Dietitian Sheetal, Supreme Clinic, Rushabh Corner, Plot 29, Shri Mhalsakant Vidyalaya Road, Sector No. 28, Pradhikaran, Akurdi, Pune (2025)

20/09/2025

डॉक्टर मला बाळ नकोय.
भाग 3 .
निशांत व श्रीयाला कोणत्या कोणत्या हार्मोन्समुळे हे फायदे होतात ही मी सांगितलेली माहिती त्यांच्यासाठी पूर्णपणे नवीन होती. आयुष्याचे आर्थिक व बिनधास्त मनासारखे जगण्याचे गणित सोडवताना या गोष्टींकडे त्यांचे दुर्लक्ष झाले असते हे त्यांना जाणवले .
समाजात मूल न होऊ देण्याचा विचार वाढत असताना,
तरुण पिढीला सांगणे खूप महत्त्वाचा आहे की,
मूल होणं म्हणजे स्वातंत्र्य हरवणं नाही,
तर नवीन शक्ती मिळवणं आहे!
आजच्या काळात अनेकांना शारीरिक (हार्मोन्स, पीसीओडी, थायरॉईड, इंफर्टिलिटी) किंवा मानसिक (तणाव, चिंता, भीती) समस्या असतात.
पूर्वी अशा समस्या पालकत्वात अडथळा ठरत असत, पण आता वैद्यकीय विज्ञान खूप पुढे गेले आहे.
योग्य डॉक्टर व तज्ज्ञांची टीम सोबत असेल, तर शारीरिक किंवा मानसिक अडचणी असल्या तरी पालकत्व सोपे, सुरक्षित आणि आनंददायी होऊ शकते. व कमी खर्चिक ही होऊ शकते.
जर योग्य डॉक्टरांची टीम – स्त्रीरोगतज्ज्ञ, आहारतज्ज्ञ, मानसोपचार तज्ज्ञ, तसेच फिटनेस एक्स्पर्ट – यांची साथ मिळाली तर:
गर्भधारणा नियोजन अधिक सुरक्षित होते
शारीरिक समस्या वेळेवर नियंत्रणात येतात
मानसिक ताण-तणाव कमी होतो
संपूर्ण प्रवास आई-बाबांसाठी सोपा आणि आनंदी होतो. पालकत्व म्हणजे आव्हान नाही, तर योग्य डॉक्टरांची साथ मिळाली तर पालकत्व हा नेहमीच एक सुखद व अविस्मरणीय अनुभव ठरतो‌ हे नक्की.
Dietician Sheetal Mudgal Pune
Online and Offline Consultation available
7276415838

19/09/2025

डॉक्टर मला बाळ नकोय
भाग 2.
निशांत व श्रीयाची डाएट प्लॅन देण्यासाठी हिस्ट्री विचारत असतानाच मी ब्लड प्रेशर , fat अनालिसिस व ब्लड रिपोर्ट्स चेक केले.
सर्व रिपोर्टस त्या दोघांच्या मतानुसार अर्थातच गुगल डॉक्टर नुसार नॉर्मल होते .
परंतु माझ्या लक्षात आलेल्या काही गोष्टी अशा होत्या की,
दोघांचाही डायस्टॉलिक खालचा बीपी थोडासा जास्त होता,
तरुण असूनही लक्षात ठेवण्याचे प्रमाण कमी होत होते , म्हणावी तेवढी सक्षम निर्णय क्षमता नव्हती. तणावामुळे इन्सुलिन रेजिस्टन्स वाढायला सुरुवात झाली होती तर
दोघांमधील ही प्रोजेस्टेरॉन चा बदल दुर्लक्ष करून चालणार नव्हता कारण त्याचा परिणाम शारीरिक व मानसिक आरोग्यावर जाणवत होता. इमोशनल इटिंग च्या नावाखाली बऱ्यापैकी चुकीच्या खाण्यामुळे लिव्हरचा ताण वाढला होता.
बोलता बोलता दोघांनीही त्यांनी आजूबाजूला ऐकलेल्या आय व्ही एफ हॉस्पिटल्स व इतर हॉस्पिटल्सच्या काही गोष्टी सांगितल्या. ज्या त्यांनी अनुभवल्याच नव्हत्या. व मला वाटून गेले कदाचित या काही ऐकीव माहितीमुळे सुद्धा ते मुल होण्यासाठी मानसिकरित्या तयार नव्हते.
डाएट प्लॅन देणे ही एक ट्रीटमेंट असते, ही ट्रीटमेंट देताना पेशंटचे शारीरिक व मानसिक आरोग्य सर्व बाजूनी चांगले व्हावे हा माझा उद्देश असतो हे सांगताना मी त्यांना हेही सांगितले की,
गर्भधारणा आणि प्रसूती ही केवळ वंशपरंपरा चालू ठेवण्यासाठी नसते—
ती शरीर आणि मेंदूला अधिक बळकट करून शारीरिक आणि मानसिक फिटनेस वाढवते.
ही जणू एक नैसर्गिक बायोलॉजिकल वर्कआउट आहे!
मुलींमध्ये-
✅ हार्मोन्स संतुलित होतात
✅ कॅन्सरचा धोका कमी होतो
✅ हाडे मजबूत होतात
✅ हृदय अधिक सक्षम होते
मुलांसाठी:
✅ स्नायू मजबूत करणारे हार्मोन्स वाढतात
✅ जीवनशैली अधिक स्थिर होते
✅ दीर्घायुष्याची संधी वाढते
म्हणूनच, पालकत्व म्हणजे फक्त कुटुंब वाढवणे नाही, तर दीर्घकाळासाठी आरोग्य आणि फिटनेसची नैसर्गिक गुंतवणूक आहे!
पालकत्वाचे मानसिक व बौद्धिक फायदे ही असतातच मुलींमध्ये, जसे-
✅ स्मरणशक्ती व निर्णयक्षमता सुधारते
✅ तणाव कमी, संयम व प्रेम वाढते
✅ मल्टिटास्किंग व जबाबदारीची जाणीव क्षमता वाढते
तर मुलांमध्ये.-
✅ हार्मोन्समध्ये संतुलन, शांतपणा वाढतो
✅ सहानुभूती व भावनिक ताकद वाढते
✅ जीवनात उद्देश व मानसिक स्थैर्य
पालकत्व हे शरीरासोबतच मन व मेंदूला सक्षम करणारी नैसर्गिक प्रक्रिया आहे.
क्रमशः
Dietician Sheetal Mudgal Pune
Online and Offline Consultation available
7276415838

18/09/2025

डॉक्टर ,मला बाळ नकोय.
भाग 1.-
काल श्रीया व निशांत डाएट साठी क्लिनिकला आले.
श्रीयाचे वय 30 तर निशांतचे वय 33. दोघेही सुशिक्षित व चांगल्या कंपनीत चांगल्या पॅकेजेस ची नोकरी.
बैठ्या कामामुळे थोडीशी वजन वाढ दिसत होती. फिटनेस साठी त्यांना डाएट प्लॅन हवा होता.
लग्न होऊन तीन वर्षे झालेले. सध्या पुण्यातच सेटल होण्याचा विचार.
निशांतने बोलता बोलता सांगितले की त्यांना मुल नको आहे कारण ती त्यांना गरज वाटत नाही, व त्यांना त्याला वाढवण्यासाठी वेळही नाही . तसेच त्यांच्या माघारी त्याचे हालही नकोत. श्रीया बोलता बोलता म्हणाली एक जीव आपण जगात का आणायचा? खरंच त्याची गरज आहे का जगाला व आपल्याला? आणि म्हणूनच डॉक्टर आम्हाला सध्या तरी मुल नको आहे. जाता जाता झालेच तर ठीक आहे मग पाहू.
खरंतर, मुल होणे हे शरीराच्या ,मनाच्या व समाजाच्या चांगल्या आरोग्यासाठी महत्त्वाचे आहे.
आज मूल नको हा विचार नवीन पिढीत व समाजात वाढत चालला आहे कारणे वेगवेगळी असतील ही.
नवनवीन शोधांमुळे आयुर्मान वाढले आहे त्यामुळे एक काळ असा येऊ शकतो की सगळीकडे जेष्ठ नागरिक दिसतील.
लहान मुले व तरुण मुले यांचं अस्तित्व व वातावरणातील उत्साह , काहीतरी करून दाखवण्याची इच्छा हे सर्वच कमी झालेले असेल .
क्रमशः
Dietician Sheetal Mudgal Pune
Online and Offline Consultation available
7276415838

30/08/2025

मोदकांच्या जगात..
भाग 2
जेव्हा आपण एखादी रेसिपी कॉम्पिटिशन अरेंज करतो तेव्हा सर्वात अवघड काम असते ते म्हणजे त्यातील सर्व बाजूंनी बेस्ट व युनिक रेसिपी शोधून काढणे व त्याचे महत्व ओळखून येणाऱ्या काळात लोकांना त्याचा शारीरिक व मानसिक फिटनेस साठी फायदा कसा होईल हे पाहणे.
तर सहभागी होणाऱ्या लोकांसाठी डायरेक्ट त्यांच्या क्रिएटिव्हिटी ला , नॉलेजला व मेहनतीला चॅलेंज असते.
एखाद्या ठिकाणी जॉब करत , रोजचे रुटीन सांभाळत उत्साहाने अशा कॉम्पिटिशन मध्ये भाग घेणे साधी गोष्ट नसते. त्यांचे मनापासून कौतुक वाटते.
आमच्या हेल्दी रेसिपी कॉम्पिटिशन मध्ये
जवळपास 22 वेगवेगळ्या प्रकारचे मोदक होते. विशेष म्हणजे प्रत्येक मोदकाचे सारण हे वेगवेगळे होते. प्रत्येक मोदक हा वेगळा होता. तेवढेच प्रेझेंटेशन ही खूप सुंदर केले होते.
यामध्ये पहिला नंबर मिळवला तो म्हणजे पोहे, फुटाणे डाळ व गूळ यापासून बनलेल्या मोदकाने. चवीपुरती परंतु परफेक्ट प्रमाणात पडलेली सुंठ पावडर व तूप. त्याचबरोबर जेवढा एखादा मोदक खावा तेवढाच त्याचा आकार. गोडाचे व चवीचे प्रमाण एकदम जमून आलेले.तसेच थोडे दिवस पदार्थ टिकून राहिला तरी खराब होणार नाही हे नक्की.
न्यूट्रिशनली पाहायला गेले तर पोहे ,फुटाणे डाळ व गुळ या साहित्यामधून हिमोग्लोबिन वाढतेच. त्याबरोबर यामधून चांगल्या प्रकारचे ऊर्जाही मिळते.
पोहे व फुटाणे डाळ अशी दोन अपूर्ण प्रोटीन्स एकत्र आल्याने पूर्ण प्रोटीन तयार होऊन शरीराला त्याचा फायदा होतो. सुंठ पावडर मुळे अचानक ठसका येणे किंवा थोडाफार खोकला जरी असेल तर तो नक्कीच वाढणार नाही परंतु शरीराला ताकद मात्र देईल.
या एका छोट्याशा मोदकांमधून फक्त 20 कॅलरीज तर 1.1 ग्राम प्रोटीन व 1.2 मिलिग्रॅम लोह तर कॅल्शियम 10 मिलिग्रॅम. म्हणजे कोणत्याही बिस्कीट पेक्षा किंवा प्रोटीनबार किंवा डार्क चॉकलेट बाईट पेक्षाही पौष्टिक.
मधल्या वेळेतले खाणे किंवा स्वीट क्रेविंग्ज साठी एक छान ऑप्शन. जो भूक भागवेल, ताकत वाढवेल व समाधान ही देईल.
आणि सर्वात महत्त्वाचे म्हणजे इच्छा असेल तर बनवण्यासाठी लागणारा वेळ फक्त 20 ते 30 मिनिट.
यामध्ये कुठेही पदार्थ बनवताना न्यूट्रिशन लॉस हा फारसा नाही हेही तेवढेच महत्त्वाचे.
हा मोदक कॉम्पिटिशन मध्ये ठेवतानाही म्हणजे प्रेझेंट करताना ही अतिशय साध्या, सुंदर, आकर्षक मांडणीने ठेवला होता. खाली लाल कलरची शाल. सभोवती पिवळ्या फुलांच्या पाकळ्या तर त्यामध्ये पांढरी प्लेट त्यामध्ये व्यवस्थित आकारात कापलेली एकसारखी केळीची पाने त्यावर एकदम थोड्याफार गुलाबाच्या पाकळ्या त्यावर मोदक थोडेसे डेकोरेशन साठी वापरलेले काजू.
अशा या हेल्दी व क्रिएटिव रेसिपीने नंबर पटकावला असेल तर नवल नाही.
क्रमश:
Dietician Sheetal Mudgal Pune
Online and Offline Consultation available
7276415838

30/08/2025

भाग एक..
मोदकांच्या जगात
काल आमच्या हॉस्पिटलमध्ये हेल्दी मोदक कॉम्पिटिशन होती.
अनेक प्रकारचे मोदक अनेक प्रकारच्या पाककृती
खरंतर भारतातच नाही तर आशियाई देशांमध्ये जसे थायलंड, मलेशिया, श्रीलंका ,चायना ,जपान ,इंडोनेशिया वेगवेगळ्या ठिकाणी गणेशोत्सव साजरा केला जातो.
तिथेही तिथल्या स्टेपल फूड नुसार मोदक बनवला जातो.
आपल्या देशातील वेगवेगळ्या प्रकारचे मोदक बनतात.
उकडीचे मोदक, तळणीचे मोदक ,पंचखाद्याचे मोदक, तिखटाचे मोदक, दक्षिण भारतात ,केरळ या ठिकाणची ही व्हरायटी वेगळी उप्पु कोजुकट्टाई डाळी , कढीपत्ता ,खोबरे पासून बनवलेले प्रकारचे मोदक
जसजसा काळ व पुढे सरकत जातो, वातावरण, बदलणारी परिस्थिती, येणारी नवीन पिढी व त्यांची नवीन क्रिएटिव्हिटी, आवड निवड यानुसार रेसिपीही बदलत जातात .
त्याबद्दल बोलू पुन्हा कधीतरी..
क्रमश:
Dietician Sheetal Mudgal Pune
Online and Offline Consultation available
7276415838

19/08/2025

माहिती नसलेले सुपर फूड---
भाग--2
मुळ्याच्या पानांचे आरोग्य फायदे प्रत्येक वयातील व्यक्तींसाठी , प्रतिकारशक्ती वाढवण्यात असून ते मधुमेहापासून ,संधिवाता वर उपचार करण्यापर्यंत विविध आहेत.
मुळ्याच्या पानांमध्ये जीवनसत्त्वे आणि खनिजे भरपूर प्रमाणात असतात.स्वयंपाकात विविध प्रकारे वापरू शकता.
1) मुळ्याची पाने लसूण घालून परतून साइड डिश म्हणून वापरले जाऊ शकतात,
2) मुळ्याची पाने व‌‌ कोवळा मुळा बारीक चिरून अथवा खिसून -सूप, नूडल्स आणि अगदी सॅलड आणि सँडविचमध्ये टॉपिंग म्हणून वापरले जाऊ शकतात.
3) मुळ्याच्या पानांची भाजी --
साहित्य- एक बारीक चिरलेला कांदा,
आलं, लसूण आणि हिरव्या मिरच्यांची पेस्ट किंवा बारीक कापून, दोन मोठे चमचे (25 ग्रॅम) काळी उडीदाची डाळ स्वच्छ धुवून . मुळ्याची पाने स्वच्छ धुवून बारीक चिरून घ्या.
आता एक कढई घेऊन त्यात मोहरीचं किंवा तुमच्याकडे उपलब्ध असलेलं तेल गरम करा.
तेल गरम झाल्यानंतर सर्वप्रथम उडदाची डाळ सोनेरी रंगाची होईपर्यंत भाजून घ्या. आता त्यात लसूण, कांदा आणि जिरे टाकून चांगले भाजून घ्या.
आता मिश्रणात हिरव्या मिरच्या घालून हलकश्या भाजून घ्या आणि स्वादानुसार त्यात हळद घाला. सर्व सामग्री व्यवस्थित मिक्स करुन घ्या.
पुढे, मुळ्याची पाने घालून त्यात चवीनुसार मीठ मिक्स करा. मध्यम आचेवर भाजी शिजत ठेवा.ही भाजी बनवताना भाजीतील नैसर्गिक पाणीच त्याला शिजवण्यास पुरेसं असतं. आवश्यकता असेल तरच वरून आ आवश्यक तेवढे पाणी घाला. व व्यवस्थित शिजवा.
4)मुळ्यांच्या पानांचा साग --मुळ्याची पाने स्वच्छ धुवून कुकरमध्ये एक शिट्टी देऊन शिजवून घ्या. कुकरमधून काढून ती पाने मिक्सरमध्ये वाटून घ्या. कढईत तेल घेऊन त्यात उडदाची काळी डाळ सोनेरी होईपर्यंत भाजून घ्या. आता त्यात मोहरी घाला. पुढे, त्यात बारीक चिरलेली हिरवी मिरची, किसलेलं आलं आणि लसूण घालून तडका द्या. मिश्रण १० मिनिटे मंद आचेवर शिजवा. तयार झालाय आपला मुळ्याच्या पानांचा साग. सागाची चव अजून रुचकर लागण्यासाठी तुम्ही त्यात पालकची पाने मिक्स करु शकता.
5)किसलेला मुळा --
बारीक चिरलेली मुळ्याची पाने,किसलेला मुळा
तेल,मोहरी,जीरे,हिंग,बारीक चिरलेली मिरची,लसूण,हळद,मीठ,ओले खोबरे
कृती:
प्रथम, मुळा किसून घ्या आणि पाने बारीक चिरून घ्या.
मध्यम आचेवर कढईमध्ये तेल गरम करा.
तेल गरम झाल्यावर त्यात जीरे,मोहरी, हिंग, आणि मिरची घालून फोडणी करा.
फोडणी झाल्यावर लसूण घालून परतून घ्या.
आता किसलेला मुळा आणि चिरलेली पाने घालून भाजीला व्यवस्थित मिक्स करा. चवीपुरते हळद आणि मीठ घालून भाजीला व्यवस्थित मिक्स करा आणि झाकण ठेवून शिजवून घ्या.
तुम्ही भाजी शिजवण्यासाठी थोडेसे पाणी देखील घालू शकता.
पाच ते सात मिनिटांमध्ये भाजी शिजून तयार होईल.
शेवटी, भाजीमध्ये वरून किसलेले ओले खोबरे घालून मिक्स करा.
मुळ्याच्या पानांमध्ये व्हिटॅमिन ए, सी, आणि के तसेच फायबर आणि अँटीऑक्सिडंट्स भरपूर प्रमाणात असतात. या पानांमध्ये कॅलरीज कमी असतात म्हणूनच
मुळ्याची पाने आरोग्यासाठी खूपच फायदेशीर आहेत. त्यामुळे, ती आहारात नियमितपणे समाविष्ट करणे आरोग्यासाठी चांगले आहे.
तुमच्याही मुळाच्या पानांच्या काही रेसिपी असतील तर नक्कीच शेअर करा.
Clinical Dietician Sheetal Mudgal
www.dietitiansheetal.com
Online and Offline Consultation available
7276415838

17/08/2025

माहिती नसलेले सुपर फूड---
भाग--१
पालेभाज्यांमध्ये ज्या भाजीचा सर्वात वरचा नंबर लागला पाहिजे त्यामध्ये मुळ्याच्या पानांची भाजी येते.
परंतु सॅलेड म्हणून मुळ्याचा वापर करताना या पानांकडे मात्र फारसे लक्ष जात नाही.
परंतु आयुर्वेदामध्ये मात्र याचा उल्लेख व उपयोग याकडे वारंवार लक्ष वेधले आहे.
मुळ्याची पाने ही अतिशय पौष्टिक असतात.
मुळ्याच्या पानांमध्ये जीवनसत्त्वे आणि खनिजे भरपूर प्रमाणात असतात. त्यात लोह, फॉस्फरस, फॉलिक ॲसिड, कॅल्शियम आणि व्हिटॅमिन सी असते जे अनेक शारीरिक कार्यांसाठी आवश्यक असतात.श्रावणामध्ये ही भाजी सहजरीत्या उपलब्ध होते.
मुळ्याच्या पानांची भाजी खाण्याचे फायदे---
1)रोगप्रतिकारक शक्ती वाढणे
2)थकवा दूर होतो
3)चांगल्या कॅल्शियम व इतर खनिजांच्या प्रमाणामुळे अंगदुखी, सांधेदुखी कमी होण्यास मदत होते.
4)चांगल्या फायबरच्या प्रमाणामुळे मधुमेह, बद्धकोष्ठता सारखे आजार कमी होण्यास मदत होते
5)मुळ्याच्या पानांची भाजी लिव्हर व किडनी ची टॉक्सिसिटी कमी करण्यासाठी वापरली जाते.
6) यामध्ये चांगल्या प्रमाणात बीटा कॅरोटीन व बायोटिन मिळते. जे केसांचा आरोग्यासाठी व डोळ्यांच्या आरोग्यासाठी खूप छान काम करते.
7) मुळ्याच्या पानांचा खरखरीत, केसाळ आणि काटेरीपणा सूक्ष्मजीवविरोधी आणि जीवाणूविरोधी लढण्याचे गुणधर्म असल्याने पोषकता देण्याबरोबर शरीरामध्ये जाऊन प्रतिकारशक्ती वाढवण्याचे ही काम करतात.
8) यामध्ये मॅग्नेशियम सारखे खनिजे चांगल्या प्रमाणात असल्याने झोप चांगली येणे , गोड खाण्याचे क्रेविंग्ज ही भाजी नैसर्गिक रित्या कमी करते. कदाचित म्हणूनच श्रावण सोमवारचा उपवास सोडताना ही भाजी असावी असे पूर्वी मानले जायचे .
Clinical Dietician Sheetal Mudgal
www.dietitiansheetal.com
Online and Offline Consultation available
7276415838

24/07/2025

अन्न आणि स्वच्छता ---
दोन दिवसांपूर्वी मला एक मेसेज आला की मला Prophylactic Diet plan हवा आहे . काल त्यांचा ऑनलाइन प्लॅन दिला. हिस्टरी घेताना समजले की पेशंट दहा दिवस टायफॉईड व लेप्टोस्पायरोसिस मुळे ऍडमिट होता पंधरा दिवस झाले तरीही खूप विकनेस आहे. डायबिटीस, हार्ट हिस्टरी काहीही नाही. पंधरा दिवसांमध्ये त्यांचे वजन दहा किलो कमी झाले होते. अशक्तपणा खूपच होता.
त्यांचे हॉस्पिटल मधले जेव्हा रिपोर्ट पाहिले तेव्हा त्यामध्ये लिव्हर फंक्शन टेस्ट मध्ये खूप वाढ होती तसेच स्टूलमध्ये सुद्धा रक्ताचे प्रमाण होते. टायफॉईड पावसाळ्यात होणारा तसा कॉमन आजार आहे. त्याबद्दल बऱ्यापैकी लोक जागरूक असतात.
पण लेप्टोस्पायरोसिस होऊ नये म्हणून काळजी घेणं आवश्यक आहे.
लेप्टोस्पायरोसिस हा लेप्टोस्पायरा या बॅक्टेरियामुळे होणारा आजार आहे. तुमच्या नाकात, तुमच्या तोंडात, तुमच्या डोळ्यात किंवा तुमच्या त्वचेला बिघाड झालेल्या प्राण्यांच्या लघवीने (मूत्र) पाणी किंवा माती दूषित झाल्यानंतर तुम्हाला लेप्टोस्पायरोसिस होऊ शकतो.
पोहण्याच्या तलावा मधील पाण्यामुळे सुद्धा याचा संसर्ग होऊ शकतो.
पोट दुखणे, ताप येणे, उलट्या होणे, अंगावर आज किंवा पुरळ येणे, स्नायू दुखणे, कावीळ, असे अनेक लक्षणे यामध्ये जाणवतात. इथे स्वतः उपचार न घेता डॉक्टरांना त्वरित दाखवणे महत्वाचे आहे.
काय काळजी घ्याल..
1)या दिवसात जास्त मांसाहार करू नये कारण प्राण्यांना या आजाराची जास्त लक्षणे असतात.
2)पाऊस कमी आला की बऱ्याच वेळेला निसर्गामध्ये फिरायला जाणे बाहेरचे खाणे हे वाढू शकते. तिथे योग्य ती काळजी घ्यावी.
3)त्यानंतर बऱ्यापैकी सर्व प्रकारच्या हिरवी भाजी पुन्हा एकदा मिळू लागते.
4)कोणतीही भाजी बनवण्यासाठी कीमान दहा ते पंधरा मिनिट मिठाच्या पाण्यात ठेवावी. नंतर बनवावी.4)पाणी उकळूनच थंड करून प्यावे.
5)शरीरावर जखम असल्यास त्वरित उपचार घ्यावेत.
6) स्वच्छ ,साधा व सकस हलकाफुलका आहार या दिवसांमध्ये असावा.
7) रोज प्रमाणामध्ये ड्रायफ्रूट्स आणि ‌नट्स घ्यावेत.

Clinical Dietician Sheetal Mudgal,Pune .
Online and Offline Consultation available.
7276415838
www.dietitiansheetal.com

15/06/2025

"Emotions on a Plate"

Food absorbs your emotions—cook with calm and care.
Nourish not just the body, but also the mind.
What you feel while cooking feeds more than just the stomach—it nourishes the soul too. Cook with love, heal with food.

Online and Offline Consultation available .
— Clinical Dietician Sheetal
7276415838
www.dietitiansheetal.com

01/04/2025

21 March 2025 Memory
Thanks to Thanekar International School Badlapur .

"Empowering the next generation to make healthy choices!

I'm thrilled to share glimpses from my recent program at TIS School, where we explored the importance of healthy food vs junk food, diet, and fitness!

A huge thank you to TIS School for their efforts in promoting health and nutrition awareness among their students. It's indeed a step towards creating a healthier society!

Let's continue to inspire and educate our children to make informed choices about their health and wellbeing!

30/03/2025

🌿🌿🌿🌿🌿🌿🌿🌿🌿🥭🥭🥭🥭🥭🥭🥭

"पालवी चैत्राची अथांग स्नेहाची, जपणूक परंपरेची, उंच उंच जाऊ दे गुढी आदर्शाची, संपन्नतेची, उन्नतीची आणि स्वप्नपूर्तीची!"

गुढीपाडव्याच्या मंगलमय शुभेच्छा🌿🌿🌿🌿🌿🌿🌿🌿🥭🥭🥭🥭🥭🥭🥭

01/03/2025

FEBRUARY 2025 MEMORIES
Glimpses of CME on MULTIPLE SCELOROSIS 16 Feb 2025 in Pune! I Was delighted to share my insights on the Vital Role of Nutrition in Multiple Sclerosis! 🌟 Grateful for the opportunity to contribute to this important discussion thank you Dr. Rajan Sancheti and IMA . Let's empower each other with knowledge.

Dietitian Sheetal

20/09/2025

19/09/2025

18/09/2025

30/08/2025

30/08/2025

19/08/2025

17/08/2025

24/07/2025

15/06/2025

01/04/2025

30/03/2025

01/03/2025

Address

Telephone

Website

Alerts

Contact The Practice

Shortcuts

Share

Category