Rhutu Prema Siddipet

11/10/2023

29/08/2023

ఋతుప్రేమ కార్యక్రమానికి విశేష స్పందన

కేంద్ర యూనిసెఫ్ బృందం సందర్శన - పరిశీలన

త్వరలో అంతర్జాతీయ బృందం పర్యటన.

సిద్దిపేట జిల్లాలో రాష్ట్ర ఆర్థిక వైద్య ఆరోగ్యశాఖ మంత్రివర్యులు తన్నీరు హరీష్ రావు గారు ఎంతో ప్రతిష్టాత్మకంగా చేపడుతున్నటువంటి ఋతుప్రేమ కార్యక్రమం అమలు మహిళల నెలసరి ఆరోగ్య సమస్యల పట్ల వచ్చినటువంటి గుణాత్మకమైన మార్పులను తెలుసుకోవడానికి ఈరోజు యూనిసెఫ్ ప్రతినిధుల కేంద్ర బృందం రాధిక శ్రీవత్సవ్, రాఘవ్ ఆరోరా , వెంకటేష్ అరలి కట్ట తదితరులు సిద్దిపేట జిల్లాలో సందర్శించారు.

కొద్ది రోజుల్లో అంతర్జాతీయ స్థాయి వివిధ దేశాల నుండి యూనిసెఫ్ ప్రతినిధులు సందర్శించనున్నారు. ఈ నేపథ్యంలో ఋతు ప్రేమ కార్యక్రమం తీరు తెన్నులను మహిళల జీవితాల్లో వస్తున్నటువంటి మార్పులను క్షుణ్ణంగా పరిశీలించడానికి ముందస్తు సందర్శన ఈ రోజు చెప్పటడం జరిగింది.

అనంతరం సిద్దిపేట జిల్లా సమీకృత కలెక్టరేట్ కార్యాలయంలో జిల్లా అడిషనల్ కలెక్టర్ గరీమ అగ్రవాల్ నేతృత్వంలో సమావేశం ఏర్పాటు చేయడం జరిగింది సిద్దిపేట జిల్లాలో చేపడుతున్న రుతు ప్రేమ కార్యక్రమ తీరు తెన్నులను వివరించారు. గ్రామీణ, పట్టణ స్థాయి మహిళల్లో వచ్చిన చైతన్యం, ఇప్పటి వరకు కార్యక్రమానికి వస్తున్న విశేష స్పందనను యూనిసెఫ్ ప్రతినిధుల బృందానికి గరిమా అగ్రవాల్ వివరించారు. ఈ కార్యక్రమంలో డిపిఓ దేవకిదేవి, డిఎం అండ్ హెచ్ ఓ కాశీనాథ్, సెట్ విన్ నిర్వాహకులు అమీనా, DLPO వేదవతి, యునిసెఫ్ ప్రతినిదులు కృష్ణ స్వామి తదితరులు పాల్గొన్నారు.

08/08/2023

ఋతప్రేమ హెల్త్ సొసైటీ పోస్టర్ ను ఆవిష్కరించిన రాష్ట్ర ఆర్ధిక వైద్య ఆరోగ్య శాఖ మంత్రి వర్యులు శ్రీ తన్నీరు హరీష్ రావు గారు, జెడ్పీ ఛైర్మెన్ రోజా రాధా కృష్ణ శర్మ గారు, అడిషనల్ కలెక్టర్ గరీమా అగర్వాల్ గారు, ఎంపీపీ కూర మాణిక్య రెడ్డి గారు, పర్యావరణ ప్రేమికురాలు శ్రీమతి శాంతి గారు, DPO దేవకీ దేవి గారు, DMHO కాశీ గారు తదితరులు పాల్గొన్నారు

06/08/2023

పత్రికా ప్రకటన

*స్వచ్ఛ నంగునూరు సాధించే కార్యక్రమమే రుతుప్రేమ*

*అందరూ భాగస్వాములై కార్యక్రమం విజయవంతం చేయాలి*

*నంగునూరు మండల టెలి కాన్ఫరెన్స్ లో రాష్ట్ర ఆర్థిక, వైద్య ఆరోగ్య శాఖ మంత్రి హరీశ్ రావు*

నంగునూరు 06 ఆగస్టు 2023: స్వచ్ఛ నంగునూరు సాధించే కార్యక్రమమే రుతుప్రేమ. మన కుటుంబంలోని మహిళా సభ్యుల ఆరోగ్యానికి సాయం, సేవ అందించే కార్యక్రమంగా భావించాలి. అందరూ భాగస్వాములై ఈ కార్యక్రమం విజయవంతం చేయాలని రాష్ట్ర ఆర్థిక, వైద్య ఆరోగ్య శాఖ మంత్రి హరీశ్ రావు దిశానిర్దేశం చేశారు. నంగునూరు మండల ప్రజాప్రతినిధులు, జిల్లా అడిషనల్ కలెక్టర్ గరిమా అగర్వాల్, డీపీఓ దేవకి, పర్యావరణ ప్రేమికురాలు డాక్టర్ శాంతి, మండల, గ్రామ అధికారులు, సిబ్బందితో కలిసి 325 మందితో టెలీ కాన్ఫరెన్స్ నిర్వహించారు. ఇప్పటికే నియోజక వర్గ పరిధిలోని సిద్ధిపేట అర్బన్, రూరల్, నారాయణరావుపేట, చిన్నకోడూరు పూర్తయినట్లు ఇక సోమవారం నుంచి నంగునూరు మండలంలో రుతుప్రేమ కార్యక్రమాన్ని చేపడుతున్నట్లు, వారం రోజుల్లో మండలాన్ని పూర్తి చేయాలని నిర్ణయించినట్లు, ఇందుకు మండల, గ్రామ ప్రజాప్రతినిధుల భాగస్వామ్యం అవసరమని, క్షేత్రస్థాయిలో అధికార సిబ్బంది సహకారాన్ని అందించాలని కోరారు. మహిళల ఆరోగ్యం కాపాడటమే కాకుండా పర్యావరణాన్ని పరిరక్షిస్తూ, మహిళల డబ్బు ఆదా చేసిన వారమవుతామని వివరించారు. ఈ రుతుప్రేమ ద్వారా మహిళ ఆరోగ్యం కాపాడటంతో పాటు స్వచ్ఛ గ్రామాన్ని చేసుకోవచ్చునని తెలిపారు. మన రాష్ట్రం కానప్పటికీ బెంగళూరు నుంచి మట్టి మీద ప్రేమతో సామాజిక బాధ్యతతో కృషి చేస్తున్న పర్యావరణ ప్రేమికురాలు డాక్టర్ శాంతి సేవలను సద్వినియోగం చేసుకోవాలని మంత్రి కోరారు. అంతకు ముందు జిల్లా అడిషనల్ కలెక్టర్ గరిమా అగర్వాల్ మాట్లాడుతూ ఈ వారమే రుతుప్రేమ సొసైటీ ఏర్పాటు చేసినట్లు తెలిపారు. ఈ మంగళవారం రోజున సూర్యాపేట మున్సిపాలిటీ మహిళా కౌన్సిలర్ల బృందం సిద్ధిపేటకు రానున్నదని, సిద్ధిపేట స్వచ్ఛబడితో పాటు నంగునూరు మండలం అక్కెన్నపల్లిలో జరిగే రుతుప్రేమ కార్యక్రమంలో హాజరవుతారని తెలిపారు.

30/07/2023

28/07/2023

*సిద్ధిపేట "రుతుప్రేమ" చైతన్యం కర్ణాటకలో అమలు*

తాజాగా కర్ణాటక రాష్ట్రంలో రెండు జిల్లాల్లో ఈ రుతుప్రేమ కార్యక్రమం అమలు చేసేందుకు అక్కడి రాష్ట్ర ప్రభుత్వం చర్యలు ప్రారంభించింది. ఇంతకు ముందు జిల్లా అదనపు కలెక్టర్ గా పనిచేసిన ప్రస్తుత పెద్దపల్లి జిల్లా కలెక్టర్ ముజమ్మీల్ ఖాన్ వీడియో కాన్ఫరెన్స్ ద్వారా అక్కడ అధికారులకు వివరించారు. ఆ రాష్ట్రంలో అమలు చేసేందుకు యూనిసెఫ్, ఆర్డీపీఆర్ కమిషనర్ ముందుకు రావడం సిద్ధిపేట ప్రాంతానికి గర్వ కారణం.

28/07/2023

*కర్ణాటక రాష్ట్రంలోని రెండు జిల్లాలో ఋతు ప్రేమ కార్యక్రమ అమలుకు చర్యలు*

=================
సిద్ధిపేట 28 జూలై 2023:
==================

అతివ ఆరోగ్యం. అవని రక్షణకు తలపెట్టిన సిద్ధిపేట "రుతుప్రేమ" చైతన్యం సత్ఫలితాలనిస్తున్నది. మంత్రి హరీశ్ ఆలోచనతో పురుడు పోసుకున్న రుతుప్రేమ కార్యక్రమం గొప్ప ఖ్యాతిని గడిస్తున్నది. స్వచ్ఛ సిద్ధిపేట సాధన లక్ష్యంగా మహిళ ఆరోగ్యం, పర్యావరణ హితాన్ని కాక్షిస్తూ అనేక వినూత్న కార్యక్రమాలకు ప్లాట్ ఫామ్ గా మారుతున్న సంగతి తెలిసిందే. రుతుప్రేమతో ఎంతో మంది మహిళల ఆరోగ్య చైతన్యం చేసేందుకు దోహదం చేసింది. ఆర్థిక, ఆరోగ్య శాఖ మంత్రి హరీశ్ విజన్ తో యేడాది క్రితమే సిద్ధిపేటలో మొదలైన రుతుప్రేమ చైతన్యం ఇతర రాష్ట్రాలకు స్ఫూర్తిగా నిలుస్తున్నది.

*సిద్ధిపేట "రుతుప్రేమ" చైతన్యం కర్ణాటకలో అమలు*

తాజాగా కర్ణాటక రాష్ట్రంలో రెండు జిల్లాల్లో ఈ రుతుప్రేమ కార్యక్రమం అమలు చేసేందుకు అక్కడి రాష్ట్ర ప్రభుత్వం చర్యలు ప్రారంభించింది. ఇంతకు ముందు జిల్లా అదనపు కలెక్టర్ గా పనిచేసిన ప్రస్తుత పెద్దపల్లి జిల్లా కలెక్టర్ ముజమ్మీల్ ఖాన్ వీడియో కాన్ఫరెన్స్ ద్వారా అక్కడ అధికారులకు వివరించారు. ఆ రాష్ట్రంలో అమలు చేసేందుకు యూనిసెఫ్, ఆర్డీపీఆర్ కమిషనర్ ముందుకు రావడం సిద్ధిపేట ప్రాంతానికి గర్వ కారణం.

*మహిళలు, యువతులకు అవగాహన*

*మెన్స్ట్రువల్ కప్, క్లాత్ ప్యాడ్ వినియోగానికి ఆదరణ*

సిద్ధిపేట నియోజకవర్గ వ్యాప్తంగా రుతుప్రేమ పై మహిళలు, యువతులకు పెద్ద ఎత్తున అవగాహన కల్పిస్తున్నారు. ముఖ్యంగా పర్యావరణవేత్త డాక్టర్ శాంతి సహకారం, సిద్ధిపేట పోలీసు కమిషనర్ శ్వేత, జిల్లా అధికార యంత్రాంగం ప్రత్యేక చొరవతో శానిటరీ ప్యాడ్స్ వద్దు, మెన్స్ట్రువల్ కప్స్ ముద్దు నినాదంతో జనాల్లోకి రుతుప్రేమ విస్తృతంగా వెళ్తున్నది. రుతుప్రేమతో పలువురు మహిళల నెలసరి సమస్యలు గట్టెక్కే పరిష్కారం మార్గం లభించింది. ఇప్పటి వరకు సిద్ధిపేట మున్సిపాలిటీ పరిధిలో 14 వార్డులు, నియోజకవర్గ పరిధిలో 57 గ్రామాలలో అవగాహన కల్పించారు. యువతులు, మహిళలకు 24 వేల 356 మెన్స్ట్రువల్ కప్పులు, 11 వేల 86 క్లాత్ ప్యాడ్స్ పంపిణీ చేశారు.