Life Vision

25/08/2025

രണ്ടാം ക്ലാസ്സ് വിദ്യാർത്ഥി മരണപ്പെട്ടു.

ഹനീഫ ഇയ്യം മടക്കൽ
ചെരക്കാപറമ്പ്:25/08/2025
ചെരക്കാപറമ്പ് വലിയവീട്ടിൽ പടിയിലെ പച്ചാടൻ വിജീഷ് - ശ്രീജ ദമ്പതികളുടെ മകൻ ധ്യാൻ ആദിത് (6 വയസ്സ് ) മരണപ്പെട്ടു.
ചെരക്കാപറമ്പ് എ എം എൽ പി ഈസ്റ്റ്‌ സ്കൂളിലെ രണ്ടാം ക്ലാസ് വിദ്യാർത്ഥിയാണ്. ചികിത്സയിൽ ആയിരിക്കെ ഇന്നലെ രാത്രി 9:30 ന് ആണ് മരണപ്പെട്ടത്.രണ്ട് മക്കളിൽ ആദ്യത്തെ കുട്ടിയാണ് ധ്യാൻ ആദിത്.
സംസ്കാര ചടങ്ങുകൾ ഇന്ന് രാവിലെ 10 മണിക്ക് ആരംഭിക്കും.

07/08/2025

പെരിന്തൽമണ്ണ മണ്ണാര്‍മലയില്‍ ആറാമതും പുലിയിറങ്ങി.

ഹനീഫ ഇയ്യം മടക്കൽ 07/08/2025.

പെരിന്തല്‍മണ്ണ: നാട്ടുകാര്‍ സ്ഥാപിച്ച നിരീക്ഷണ ക്യാമറയില്‍ നടന്നു നീങ്ങുന്ന പുലിയുടെ ദൃശ്യം വീണ്ടും പതിഞ്ഞു.
ഇത് ആറാം തവണയാണ് പുലി സിസിടിവി ക്യാമറയിൽ പതിയുന്നത്.
കൊടിക്കുത്തി മലയുടെ സമീപത്തുള്ള ചെറിയ കാടുകളോടുകൂടിയ ജനവാസമേഖലയോട് ചേര്‍ന്ന് കിടക്കുന്ന ഭാഗത്താണ് പുലി ഇറങ്ങിയതായി സ്ഥിരീകരിച്ചിരിക്കുന്നത്. പതിവായി ഇവിടെ പുലിയെ കാണാറുണ്ടെന്ന് നാട്ടുകാര്‍ പറയുന്നു. പട്ടിക്കാട് റെയില്‍വേ സ്റ്റേഷന് സമീപത്തായി പുലിയെ കണ്ടിരുന്നുവെന്നും നാട്ടുകാര്‍ പറയുന്നു. ഈ സാഹചര്യത്തിലാണ് നാട്ടുകാർ തന്നെ നിരീക്ഷണ ക്യാമറ
സ്ഥാപിച്ചത്.
വനം വകുപ്പ് കൂടൊരുക്കിയിട്ടും പുലിയെ പിടികൂടാൻ കഴിയാത്തതിൽ വനം വകുപ്പിനെതിരെ ജനരോക്ഷമുണ്ട്. കൂട് മാറ്റി സ്ഥാപിക്കുന്നത് ഉള്‍പ്പടെയുള്ള നടപടികളിലേക്ക് നീങ്ങണമെന്നാണ് നാട്ടുകാരുടെ ആവശ്യം.
ജനവാസ മേഖല ആയതിനാൽ ജനങ്ങൾ പരിഭ്രാന്തിയിലാണ്, മുമ്പ് പുലി ബൈക്ക് യാത്രക്കാരന്റെ മുൻപിൽ ചാടി അപകടം സംഭവിച്ചിരുന്നു.വിദ്യാർഥികളുടെയും യാത്രക്കാരുടെയും പേടി സ്വപ്നമാണ് ഈ മേഖല.

06/08/2025

OLA നിങ്ങൾ അറിയേണ്ട കാര്യങ്ങൾ

05/08/2025

🚨emerjency news 🚨

🛑മലപ്പുറം, തിരൂർക്കാട്ലെ ഒരു പ്രിയ സഹോദരന്റെ ജീവൻ അപകടത്തിലാണ്. വീഡിയോയിൽ കൊടുത്ത QR കോഡ് സ്കാൻ ചെയ്‌തോ,നേരിട്ട് അക്കൗണ്ടിലേക്കോ അയക്കാൻ ശ്രമിക്കണേ. നിങ്ങളുടെ ഓരോ സഹായവും ഈ സഹോദരന്റെ ജീവൻ രക്ഷിക്കാൻ അത്രയും വിലപ്പെട്ടതാണ്. ഈ വിവരം എല്ലാവരിലേക്കും ഒന്ന് ഷെയർ ചെയ്തു എത്തിക്കാൻ ഒന്ന് കരുണയുണ്ടാവാണേ!

02/08/2025

പെരിന്തൽമണ്ണയിൽ യുവതിയെ കൂട്ട ബലാത്സംഗത്തിന് ഇരയാക്കി

പെരിന്തൽമണ്ണയിൽ യുവതിയെ കൂട്ട ബലാത്സംഗത്തിന് ഇരയാക്കിയതായി പരാതി.
ആറുപേരെ പോലീസ് അറസ്റ്റ് ചെയ്തു. ജയിലിൽ ഉള്ള ഭർത്താവിന് ജാമ്യം എടുത്തു നൽകാമെന്ന് പറഞാണ് യുവതിയെ ലോഡ്ജിൽ എത്തിച്ച് കൂട്ട ബലാത്സംഗത്തിന് ഇരയാക്കിയത്. ജൂലൈ 25നാണ് സംഭവം. മണ്ണാർക്കാട് സ്വദേശിയായ രാമചന്ദ്രൻ, തിരൂർ സ്വദേശി റയ്യാൻ, കൊപ്പം സ്വദേശി സുലൈമാൻ, ഏലംകുളം സ്വദേശി സൈനുൽ ആബിദ്, വയനാട് സ്വദേശി ജസീല, പള്ളിക്കൽ ബസാർ സ്വദേശി സനൂപ് എന്നിവരാണ് പിടിയിലായത്. ദമ്പതിമാരായ ജസീലയും സനൂപും ലോഡ്ജ് ഉടമയായ രാമചന്ദ്രനും ചേർന്ന് ഗൂഢാലോചന നടത്തിയാണ് യുവതിയെ ലോഡ്ജിൽ എത്തിച്ചത്. ശേഷം റയ്യാൻ, സൈനുൽ ആബിദ്,സുലൈമാൻ, രാമചന്ദ്രൻ എന്നിവർ പീഡിപ്പിക്കുകയായിരുന്നു. രാമചന്ദ്രൻ മറ്റുള്ളവരിൽ നിന്ന് പണം ഈടാക്കുകയും ചെയ്തിരുന്നു. എന്നാണ് പോലീസ് പറയുന്നത്.

WhatsApp Group Invite

01/08/2025

മത്സ്യകൃഷി വിളവെടുപ്പ് ഉത്സവമായി.

ചെരക്കാപറമ്പ് ഡോൾഫിൻ അക്വാ ഫാമിലെ മത്സ്യകൃഷി വിളവെടുപ്പ് അങ്ങാടിപ്പുറം ഗ്രാമപഞ്ചായത്ത് പ്രസിഡണ്ട് സഈദ ടീച്ചർ ഉദ്ഘാടനം ചെയ്തു. ചടങ്ങിൽ പഞ്ചായത്ത് ആരോഗ്യ, സ്റ്റാൻഡിങ് കമ്മറ്റി ചെയർപേഴ്സൺ ശ്രീമതി ഫൗസിയ തവളങ്ങൽ, മലപ്പുറം ഫിഷറീസ് ഡിപ്പാർട്ട്മെന്റ് അസിസ്റ്റന്റ് ഡയറക്ടർ ശ്രീമതി ഗ്രേസി കെ പി, നിലമ്പൂർ മത്സ്യഭവൻ ഓഫീസർ ശിഹാബുദ്ദീൻ മച്ചിങ്ങൽ, അബൂ ത്വാഹിർ തങ്ങൾ, ഡോ:ഇ എം ഹനീഫ, സന്തോഷ്‌,പ്രമോട്ടർമാരായ വിനീത, നവാസ്, ഇഖ്‌ബാൽ, എന്നിവരുടെ സാന്നിദ്ധ്യം ഉണ്ടായിരുന്നു.
മത്സ്യകൃഷിയെ കുറിച്ച് അറിയാൻ ചെരക്കാപറമ്പ് എ എം എൽ പി സ്കൂൾ ഈസ്റ്റ്‌ലെ വിദ്യാർഥികളും പിടിഎ മെമ്പർമാരും നാട്ടുകാരും പങ്കെടുത്തു.വിദ്യാർഥികൾ ഗാനം ആലപിച്ചു.ന്യൂതന മത്സ്യ കൃഷിയെ കുറിച്ച് പ്രൊമോട്ടർമാർ വിവരിച്ചു.

29/07/2025

സങ്കീർത്തനയുടെ അമ്മ ബിന്ദു മഞ്ഞപ്പിത്തം ബാധിച്ചു മരണപ്പെട്ടു.

അങ്ങാടിപ്പുറം: ചെരക്കാപറമ്പിലെ ചോലയിൽ പടിക്കൽ സുരയുടെ ഭാര്യ ബിന്ദു (48 വയസ്സ് ) മഞ്ഞപ്പിത്തം ബാധിച്ചു മരണപ്പെട്ടു. മകൾ സങ്കീർത്തനയുടെ കരൾ മാറ്റ ശാസ്ത്രക്രിയക്ക് വേണ്ടി പരിശോധന നടത്തുന്നതിനിടയാണ് ബിന്ദുവിന് മഞ്ഞപ്പിത്തം ഉള്ളതായി കണ്ടെത്തിയത്. എറണാകുളം അമൃത ഹോസ്പിറ്റലിൽ ചികിത്സയിലായിരുന്നു. ലിവർ മാറ്റ ശാസ്ത്രക്രിയക്കുവേണ്ടി തയ്യാർ ആവുന്നതിനിടെയാണ് മരണം സംഭവിച്ചത്. മഞ്ഞപ്പിത്ത ബാധയെ തുടർന്നാണ് മകൾ സങ്കീർത്തനയ്ക്ക് കരൾ മാറ്റ ശാസ്ത്രക്രിയ നടന്നത്. സകീർത്തന സുഖം പ്രാപിച്ചു വരുന്നു. ചെരക്കാപറമ്പിലെ വീട്ടിൽ സംസ്കാര ചടങ്ങുകൾ രാവിലെ 11 മണിക്ക് ആരംഭിക്കും. മക്കൾ: സുബിൻ ലാൽ,സച്ചിൻ ലാൽ, സങ്കീർത്തന.

28/07/2025

ചെരക്കാപറമ്പിൽ വേൾഡ് ഹെപ്പറ്റൈറ്റിസ് ഡേ ആചരിച്ചു.

ലോക മഞ്ഞപ്പിത്ത ദിനാചരണത്തിന്റെ ഭാഗമായി അങ്ങാടിപ്പുറം പഞ്ചായത്തിലെ ചെരക്കാപറമ്പ് 21 വാർഡിൽ ആരോഗ്യ ബോധവൽക്കരണം, ക്ലോറിനേഷൻ നോട്ടീസ് വിതരണം തുടങ്ങിയ പരിപാടികൾ സംഘടിപ്പിച്ചു.അങ്ങാടിപ്പുറം പഞ്ചായത്ത് പ്രസിഡണ്ട് സഈദ ടീച്ചർ ഉദ്ഘാടനം ചെയ്തു. ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ഫൗസിയ തവളേങ്ങൽ അധ്യക്ഷത വഹിച്ചു. ബോധവൽക്കരണ പരിപാടിയിൽ വാർഡ് മെമ്പർ ബഷീർ തൂമ്പാലക്കാടൻ, ഡോ:ഇ എം ഹനീഫ,ജെ എച് ഐ സലീം വി, കൃഷ്‌ണേന്ദു, ബാസിൽ എന്നിവർ സംസാരിച്ചു. പരിപാടിയോടനുബന്ധിച്ച് വീടു തല സന്ദർശനവും ആരോഗ്യ ബോധവൽക്കരണവും കുടിവെള്ള സ്സ്രോതസ്സുകളുടെ ക്ലോറിനേഷനനും നടത്തി . വാർഡിലെ 250 ഓളം വീടുകൾ സന്ദർശിച്ചു. മൗലാന ഫാർമസി കോളേജിലെ വിദ്യാർത്ഥികളുടെ സഹകരണത്തോടെ നടത്തിയ ഈ പരിപാടിക്ക് വാർഡ് മെമ്പർ ബഷീർ തൂമ്പലക്കാടൻ, ആരോഗ്യ പ്രവർത്തകർ ,ആശാ പ്രവർത്തകർ എന്നിവർ നേതൃത്വം നൽകി.

19/07/2025

പറക്കും ജ്വല്ലറി

16/07/2025

Hilights

30/03/2025

May Allah bless you with health, happiness, and prosperity this Eid.

07/03/2025

വിദ്യാസമ്പന്നരായ നമ്മുടെ കുട്ടികൾ എന്ത് കൊണ്ട് നിരന്തരം കുറ്റകൃത്യങ്ങളിൽ ഏർപെടുന്നു? എന്ന തുറന്നു ചിന്തയോടെ പഠനോത്സവം ഉൽഘാടനം ചെയ്തു.