Vishal Sampurna Arogya Sanstha

14/08/2025

12/08/2025

📰 कार्यक्रम बातमी – ७९ बालदिन विशेष सोहळा

पुणे – *मा.निलेश तापकीर फाउंडेशन* यांच्या वतीने आणि विशाल संपूर्ण आरोग्य संस्था यांच्या सहकार्याने ७९ वा स्वातंत्र्यदिन, वीर सन्मान व बालदिन विशेष सोहळा मोठ्या उत्साहात आणि देशभक्तीच्या वातावरणात पार पडला.

या विशेष दिवशी राज्यस्तरीय योगासन व मर्दानी खेळ स्पर्धा, अ‍ॅक्रो योगा, लावणी नृत्य, ‘बेटी बचाओ’ नाटिका, वक्तृत्व स्पर्धा तसेच विविध सांस्कृतिक सादरीकरणांमधून विद्यार्थ्यांनी आपली कला आणि कौशल्याचा मनमोहक आविष्कार सादर केला.

कार्यक्रमाची सुरुवात प्रतिमा पूजन आणि गणेश वंदना याने झाली. त्यानंतर सादर झालेली शिव वंदना आणि ‘आई आणि बाबा’वरील भावनिक प्रस्तुती यांनी उपस्थितांची मने जिंकली.

कार्यक्रमात मा. निलेश तापकीर सरांनी मुलांना विशेष सन्मानचिन्ह प्रदान करून सर्वांचे कौतुक केले आणि भविष्यातही अशाच प्रकारे मुलांना सहकार्य करण्याचे आश्वासन दिले.

डॉ. विशाल गुरव (संस्थापक अध्यक्ष, विशाल संपूर्ण आरोग्य संस्था) यांनी कार्यक्रमाच्या यशस्वी आयोजनाबद्दल समाधान व्यक्त करत सर्व सहभागी विद्यार्थी, पालक आणि आयोजन टीमचे विशेष आभार मानले.

🎖️ मेहनत, शिस्त आणि प्रतिभेच्या जोरावर मिळालेला सन्मान – यामुळे उपस्थित पालक आणि पाहुणे भारावून गेले.

कार्यक्रमाची सांगता “जय हिंद, वंदे मातरम्!” या घोषणांनी आणि आभार प्रदर्शनाने झाली. 🇮🇳

09/08/2025

कर्तव्य व राखी – भावबंधाचा उत्सव

चिखली | 9 ऑगस्ट 2025 – विशाल संपूर्ण आरोग्य संस्था, मोरया कॉलनी येथे रक्षाबंधन निमित्त "कर्तव्य व राखी – भावबंधाचा उत्सव" साजरा करण्यात आला. विद्यार्थिनींनी साने पोलीस चौकीतील अधिकारी मा. श्री. A.P.I संजय देवकुळे, मा. श्री. सुनील गायकवाड, मा. श्री. स्वप्निल धडे यांना राखी बांधून आदर व कृतज्ञता व्यक्त केली. तसेच झोपडपट्टी विभागाच्या अध्यक्षा मा. सौ. प्रमिलाताई ठोंबरे सुद्धा या कार्यक्रमा ला उपस्थित होत्या.

कार्यक्रमात नृत्य, गीत व देशभक्तीपर सादरीकरण झाले. पाहुण्यांनी विद्यार्थ्यांशी संवाद साधत समाजातील सुरक्षिततेबाबत मोलाचे विचार मांडले. A.P.I साहेबांनी संस्थेच्या कार्याचे कौतुक करत मुलींसाठी सदैव मदतीस तयार असल्याचे सांगितले.

उपक्रमाचे आयोजन संस्थापक व अध्यक्ष डॉ. विशाल गुरव यांच्या नेतृत्वाखाली पार पडले. हा सोहळा रेशमी धाग्यापलीकडे जाऊन कर्तव्य, आदर आणि बंधुभावाचा संदेश देणारा ठरला.

08/08/2025

महाराष्ट्र बुक ऑफ रेकॉर्ड आयोजित
🌟 एक सन्मान समाज परिवर्तनासाठी झगडणाऱ्यांच्या गौरवाचा

दिनांक – 7 ऑगस्ट 2025

महाराष्ट्र बुक ऑफ रेकॉर्डतर्फे आयोजित "क्रांती प्रेरक पुरस्कार 2025" हा भव्य पुरस्कार सोहळा यशस्वीरित्या पार पडला. समाजकार्य, आरोग्य, शिक्षण, महिला सक्षमीकरण, युवा नेतृत्व, कला-संस्कृती इत्यादी क्षेत्रांत उल्लेखनीय योगदान देणाऱ्या कार्यकर्त्यांचा या वेळी गौरव करण्यात आला.

🎭 विशेष सादरीकरण – विशाल संपूर्ण आरोग्य संस्था

या कार्यक्रमात विशाल संपूर्ण आरोग्य संस्था, मोरेवस्ती, चिखली – पुणे यांच्यावतीने "गणेश वंदना" या सांस्कृतिक सादरीकरणाचे आयोजन करण्यात आले.
सदर सादरीकरणाने संपूर्ण सभागृह मंत्रमुग्ध झाले.

तसेच, कारगिल विजय दिनानिमित्त कारगिल युद्धातील विजेत्या महिलांच्या गौरवार्थ एक विशेष प्रात्यक्षिक सादर करण्यात आले. या माध्यमातून वीर महिलांच्या शौर्यगाथेला आदरांजली वाहण्यात आली.

👏 प्रमुख उपस्थित मान्यवर:

आमदार अण्णासाहेब बनसोडे – प्रमुख पाहुणे म्हणून उपस्थित राहिले.

तृप्ती ताई देसाई –समजसेविका इ. मान्यवर अतिथी म्हणून उपस्थित होते.
त्यांच्या हस्ते सन्मानित मान्यवरांना पुरस्कार प्रदान करण्यात आले.
मा. सय्यद सर अध्यक्ष ( Times of Pune )

🎤 आयोजक:

सतीश राठोड

स्नेहल कुलकर्णी

अनिल घारे

या पुरस्कार सोहळ्याच्या माध्यमातून समाजातील प्रेरणादायी व्यक्तींना व्यासपीठ मिळाले तसेच नव्या पिढीला कार्यप्रेरणा मिळाली.

https://www.youtube.com/live/LRQBa3mkJnI?si=bJ_afIXBBesTiBkR

05/08/2025

विशाल संपूर्ण आरोग्य संस्था व डब्लू. सी. सी. ह्युमन वेल्फेअर फाउंडेशन यांच्या संयुक्त विद्यमाने आयोजित मोफत "भव्य वक्तृत्व स्पर्धा 2025" चे आयोजन दिनांक ३ ऑगस्ट २०२५ रोजी विशाल संपूर्ण आरोग्य संस्था, मोरे वस्ती, चिखली येथे मोठ्या उत्साहात पार पडले.

या स्पर्धेमध्ये पिंपरी-चिंचवड व पुणे परिसरातील ७० पेक्षा अधिक स्पर्धकांनी उत्स्फूर्त सहभाग नोंदवला.
स्पर्धेतील स्पर्धकांची प्राथमिक, माध्यमिक व कनिष्ठ गट अशा प्रकारे विभागणी करण्यात आली होती.

प्रत्येक गटातील सहभागी स्पर्धकांना "वक्तृत्व रत्न" गौरव प्रमाणपत्र देऊन सन्मानित करण्यात आले.
तसेच, प्रत्येक गटातील विजेत्यांना संस्थेच्या आगामी समारंभात "महाराष्ट्र प्रतिष्ठा पुरस्कार" देऊन गौरविण्यात येणार आहे.

स्पर्धेचे मुख्य परीक्षक म्हणून
▪️ प्रा. राजेश पाटील (पिंपरी-चिंचवड कॉलेज)
▪️ मा. श्री. दुर्गेश पुराणिक (संचालक, अर्जुना इन्स्टिटयूट)
▪️ मा. श्री. संतोष शिंदे सर (प्रमुख वक्ते)
▪️ मा. श्री. सुनील सोनवणे (प्रमुख वक्ते व कवी )

यांनी पारदर्शक मूल्यांकन करत सहभागी विद्यार्थ्यांना बहुमोल मार्गदर्शन केले.

कार्यक्रमाचे नियोजन
विजयालक्ष्मी गायकवाड, अनुष्का खैरे, संस्कार चोरमले, स्वप्नील दासरे व विट्ठल वाघमारे यांनी अतिशय नेटकेपणाने पार पाडले,
तर सूत्रसंचालन सुप्रिया कदम, कीर्ती दरेकर व विहंग गुरव यांनी उत्कृष्ट रीत्या पार पाडले.

या प्रसंगी संस्थेचे संस्थापक आणि आयोजक डॉ. विशाल गुरव यांनी सांगितले की,
"अशा प्रकारच्या स्पर्धांमुळे विद्यार्थ्यांमध्ये आत्मविश्वास वाढतो आणि एक चांगला वक्ता, चांगला नेता घडवण्याची कला त्यांच्यात विकसित होते. संवाद कौशल्य, विचारशक्ती आणि नेतृत्वगुण हे समाजासाठी अत्यंत मोलाचे आहेत आणि त्यासाठी अशा व्यासपीठांची नितांत गरज आहे."

12/07/2025

🙏🙏🙏🙏🙏🙏🙏🙏🙏खरंच सांगायचं तर, कालचा गुरुपौर्णिमेचा सोहळा खूपच भावनिक आणि प्रेमळ वातावरणात साजरा झाला. तुमचं सगळ्यांचं भरभरून मिळालेलं प्रेम आणि मन:पूर्वक दिलेला आदर मनाला स्पर्शून गेला.

या अपार प्रेमासाठी आणि आपुलकीसाठी मी खरंच ऋणी आहे.

हेच प्रेम आणि हेच नातं असंच जपूया. एकमेकांना उभं ठेवत, एकमेकांबरोबर पुढे चालत राहूया.

*मनापासून धन्यवाद
डॉ. विशाल गुरव
संस्थापक अध्यक्ष*

26/06/2025

🎤✨ वक्तृत्व स्पर्धा २०२५ ✨🎤
विशाल संपूर्ण आरोग्य संस्था
WCC Human Welfare Association
(संयुक्त विद्यमाने आयोजित)

📍 स्थळ: मोरया सोसायटी क्र. १२, मोरेवस्ती, चिखली, पुणे
🗓 दिनांक: लवकरच जाहीर केला जाईल

🌟 तयार आहात का?
तुमचे विचार तुमच्या शब्दांत मांडा, आत्मविश्वासाने मांडणी करा आणि जिंका मन!

🎁 विजेत्यांना प्रमाणपत्र आणि आकर्षक बक्षिसे दिली जाणार आहेत!

🔶 वयोगट
🔹 प्राथमिक गट (छोटा गट): ८ ते १३ वर्षे
🔹 कनिष्ठ माध्यमिक गट (मोठा गट): १४ ते १७ वर्षे

⏱ भाषणाची अट
➡️ किमान ३ मिनिटांचे भाषण अनिवार्य

📑 नोंदणीसाठी आवश्यक कागदपत्रे
📌 १ फोटो
📌 आधार कार्डची झेरॉक्स प्रत

📜 प्रत्येक विद्यार्थ्याला
✅ सहभाग प्रमाणपत्र (Participation Certificate)

🏆 विजेत्याला विशेष सन्मान
✅ महाराष्ट्र प्रतिष्ठान पुरस्कार तर्फे गौरव व सन्मानचिन्ह प्रदान करण्यात येईल

🪷
विचारांनाच द्या मुक्त उड्डाण,
शब्दांचं असो सुंदर शस्त्रधार!
मंच मिळतोय आता तुमच्यासाठी,
स्वतःला घडवा या संधीच्या आधार!

🔹 "हीच वेळ आहे – आत्मविश्वास दाखवा आणि यश मिळवा!"

📞 संपर्क:
अनुष्का खैरे – ९६५७१४३१३२
अधिक माहितीसाठी संपर्क साधा

22/06/2025

जागतिक योग दिन विशेष कार्यक्रमात स्वप्नील शिंदे यांच्या प्रेरणादायी उपस्थितीने कार्यक्रमात भरघोस उत्साह

पुणे, २१ जून २०२५ – विशाल संपूर्ण आरोग्य संस्था संचलित योगसुत्रा इन्स्टिट्यूट ऑफ योगा रिसर्च सेंटर यांच्या वतीने जागतिक योग दिनाच्या निमित्ताने आयोजित विशेष कार्यक्रमास नेहरू युवक केंद्र, पुणे येथील समन्वयक अधिकारी व MY Bharat कार्यालय सहाय्यक "मा. श्री. स्वप्नील शिंदे" आणि विशाल संपूर्ण आरोग्य संस्थेचे पदाधिकारी "मा. सौ. नम्रता बोरबंडे" यांची उपस्थिती लाभली.

या दोन्ही मान्यवरांनी कार्यक्रमात उपस्थित बालकांसोबत संवाद साधत योगाचे महत्त्व पटवून दिले. मा. शिंदे सरांनी "मी काहीतरी मुलांसाठी चांगलं करण्याचा प्रयत्न करेन" असा दिलेला शब्द उपस्थितांच्या मनात आशा आणि विश्वास निर्माण करणारा ठरला.

नम्रता बोरबंडे यांनीही आपल्या मनोगतातून योग, आरोग्य आणि समाजातील तरुण पिढीच्या सशक्तीकरणाबाबत मौलिक विचार मांडले. त्यांच्या आत्मीय संवादाने वातावरण सकारात्मकतेने भारले.

या कार्यक्रमात योग प्रात्यक्षिके, व्याख्याने आणि विविध आरोग्यविषयक उपक्रम राबवण्यात आले. डॉ. विशाल गुरव (संस्थापक अध्यक्ष) यांनी दोन्ही मान्यवर पाहुण्यांचे मनःपूर्वक आभार मानले व त्यांच्या पुढील सहकार्याची अपेक्षा व्यक्त केली.

21/06/2025

🏅 दिल्लीमध्ये पार पडला भव्य 'योग महाकुंभ 2025' – पुण्याचे डॉ. विशाल गुरव ‘आदियोगी योग भूषण पुरस्कार’ने सन्मानित, साधक व विद्यार्थ्यांनी वाढवली कार्यक्रमाची शोभा

नवी दिल्ली (लाजपत भवन):दिनांक 15 जुन 2025.
अखिल भारतीय योग शिक्षक महासंघ यांच्या वतीने आयोजित द्वितीय भव्य योग महाकुंभ 2025 मध्ये देशभरातील नामवंत योगगुरु, साधक आणि शिक्षक सहभागी झाले. या ऐतिहासिक कार्यक्रमात पुणे, महाराष्ट्र येथील सहभाग विशेष आणि प्रभावी ठरला.

---

🌟 डॉ. विशाल गुरव यांना राष्ट्रीय सन्मान

विशाल संपूर्ण आरोग्य संस्था (पिंपरी-चिंचवड, पुणे) चे संस्थापक डॉ. विशाल गुरव यांना योग क्षेत्रातील त्यांच्या उल्लेखनीय कार्यासाठी “आदियोगी योग भूषण पुरस्कार 2025” प्रदान करण्यात आला.

डॉ. गुरव यांनी आपल्या मनोगतात म्हटले –

> “योग ही केवळ शरीरशुद्धीची प्रक्रिया नाही, तर समाजाच्या जागृतीचे माध्यम आहे. अशा कार्यक्रमांमुळे संपूर्ण भारतात योग अधिक गाढ मुळं रोवतो.”

संस्थेच्या अध्यक्षा विजयालक्ष्मी गायकवाड यांनाही हा पुरस्कार प्रदान करण्यात आला, जो त्यांच्या नेतृत्वात महिला सशक्तीकरण आणि सामाजिक कार्यातील योगदानाचा गौरव आहे.

---

🎭 पुणेच्या साधिकांनी सादर केली भावपूर्ण ‘गणेश वंदना’

संस्थेच्या वतीने आलेल्या साधिकांनी –
🔹 ज्योती भीमाशंकर गायकवाड
🔹 विजया लक्ष्मी गायकवाड
🔹 सुप्रिया कदम
यांनी कार्यक्रमाच्या सुरुवातीस अत्यंत भावस्पर्शी आणि भव्य गणेश वंदना सादर केली. ही सादरीकरण इतकी प्रभावी ठरली की, संपूर्ण प्रेक्षकवर्ग मंत्रमुग्ध झाला.

या अद्वितीय सादरीकरणासाठी या तिन्ही साधिकांना ₹२१,०००/- सन्मान निधी देऊन मंचावर विशेष सन्मान करण्यात आला.

---

👦 संस्थेच्या विद्यार्थ्यांनाही विशेष गौरव

संस्थेचे तीन होनहार विद्यार्थी –
🔸 नकुल बनसोडे
🔸 अनुष्का खैरे
🔸 आदिती सुतार
यांना देखील त्यांच्या विशेष सहभागासाठी सन्मानित करण्यात आले. या विद्यार्थ्यांनी आपल्या योग सादरीकरण आणि जागरूकतेच्या माध्यमातून कार्यक्रमाची शान वाढवली.

---

👏 राष्ट्रीय पातळीवर पुण्याचा सन्मान

या योग महाकुंभामध्ये डॉ. अभिषेक वर्मा, योगगुरु अमित देव, लेफ्टनंट कर्नल अमरदीप सिंग, मा. अध्यक्ष मंगेश त्रिवेदी जी आणि दीपक चौरसिया यांसारख्या अनेक नामवंत व्यक्तींची उपस्थिती होती.
डॉ. अभिषेक वर्मा यांनी देखील लहान मुलांना ₹२१,०००/- पारितोषिक देत गौरवले आणि सांगितले –

> “योग ही आपल्या सनातन संस्कृतीची आत्मा आहे.”

हा कार्यक्रम केवळ योग शिक्षकांच्या सन्मानाचा उत्सव नव्हता, तर पुण्याच्या विशाल संपूर्ण आरोग्य संस्था च्या माध्यमातून महाराष्ट्राच्या योग परंपरेला, संस्कृतीला आणि सामाजिक सेवेला राष्ट्रीय स्तरावर नवी ओळख मिळवून देणारा एक ऐतिहासिक क्षण ठरला.

https://thetimesofpune.com/index.php/2025/06/19/yoga-mahakumbh-2025-punes-vishal-sanpoorna-arogya-sangha-steals-the-national-spotlight/

03/06/2025

डॉ. विशाल गुरव यांना “संध्याभूषण पुरस्कार 2025” – आरोग्य व समाजसेवेतील उत्कृष्ट योगदानाची दखल
पुणे, 3 जून 2025:
विशाल संपूर्ण आरोग्य संस्थेचे संस्थापक डॉ. विशाल गुरव यांना त्यांच्या आरोग्य क्षेत्रातील अतुलनीय कार्याबद्दल “संध्याभूषण पुरस्कार 2025” देऊन सन्मानित करण्यात आले. हा पुरस्कार दैनिक संध्या परिवारातर्फे पुण्यातील पंडित जवाहरलाल नेहरू सांस्कृतिक भवन येथे एका भव्य सोहळ्यात प्रदान करण्यात आला.

कार्यक्रमाच्या प्रमुख पाहुण्यांमध्ये मा. आमदार संजय ‘चंदूकाका’ जगताप, मा. सौ. तृप्ती ताई प्रशांत देसाई, व श्रीमती ममता सिंधुताई सपकाळ (पद्मश्री डॉ. सिंधुताई सपकाळ यांची कन्या) यांचा समावेश होता. याशिवाय अकलेश राजगुरू व साधना चव्हाण यांचीही उपस्थिती लाभली.

डॉ. गुरव यांनी गेल्या अनेक वर्षांपासून आरोग्य, योग व समाजप्रबोधनाच्या माध्यमातून हजारो लोकांचे जीवन सकारात्मक पद्धतीने बदलले आहे. ग्रामीण भागातील जनतेसाठी मोफत आरोग्य शिबिरे, स्त्रियांसाठी खास योग कार्यशाळा, तसेच “बेटी बचाव बेटी पढाव” या सारख्या उपक्रमांद्वारे सामाजिक जाणीवा निर्माण करणारे कार्यक्रम हे त्यांच्या संस्थेचे वैशिष्ट्य ठरले आहे.

या सोहळ्यात विशाल संपूर्ण आरोग्य संस्थेच्या विद्यार्थ्यांनी “गणेश वंदना”, “गवळण” आणि “बेटी बचाव बेटी पढाव” या संहितेवर आधारित नाट्यप्रयोग सादर करून संपूर्ण सभागृह मंत्रमुग्ध केले. उपस्थित मान्यवरांनी या सादरीकरणाचे विशेष कौतुक केले.

कार्यक्रमाचे आयोजन संपादिका सौ. ज्योती नाळे, पत्रकार सौ. स्नेहा कुलकर्णी, आणि श्री. सतीश राठोड यांनी संयुक्तपणे केले.

22/05/2025

स्वर्गीय राजीव गांधी स्मृती भव्य नृत्यस्पर्धा २०२५ उत्साहात पार

पुणे (२१ मे २०२५): प्रियंका जी महिला उद्योग संस्था व वसंतदादा सेवा संस्था यांच्या संयुक्त विद्यमाने स्वर्गीय राजीव गांधी स्मृती भव्य नृत्यस्पर्धा २०२५ चे भव्य आयोजन पुणे जिल्हा कला क्रीडा मंच, स्वारगेट येथे मोठ्या उत्साहात पार पडले.

कार्यक्रमाचे प्रमुख पाहुणे म्हणून माननीयज्येष्ठ सिने अभिनेता गिरीश कुलकर्णी यांची उपस्थिती लाभली. विशेष आकर्षण म्हणून सिनेअभिनेत्री संस्कृती बालगुडे यांनी कार्यक्रमाला हजेरी लावली.

या स्पर्धेत अनेक स्पर्धकांनी आपल्या कलागुणांचे मनोहारी सादरीकरण केले. *विशाल संपूर्ण आरोग्य संस्था यांच्या विद्यार्थिनी ज्योती भीमाशंकर गायकवाड आणि सुप्रिया कदम ** हिला उत्कृष्ट नृत्य सादरीकरणाबद्दल विशेष उत्तेजनार्थ पुरस्कार देऊन सन्मानित करण्यात आले. हा पुरस्कार संस्कृती बालगुडे यांच्या हस्ते प्रदान करण्यात आला.

कार्यक्रमाचे आयोजन अत्यंत शिस्तबद्ध व प्रेरणादायी पद्धतीने पार पडले. आयोजक संस्थांनी नृत्यकलेच्या माध्यमातून युवा पिढीला एक सकारात्मक मंच उपलब्ध करून दिला असल्याचे उपस्थित मान्यवरांनी सांगितले.

08/05/2025

Appeal for Educational Support for Year 2025-2026
– Help Empower a Future!

Dear Friends and Well-Wishers,

Greetings from Vishal Sampurna Arogya Sanstha (VSAS)!

As we approach the new academic year starting in June, we humbly request your generous support to help our NGO students, especially young girls, continue their education. Many of them are ready to take the next step towards 12th standard, paramedical courses, and technical/skilled education, but financial limitations are holding them back.

Your small contribution can make a big difference. By supporting even one student, you help build a brighter, more self-reliant future for an entire family.

Let’s come together to prioritize education, empowerment, and equality. We welcome your support in any form—fees, books, materials, or mentorship.

🙏 Be the hand that lifts a student toward success.

For donations or more information, please contact:
📞 9923622953 | 🌐 www.vsaspune.org

With gratitude,
Dr. Vishal Yuvraj Gurav
Founder & Director, VSAS