17/11/2025
திருவாரூர் மாவட்டம் பூந்தோட்டம் அருகில் இருக்கும் சில கோவில்கள் எண்ணிலடங்கா புகழ்வாய்ந்தவை அதிக சக்தி வாய்ந்தவை அவற்றுள் திருமீயச்சூர் லலிதாம்பிகை கோவில் ரொம்பவும் சக்தி வாய்ந்தது. சமீபத்தில் சில மாதங்களுக்கு முன் இரவு பூஜையின்போது நான் போகும்போது அதிக கூட்டம் இல்லை சாதாரண நாளில் சென்றேன். லலிதாம்பிகை அம்மனை பற்றி கேள்விப்பட்டு இருக்கிறேன். இந்த அம்பிகையை மனமார தரிசித்தேன். அப்படி ஒரு அமைதி நிலவியது இவர் சன்னதியில். நல்லதொரு அதிர்வலைகளை கொடுத்தது கூட்டம் வேறு இல்லை என்பதால் ரொம்பவும் மனதுக்கு அமைதியாய் இருந்தது. இப்படி ஒரு அருமையான மனதுக்கு மகிழ்வான ஒரு தரிசனத்தை நான் வாழ்நாளில் கண்டதில்லை. அற்புதம் என்றால் அப்படி ஒரு அற்புதம் இந்த கோவில். இக்கோவிலில் கடுமையான சக்தி உள்ளது என்பதை எனது மனது உணர்த்தியது.
