൽ inorganic arsenic ഉണ്ട്. അത് മരണം വരെ ഉണ്ടാക്കുന്ന ഒരു രാസഘടകമാണ്. പറഞ്ഞു വരുന്നത് ഇത്തരം ശാസ്ത്രീയ പഠനങ്ങൾ വിശ്വസിക്കുന്നവർക്ക് രാവിലെ എഴുന്നേറ്റാൽ ഒരു പിടി അലോപ്പതി മരുന്നുകൾ മാത്രമേ കഴിക്കാൻ പറ്റുകയുള്ളു വേറെ ഒന്നും തന്നെ കഴിക്കാൻ പറ്റുകയില്ല.
ഈ ശാസ്ത്രവാദക്കാരുടെ മറ്റൊരാരോപണം മഞ്ഞൾ അധികം കഴിച്ചാൽ രക്തം കട്ട പിടിക്കാത്ത അവസ്ഥ വരുമെന്നതാണ്. മഞ്ഞൾ അധികം കഴിക്കാൻ ആയുർവേദത്തിൽ എവിടെയും പറയുന്നില്ല. അതുപയോഗിക്കുന്ന രീതിയും വെറുതെ ഒരു ടീസ്പൂൺ പൊടി എടുത്ത് വെള്ളത്തിൽ കലത്തി കുടിക്കുന്നതല്ല. അതുപയോഗിക്കേണ്ട വിവിധ രീതികളുണ്ട്. അതും രോഗിയുടെ ശരീര ഘടന അനുസരിച്ച് വ്യത്യാസപ്പെട്ടിരിക്കും. ഇന്ന് YouTube, Facebook വീഡിയോകളിലൂടെ പച്ചമരുന്നുകളെ പറ്റി ഉപദേശം കൊടുക്കുന്നവരെല്ലാം ആയുർവേദ ഡോക്ടർമാരാണെന്നും അതാണ് ആയുർവേദശാസ്ത്രമെന്നും നിങ്ങൾ തെറ്റിദ്ധരിക്കരുത്. നെല്ലിക്ക നല്ലതാണെന്ന് വെച്ച് എല്ലാവരോടും നെല്ലിക്ക കഴിക്കാൻ ആയുർവേദം ഉപദേശിക്കുന്നില്ല. അമുക്കുരം( അശ്വഗന്ധ) ഒരുപാട് ഗുണമുള്ള ഒരൗഷധമാണ്. അതുകൊണ്ട് അതെല്ലാവരും കഴിക്കാൻ ആയുർവേദം പറയുന്നില്ല. ആയുർവേദമെന്നത് കുറച്ച് പച്ചമരുന്നുകളെപ്പറ്റി മാത്രം പറഞ്ഞ ഒരു ശാസ്ത്രമല്ല. അത് ഒരുപാട് സിദ്ധാന്തങ്ങളെ അടിസ്ഥാനമാക്കി പ്രവർത്തിക്കുന്ന ഒരു ശാസ്ത്രമാണ്.
ഇത്തരം വീഡിയോകളിൽ വന്ന മറ്റൊരാരോപണം ആയുർവേദക്കാർ രോഗമെന്താണെന്നറിയാതെയാണ് മരുന്ന് കൊടുക്കുന്നതെന്നാണ്. അലോപ്പതിയുടെയും ആയുർവേദത്തിന്റെയും രോഗ നിർണ്ണയരീതികളും ചികിസ്താ സിദ്ധാന്തങ്ങളും പൂർണ്ണമായും വ്യത്യസ്തമാണ്. ആധുനിക ശാസ്ത്രം കെമിക്കലുകളെ അടിസ്ഥാനമാക്കിയിട്ടുള്ളതാണെങ്കിൽ ആയുർവേദം ഗുണ കർമ്മ വികല്പസിദ്ധാന്തത്തേയും ത്രിദോഷ സിദ്ധാന്തത്തേയും അടിസ്ഥാനമാക്കിയുള്ളതാണ്. ഞങ്ങളുടെ ശാസ്ത്രം സായിപ്പിന്റെ ശാസ്ത്രമാണ് അതുകൊണ്ട് ഞങ്ങളുടെ ശാസ്ത്രത്തിന്റെ രീതിയിൽ വിശദീകരിച്ചാൽ മാത്രമേ അത് ഞങ്ങൾ അംഗീകരിക്കുകയുള്ളു, അല്ലാത്തതെല്ലാം അശാസ്ത്രീയമാണെന്ന് കരുതുന്നത് മൂഢത്വമാണ്. ആയുർവേദം ഒരു കപട ശാസ്ത്രമാണെന്ന് പറയുന്ന ഇവർ ആയൂർവേദത്തിലും ചൈനീസ്, ആഫ്രിക്കൻ പാരമ്പര്യ വൈദ്യങ്ങളിലും ഉപയോഗിക്കുന്ന ഔഷധങ്ങളിൽ പഠനം നടത്തി ആ ഔഷധങ്ങളിലെ active principle എടുത്ത് ഔഷധങ്ങൾ ഉല്പാദിപ്പിക്കുന്നു എന്നത് വിരോധാഭാസമല്ലെ? 1980 മുതൽ ഇങ്ങോട്ട് approval കിട്ടിയിട്ടുള്ള allopathic antitumour drugs ൽ പകുതിയിലേറെ മരുന്നുകളും ചെടികളിൽ നിന്നും ഉണ്ടാക്കിയതാണ്.

NB: യുവ ആയുരോപതി ഡോക്ടർമാരോട്
ഒരു ശാസ്ത്രം നശിപ്പിക്കാൻ ഏറ്റവും ആദ്യം വേണ്ടത് അതിന്റെ ഭാഷ നശിപ്പിക്കുക എന്നതാണ്. ആയുർവേദത്തിന്റെ ഭാഷ ഗുണകർമ്മ സിദ്ധാന്തമാണ്. അത് കെമിക്കലുകളെ വെച്ച് വിവരിക്കാൻ പറ്റുന്നതല്ല. വില്വാദി ഗുളിക antiviral എന്നും ചന്ദ്രപ്രഭ ഗുളിക diuretic എന്നും നിങ്ങൾ പറയുമ്പോൾ അത് പരോക്ഷമായി ആയുർവേദത്തിന്റെ ശവക്കല്ലറ പണിയുകയാണ്?