https://www.facebook.com/1062725620411543/

Shifa Healthcare Solutions, Shifa Healthcare Solutions, Shop No. 1, Jagadguru Complex, Gatha Mandir Road, Near Bhairavnath Chowk, Dehugaon, Pune (2025)

14/06/2025

#यशोगाथा

11/05/2025

#यशोगाथा

मध्यंतरी माझ्या रुग्णांवर रक्तमोक्षण करतानाचे काही व्हिडिओ स्टेट्सवर ठेवले होते.. बऱ्याच जणांनी हे कशासाठी करतात? हे विचारले होते. त्वचा विकारांमध्ये रक्तमोक्षण ही आयुर्वेदिक चिकित्सा पद्धती फार उपयुक्त आहे.

अशाच आमच्या एका रुग्णाचे हे उदाहरण.. आमचे हे रुग्ण गेली अनेक वर्षे सोरायसिस या आजाराने ग्रस्त आहेत. त्वचेवर नवीन पॅच (चट्टा) येणे,प्रचंड खाज जाणवणे, खाजवल्यानंतर जखमा होणे, आणि तिथली त्वचा गळून पडणे ही लक्षणे सदैव जाणवत होती. या रुग्णाने एका नामवंत होमिओपॅथी ब्रँड क्लिनिकमध्ये वर्षाचे प्रचंड महागडे पॅकेज नियमित घेऊन साधारणपणे सलग ३ वर्षे ट्रीटमेंट घेतलेली आहे. परंतु त्या उपचारांनी फक्त खाज कमी होणे एवढाच काय तो फरक जाणवत होता. शरीरावर निर्माण झालेले चट्टे जसेच्या तसेच असायचे.

शेवटी कंटाळून रुग्णाने आपल्याकडे आयुर्वेदिक चिकित्सा सुरू केली. रुग्णाची चिकित्सा अजूनही सुरूच आहे परंतु ३ महिन्याच्या नियमित रक्तमोक्षण आणि आयुर्वेदिक उपचारानंतर अंगावरील बहुतांशी चट्टे बरे झालेले आहेत.

शरीरावरील एक दुर्धर आजार बरा होताना पाहून रुग्णाचा आत्मविश्वास प्रचंड वाढलेला आहे!

10/05/2025

#यशोगाथा

विद्धकर्म फक्त सांधेदुखी मध्येच उपयुक्त आहे का?
तर अजिबात नाही!

आयुर्वेदिक विद्ध कर्म ही संकल्पना आता बऱ्याच जणांना माहिती पडत आहे. पण बहुतांशी लोक विद्ध कर्म हे फक्त सांधेदुखीमध्ये उपयुक्त आहे असा समज करून बसतात, परंतु हा समज अतिशय चुकीचा असून विद्ध कर्म ही वेगवेगळ्या आजारांवर उपयुक्त एक संपूर्ण चिकित्सा आहे. त्याचेच हे उदाहरण..

आमच्या या रुग्णेला झोप न येण्याचा त्रास होता, कधीपासून होता? या प्रश्नाचं उत्तर स्वतः रुग्णेकडे देखील नाही, इतक्या वर्षांच्यापासून होता. फक्त रात्रीचा दिवस होताना पाहतच त्यांच्या अनेक वर्षांच्या रात्री गेलेल्या आहेत.. जणू रात्र ही झोपण्यासाठी नसतेच अशी त्यांची धारणा झालेली होती... या अनिद्रेच्या त्रासामुळे ब्लड प्रेशर वाढण्याचा आजार होऊन त्याच्या गोळ्या देखील त्यांना सुरू कराव्या लागल्या होत्या.

परंतु आपल्याकडे आल्यानंतर या रुग्णेमध्ये फक्त एकदाच केलेल्या विद्ध कर्मामुळे रुग्णेचा झोप न येण्याचा त्रास पूर्णपणे बरा झाला आहे..

04/05/2025

#यशोगाथा

मानदुखीपासून कायमची मुक्ती...

आजकालच्या जगात माणूस स्क्रिनच्या समोर बसलेला बाहुला झालेला आहे.. मग ती स्क्रिन मोबाईलची असू देत किंवा संगणकाची.. ढोबळमानाने मानदुखीच्या प्रमुख कारणाचा विचार केला तर सध्या मानदुखी मोबाईलमुळे तरी होते किंवा संगणक अथवा लॅपटॉप समोर चुकीच्या पद्धतीने बसून काम केल्याने होते.. बाकि इतर कारणं ही नगण्य आहेत.

अशाच आमच्या या रुग्णेत ऐन तारुण्यात (वय - २१ वर्षे) म्हातारपणाची लक्षणं दिसून येत होती, म्हणजेच मानेच्या मणक्यांची झीज होऊन त्यांना टोकं निघायला सुरुवात झाली होती. मानेच्या मणक्यांच्या मधील चकतीची सुद्धा झीज झाल्याने मणक्यांच्या मधील जागा कमी होऊन मणके एकमेकांवर घासत असल्याने प्रचंड मानदुखी जाणवत होती.

रूग्णा ही अविवाहित तरुणी असून कुटुंबाच्या अर्थार्जनाची एक प्रमुख स्रोत असल्याने, कमी वयात प्रामाणिकपणे आणि जबाबदारीने काम करण्यासाठी संगणकाच्या समोर सतत बसणे असायचे. एकाच स्थितीमध्ये तासनतास बसून काम केल्याने मानेचे मणके जणू एका सरळ रेषेत येऊन मानेचा नैसर्गिक बाक संपून गेला होता. प्रचंड डोकेदुखी, तीव्र स्वरूपाची मानदुखी, दोन्ही बाजूंच्या खांद्याकडे मान न वळवता येणे, चक्कर येणे, तसेच हाताला मुंग्या येणे अशी लक्षणे होतीच.. ही सगळी लक्षणे वाचताच तुमच्या डोळ्यासमोर मानेचा बेल्ट आला असेल.. तुमच्यापैकी कितीतरी जणांना अशी लक्षणे असताना बेल्ट वापरण्याचा सल्ला दिलेला असेलच.. पण आमच्या या रुग्णेला या वयात हा सल्ला देणे रास्त वाटले नाही..
म्हणूनच शुद्ध आयुर्वेदिक उपचार आणि जोडीला विद्ध कर्माच्या सहाय्याने उपचार देऊन रुग्णेच्या वेदना शून्य केलेल्या आहेत.. एकूण ८ महिन्यांच्या उपचारांमध्ये मागील दोन महिन्यांपासून रुग्णेला कोणताही त्रास नाही. डोकेदुखी, मानदुखी, हाताला मुंग्या येणे, चक्कर येणे अशी सर्व लक्षणे थांबली आहेत. त्याचबरोबर मान वळवली तरी आता वेदना होत नाहीत.

मणक्यांचा आजार एकदा का झाला की शस्त्रक्रियेशिवाय कोणताही इतर पर्याय दिसत नाही. त्यातही शस्त्रक्रिया नको असलेले रुग्ण आयुष्यभर पेन किलर गोळ्या रोज खाण्याचा जोखमीचा मार्ग पत्करतात. आणि दरवर्षी हाडांचा नवीन डॉक्टर आणि नवीन x ray/ MRI च्या चक्रव्यूहात पुरते अडकून पडतात.

परंतु आमच्या या रुग्णेत मानेच्या मणक्यांच्या बाबतीत का होईनात, पण कमी वयात आलेले म्हातारपण आम्ही दूर करू शकलो आहे.. ते ही अगदी सप्रमाण.. रुग्णेचे आधी आणि नंतरचे रिपोर्ट तसेच मणक्यांची
झीज झाल्याने उपचारांपूर्वी मानेचा बाक जाऊन एका सरळ रेषेत दिसणारे मणके उपचारांनंतरच्या X ray मध्ये पूर्ववत होऊन मानेला पुन्हा नैसर्गिक बाक प्राप्त झालेला आहे..

थोडक्यात काय?
योग्य आयुर्वेदिक उपचारांनी मणक्याच्या अनेक जुनाट आणि अशक्यप्राय आजारांतून कमी कालावधीमध्ये सुद्धा सुटका करून घेता येते..

26/04/2025

#यशोगाथा

वयोमानानुसार शस्त्रक्रिया करणे रास्त न वाटलेल्या आजीबाईंची शस्त्रक्रियेशिवाय मुतखडा निघून गेल्याची यशोगाथा...

अगोदर आपल्या आयुर्वेदिक उपचारांनी यशस्वीरित्या ६ मूतखडे पडून गेलेल्या एका रुग्णेच्या नातेवाईकांचा फेब्रुवारी महिन्यात फोन येतो.. सर तुम्हाला एक CT स्कॅनचा रिपोर्ट पाठवला आहे, कृपया ते पाहून तुमचे आयुर्वेदिक उपचार देता येतील का ते सांगता का? मी रिपोर्ट पाहिला आणि रुग्णाला पाहता येईल का म्हणून विचारले? पलिकडून उत्तर आले सर पेशंट कोल्हापूरच्या गडहिंग्लजला असतात. त्यांचे वय इतके जास्त असल्याने आणि त्यातही सध्या पेशंट ऍडमिट असल्याने इकडे आणणे देखील शक्य नाही. परिस्थितीचा एकूण अंदाज घेतला तर लक्षात आले आज्जींना मुतखड्यामुळे प्रचंड पोटदुखी असून ती काही केल्या थांबत नाही. रुग्णालयात प्रवेशित असूनदेखील आज्जी पोटदुखीने हैराण आहेत. त्यांच्या उजव्या किडनीत सगळ्यात मोठा खडा १० x ८ mm चा होता जो विनाशस्त्रक्रिया पडून जाणे अशक्य आहे असे तिथल्या डॉक्टरांचे मत होते. सोबत आणखी एक ४ mm चा खडा होता.. तसेच डाव्या किडनीत छोट्या छोट्या आकाराचे काही खडे होते..

पोटदुखीदेखील थांबत नव्हती आणि वयोमानामुळे शस्त्रक्रिया देखील करून घ्यायला नातेवाईक तयार नसल्याने तशाच परिस्थितीत रुग्णालयातून डिश्चार्ज घेऊन ही मंडळी अज्जींना घरी घेऊन आली. फोनवरून रुग्णेसोबत संपर्क होताच. अशा परिस्थितीत रुग्णेच्या नातेवाईकांच्या मार्फत औषधे पाठवून उपचार सुरू केले. इतक्या मोठ्या हॉस्पिटलमध्ये उपचार घेऊनपण पोटदुखी थांबली नाही आणि केवळ अशा प्रकारच्या उपचारांनी आराम पडेल यावर कोणाचाच विश्वास नव्हता. हळूहळू पोटदुखी थांबली आणि आजींनी दोन महिने उपचार घेतले..

उपचार झाल्यानंतर सोनोग्राफीचा रिपोर्ट नॉर्मल आला, परंतु अधिक दक्षता म्हणून किडनीचा x ray सुद्धा करून घेतला तो देखील आज नॉर्मल आला आहे..

आज्जींची मुतखडायच्या तावडीतून आयुर्वेदाने सहिसलामत सुटका केलेली आहे..

20/04/2025

#यशोगाथा

गेली अनेक वर्षे या रुग्णेला सर्दी खोकल्याचा त्रास आहे. सर्दी झाली की सगळ्या सायनसमध्ये ती साचून साचून प्रचंड डोकेदुखी होते. सर्व उपचार घेतले तरी काही केल्या सायनसमध्ये साचलेली सर्दी बाहेर न पडता जुनाट होत राहते. परिणामी पूर्ण चेहरा दुखणे, डोळा आणि डोळ्यांच्या भोवताली दुखत राहणे असे त्रास सतत उद्भवतात.

रुग्णेची तपासणी केली असता एकबाजूची नाकपुडी पूर्णपणे बंद झालेली असल्याने फक्त एकाच बाजूने वर्षानुवर्ष श्वास घेणे सुरू आहे.. त्यामुळे एका बाजूस अवरोध तर दुसऱ्या बाजूस मांसशोष झाल्याची लक्षणे चेहऱ्यावर दिसू लागली आहेत. इतकेच काय दोन्ही डोळ्यांच्या संरचनेत देखील फरक जाणवायला लागला आहे. त्यातच रुग्णेस एखाद्या गोष्टीचा सुगंध कधी जाणवतो तर अधून मधून सुगंध येणे देखील थांबलेले होते. आधी उपचार देणाऱ्या वैद्यांनी प्राणायाम करण्याचा सल्ला दिलेला होता परंतु एक नाकपुडीच बंद असल्याने त्यातून श्वास घेणे व सोडणे ही काहीच क्रिया करता येत नाही.

अशा रुग्णेस विद्ध कर्म केल्यानंतर तात्काळ आराम मिळून, अनेक वर्षांपासून बंद असलेली नाकपुडी उघडायला सुरुवात झाली. विद्ध कर्म केल्याकेल्या रुग्णेस दोन्ही नाकपुडीतून श्वास घेता यायला लागल्याने त्यांच्या चेहऱ्यावर असलेला आनंद कशातच मोजता येणारा नव्हता..

02/03/2025

#यशोगाथा

#आयुर्वेद_instant_कार्य_करते

#आयुर्वेद_शाश्वत_आहे

सदरच्या रुग्णेची आर्थिक परिस्थिती बरी नाही त्यामुळे संपूर्ण उपचार घेणे आजवर जमलेले नाही. नाही म्हणायला काही मोठ्या रुग्णालयांत वर्षाकाठी M.R.I. सारख्या चाचण्या सुरू होत्या. त्यांचे रिपोर्ट उपचारार्थ हाडांच्या डॉक्टरांना दाखवणे आणि त्यांच्या तोंडून आजाराविषयी निराशाजनक भवितव्य ऐकण्याच्या पुढे रुग्णेची गाडी सरकत नव्हती. गेल्या ३ ते ४ वर्षांत कंबरेत आणि गुडघ्यात होणाऱ्या असह्य वेदनांच्या सोबतीने जगत जगत कुटुंबाचा व्याप सांभाळणे हा या रुग्णेचा नित्यक्रम होता. या रुग्णेसारख्या अनेक महिला आजही तीव्र स्वरूपाच्या कंबरदुखी आणि गुडघेदुखीने त्रासलेल्या असूनही कुटुंबाचा गाडा पुढे रेटत जगत असतात. जणू त्यांनी मान्यच केलेलं आहे की आपली या कंबरदुखी अथवा गुडघे दुखीतून सुटाका कदापि शक्य नाही. त्यांच्यासाठी ही गोष्ट New Normal झालेली आहे.
अशा रुग्णेत कुठल्याही औषधाच्या वापराशिवाय केवळ एका विद्ध कर्माने सर्व लक्षणांना आराम मिळालेला आहे, पुढील विद्ध कर्माचे शरीरावरील स्थान निश्चित करण्यासाठी काही तपासण्यांची गरज असल्याने त्या करण्यासाठी रुग्णेस आपसुक प्रोत्साहन मिळालेले आहे.

26/02/2025

#यशोगाथा

रविवारी सिरावेध विधीने रक्तमोक्षण करत असतानाचे फोटो आणि व्हिडिओ स्टेट्स वर ठेवले होते (तो व्हिडिओ देखील कमेंट मध्ये अपलोड करत आहे), बऱ्याच जणांनी हे काय आहे आणि का करतात? असा प्रश्न विचारला होता. पण वेळेअभावी प्रत्येकाला उत्तर देऊ शकलो नाही, त्यासाठी आजची पोस्ट.

रक्तमोक्षण हि एक आयुर्वेदिक शास्त्रीय उपचार पद्धती आहे जी कोणत्या रुग्णात वापरायची? आणि कोणत्या रुग्णात वापरायची नाही? हे वैद्य ठरवतात.

सदरच्या रुग्णात त्वचेला सोरायसिस हा दुर्धर आजार १० वर्षांपासून असून, त्वचेवर असणारे चट्टे बरे न होणे हा प्रमुख त्रास आहे. या रुग्णात अजूनही अभ्यंतर चिकित्सा म्हणजे पोटातून देण्याची आयुर्वेदिक औषधे सुरू केलेली नाहीत, केवळ रक्तमोक्षण केल्यानंतर रुग्णामध्ये दोनच दिवसांत हे चट्टे बरे होण्याची प्रक्रिया सुरू झाली असून त्यावर नवीन त्वचेची खपली येणे सुरू झाले आहे.

16/02/2025

#यशोगाथा

ही रुग्णा तीव्र स्वरूपाची पोटदुखी म्हणून क्लिनिकमध्ये येते, पोटदुखी इतकी जास्त असते की दुसऱ्या रुग्णालयात सकाळ संध्याकाळ अतिशय तीव्र स्वरूपाच्या Pain Killer च्या अत्तापर्यंत सहा cycles रुग्णेस शिरेवाटे सलाईन मधून दिलेल्या असतात, परंतु तरी देखील आराम मिळत नसल्याने ही रुग्णा दररोज रात्री ३ - ४ वाजेपर्यंत पोटदुखीमुळे जागत राहते.

आपल्यावरील विश्वास म्हणून क्लिनिकमध्ये येते. रुग्णेची उपचारांची फाईल पाहिल्यावर लक्षात येते की डॉक्टरांनी आजवर फक्त पोटदुखी थांबण्याचे उपचार दिलेले होते, परंतु पोट का दुखत आहे? ही पाहण्याची तसदी कोणीही घेतलेली नव्हती.

रूग्णा आपल्याकडे आल्यानंतर आपण सर्वप्रथम पोटाची सोनोग्राफी करून घेतली, ज्यात यकृत आणि पित्ताशयाच्यामध्ये पित्त वाहून नेणाऱ्या नळीत २ खडे अडकले असल्याने पोटदुखी होत असल्याचे निदान झाले. सदरचा रिपोर्ट पोटविकार तज्ञ डॉक्टरांना दाखवल्यानंतर त्यांनी ERCP नावाची शस्त्रक्रिया रुग्णेस करण्याचा सल्ला दिला.

रुग्णा सदरची ERCP शस्त्रक्रिया करण्यासाठी ऍडमिट होण्याची तारीख घेऊन संध्याकाळी पुन्हा आपल्याकडे आली. रिपोर्टपाहून आयुर्वेदोक्त विद्ध कर्म करण्याचा निर्णय घेतला, रुग्णेला अशा प्रकारची कोणती चिकित्सा असते, याबद्दल काहीच कल्पना नसल्याने त्या आधी विद्ध कर्म करण्यास तयार नव्हत्या, कारण शरीरावर कुठे सुया टोचून यकृताच्या नळीत अडकलेले खडे विना शस्त्रक्रिया पडून कसे जातील? हा प्रश्न त्यांच्या मनात होता. म्हणून रुग्णा आणि नातेवाईक यांचे समुपदेशन करून त्यासाठी संमती मिळवली आणि पायावरील काही ठिकाणी विद्ध कर्म केले. आणि रुग्णेस दुसऱ्या दिवशी शस्त्रक्रिया करण्यापूर्वी फक्त एकदा पुन्हा सोनोग्राफी करून घेण्याचा सल्ला दिला. दुसऱ्याच दिवशी शस्त्रक्रिया करून घेण्यासाठी रुग्णा रुग्णालयात ॲडमिट होते आणि सांगितल्यानुसार सोनोग्राफी करते.
आणि अहो आश्चर्यम !

यकृताच्या CBD या नळीत अर्थात Common Bill Duct मध्ये अडकलेले दोन्ही खडे त्या नळीच्या व्यासापेक्षा मोठे असूनही पडून गेलेले असतात.

साधारणपणे १ लाख रुपये खर्च येणारे ऑपरेशन टळून, त्या रुग्णेवर त्या दिवशी कोणतीही शस्त्रक्रिया न करता रुग्णालयास डिश्चार्ज देणे भाग पडले आहे!

#आयुर्वेद_शाश्वत_आहे

#आयुर्वेद_instant_कार्य_करते.

02/02/2025

#यशोगाथा

सदर रुग्ण हे गृध्रसी अर्थात Sciatica या आजाराने त्रस्त होते, अनेक वर्षांच्या या आजारामुळे सदर रुग्ण ३ ते ४ महिने अंथरुणाला खिळून होते, कंबरदुखी इतकी असायची की या काळात स्वतःची दैनंदिन कार्ये करणेदेखील अवघड होते, अशा या आमच्या रुग्णात शुद्ध आयुर्वेदिक उपचाराने २ वर्षांची असलेली कंबरदुखी अगदी ८ दिवसांच्या औषध सेवनाने आश्चर्यकारकरित्या कमी झालेली दिसून आली आहे..

#आयुर्वेद #गृध्रसी

11/08/2024

#यशोगाथा

फायब्रॉइड (Fibroid) - स्त्री शरीरातील गर्भाशयाला लागलेले बांडगूळ...
Uterine Fibroid अर्थात गर्भाशयातील गाठ ही आजकाल महिलांची डोकेदुखी ठरत चाललेली आहे. विवाहित महिलांच्यामध्ये बाळंतपणं पूर्ण झाल्यानंतर दिसणारा हा आजार आजकाल अविवाहित तसेच विवाहित आणि गर्भ न राहिलेल्या महिलांच्यामध्ये सुध्दा दिसायला लागला आहे. आधुनिक उपचार पद्धतीमध्ये शस्त्रक्रिया हा शाश्वतमार्ग असल्याने कुटुंब पूर्ण न झालेले असल्यास म्हणजेच मुलबाळ झालेलं नसेल तर fibroid खरवडून काढणे किंवा मुलंबाळं होऊन कुटुंब पूर्ण झालेले असल्यास संपूर्ण गर्भाशय काढण्याचा सल्ला दिला जातो, जो एका अर्थाने योग्य देखिल आहे.
हे Fibroid वाढायला लागले की त्यांचा आकार अगदी गर्भासारखा वाढू लागतो.. मी माझ्या आजवरच्या वैद्यकिय प्रॅक्टिस मध्ये अगदी ८ महिन्याच्या बाळाच्या वजनाएवढं वाढलेलं fibroid देखिल पाहिलेलं आहे. जितकं firbroid मोठं तितकं ते बाहेर काढायला, करायला लागणारी शस्त्रक्रियादेखिल मोठी असते. Fibroid असताना मासिक पाळीत होणारे त्रास, रक्तस्त्राव इ अगदी सहन करण्याच्या पलीकडे जातात. त्यामुळे गर्भाशय काढून या त्रासांच्या पासून कायमची सुटका करून घेणे गरजेचे वाटते. परंतु एकदा का हे गर्भाशय काढले गेले की स्त्रीच्या स्त्रीत्वाला ठेच पोहचून अनेक भावनिक तथा मानसिक लक्षणे निर्माण होतात शिवाय हॉर्मोन्सचे संतुलन बिघडल्याने शरीरात निर्माण होणाऱ्या त्रासांच्या बद्दल तर बोलायलाच नको.
आमच्या या रूग्णेत त्या अविवाहित असतानाच मोठ्या झालेल्या Uterine Fibroid ला खरवडून काढण्याची शस्त्रक्रिया झालेली होती, गर्भाशयाच्या भिंतीची जाडी कमी झाल्याचा परिणाम त्यांनी बाळंतपणात अत्यंत वाईटरित्या भोगला आहे. त्याही वेळा आमच्या आयुर्वेदिक उपचारांनी बाळाला संकटातून सहिसलामत बाहेर काढता आले होते. आता या रुग्णेस पोटदुखी सुरू झाल्याने नुकतीच सोनोग्राफी करून घेतली आणि शस्त्रक्रियेने एकदा गेलेले हे बांडगूळ शरीरात पुन्हा नव्याने निर्माण झाल्याचे लक्षात आले. पण यंदामात्र रूग्णेस शस्त्रक्रियेच्या रस्त्याने जायचे नसल्याने त्यांनी आयुर्वेदिक उपचारांना प्राधान्य दिले.. आणि अगदी दोनच महिन्याच्या आयुर्वेदिक उपचारांचा झालेला परिणाम तुमच्यासमोर ठेवला आहे...

Shifa Healthcare Solutions

14/06/2025

11/05/2025

10/05/2025

04/05/2025

26/04/2025

20/04/2025

02/03/2025

26/02/2025

16/02/2025

02/02/2025

11/08/2024

Address

Website

Alerts

Contact The Practice

Shortcuts

Share

Category