Nirman Psychiatry Nursing Rehabilitation & Deaddiction Center

25/05/2024

24/10/2023

Team Nirman wishes everyone a very happy Dussehra . May your life be as bright and beautiful as the festival of Dussehra

08/12/2021

भावपुर्ण श्रद्धांजली 💐💐

13/10/2021

आजचा सकाळ व प्रभात

12/10/2021

निर्माण व स्मार्ट यांच्या तर्फे "जागतिक मानसिक आरोग्य दिन साजरा " :

10 ऑक्टोबर 1992 सालापासून दरवर्षी "जागतिक मानसिक आरोग्य दिवस " सर्व जगामध्ये सम्पन्न होतो.
निर्माण मानसोपचार व व्यसनमुक्ती केंद्र, लोहगाव येथे हा दिवस माहिती, चर्चासत्र व मान्यवरांच्या मार्गदर्शनाद्वारे सम्पन्न झाला. कार्यक्रमास डॉ य. व. केळकर, डॉ अजित केळकर, डॉ सदाशिव गाडेकर, प्रा विलास गरुड, प्रसाद चांदेकर मुख्य मार्गदर्शक व मान्यवर उपस्थित होते.
यावेळी एबीपी माझा न्यूज चॅनेल वरील "मन सुद्ध तुझं " या कार्यक्रमाचे मुख्य मार्गदर्शक डॉ.नंदकुमार मुलमुले यांची ध्वनीचित्रफीत व या दिवसाच्या महत्व विशेषावर संदेश दाखविण्यात आला.
दुसऱ्या महायुद्धात प्रचंड नरसंहार, वित्त हानी व भावनिक हानी झाली.यावेळी या भयानक वातावरणातून लोकांना बाहेर काढण्यासाठी, त्यांचे मानसिक आरोग्य सुधारण्यासाठी जागतिक मानसिक आरोग्य संघटनेची निर्मिती झाली. पुढे 1992 सालापासून डेप्युटी सेक्रेटरी रिचर्ड हंटर यांच्या पुढाकारातून प्रत्येक वर्षी पुढे 10 ऑक्टोबर हा जागतिक मानसिक आरोग्य दिवस म्हणून जगातील 156 देशांमध्ये साजरा होऊ लागला.
" जगातील सात पैकी एक मानसिक रुग्ण भारतात आहे व भारताच्या लोकसंख्येच्या साधारण 10 टक्के लोकसंख्या ही मानसिक आजाराला सामोरे जाते. तर लोकसंख्येच्या मानाने फक्त 10 टक्के च मानसोपचार तज्ञ उपलब्द आहेत व देशाच्या मानसिक आरोग्याच्या दृष्टीने ही संख्या वाढणे महत्वाचे आहे, त्याचबरोबर
रुग्णमित्रांनी योग्य व नियमित तपासणीबरोबरच डॉक्टरांचे मार्गदर्शन अतिशय महत्वाचे असल्याचे " प्रतिपादन डॉ सदाशिव गाडेकर यांनी केले.
करोनाच्या विपत्ती काळामध्ये बेरोजगारी, जवळच्या लोकांचा मृत्यू, व्यवसायातील हानी त्याबरोबर विद्यार्थ्यांना सुद्धा नवीन शिक्षण पद्धती अवलंब या व अशाप्रकारच्या मोठ्या बदलांमुळे मानसिक आरोग्य उपचार व समुपदेशन यांचे महत्व व अत्यावश्यकता मोठ्या प्रमाणावर अधोरेखित झाली.
याच मध्यवर्ती संकल्पनेस अनुसरून " सर्वांसाठी मानसिक आरोग्य " या विचारसरणीस अनुसरून निर्माण संस्थेत कार्यक्रम साजरा झाला.
यावेळी बोलताना प्रमुख पाहुणे डॉ य.व
केळकर यांनी " रागावर नियंत्रण, योग्य आहार, विश्रांती, ध्यानधारणा यामुळे मानसिक आरोग्य उत्तम राहते " असे प्रतिपादन केले.
डॉ.अजित केळकर यांनी मनोरुग्णांसाठी डॉक्टरांचे उपचार, मार्गदर्शन याबरोबर कुटुंबियांचे सहकार्य अत्यंत महत्वाचे असल्याचे नमूद केले.
संस्थेचे मानसोपचार तज्ञ डॉ भालचंद्र काळमेघ यांनी निर्माण मधील विविध उपचार पद्धती व सुविधांची माहिती विशद केली.
संस्थेचे संस्थापक साहेबराव दराडे यांनी मान्यवरांचे स्वागत व कार्यक्रमाचे मुख्य संयोजन केले.
यावेळी चर्चसत्रांत या मान्यवरांनी विविध प्रश्नांची उत्तरे दिली व या दिवसाचे महत्व विशद केले.
कार्यक्रमास सुभेदार प्रकाश नवले,सुभेदार मेजर पाटील, अश्विन चव्हाण, कल्पेश कुलकर्णी, नर्सिंग व सहायक स्टाफ व रुग्णमित्र उपस्थित होते.
समुपदेशक पूजा जोशी यांनी आजच्या दिवसाचे जागतिक महत्व विशद केले व सर्वांचे आभार प्रकट केले. सूत्रसंचालन प्रा.प्रकाश दळवी यांनी केले.

04/10/2021

दै. पुढारी

03/10/2021

https://www.esakal.com/pune/father-of-the-nation-mahatma-gandhi-jayanti-nirman-addiction-psychiatry-center-tmb01

महात्मा गांधीजींच्या विचारप्रेरणेतून निर्माणची स्थापना करण्याची प्रेरणा मिळाली. Father Nation Mahatma Gandhi Jayantit Nirman Addiction and Psychiatry Center t...

02/10/2021

" निर्माण " व्यसनमुक्ती व मानसोपचार केंद्रात राष्ट्रपिता महात्मा गांधी जयंती साजरी :

लोहगाव येथील "निर्माण " संस्थेत महात्मा गांधी जयंती, निर्माण संस्थेचा सातवा वर्धापन दिवस व जागतिक मानसिक आरोग्य दिन असा तिहेरी कार्यक्रम मोठ्या उत्साहपूर्ण वातावरणात साजरा झाला.

यावेळी निर्माण चे संस्थापक मा. साहेबराव दराडे व डॉ भालचंद्र काळमेघ यांनी जागतिक मानसिक आरोग्य सप्ताहा निमित्त 3ऑक्टोबर ते 10 ऑक्टोबर पर्यंत विनामूल्य व्यसनरूग्ण व मानसिकरुग्ण यांची बाह्य रुग्ण तपासणी करण्याचे ठरवले आहे. त्यानिमित्त 3 ऑक्टोबर ते 10 ऑक्टोबर मधील सोमवार, बुधवार व शुक्रवार यादिवशी दुपारी दोन ते पाच या वेळेत रुग्णांची तपासणी करण्यात येईल.

यावेळी कार्यक्रमाचे प्रमुख पाहुणे म्हणून बोलताना प्रा. विलास गरुड यांनी " 'निर्माण संस्था एक व्रतस्थपणे रुग्णमित्रांसाठी कार्य करीत असून निर्माण समाज मानसिक आनंदमय व सुखदायक होण्यासाठी विविध उपचार पद्धतींचा अतिशय परिणामकारक उपचार करत असल्याबद्दल संस्थेचे व सर्वांचे कार्य कौतुकास्पद आहे " असे प्रतिपादन केले.

यावेळी महात्मा गांधीजींच्या विचार प्रेरणेतून निर्माण ची स्थापना करण्याची प्रेरणा मिळाल्याचे व तसेच करोना काळात घ्यावयाची काळजी व निर्माणची कार्यपद्धतीचे विश्लेषण संस्थापक डॉ भालचंद्र काळमेघ यांनी सांगितले.

यावेळी रुग्णमित्रांनी "इतनी शक्ती हमें देना दाता " हे प्रेरणा भक्ती गीत सादर केले.

निर्माण च्या या कार्यामुळे हजारो रुग्णमित्रांच्या आयुष्यात प्रकाश व आनंद निर्माण होऊन मानसिक व भावनिक ऋणानुबंध निर्माण होत असल्यामुळे, बरे झालेले रुग्ण इतरांना निर्माण मित्र म्हणून प्रेरणा देत आहेत, असे प्रतिपादन साहेबराव दराडे यांनी केले.

कार्यक्रमास सुभेदार प्रकाश नवले, सुभेदार मेजर पी. यस. पाटील, कल्पेश कुलकर्णी, मैथिली मिश्रा उपस्थित होते.
कार्यक्रमाचे आभार प्रदर्शन पूजा जोशी यांनी केले. सूत्रसंचालन प्रा प्रकाश दळवी यांनी केले.