Seth Govindji Raoji Ayurved Mahavidyalaya & Hospital

27/02/2026

🌿✨ 2 Days Hands-on Training Workshop ✨🌿

Department of Rasashastra – BK, IQAC in collaboration with Aabha Ayurved Gurukul, Sangli is organizing a

🧪 Ayurved Aushadhi Nirman Karyashala
📅 14 & 15 March 2026
📍 SGRAM Campus

This intensive hands-on workshop will cover practical preparation and processing of:
🔸 Ras Sindoor
🔸 Haridra Khand
🔸 Dadimadi Ghrita
🔸 Narikel Lavan
🔸 Suvarna Makshik Shodhan

👨‍🏫 Resource Persons:
Vd. Pradeep Madnaik
Vd. Mamta Madnaik

A great opportunity to enhance practical knowledge in Ayurvedic pharmaceutics and traditional drug preparation methods.

📌 Register before 03-03-2026
📞 For details: Mr. Pratik Khool – 84596 23585

Don’t miss this chance to upgrade your skills in authentic Ayurvedic Aushadhi Nirman! 🌿🔥

SkillDevelopment

21/02/2026

SPARK साठी महाविद्यालयातील 3 विद्यार्थ्यांची निवड

21/02/2026

शिवजयंती निमित्त वक्तृत्व स्पर्धा व पदयात्रचे आयोजन

11/02/2026

नवकार तीर्थ येथे आणखी एक वैद्याचे पदक रवाना

09/02/2026

व्यक्तिमत्व विकासावर मार्गदर्शन

शेठ गोविंदजी रावजी आयुर्वेद महाविद्यालय आणि महाराष्ट्र आरोग्य विज्ञान विद्यापीठाच्या बहिशाल योजनेअंतर्गत आज दिनांक 9 /2 /26 रोजी महाविद्यालच्या सभागृहामध्ये व्यक्तिमत्व विकास या विषयावर शिबिराचे आयोजन करण्यात आले होते.

शिबिराचे उद्घाटन प्रसंगी प्रमुख वक्ते प्राचार्य डॉ. संतोष कोटी उपप्राचार्य डॉ. शांतीनाथ बागेवाडी व बहिशाल योजना समन्वयक डॉ. गायत्री देशपांडे उपस्थित होते.

कार्यक्रमाची सुरुवात दीपप्रज्वलन व धन्वंतरी स्तवनाने झाली.

कार्यक्रमासाठी मार्गदर्शक म्हणून डॉ. संतोष कोटी प्राचार्य वालचंद कॉलेज ऑफ आर्ट अँड सायन्स हे उपस्थित होते.

सदर व्याख्यानात मार्गदर्शक वक्त्यांनी विद्यार्थ्यांना वक्तशीरपणा, सृजनशीलता, सकारात्मक दृष्टिकोन, संवाद कौशल्य, आत्मविश्वास, शिस्त व नेतृत्वगुण या विविध महत्त्वाच्या बाबींवर सविस्तर मार्गदर्शन केले.
वक्त्यांनी वक्तशीरपणाचे महत्त्व स्पष्ट करताना वेळेचे नियोजन, शिस्तबद्ध जीवनशैली व यश यांचा परस्पर संबंध उदाहरणांसह सांगितला. तसेच सृजनशीलतेमुळे व्यक्तीची विचारशक्ती कशी विकसित होते व नव्या संधी कशा निर्माण होतात, याबाबतही मार्गदर्शन केले.
संवाद कौशल्यावर भर देताना प्रभावी बोलणे, ऐकण्याची कला, आत्मविश्वासपूर्ण मांडणी व शरीरभाषेचे महत्त्व विविध दैनंदिन जीवनातील उदाहरणांच्या माध्यमातून स्पष्ट करण्यात आले. विद्यार्थ्यांनी केवळ शैक्षणिक ज्ञानापुरते न थांबता व्यक्तिमत्त्व विकासाकडेही लक्ष द्यावे, असे आवाहन वक्त्यांनी केले.
या मार्गदर्शनामुळे विद्यार्थ्यांना स्वतःकडे पाहण्याची नवी दृष्टी मिळाली असून व्याख्यान अत्यंत प्रेरणादायी व मार्गदर्शक ठरले. कार्यक्रमाच्या शेवटी विद्यार्थ्यांनी उत्स्फूर्त सहभाग नोंदवत समाधान व्यक्त केले.
कार्यक्रमाच्या आयोजनासाठी महाविद्यालयाच्या प्राचार्या डॉ. वीणा जावळे, उपप्राचार्य डॉ. शांतिनाथ बागेवाडी तसेच प्रशासकीय अधिकारी श्री अनुप दोशी यांचे मार्गदर्शन लाभले
या कार्यक्रमाचे सूत्रसंचालन कु , अतिथी परिचय कु. आनिशा जैन, प्रस्तावना डॉ गायत्री देशपांडे तसेच आभार प्रदर्शन कु. साक्षी पाटील हिने केले.

04/02/2026

माजी विद्यार्थिनी कडून ग्रंथालयास पुस्तके भेट

शेठ गोविंदजी रावजी आयुर्वेद महाविद्यालयाच्या शैक्षणिक परंपरेला साजेशी अशी एक प्रेरणादायी घटना नुकतीच घडली.

महाविद्यालयातील माजी विद्यार्थिनी डॉ. अश्विनी बनसोडे यांनी त्यांच्या संग्रहातील अभ्यासक्रमास पूरक अशी उपयुक्त पुस्तके ग्रंथालयास भेट दिली.

या पुस्तकांमुळे विद्यार्थ्यांना अभ्यासासाठी अधिक संदर्भ उपलब्ध होणार असून त्यांच्या शैक्षणिक प्रगतीस निश्चितच हातभार लागणार आहे.

महाविद्यालय प्रशासन व ग्रंथपाल यांनी या माजी विद्यार्थिनीच्या या स्तुत्य उपक्रमाचे मनःपूर्वक कौतुक करत त्यांचे आभार मानले. माजी व विद्यमान विद्यार्थ्यांमधील हा स्नेहबंध महाविद्यालयाच्या सर्वांगीण विकासासाठी प्रेरणादायी ठरेल, असे मत यावेळी व्यक्त करण्यात आले.

अशा उपक्रमांतून माजी विद्यार्थ्यांचे महाविद्यालयाशी असलेले ऋणानुबंध अधिक दृढ होत असून सामाजिक व शैक्षणिक जाणीवेचे उत्तम उदाहरण निर्माण होत आहे.

03/02/2026

णमोकार तीर्थ येथील भव्य आंतरराष्ट्रीय पंचकल्याणक एवं महामस्तकाभिषेक महोत्सवातील त्यागी मुनींच्या चिकित्सेसाठी वैद्यकीय पथक रवाना

शेठ सखाराम नेमचंद जैन आयुर्वेद रुग्णालयातील तज्ञ वैद्यांचे पथक पंचकल्याणक महोत्सवात त्यागी मुनींच्या व व्रतिंच्या आरोग्याची योग्य काळजी घेण्यासाठी वैद्यकीय पथक रवाना करण्यात आले.
महोत्सव स्थळी उपस्थित असलेल्या मुनींच्या आरोग्य तपासणीसह आवश्यक ते वैद्यकीय मार्गदर्शन व उपचार देण्यासाठी हे पथक विशेषतः नियुक्त करण्यात आले आहे.
या वैद्यकीय पथकात अनुभवी डॉक्टर्स व आरोग्य कर्मचारी यांचा समावेश असून आवश्यक औषधे व साधनसामग्री सोबत ठेवण्यात आली आहे.

डॉ.कुशल जैन यांच्या मार्गदर्शनाखाली डॉ.प्रतिक रुणवाल, डॉ. नैनिका चोरडिया, यांच्या देखरेखी खाली डॉ. स्नेहल झोले, डॉ.प्रणित सिंगी, डॉ. अजित राऊत, डॉ. प्रणव दोशी, डॉ. सौम्या जैन, डॉ. प्रणोती पाटील, डॉ. णमोकार दोभाडा, डॉ. ऐश्वर्या ढब्बू, डॉ. साहिल गांधी, डॉ. रुचिदा पाटोदी यांची टीम रवाना झाली आहे.

त्यांच्या या वैद्यकीय कार्यासाठी प्रशासकीय अधिकारी श्री. अनुप दोशी, डॉ. प्रशांत लांडे , डॉ. कल्पना पांढरे, डॉ. विजयश्री अहेरकर यांनी शुभेच्छा दिल्या.

01/02/2026

सावरगाव येथे राष्ट्रीय सेवा योजनेअंतर्गत सर्व रोग निदान शिबिर व जनजागृती चे उपक्रम.
शेठ सखाराम नेमचंद जैन औषधालय ट्रस्ट चे शेठ गोविंदजी रावजी आयुर्वेद महाविद्यालय संलग्न शेठ सखाराम नेमचंद जैन आयुर्वेद रुग्णालय तर्फे तसेच 1008 श्री पार्श्वनाथ दिगंबर जैन मंदिर सावरगाव यांच्या सहकार्याने 27 जानेवारी 2026 पासून राष्ट्रीय सेवा योजनेअंतर्गत श्रमदान निवासी शिबिर घेण्यात येत आहे. राष्ट्रीय सेवा योजना शिबीराच्या उद्घाटन समारंभाच्या वेळेस एपीआय श्री ठाकूर सर तमलवाडी पोलिस , तसेच सावरगाव चे ग्रामपंचायत सदस्य श्री दादाराव काडगावकर, श्री समाधान ढोके, संतोष मांजरे ,रमाकांत गुरुव सर, तसेच शेठ गोविंदजी रावजी आयुर्वेद महाविद्यालयाचे प्राचार्य डॉ. विना जावळे, उपप्राचार्य शांतिनाथ बागेवाडी , प्रशासकीय अधिकारी श्री अनुप दोशी रा.से.यो. चे कार्यक्रम अधिकारी डॉ. भोजराज चौधरी, डॉ. प्रशांत लांडे, डॉ. रेणुका कोल्हे ,डॉ. स्मिता गोटीपामुल उपस्थित होते.
शिबिर अंतर्गत सावरगाव येथील गावकऱ्यांसाठी मोफत सर्व रोग निदान शिबिर व औषधी वाटप साठी डॉक्टर प्रशांत लांडे व कान नका घसा चे डॉ रेणुका कोल्हे यांची उपस्थिती होती तसेच जनजागृती साठी प्रभात फेरी,पथनाट्य या द्वारा विविध सामाजिक व व्यसनमुक्ती साठी जनजागृती करण्यात येणार आहे.

29/01/2026

महाविद्यालयात POSH कायद्यावरील कार्यशाळेचे आयोजन

शेठ गोविंदजी रावजी आयुर्वेद महाविद्यालय व महाराष्ट्र आरोग्य विज्ञान विद्यापीठ नाशिक यांच्या बही: शाल योजनेअंतर्गत विद्यार्थ्यांमध्ये POSH कायद्याबाबत जागरूकता निर्माण व्हावी, तसेच सुरक्षित व सन्मानपूर्ण शैक्षणिक वातावरणाची जाणीव व्हावी या उद्देशाने POSH (Prevention of Sexual Harassment) कायदा विषयावर एक दिवसीय कार्यशाळेचे आयोजन करण्यात आले होते.
या कार्यशाळेमध्ये ॲड. अर्चना कुलकर्णी - जोशी यांनी
या कार्यशाळेमध्ये POSH कायद्याची पार्श्वभूमी, त्याचे उद्दिष्ट, महिलांवरील लैंगिक छळ रोखण्यासाठी असलेली कायदेशीर तरतूद, तक्रार नोंदविण्याची प्रक्रिया तसेच अंतर्गत तक्रार निवारण समितीची (ICC) भूमिका याबाबत सविस्तर मार्गदर्शन करण्यात आले.
कार्यशाळेदरम्यान तज्ज्ञ वक्त्यांनी विद्यार्थ्यांना लैंगिक छळ म्हणजे काय, कोणत्या प्रकारच्या वर्तनास कायद्याने गुन्हा मानले जाते, तसेच अशा प्रसंगी घाबरून न जाता योग्य पद्धतीने कायदेशीर मार्ग कसा अवलंबावा, याबाबत उदाहरणांसह माहिती दिली.
या मार्गदर्शनातून विद्यार्थ्यांना कायद्याचे महत्त्व, स्वतःचे हक्क व कर्तव्ये यांची जाणीव झाली. सुरक्षित शिक्षणसंस्था निर्माण करण्यासाठी प्रत्येक विद्यार्थ्याने आणि कर्मचाऱ्यांनी जागरूक राहणे आवश्यक असल्याचे मत यावेळी व्यक्त करण्यात आले.

या कार्यशाळेला महाविद्यालयातील प्राध्यापक, शिक्षकेतर कर्मचारी तसेच मोठ्या संख्येने विद्यार्थी उपस्थित होते.

या कार्यक्रमाच्या वेळी व्यासपीठावर ॲड. अर्चना कुलकर्णी-जोशी, डॉ. रोहिणी शहा, डॉ. विद्यानंद कुंभोजकर, डॉ. अविनाश चव्हाण, डॉ. विवेक चांदुरकर, डॉ. गायत्री देशपांडे यांची प्रमुख उपस्थिती होती.
या कार्यक्रमाच्या आयोजनासाठी महाविद्यालयाच्या प्राचार्या डॉ. वीणा जावळे, उपप्राचार्य डॉ. शांतीनाथ बागेवाडी, प्रशासकीय अधिकारी श्री अनुप दोशी यांचे विशेष सहकार्य लाभले.
या कार्यक्रमाचे सूत्रसंचालन पूजा पाटील यांनी केले. तर प्रमुख पाहुण्यांचा परिचय साहिल गांधी यांनी केला

28/01/2026

26/01/2026

शेठ गोविंदजी रावजी आयुर्वेद महाविद्यालयात प्रजासत्ताक दिन उत्साहात साजरा

शेठ गोविंदजी रावजी आयुर्वेद महाविद्यालयात 77 वा प्रजासत्ताक दिन मोठ्या उत्साहात व देशभक्तीच्या वातावरणात साजरा करण्यात आला.

कार्यक्रमाची सुरुवात ध्वजारोहणाने करण्यात आली. संस्थेचे अध्यक्ष श्रीमान अरविंदजी दोशी, विश्वस्त सौ. प्रियदर्शनी जडेरिया यांच्या हस्ते राष्ट्रध्वज फडकविण्यात आला व उपस्थितांनी राष्ट्रगीताने मानवंदना दिली.
यावेळी महाविद्यालयाच्या प्राचार्या डॉ. वीणा जावळे, उपप्राचार्य डॉ. शांतीनाथ बागेवाडी, प्राध्यापक, शिक्षकेतर कर्मचारी व विद्यार्थी मोठ्या संख्येने उपस्थित होते.

सामाजिक, धार्मिक, कला, लेखन,क्षेत्रात विशेष उल्लेखनीय कार्य केलेल्या पदवी व पदव्युत्तर अभ्यासक्रमांच्या विद्यार्थ्यांना मान्यवरांच्या हस्ते प्रमाणपत्रे व ग्रंथ भेट देऊन गौरविण्यात आले.

तसेच वैद्या गायत्री देशपांडे यांनी अनुभवामृत या ग्रंथाचा इंग्रजी अनुवाद सीसीआरएसच्या माध्यमातून केल्यामुळे त्यांनाही मान्यवरांच्या हस्ते गौरविण्यात आले.

ध्वजारोहणानंतर सौ. प्रियदर्शनी जडेरिया यांनी उपस्थितांना मार्गदर्शन करताना भारतीय संविधानाचे महत्त्व, नागरिकांचे हक्क व कर्तव्ये याविषयी विचार मांडले. विद्यार्थ्यांनी देशाच्या प्रगतीसाठी शिक्षण, शिस्त व सेवाभाव महत्त्वाचा असल्याचे त्यांनी नमूद केले.

यावेळी प्राचार्या जावळे यांनी आपल्या मनोगतातून संस्था व महाविद्यालयाच्या माध्यमातून राबविण्यात येणारे विविध उपक्रम, संशोधन, गौरवांकित बाबींचा उल्लेख केला.

कार्यक्रमात विद्यार्थ्यांनी देशभक्तीपर गीत व सांस्कृतिक सादरीकरण करून उपस्थितांची मने जिंकली. संपूर्ण परिसर देशभक्तीच्या घोषणांनी दुमदुमून गेला.

यावेळी जलसंरक्षण याविषयीचे पथनाट्य हे राष्ट्रीय सेवा योजनेच्या विद्यार्थ्यांनी सादर केले.

कार्यक्रमाचे यशस्वी आयोजन करण्यासाठी विद्यार्थी कल्याण मंडळ, राष्ट्रीय सेवा योजना, क्रीडा विभाग व सांस्कृतिक समितीच्या विद्यार्थ्यांनी यासाठी परिश्रम घेतले.

शेवटी सर्व उपस्थितांचे आभार मानून कार्यक्रमाची सांगता वंदे मातरम या गीतास 150 व्या वर्षाचे औचित्य साधून वंदे मातरम या गीताने करण्यात आले.

कार्यक्रमाचे सूत्रसंचालन व आभार प्रदर्शन ग्रंथपाल महावीर लाळे व कु. ऐश्वर्या ढब्बू यांनी केले.

या कार्यक्रमाच्या आयोजनासाठी प्रशासकीय अधिकारी श्री अनुप दोशी, डॉ. सविता चौगुले यांचे विशेष सहकार्य लाभले

02/01/2026

दिनांक 1 जानेवारी 2026 रोजी महाविद्यालयात अतिथी व्याख्यान आयोजित करण्यात आले. हे व्याख्यान तृतीय वर्ष वर्गखोलीत सकाळी 10.00 वाजता पार पडले.

या कार्यक्रमासाठी डॉ. कीर्ती केसकर मॅडम यांनी प्रमुख वक्ते म्हणून मार्गदर्शन केले.
व्याख्यानाचा विषय होता — “Communication Skills (Doctor–Patient Communication)”.

डॉ. केसकर यांनी डॉक्टर व रुग्ण यांच्यातील संवादाचे महत्त्व, सहानुभूतीपूर्ण वर्तन, योग्य ऐकण्याची कला, तसेच उपचार प्रक्रियेत संवादाची भूमिका याविषयी अतिशय सोप्या आणि परिणामकारक पद्धतीने मार्गदर्शन केले. विद्यार्थ्यांनी उत्साहाने सहभाग घेत प्रश्नोत्तरेही केली.

कार्यक्रम अत्यंत उपयुक्त, ज्ञानवर्धक आणि प्रेरणादायी ठरला. व्याख्यानाबद्दल विद्यार्थ्यांकडून सकारात्मक प्रतिसाद मिळाला.