Life Vision

11/12/2025

ചെരക്കാപറമ്പിൽ മികച്ച പോളിംഗ്; ആവേശത്തോടെ വിധി എഴുതാൻ നേരത്തേ ബൂത്തിലെത്തി ജനങ്ങൾ.

*ഹനീഫ ഇയ്യം മടക്കൽ* 11/12/2025

ചെരക്കാപറമ്പിൽ തദ്ദേശ സ്വയംഭരണ സ്ഥാപനങ്ങളിലേക്കുള്ള വോട്ടെടുപ്പ് പൂർത്തിയായി. തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് എന്നീ ഏഴ് ജില്ലകളിലെ വോട്ടർമാരാണ് ഇന്ന് തങ്ങളുടെ സമ്മതിദാനാവകാശം വിനിയോഗിച്ചത്. രാവിലെ 7 മണിക്ക് ആരംഭിച്ച വോട്ടെടുപ്പ് വൈകുന്നേരം 6 മണിക്ക് പൂർത്തിയാക്കി.
ഉച്ചക്ക് മുൻപ് തന്നെ 55 ശതമാനത്തിൽ കൂടുതൽ പോളിംഗ് രേഖപെടുത്തി. ഇരുപത്തി രണ്ടാം വാർഡിൽ 75% വോട്ട് രേഖപെടുത്തി.
സമാധാന പരമായാണ് വോട്ടെടുപ്പ് നടന്നത്.
മറ്റന്നാൾ രാവിലെ 8 മണിക്ക് ആണ് വോട്ടെണ്ണൽ ആരംഭിക്കുന്നത്.

10/12/2025

09/12/2025

*ഉഷാ മന്ദിരത്തിൽ സുലോചന അന്തരിച്ചു*

*ഹനീഫ ഇയ്യം മടക്കൽ* 09/12/2025

ചെരക്കാപറമ്പ് വലിയ വീട്ടിൽപടി ഉഷാ മന്ദിരത്തിൽ സുലോചന അന്തരിച്ചു.86 വയസ്സായിരുന്നു. പരേതനായ സി കെ രാമനുണ്ണി പണിക്കർ ആണ് ഭർത്താവ്. മക്കൾ: അംബിക, അംബാലിക, ഉഷ, ഗോപനുണ്ണി, പരേതനായ ഉണ്ണിക്കുട്ടൻ. മരുമക്കൾ: രാധാകൃഷ്ണൻ (എടക്കര) നാരായണൻ (വള്ളിക്കാപ്പറ്റ) ധന്യ, പരേതനായ രാധാകൃഷ്ണൻ (ചുങ്കത്തറ)
സംസ്കാരം ഇന്ന് വൈകീട്ട് 4 മണിക്ക് നടക്കും.

06/12/2025

പ്രവാസി വ്യവസായിയും അൽ റയാൻ, ജിദ്ദ നാഷണൽ ഹോസ്പ്‌പിറ്റൽ ഗ്രൂപ്പ് ചെയർമാനുമായ വി പി മുഹമ്മദലിയെ അജ്ഞാതർ തട്ടിക്കൊണ്ടുപോയി.
ഇന്ന് വൈകീട്ട് പട്ടാമ്പിയിൽ വെച്ചാണ് സംഭവം.

06/12/2025

*തദ്ദേശ തിരഞ്ഞെടുപ്പ് ദിവസം പൊതു അവധി, ജീവനക്കാർക്ക് ശമ്പളത്തോടു കൂടിയ അവധി*

*LIFE VISION* 06/12/2025

തിരുവനന്തപുരം : തദ്ദേശ തിരഞ്ഞെടുപ്പു ദിവസം വോട്ടു ചെയ്യാൻ ഐടി മേഖലയടക്കമുള്ള സ്വകാര്യ സ്ഥാപനങ്ങൾ, വ്യവസായ കേന്ദ്രങ്ങൾ, ഷോപ്‌സ് ആൻഡ് കൊമേഴ്സ്യൽ എസ്റ്റാബ്ളിഷ്മെന്റ് ആക്ട് പ്രകാരം പ്രവർത്തിക്കുന്ന സ്ഥാപനങ്ങൾ എന്നിവിടങ്ങളിലെ ജീവനക്കാർക്ക് വേതനത്തോടുകൂടിയ അവധി അനുവദിക്കും. ദിവസ വേതനക്കാർ, കാഷ്വൽ ജീവനക്കാർ എന്നിവർക്കും വോട്ടു ചെയ്യേണ്ട ദിവസം വേതനത്തോടുകൂടിയ അവധി നൽകണം.
ഒൻപതിന് തിരഞ്ഞെടുപ്പ് നടക്കുന്ന തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലയിലെ സർക്കാർ സ്ഥാപനങ്ങൾ, വിദ്യാഭ്യാസ സ്ഥാപനങ്ങൾ എന്നിവയ്ക്ക് അവധി പ്രഖ്യാപിച്ചു. 11-ന് തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകൾക്കും അവധിയാണ്.

02/12/2025

ചെരക്കാപറമ്പ് വലിയ വീട്ടിൽ പടിയിൽ തിത്തിമ്മ മരണപ്പെട്ടു.

*LIFE VISION* 02/12/2025

ചെരക്കാപറമ്പ് വലിയ വീട്ടിൽപടിയിൽ താമസിച്ചിരുന്ന തിത്തിമ്മ (90) മരണപ്പെട്ടു. പരേതനായ പെരുമ്പൻ മുഹമ്മദ് ഭാര്യയാണ്. വാർദ്ധക്യ സഹജമായ അസുഖങ്ങൾക്ക് ചികിത്സയിലായിരുന്നു. പാറപ്പറമ്പ് ജുമാ മസ്ജിദിൽ ഇന്ന് രാത്രി 8:30 ഓടെ മറവ് ചെയ്യും.
മക്കൾ,സൈതലവി എന്ന ബാപ്പു,വിരാൻ (പരേതൻ), കുഞ്ഞി പാത്തു (പരേത), അസീസ്,മെഹറുന്നീസ

02/12/2025

ഇടിമിന്നലോടു കൂടിയ മഴക്ക് സാധ്യത; നാല് ജില്ലക്കാർക്ക് ജാഗ്രത

LIFE VISION 02/12/2025

തിരുവനന്തപുരം: കേരളത്തിൽ അടുത്ത അഞ്ച് ദിവസം മഴയ്ക്ക് സാദ്ധ്യതയുണ്ടെന്ന് കേന്ദ്ര കാലാവസ്ഥാ വകുപ്പ്. ഡിസംബർ മൂന്നിന് നാല് ജില്ലകളിൽ മഞ്ഞ അലർട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിലാണ് മഞ്ഞ അലർട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാദ്ധ്യതയാണ് പ്രവചിക്കപ്പെട്ടിരിക്കുന്നത്.ഇടിമിന്നൽ അപകടകാരികളാണ്. അവ മനുഷ്യന്റെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകൾക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. ആയതിനാൽ പൊതുജനങ്ങൾ മുൻകരുതൽ സ്വീകരിക്കേണ്ടതാണ്. ഇടിമിന്നൽ എപ്പോഴും ദൃശ്യമാകണമെന്നില്ല.

29/11/2025

*ശ്രീലങ്കയിൽ അടിയന്തരാവസ്ഥ.*
*ദിത്വ; കൊടുംകാറ്റിൽ 132 മരണം.*

*LIFE VISION ഹനീഫ ഇയ്യം മടക്കൽ* 29/11/2025

ദിത്വ ചുഴലിക്കാറ്റ് കനത്ത നാശം വിതച്ച ശ്രീലങ്കയിൽ അടിയന്തരാവസ്ഥ പ്രഖ്യാപിച്ചു. കഴിഞ്ഞ 20 വർഷത്തിനിടെ ശ്രീലങ്കയിലുണ്ടായ ഏറ്റവും വലിയ പ്രളയമാണിത്. പേമാരിയിലും വെള്ളപ്പൊക്കത്തിലും പെട്ട് 132 പേർ മരിച്ചെന്നാണ് നിഗമനം. ദുരന്ത നിവാരണ സേനയുടെ കണക്കുപ്രകാരം 176 പേരെ കാണാതായിട്ടുണ്ട്. മോശം കാലാവസ്‌ഥ കാരണം പലയിടങ്ങളിലും ആശയവിനിമയം തടസ്സപ്പെട്ടു. മരണസംഖ്യ ഇനിയും കൂടാൻ സാധ്യതയുണ്ടെന്ന് ദുരന്ത നിവാരണ സേന അറിയിച്ചു.
ഡിസംബർ 4 വരെ ശ്രീലങ്കയിൽ ആരോഗ്യ അടിയന്തരാവസ്‌ഥയും പ്രഖ്യാപിച്ചു. ഡിസംബർ 16 വരെ സ്കൂ‌ളുകളും അടച്ചിടും. നൂറുകണക്കിന് വീടുകളും സ്ഥാപനങ്ങളും തകർന്നതായാണ് കണക്കുകൾ. വടക്കുപടിഞ്ഞാറൻ പ്രവിശ്യയിലെ കലയോയ പ്രദേശത്ത് വെള്ളപ്പൊക്കത്തെ തുടർന്ന് 69 പേർ ബസ്സിൽ കുടുങ്ങി. ബസ്സിന്റെ മുകളിൽ കയറി നിൽക്കുകയായിരുന്ന യാത്രക്കാരെ 29 മണിക്കൂർ നീണ്ട ഓപ്പറേഷനൊടുവിലാണ് രക്ഷപ്പെടുത്തിയത്. കനത്ത മഴയിൽ വീടുകൾ നഷ്ടപ്പെട്ട 43,995 പേരെ ദുരിതാശ്വാസ ക്യാംപിലേക്ക് മാറ്റി.
ശ്രീലങ്കയ്ക്ക് സഹായവുമായി ഇന്ത്യ രംഗത്തെത്തി. 2 സഹായ വിമാനങ്ങൾ അയച്ചു. ഓപ്പറേഷൻ സാഗർ ബന്ധു എന്ന പേരിൽ അർദ്ധസൈനിക സംഘങ്ങളെയും അവശ്യ ദുരിതാശ്വാസ വസ്തു‌ക്കളും ശ്രീലങ്കയിലെത്തിച്ചു. ശ്രീലങ്കൻ തീരത്തിനു സമീപത്ത് തെക്കുപടിഞ്ഞാറൻ ബംഗാൾ ഉൾക്കടലിനു മുകളിലായി സ്ഥിതിചെയ്യുന്ന ദിത്വ ചുഴലിക്കാറ്റ് തെക്കൻ പ്രദേശങ്ങളിലേയ്ക്ക് നീങ്ങുകയാണ്. ഇതിന്റെ ഭാഗമായി തമിഴ്‌നാട്ടിൽ കനത്ത ജാഗ്രതയാണ്. ഇവിടങ്ങളിൽ ഇന്നു വൈകിട്ട് മുതൽ കനത്ത മഴ പെയ്യുമെന്നാണു മുന്നറിയിപ്പ്. ചുഴലി ചെന്നൈയ്ക്കും പുതുച്ചേരിക്കും ഇടയിലോ തെക്കൻ ആന്ധ്രയിലോ കര തൊടുമെന്നാണു പ്രതീക്ഷിക്കുന്നത്. പാമ്പൻ പാലം വഴിയുള്ള ട്രെയിൻ ഗതാഗതം നിരോധിച്ചു.

27/11/2025

ചെരക്കാപറമ്പിൽ രണ്ടു പേർക്ക് കുറുക്കന്റെ കടിയേറ്റു

ഹനീഫ ഇയ്യം മടക്കൽ LIFE VISION. 27/11/2025

ചെരക്കാപറമ്പ് : കുറുക്കന്‍റെ ആക്രമണത്തില്‍ രണ്ടു പേർക്ക് കടിയേറ്റു.
ചെരക്കാപറമ്പ് ചോലക്കുളത്തിന് സമീപത്തു നിന്നാണ് കടിയേറ്റത്.
ഫിറോസ് കക്കാട്ടിൽ
അലവി കല്ലായി എന്നിവർക്കാണ് കടിയേറ്റത്.അലവി കല്ലായിക്ക് കാലിനും കയ്യിനും കടിയേറ്റിട്ടുണ്ട്.ഫിറോസ് കക്കാട്ടിൽ പ്രവാസിയാണ്. നാളെ വിദേശത്തേക്ക് മടങ്ങാൻ ഇരിക്കുകയായിരുന്നു.രണ്ട് പേരും മഞ്ചേരി മെഡിക്കൽ കോളേജ് ആശുപത്രിയിൽ ചികിത്സ തേടിയിട്ടുണ്ട്.
ഇന്ന് വൈകുന്നേരം ആറു മണിയോടെ ആയിരുന്നു ആക്രമണം.

24/11/2025

MEC 7 PERINTHALMANNA PARAVAKKAL

23/11/2025

Mec 7ഇന്ന് പെരിന്തൽമണ്ണ യിൽ വച്ചു നടത്തിയ മഹാ സംഗമം മുഴുവൻ ആയി കാണാം👇

https://www.youtube.com/live/5tvoB2m-avg?si=5xcQC-S5nzEwSnm-&fbclid=IwZXh0bgNhZW0CMTEAc3J0YwZhcHBfaWQMMzUwNjg1NTMxNzI4AAEea3-BY01Wz9KLs1JxOWO0NCkgzUbIX_ejrrigMfYBjml8hrPAeoWa427OE74_aem_veaMsgj7cAzxrXX1ADAbgA&sfnsn=wiwspwa

Enjoy the videos and music you love, upload original content, and share it all with friends, family, and the world on YouTube.