Shree Ganesha Multispeciality Hospital,Shirur

Shree Ganesha Multispeciality Hospital,Shirur Contact information, map and directions, contact form, opening hours, services, ratings, photos, videos and announcements from Shree Ganesha Multispeciality Hospital,Shirur, Hospital, Sai Darshan Building, Baburao Nagar, Sirur.

14/11/2025

#माऊलींचेपालखीचे_स्वागत
वाऱ्यांत पांडुरंगाचा नामगुजारा दाटला,
दिंडीच्या पावलागणिक भक्तीचा गंध दरवळला.
वारकरी चालती चरणी ठेवून विश्वास,
आळंदीची वाट उजळे, भावनेचा प्रकाश.

करुणेच्या छायेखाली ही पवित्र वारी,
पावलोपावली भासे विठ्ठलाची वारी.
या निष्ठेच्या प्रवासाला मनापासून वंदन,
वारकऱ्यांच्या सेवेस आम्हा श्री गणेशात वंदन...!

कार्तिकी वारी साठी अनेक दिंड्या या आळंदीकडे मार्गस्थ झालेल्या आहेत. आज शिरूर येथील श्री गणेशा हॉस्पिटल येथे आलेल्या माऊलींच्या पालखीचे मोठ्या भक्ती भावाने स्वागत करण्यात आले. हॉस्पिटलच्या स्टाफ च्या वतीने पाद्यपूजन करण्यात आले यावेळी श्री गणेशा मल्टीस्पेशलिटी हॉस्पिटल चे संचालक डॉ.अखिलेश राजुरकर यांनी पालखीतील वारकऱ्यांचे स्वागत करून विनापूजन केले. यावेळी हॉस्पिटलचे स्टाफ व वारकरी उपस्थित होते.

(वाढदिवस काही क्षणचित्र)
14/11/2025


(वाढदिवस काही क्षणचित्र)

शुभेच्छांच्या वर्षावात न्हाऊन जाणं काय असतं... "वाढदिवस" .. दरवर्षी साजरा होत असतो. परंतु या वर्षीचा वाढदिवस हा अगदी फार...
14/11/2025

शुभेच्छांच्या वर्षावात न्हाऊन जाणं काय असतं...
"वाढदिवस" .. दरवर्षी साजरा होत असतो. परंतु या वर्षीचा वाढदिवस हा अगदी फारच वेगळा होता. अगोदर एक दिवस सुरू झालेला शुभेच्छा वर्षाव ते आतापर्यंत शुभेच्छांच्या वर्षावात अक्षरश: चिंब भिजून गेल्यासारखं जाणवलं. या वाढदिवसाला राजकीय, सामाजिक,शैक्षणिक, पत्रकारिता, पोलीस, आदी क्षेत्रातील मान्यवरांनी भेट दिल्या. येताना प्रत्येक जण आवर्जून शाल, श्रीफळ, पुष्पगुच्छ आणि एक केक हे घेऊन येत होता.यामध्ये अगदी सर्वसामान्य लहानापासून ते ज्येष्ठ मंडळी पर्यंत प्रत्येक जण आपुलकीने आपलेपणाने भेटत होता. हे प्रेम इतके होते की रात्री 12:30 पर्यंत सुमारे ७२ केक कापण्याचे भाग्य मिळाले. शिरूर, पारनेर, श्रीगोंदा या तीन तालुक्यात रुग्ण सेवा करत असताना अनेक मंडळी नेहमी जोडली जातात.प्रत्येकाशी आपुलकीचे नाते निर्माण होत असते. परंतु यानिमित्ताने हा स्नेह जपण्याचा एक प्रयत्न ठरत असतो. आयुष्यात आपण कधी समाजाचे तर कधी दुर्बल घटकाचे देणे लागत असतो.प्रत्येकाच्या वेदना जाणून घेत असतो. या वेदना जाणून त्यावर फुंकर घालण्याचे काम करत असतो. व अशा आनंद सोहळ्याला, ज्यावेळी प्रत्येक माणूस शब्दाने ,आपुलकीने व प्रत्यक्ष भेटून जेव्हा शुभेच्छा देतात. तेव्हा हा आनंद अधिक द्विगुणीत झाल्याचे समाधान लाभते. नेहमीच कधीतरी आपण प्रत्येकाला समाधानी ठेवू शकत नाही, परंतु जेवढे आहे तेवढे प्रत्येकाला नेहमी भरभरून देण्याचा प्रयत्न असतो. या वाढदिवसाला आलेल्या प्रत्येकाच्या, प्रत्येकाने दिलेल्या शुभेच्छांच्यासाठी सर्वांचे मनःपूर्वक धन्यवाद यापुढेही असाच स्नेह कायम राहू द्या!

कधी कुणाच्या वेदना शांत करत,तर कधी कुणाला नव्या जीवनाची वाट दाखवतआपण चालत राहिलेल्या या प्रकाशमयी सेवापथावर विविध क्षेत्...
14/11/2025

कधी कुणाच्या वेदना शांत करत,
तर कधी कुणाला नव्या जीवनाची वाट दाखवत
आपण चालत राहिलेल्या या प्रकाशमयी सेवापथावर
विविध क्षेत्रातील अनेक मान्यवरांनी
रुग्णसेवा कार्याला मनःपूर्वक नमन केलं…!

ही शुभेच्छा केवळ आदराचा वर्षाव नाही,
तर उपचारांबरोबर जपलेल्या माणुसकीचं
जगापुढे झालेलं मौन कौतुक आहे...
कारण आपण दिलेल्या स्पर्शात औषधांपेक्षा
आशेचं आणि विश्वासाचं सामर्थ्य अधिक असतं
हे आज सर्वांनी मान्य केलं.

या वाढदिवसाच्या दिवशी
मान्यवरांनी व्यक्त केलेल्या प्रत्येक शब्दातून
एकच भावना उलगडून आली—
आपल्या सेवेमुळे कोणीतरी वाचलं,
कोणीतरी उभं राहिलं,
कोणीतरी पुन्हा जगायला शिकलं…
आणि हीच आपल्या आयुष्याची
सर्वात मोठी शाबासकी ठरली.

आज मिळालेला हा सन्मान,
ही शुभेच्छांची अनमोल ऊब—
आपल्या प्रवासाला नवी ऊर्जा,
नव्या ध्येयांची पंखं देऊन गेली.
आपण रुग्ण सेवेच्या केलेल्या कार्याचा हा गौरव
आपल्या माणुसकीच्या इतिहासात
एक सुंदर सुवर्णपाने लिहून गेला…!

वाढदिवसाला विविध सामाजिक, राजकीय कला, क्रीडा, व्यापार, शैक्षणिक, उद्योजक ,प्रशासकीय,शासकीय अशा सर्वच क्षेत्रातील मान्यवरांनी शुभेच्छा दिल्या... आपल्या सर्वांचे मनःपूर्वक धन्यवाद ! नेहमी प्रत्येकाच्या ऋणात...!

शिरूर, पारनेर, श्रीगोंदा तालुक्यातील गोरगरीब जनतेसाठी देवदूताच्या रूपाने प्रत्येकाच्या मनात वेगळ्या कार्याचा ठसा असलेले,...
13/11/2025

शिरूर, पारनेर, श्रीगोंदा तालुक्यातील गोरगरीब जनतेसाठी देवदूताच्या रूपाने प्रत्येकाच्या मनात वेगळ्या कार्याचा ठसा असलेले,शिरूर शहरात वैद्यकीय सेवा करणारे आपल्या श्री गणेशा मल्टीस्पेशलिटी हॉस्पिटल चे संचालक डॉ. अखिलेश राजुरकर सर यांना वाढदिवसाच्या खूप खूप शुभेच्छा 💐💐💐
Akhilesh Pramodrao Rajurkar

12/11/2025

शिरूर शहरातील पोदार इंटरनॅशनल स्कुल शाळेच्या स्नेहसंमेलन सोहळ्यास श्री गणेशा मल्टीस्पेशलिटी हॉस्पिटल चे संचालक डॉ. अखिलेश राजूरकर सर हे प्रमुख पाहुणे म्हणून आवर्जून उपस्थित राहिले होते.यावेळी मनोगत व्यक्त करताना पालकांच्या अपेक्षा आणि मुलांचे आरोग्य याविषयी मार्गदर्शन केले.

प्रसिद्ध न्यूरोलॉजिस्ट डॉ. नस्ली आर. इचापोरिया यांची श्री गणेशा मल्टीस्पेशलिटी हॉस्पिटल मध्ये भेट पुणे शहरात विशेष ओळख अ...
21/09/2025

प्रसिद्ध न्यूरोलॉजिस्ट डॉ. नस्ली आर. इचापोरिया यांची श्री गणेशा मल्टीस्पेशलिटी हॉस्पिटल मध्ये भेट

पुणे शहरात विशेष ओळख असलेल्या प्रसिद्ध न्यूरोलॉजिस्ट डॉ. नस्ली आर. इचापोरिया यांनी नुकतीच शिरूर येथील श्री गणेशा मल्टीस्पेशलिटी हॉस्पिटल मध्ये भेट दिली. यावेळी हॉस्पिटल चे संचालक डॉ अखिलेश राजुरकर, डॉ. प्रणव वाघ यांनी त्यांचे स्वागत केले.यावेळी डॉ. इचापोरिया यांनी देखील हॉस्पिटल मधील रुग्णांची भेट घेतली. श्री गणेशा मल्टीस्पेशलिटी हॉस्पिटल मधील विविध उपक्रमाची माहिती जाणून घेतली. हॉस्पिटल च्या वतीने त्यांचा विशेष सन्मान करण्यात आला. डॉ. नस्ली आर. इचापोरिया यांनी पुणे शहरात आधुनिक न्यूरोलॉजी आणि स्ट्रोक उपचारांची पायाभरणी केली आहे.ते फक्त रुग्णांचे उपचारच करत नाहीत, तर न्यूरो ICU व स्ट्रोक युनिटसारखी संकल्पना भारतात लोकाभिमुख आणि प्रभावी बनवण्यात त्यांचे उल्लेखनीय योगदान आहे.
#वसारुग्णसेवेचा

शिरूर शहरात खिदमद फाऊंडेशन च्यावतीने दरवर्षी हजरत मोहम्मद पैगंबर जयंतीनिमित्त विविध सामाजिक उपक्रम राबविले जातात.शिरूर श...
13/09/2025

शिरूर शहरात खिदमद फाऊंडेशन च्यावतीने दरवर्षी हजरत मोहम्मद पैगंबर जयंतीनिमित्त विविध सामाजिक उपक्रम राबविले जातात.शिरूर शहरातील खिदमद फाऊंडेशन ने आयोजित केलेल्या महाआरोग्य शिबिर उद्घाटन प्रसंगी श्री गणेशा मल्टीस्पेशलिटी हॉस्पिटल चे संचालक डॉ अखिलेश राजुरकर हे आवर्जून उपस्थित राहिले होते.हे आरोग्य शिबिर आयोजनाचे पाचवे वर्ष आहे.आज या आरोग्य शिबिरास प्रसिद्ध उद्योगपती व शिरूर नगरपरिषद चे सभागृह नेते प्रकाश भाऊ धारिवाल यांच्या उपस्थितीत आरोग्य शिबिरास प्रारंभ करण्यात आला. खिदमद फाऊंडेशन चे अध्यक्ष हाजी असिफ हाजी अ.हमीद शेख यांनी सर्वांचे आभार मानले. यावेळी मोठ्या संख्येने शिरूर शहरातील नागरिक उपस्थित होते.
#श्रीगणेशा_मल्टीस्पेशलिटी_हॉस्पिटल

भावपूर्ण वातावरणात लाडक्या गणरायाला निरोप... श्री गणेशा मल्टीस्पेशलिटी हॉस्पिटल मध्ये गेल्या दहा दिवसांपासून गणर...
06/09/2025

भावपूर्ण वातावरणात लाडक्या गणरायाला निरोप...
श्री गणेशा मल्टीस्पेशलिटी हॉस्पिटल मध्ये गेल्या दहा दिवसांपासून गणरायाचे आगमन झाले अन् संपूर्ण वातावरणच बदलून गेले.दररोज विविध कार्यक्रमानिमित पाहुण्यांची रेलचेल,विविध धार्मिक कार्यक्रम यामुळे हॉस्पिटल अगदी गजबजून गेले होते.आज दहाव्या दिवशी गणरायाला भावपूर्ण वातावरणात साश्रू नयनांनी निरोप देण्यात आले.
यावेळी श्री गणेशा मल्टीस्पेशलिटी हॉस्पिटल चे संचालक डॉ. विशाल महाजन सर, डॉ.अखिलेश राजुरकर, डॉ. सारंग पाठक, डॉ. अंकित महाजन, यांसह हॉस्पिटल चा स्टाफ आवर्जून उपस्थित होता.
#श्रीगणेशा_मल्टीस्पेशलिटी_हॉस्पिटल #गणेशोत्सव२०२५

✨🌸 नवव्या दिवसाची आरती – सेवाभावाला वंदन 🌸✨गणेशोत्सवाचा नववा दिवस म्हणजे भक्तीबरोबर निःस्वार्थ सेवेला नमन करण्याचा क्षण....
06/09/2025

✨🌸 नवव्या दिवसाची आरती – सेवाभावाला वंदन 🌸✨
गणेशोत्सवाचा नववा दिवस म्हणजे भक्तीबरोबर निःस्वार्थ सेवेला नमन करण्याचा क्षण.या दिवशी गणराया जणू आपल्याला सांगतो – “भक्ती फक्त मांडवात नाही, तर ती प्रत्येक सेवेच्या कार्यात आहे.”
गणरायाच्या नवव्या दिवशी श्री गणेशा मल्टीस्पेशलिटी हॉस्पिटलमध्ये आरतीचा मान हॉस्पिटल मध्ये रुग्णासाठी दिवस-रात्र झगडणाऱ्या डॉक्टर्स व कर्मचाऱ्यांना देण्यात आला.तेच खरे आरोग्यदेवदूत असतात
जे स्वतःची वेदना विसरून रुग्णाच्या जीवासाठी झटतात,ज्यांच्या हाताच्या औषधातच नव्हे तर हृदयाच्या ममतेतही उपचार दडलेले असतात.रुग्णाच्या चेहऱ्यावर परत आलेले हास्य हाच त्यांचा खरा मानाचा हार असे मानले जाते.ही आरती त्यांच्या त्यागाला, श्रमांना आणि माणुसकीच्या अखंड ज्योतीला अर्पण केली गेली आहे.

गणरायाला एकच मागणे असेल की,या सेवकांच्या डोळ्यातील थकवा तू हरव, त्यांच्या हातातील स्पर्शात अजून जीवदानाची शक्ती भर…!

या आरतीप्रसंगी हॉस्पिटलचे संचालक डॉक्टर अखिलेश राजुरकर, डॉ विशाल महाजन, डॉ. सारंग पाठक, डॉ. अंकित महाजन यांसह सर्व डॉक्टर्स, स्टाफ, आवर्जून उपस्थित होते.
#श्रीगणेशा_मल्टीस्पेशलिटी_हॉस्पिटल #गणेशोत्सव२०२५

Address

Sai Darshan Building, Baburao Nagar
Sirur
412210

Telephone

+91 97642 92508

Website

Alerts

Be the first to know and let us send you an email when Shree Ganesha Multispeciality Hospital,Shirur posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Shree Ganesha Multispeciality Hospital,Shirur:

Shortcuts

Share

Category