CHC Pazhayannur

22/01/2024

14/11/2021

പഴയന്നൂർ ബ്ലോക്ക് പഞ്ചായത്തിന്റെ 2020-21 വാർഷിക പദ്ധതിയിൽ നിന്നും 22.63 ലക്ഷം വകയിരുത്തി പൂർത്തീകരിച്ച 𝗫- 𝗥𝗮𝘆 𝗨𝗻𝗶𝘁 ന്റെ ഉദ്ഘാടനം മന്ത്രി കെ. രാധാകൃഷ്ണൻ നിർവഹിച്ചു. പഴയന്നൂർ ബ്ലോക്ക് പഞ്ചായത്ത് പ്രസിഡന്റ് കെ. എം അഷറഫ് അധ്യക്ഷത വഹിച്ചു.

14/11/2021

𝗪𝗼𝗿𝗹𝗱 𝗗𝗶𝗮𝗯𝗲𝘁𝘀 𝗱𝗮𝘆.
𝗡𝗼𝘃𝗲𝗺𝗯𝗲𝗿 𝟭𝟰

A message by our honourable Health Minister.

ഇന്ന് ലോക പ്രമേഹ ദിനം. 'പ്രമേഹ പരിരക്ഷയ്ക്കുള്ള പ്രാപ്യത ഇപ്പോഴല്ലെങ്കില്‍ എപ്പോള്‍' എന്നതാണ് ഈ വര്‍ഷത്തെ പ്രമേഹ ദിന സന്ദേശം. പ്രമേഹം കണ്ടെത്തുന്നതിനും കണ്ടെത്തിക്കഴിഞ്ഞാല്‍ ചികിത്സിക്കുന്നതിനും ജനങ്ങള്‍ക്ക് ഇന്‍സുലിന്‍ ഉള്‍പ്പെടെയുള്ള മരുന്നുകള്‍ ലഭ്യമാക്കുന്നതിനും ആരോഗ്യരംഗം സജ്ജമാക്കുക എന്നതാണ് ഈ സന്ദേശം കൊണ്ട് ഉദ്ദേശിക്കുന്നത്.

കേരളത്തില്‍ ഇതിന് മുമ്പ് നടന്ന പഠനങ്ങളില്‍ പ്രമേഹ രോഗം വര്‍ധിച്ചു വരുന്നതായാണ് കണക്കുകള്‍ സൂചിപ്പിക്കുന്നത്. ഐ.സി.എം.ആറും ഇന്ത്യന്‍ ഇന്‍സ്റ്റിറ്റിയൂട്ട് ഓഫ് ഡയബറ്റീസും ചേര്‍ന്ന് നടത്തിയ പഠനത്തില്‍ കേരളത്തിലെ 35 ശതമാനത്തോളം പേര്‍ക്ക് പ്രമേഹം ഉണ്ടെന്നാണ് കണ്ടെത്തിയിരിക്കുന്നത്.

ഈ സ്ഥിതിവിശേഷത്തെ ഫലപ്രദമായി നേരിടുന്നതിനും ചികിത്സിക്കുന്നതിനും സംസ്ഥാന ആരോഗ്യവകുപ്പ് അമൃതം ആരോഗ്യം, നയനാമൃതം, പാദസ്പര്‍ശം തുടങ്ങിയ നിരവധി പദ്ധികളാണ് നടപ്പിലാക്കി വരുന്നത്. അമൃതം ആരോഗ്യം പദ്ധതിയിലൂടെ കുടുംബാരോഗ്യ കേന്ദ്രങ്ങള്‍ മുതലുള്ള എല്ലാ ആശുപത്രികളിലും ജീവിതശൈലി രോഗനിര്‍ണയ ക്ലിനിക്കുകള്‍ പ്രവര്‍ത്തിച്ചു വരുന്നു. 30 വയസിന് മുകളില്‍ പ്രായമുള്ള എല്ലാ ജനങ്ങളെയും ജീവിതശൈലി രോഗങ്ങള്‍ക്കായി സ്‌ക്രീനിങ് നടത്തുക, രോഗം കണ്ടെത്തുന്നവര്‍ക്ക് ചികിത്സ നല്‍കുക, ഇന്‍സുലിന്‍ ഉള്‍പ്പെടെയുള്ള മരുന്നുകള്‍ സൗജന്യമായി നല്‍കുക എന്നതാണ് ഈ പദ്ധതി കൊണ്ട് ഉദ്ദേശിച്ചിരിക്കുന്നത്. ഈ പദ്ധതിയിലൂടെ ഏകദേശം 1.27 കോടിയോളം ജനങ്ങളെ ഈ പദ്ധതിയുടെ കീഴില്‍ സ്‌ക്രീനിങ് നടത്തുകയും ഒമ്പത് ലക്ഷത്തോളം പ്രമേഹ രോഗികളെ കണ്ടെത്തുകയും ചെയ്തിട്ടുണ്ട്. ഈ രോഗികള്‍ക്കെല്ലാം മതിയായ ചികിത്സ നല്‍കുന്നതിനും അമൃതം ആരോഗ്യം പദ്ധതിയിലൂടെ സാധ്യമായിട്ടുണ്ട്.

ചിട്ടയായ വ്യായമാത്തിലൂടെയും ആഹാര നിയന്ത്രണത്തിലൂടെയും പ്രമേഹത്തെ ഒരു പരിധിവരെ പ്രതിരോധിക്കാന്‍ സാധിക്കും. രോഗനിര്‍ണയത്തിലെ കാലതാമസമാണ് പ്രമേഹ രോഗത്തെ സങ്കീര്‍ണമാക്കുന്നത്. അതിനാല്‍ 30 വയസ് കഴിഞ്ഞ എല്ലാവരും പരിശോധന നടത്തി പ്രമേഹമോ മറ്റ് ജീവിതശൈലീ രോഗങ്ങളോ ഇല്ലെന്ന് ഉറപ്പ് വരുത്തണം. ഇനി രോഗം കണ്ടെത്തിയാല്‍ കൃത്യമായ ചികിത്സ തേടണം.

13/11/2021

"ന്യുമോണിയ തടയാം; ഓരോ ശ്വാസവും വിലപ്പെട്ടത്....!"

𝗪𝗼𝗿𝗹𝗱 𝗽𝗻𝗲𝘂𝗺𝗼𝗻𝗶𝗮 𝗗𝗮𝘆
𝗡𝗼𝘃𝗲𝗺𝗯𝗲𝗿 𝟭𝟮

ന്യൂമോണിയയ്‌ക്കെതിരെ സംസ്ഥാനത്ത് സാന്‍സ് (SAANS) പദ്ധതി നടപ്പിലാക്കും. ഈ മാസം ആരംഭിച്ച് ഫെബ്രുവരി മാസം വരെ നീണ്ടുനില്‍ക്കുന്ന വിപുലമായ പരിപാടികളാണ് ലക്ഷ്യം വയ്ക്കുന്നത്. ന്യൂമോണിയയെ കുറിച്ചുള്ള അവബോധം വര്‍ധിപ്പിക്കുക, എത്രയും വേഗം ചികിത്സ ലഭ്യമാക്കുക, പരിശീലനം നല്‍കുക, ഫീല്‍ഡ്തല ജീവനക്കാരെ സജ്ജമാക്കുക എന്നിവയാണ് ലക്ഷ്യമിടുന്നത്. പലപ്പോഴും താമസിച്ച് ചികിത്സ തേടുന്നതാണ് ന്യൂമോണിയ മരണങ്ങള്‍ക്ക് കാരണമാകുന്നത്. അതിനാല്‍ തന്നെ എത്രയും നേരത്തെ ചികിത്സ തേടേണ്ടതാണ്.

'ന്യൂമോണിയ തടയാം ഓരോ ശ്വാസവും വിലപ്പെട്ടത്' എന്നതാണ് ഈ വര്‍ഷത്തെ ന്യൂമോണിയ ദിന സന്ദേശം. അണുബാധ കാരണം ഏറ്റവുമധികം പേരെ മരണത്തിലേക്ക് നയിക്കുന്ന രോഗമാണ് ന്യൂമോണിയ. കൂട്ടികളേയും പ്രായമായവരേയുമാണ് ഈ രോഗം കൂടുതലായി ബാധിക്കുന്നത്. ന്യൂമോണിയ തടയാനായി നിരവധി പ്രവര്‍ത്തനങ്ങളാണ് സംസ്ഥാനത്ത് നടന്നു വരുന്നത്. കുട്ടികളിലെ ന്യൂമോകോക്കല്‍ ന്യൂമോണിയ തടയാന്‍ ന്യൂമോകോക്കല്‍ കോണ്‍ജുഗേറ്റ് വാക്‌സിന്‍ നല്‍കി വരുന്നു. ഇപ്പോള്‍ ഈ വാക്‌സിന്‍ എല്ലായിടത്തും ലഭ്യമാക്കിയിട്ടുണ്ട്.

എന്താണ് ന്യൂമോണിയ?

അണുബാധ നിമിത്തം ശ്വാസകോശത്തില്‍ നീര്‍ക്കെട്ടുണ്ടാകുകയും അത് ശ്വാസകോശത്തിന്റെ പ്രവര്‍ത്തനത്തെ ബാധിക്കുകയും ചെയ്യുന്ന അവസ്ഥയാണ് ന്യൂമോണിയ. ലക്ഷണങ്ങള്‍ ഒന്നും ഇല്ലാതെയോ ഗുരുതരമല്ലാത്ത ലക്ഷണങ്ങളോടു കൂടിയോ ന്യൂമോണിയ പ്രത്യക്ഷപ്പെടാം. വിവിധ തരത്തിലുള്ള ബാക്ടീരിയ, വൈറസ് തുടങ്ങിയ സൂക്ഷ്മാണുക്കളാണ് ന്യൂമോണിയക്ക് കാരണമാകുന്നത്.

ആര്‍ക്കൊക്കെ ന്യൂമോണിയ വരാം

ആര്‍ക്കു വേണമെങ്കിലും ന്യൂമോണിയ വരാമെങ്കിലും 5 വയസിന് താഴെയുള്ള കുട്ടികളേയും പ്രായമായവരേയും സി.ഒ.പി.ഡി, പ്രമേഹം, ഹൃദ്രോഗം, മറ്റ് ഗുരുതര രോഗങ്ങള്‍ ഉള്ളവരേയും പ്രതിരോധശേഷി കുറഞ്ഞവരേയുമാണ് കൂടുതലും ബാധിക്കുന്നത്.

ന്യൂമോണിയ വരാന്‍ പ്രധാന കാരണം

ന്യൂമോണിയ വരുന്നതിനുള്ള ഒരു പ്രധാന കാരണമാണ് വായു മലിനീകരണം. 5 വയസിന് താഴെ പ്രായമുള്ള കുട്ടികളില്‍ ജനനസമയത്തെ ഭാരക്കുറവും, മാസം തികയാതെയുള്ള ജനനവും ന്യൂമോണിയ്ക്കും അതു മൂലമുള്ള മരണത്തിനും സാധ്യത ഉണ്ടാക്കുന്നു.

രോഗലക്ഷണങ്ങള്‍

ശ്വാസോച്ഛ്വാസത്തിനുള്ള ബുദ്ധിമുട്ട്, നെഞ്ചുവേദന, കഫത്തോടുകൂടിയ ചുമ, പനി, വിയര്‍ക്കല്‍, വിറയല്‍, ക്ഷീണവും സ്ഥലകാലബോധമില്ലായ്മയും (പ്രത്യേകിച്ച് പ്രായമായവരില്‍) എന്നിവയാണ് ന്യൂമോണിയയുടെ പ്രധാന ലക്ഷണങ്ങള്‍.

ന്യൂമോണിയ ശ്വാസകോശത്തെ മാത്രമല്ല ബാധിക്കുന്നത്. അത് രക്തത്തില്‍ അണുബാധയുണ്ടാകാനും ശ്വസന പ്രശ്‌നങ്ങള്‍ക്കും ശ്വാസകോശാവരണത്തിലെ നീര്‍ക്കെട്ടിനും ഹൃദ്രോഗത്തിനും കാരണമാകുന്നു. ന്യൂമോണിയ ബാധിച്ച് യഥാസമയം ചികിത്സ തേടിയില്ലെങ്കില്‍ 48 മണിക്കൂറിനുള്ളില്‍ മരണം സംഭവിച്ചേക്കാം. അതിനാല്‍ തന്നെ ആരംഭത്തിലെ വിദഗ്ധ ചികിത്സ ലഭ്യമാക്കിയാല്‍ ജീവന്‍ രക്ഷിക്കാന്‍ സാധിക്കും.

12/11/2021

കാത്തിരിപ്പിന് വിരാമമാകുന്നു......! പഴയന്നൂർ സാമൂഹികാരോഗ്യ കേന്ദ്രത്തിൽ ആധുനിക സൌകര്യങ്ങളോട് കൂടെ 𝗫 - 𝗥𝗮𝘆 𝗨𝗻𝗶𝘁 (computerised) പ്രവർത്തനമാരംഭിക്കുന്നു.

ബഹുമാനപ്പെട്ട സ്ഥലം 𝗠𝗟𝗔 യും ദേവസ്വ൦, പിന്നോക്ക ക്ഷേമം, പട്ടിക ജാതി- പട്ടിക വർഗ വികസന വകുപ്പ് മന്ത്രി യും ആയ കെ. രാധാകൃഷ്ണൻ ഈ വരുന്ന നവംബർ 14 ന്, ഞായറാഴാച്ച ഉദ്ഘാടനം നിർവഹിക്കുന്നു .

10/11/2021

ഹൃദയസ്തംഭനം വരാവുന്നത് ആർക്കൊക്കെ.....?
𝗪𝗮𝘁𝗰𝗵 𝗼𝘂𝘁.

09/11/2021

സംസ്ഥാനത്തെ വിദ്യാലയങ്ങൾ തുറന്നു പ്രവർത്തിച്ചു തുടങ്ങി. വിദ്യാർത്ഥികളും രക്ഷിതാക്കളും അധ്യാപകരും കരുതലോടെ മുന്നോട്ട് പോവുക.
#𝗕𝗿𝗲𝗮𝗸𝘁𝗵𝗲𝗰𝗵𝗮𝗶𝗻.

08/11/2021

പ്രകാശത്തിന്റ കിരണങ്ങൾ

നവംബർ-8 2021
ലോക റേഡിയോളജി ദിനം ആയി ലോകമെങ്ങും ആഘോഷിക്കുകയാണ്..

ഈ വർഷത്തെ സന്ദേശം "𝗜𝗻𝘁𝗲𝗿𝘃𝗲𝗻𝘁𝗶𝗼𝗻𝗮𝗹 𝗿𝗮𝗱𝗶𝗼𝗹𝗼𝗴𝘆- 𝗔𝗰𝘁𝗶𝘃𝗲 𝗰𝗮𝗿𝗲 𝗳𝗼𝗿 𝘁𝗵𝗲 𝗽𝗮𝘁𝗶𝗲𝗻𝘁"(കൃത്യമായ രോഗ നിർണയത്തിനും, ചികിത്സക്കും റേഡിയോളജി ഉപയോഗപ്പെടുത്തുക) എന്നതാണ്.

വിൽഹം കൊണാഡ് റൊന്റജൻ എന്ന ജർമൻ ശാസ്ത്രജ്ഞൻ 1895 നവംബർ 8 നു വൈകുന്നേരം ,അദ്ദേഹത്തിന്റെ പരീക്ഷണശാലയിൽ (പ്രകാശം കടക്കാത്ത മുറിയിൽ )വൈദ്യതിയുടെ സഞ്ചാര പാതയെക്കുറിച്ചു മർദംകുറഞ്ഞ സൂക്ഷ്മമായ ഒരു കുഴലിലൂടെ നിരീക്ഷിക്കുകയായിരുന്നു. അതിനോട് ചേർത്ത് വച്ച ഒരു പേപ്പറിൽ (ബേരിയം പ്ലാറ്റിനോ സയനൈഡ്) ലഭിച്ച ഫ്ലൂറോസെന്റ് ചിത്രങ്ങൾ അദ്ദേഹത്തെ അത്ഭുതപെടുത്തി.പിന്നീട് പല പരീക്ഷണങ്ങൾ തുടരുകയും അതേതുടർന്നു അദ്ദേഹത്തിന്റെ ഭാര്യയുടെ കൈപ്പത്തിയുടെ രൂപം കണ്ടെത്തുകയും ചെയ്തു ആദ്യത്തെ എക്സ്- റേ അല്ലെങ്കിൽ റൊന്റാജനോഗ്രാം എന്ന് അവ അറിയപ്പെട്ടു.1901 നു ഭൗതിക ശാസ്ത്രത്തിനുള്ള നോബൽ പ്രൈസ് അടക്കമുള്ള നിരവധി പുരസ്‌കാരങ്ങൾക് ഈ മഹത്തായ കണ്ടുപിടിത്തം കാരണം ആയി.
1845 മാർച്ച്‌ 25 നു ജർമനി യിൽ ജനിച്ച അദ്ദേഹം 1910 ഫെബ്രുവരി 10 നു വൻ കുടലിൽ അർബുദബാധയെതുടർന്ന് മരണത്തിന് കീഴടങ്ങുമ്പോൾ തന്റെ ജീവിതം തന്നെ ശാസ്ത്രലോകത്തിനു സംഭാവന ചെയ്തു കൊണ്ട് മഹത്തായ എക്സ് കിരണത്തെയും ലോകത്തിനു സമ്മാനിക്കുകയുo ചെയ്തു അനശ്വരമായ ആ ജീവിതം കൊണ്ട് അനേകായിരം സംഭാവനകൾ ശാസ്ത്രലോകത്തിനു ലഭിക്കുകയായുണ്ടായി

റേഡിയോളജി എന്ന ശാസ്ത്ര ശാഖ യുടെ വളർച്ചക്കും അനവധി ഉപകരണങ്ങളുടെ കണ്ടുപിടിത്തിങ്ങൾക്കും വഴിതുറക്കാൻ ഇത് സഹായകമായി

നഗ്നനേത്രങ്ങളാൽ കാണാൻ കഴിയാത്ത ശബ്ദമില്ലാത്തതും രൂപമില്ലാത്തതും സ്പർശിക്കാൻ കഴിയാത്തതുമായ അദൃശ്യ കിരണങ്ങൾ എന്ന അർത്ഥത്തിൽ നിന്ന് അവയെ എക്സ് -റേ എന്ന് ചുരുക്കി വിളിക്കാo.

വൈദ്യ ശാസ്ത്ര രംഗത്തെ എക്കാലത്തെയും വലിയ സംഭനകളിൽ ഒന്നായ് എന്നും ഇവ അറിയപ്പെടും. ശരീരത്തിലെ എല്ലുകളുട ഘടന, സ്ഥാനം, ഒടിവ്, ഓരോ അവയവങ്ങളുടെയും സ്ഥാനം, വലിപ്പം, എന്ന് തുടങ്ങി ഏത് രോഗങ്ങളുടെയും നിർണയത്തിന് അനിവാര്യ ഘടകമാണ് ഈ സൂക്ഷ്മകിരണങ്ങൾ.
റേഡിയോ ഡയഗ്നോസിസ് എന്ന രോഗനിർണയ വിഭാഗത്തിലും റേഡിയോതെറാപ്പി, (അർബുദത്തിനു റേഡിയേഷൻ നൽകുന്ന ചികിത്സ )ന്യൂക്ലിയർ മെഡിസിൻ എന്നീ രോഗനിർണയ ചികിത്സ വിഭാഗത്തിലും എക്സ് -റേ ഉപയോഗിക്കുന്നുണ്ട്

റേഡിയോളജി വിഭാഗത്തിലെ സിടി സ്കാൻ യന്ത്രം എക്സ്- റേ ഉപയോഗിച്ചാണ് പ്രവർത്തിക്കുന്നത് . ആന്തരിക അവയവങ്ങളുടെ തൃമാന ചിത്രങ്ങൾ ഉൾപ്പെടെ, അപകടം മൂലമുണ്ടാകുന്ന മസ്തിഷ്ക ക്ഷതങ്ങൾ, രക്തസ്രാവം, എല്ലുകളുടെ ഒടിവ്, ശ്വാസകോശ രോഗ നിർണയം, ശരീരത്തിനുള്ളിലെ മുഴകൾ തുടങ്ങി അനേകം രോഗനിർണയങ്ങൾക് സിടി സ്കാൻ ഉപയോഗിക്കുന്നുണ്ട്

2019 ൽ കോവിഡ് 19 മഹാമാരി പൊട്ടിപുറപ്പെട്ട നാൾ മുതൽ കോവിഡ് ചികിത്സ രോഗനിർണയ ഉപാധികളിൽ ഒന്നായ് എക്സ് റേ യും സിടി സ്കാനും ഉപയോഗിച്ച് വരുന്നു.ശ്വാസകോശ രോഗ നിർണയത്തിനു ചെസ്റ്റ് എക്സ് റേ, അതി സൂക്ഷ്മ പരിശോധനക്കായ് എച് ആർ സിടി ചെസ്റ്റ് ഉം ഉപയോഗത്തിലുണ്ട്. ഇത് കൂടാതെ അൾട്രാസോണോഗ്രാഫി, എം ആർ ഐ സ്കാനിങ്എന്നിവയും റേഡിയോളജി വിഭാഗത്തിലെ രോഗനിർണയത്തിന് ഉപയോഗിക്കുന്ന ഉപകരണങ്ങളാണ്. അനുദിനം വളർന്നു കൊണ്ടിരിക്കുകയും അതി നൂതനസാങ്കേതിക വിദ്യ ഉപയോഗിച്ച് പ്രവർത്തിക്കുന്ന ഉപകരണങ്ങളുടെ (ആർട്ടിഫിഷ്യൽ ഇന്റലിജിൻസ് )ആവിർഭാവവും റേഡിയോളജി എന്ന ശാസ്ത്ര ശാഖ യെ വൈദ്യ ശാസ്ത്ര രംഗത്ത് ഒഴിച്ചു കൂടാനാകാത്ത വിഭാഗമാക്കി മാറ്റുകയും ചെയ്തു.
ഇതിനെല്ലാം കാരണമായ ആ മഹത്തായ വിപ്ലവത്തിന്റെ 126 ആം വാർഷികം ഈ വരുന്ന നവംബർ 8നു ലോക റേഡിയോളജി ദിനം ആയി ആഘോഷിക്കുകയാണ്.
മാറ്റങ്ങൾക് കാരണമായ പ്രകാശത്തിന്റെ സൂക്ഷ്മ കിരണങ്ങൾക്, അതിന്റെ സൃഷ്ടാവിനു അതിലുപരി അനേകായിരം പേർക് ജീവിതവും തൊഴിലും ആയുസും ആരോഗ്യവും പ്രധാനം ചെയ്യുവാനും മനുഷ്യ രാശിയുടെ ആരോഗ്യ സേവന രംഗത്തെ എക്കാലത്തും മറക്കാനാകാത്ത ആ പ്രതിഭ ക്കു മുന്നിൽ ,അദൃശ്യമായ പ്രകാശത്തിന്റെ ആ കിരണങ്ങൾക്ക് .......മുന്നിൽ കൃതഞ്ഞതയോടെ ഈ ദിനത്തിന്റെ ആശംസകൾ നേരുന്നു.

പഴയന്നൂർ ആശുപത്രിയിൽ ഏവരും കാത്തിരിക്കുന്ന പുതിയ 𝗫- 𝗥𝗮𝘆 𝗨𝗻𝗶𝘁 ൽ റേഡിയോളജി ദിന ആചരണം നടന്നപ്പോൾ........!
പുതിയ കെട്ടിടത്തിന്റെ ഉദ്ഘാടനത്തിനു ശേഷം രോഗികൾക്ക് ഈ സൌകര്യം ഉപയോഗപ്പെടപത്താവുന്നതാണ്.

01/11/2021

ഏവ൪ക്കു൦ കേരളപിറവി ആശംസകൾ......!

28/10/2021

ഡോക്ടർ എം. കൃഷ്ണൻ നായർക്ക് ആദരാഞ്ജലികൾ....... 🌹

ഇന്ത്യയിലെ തന്നെ പ്രശസ്ത അർബുദ രോഗ വിദഗ്ധനു൦ തിരുവനന്തപുരം റീജിയണൽ കാൻസർ സെന്റർ സ്ഥാപക മേധാവിയുമായ ഡോക്ടർ എം കൃഷ്ണൻ നായർ അന്തരിച്ചു. ലോകാരോഗ്യ സംഘടനുയുടെ അർബുദ രോഗത്തിന്റെ വിദഗ്ധ സമിതിയിൽ ഇന്ത്യയിൽ നിന്നുള്ള ഏക അംഗമായിരുന്നു. 2001 ൽ രാജ്യം പത്മശ്രീ പുരസ്‌കാരം നൽകി ആദരിച്ചിട്ടുണ്ട്.