14/11/2025
बालदिनानिमित्त मानसशास्त्रज्ञ संतोष कांबळे यांनी दिला निरोगी राहण्याचा संदेश
न्यू पॅलेस स्कूल कोल्हापूर येथे मुलांमधील वर्तणूक व शिकण्यासंबंधीच्या समस्यांवर मार्गदर्शन
कोल्हापूर (ता. १४ ) : बालदिनानिमित्त न्यू पॅलेस स्कूल, कोल्हापूर (New palace school Kolhapur ) येथे निर्मल हॉस्पिटलचे (Nirmal Hospital, Miraj) मानसशास्त्रज्ञ संतोष कांबळे (Santosh Kambale ) यांनी लहान मुलांच्या मानसिक आरोग्यविषयी सविस्तर माहिती दिली. वाढत्या ताणतणावाच्या काळात मुलांमध्ये दिसणाऱ्या विविध वर्तणूक व शिकण्यासंबंधीच्या समस्यांवर त्यांनी मार्गदर्शन केले.
आज भारतभर बालदिन साजरा होत असताना पंडित जवाहरलाल नेहरू (Pandit Jawaharlal Nehru ) यांनी सांगितलेल्या बालक-पालक आणि शिक्षक या त्रिसूत्रीवर चालणे गरजेचे आहे. लहान मुलं हे देवाघरची फुले आहेत. त्यांची होत असताना योग्य ती काळजी घेलती पाहिजे. कारण ते उद्याचे भविष्य आहेत . आज समाज माध्यमांमुळे लहान मुलांच्या वर्तुनुकीत, विचाराच्या समस्या वाढल्या आहेत. या समस्या वेळीच ओळखून त्यांच्यावर उपचार करणे गरजेचे आहे असेही संतोष कांबळे म्हणाले.
यावेळी बोलताना पुढे ते म्हणाले, चिंता, नैराश्य या बरोबरच ऑटिझम (Autism) या आजाराचे प्रमाण मुलांच्यात दिसून येत आहे. “ऑटिझम हा न्यूरो–डेव्हलपमेंटल डिसऑर्डर असून मुलांच्या सामाजिक संवाद, भाषा आणि वर्तणूक विकासावर परिणाम करतो. लवकर निदान व थेरपी हा यावरचा सर्वात प्रभावी उपाय आहे.”
याशिवाय मुलांमधील शिकण्यातील अडचणी (Learning Difficulties), वाचन–लेखनातील समस्या, तसेच अतिचंचलता (ADHD) याविषयीही त्यांनी मुलांना मार्गदर्शन केले.
कार्यक्रमात मुलांनी मोठ्या उत्साहाने सहभाग घेतला. विविध शंकांचे समाधान करताना कांबळे यांनी मुलांचे मानसिक आरोग्य टिकवण्यासाठी लवकर हस्तक्षेप, योग्य थेरपी आणि घरातील सकारात्मक वातावरण यावर भर दिला.शेवटी व्यसनमुक्तीचे महत्व पटवून देताना मुलांकडून निरोगी राहण्याची शपथ घेतली. बालदिनानिमित्त घेण्यात आलेला हा उपक्रम शिक्षक तसेच मुलांसाठी उपयुक्त ठरला असून मुलांच्या भावनिक आणि बौद्धिक विकासाबाबतची जागरूकता वाढविणारा ठरला आहे.
या कार्यक्रमाला न्यू पॅलेस स्कूल, कोल्हापूर येथील शिक्षक, शिक्षकेत्तर कर्मचारी, निर्मल हॉस्पिटलचे सोशल वर्कर दिनेशकुमार माने, अविनाश आवळे उपस्थित होते.
#बालदिन
