Seth Govindji Raoji Ayurved Mahavidyalaya & Hospital, C/o Seth Sakharam Nemchand jain Ayurved Hospital, Shukrawar peth , Near old Faujdar Chaudi, Solapur (2025)

Q: What is the address?

C/o Seth Sakharam Nemchand Jain Ayurved Hospital, Shukrawar Peth , Near Old Faujdar Chaudi

30/09/2025

हिरज येथे मोफत आरोग्य तपासणी शिबिर संपन्न

शेठ गोविंदजी रावजी आयुर्वेद महाविद्यालय, सहाय्यक सहकार निबंधक सहकारी संस्था दक्षिण सोलापूर यांच्या संयुक्त विद्यमाने आणि श्री छत्रपती शिवाजी ग्रामीण बिगर शेती सहकारी पतसंस्था मर्या. हिरज यांच्या प्रेरणेने स्वस्त नारी सशक्त भारत अभियान व आंतरराष्ट्रीय सहकार वर्ष अंतर्गत मोफत आरोग्य तपासणी शिबिराचे आयोजन करण्यात आले होते.

या शिबिराचे उद्घाटन मा. सहाय्यक निबंधक श्री. दत्तात्रय भवर यांच्या हस्ते झाले. यावेळी सहकार विभागातील कार्यालयीन अधीक्षक प्रिया संकद, सहाय्यक सहकारी अधिकारी सोनाली कासार, पतसंस्थेचे श्री. नागटिळक व विविध पदाधिकारी, गावातील प्रतिष्ठित नागरिक, तज्ञ डॉक्टर्स आदी मान्यवरांची प्रमुख उपस्थिती होती.

या शिबिराच्या माध्यमातून मोफत नेत्र तपासणी, आरोग्य तपासणी, लहान मुलांची तपासणी, मासिक पाळीच्या समस्या, संधिवात, गुडघेदुखी, पोटाचे आजार, मुळव्याध, त्वचेचे आजार, रक्तदाब व मधुमेह आदी अनेक व्याधींची तपासणी करण्यात आली.
तसेच शालेय विद्यार्थिनीना मासिक पाळी व आरोग्य बद्दल मार्गदर्शन करण्यात आले.

सोबतच शालेय विद्यार्थ्याना स्वच्छता व आहार निमित्त मार्गदर्शन करण्यात आले.

सीना नदीपात्राच्या पट्ट्यातील पूरग्रस्त शिवनी गावातील नागरिकांची सदर शिबिरात तपासणी करण्यात आली.

यावेळी महाविद्यालयातील राष्ट्रीय सेवा योजना कार्यक्रमाधिकारी डॉ.भोजराज चौधरी, बालरोग तज्ञ डॉ. प्रमोद इंगळे, नेत्ररोग तज्ञ डॉ सतीश हादीमनी, स्त्रीरोग व प्रसुतीतज्ञ डॉ.पौर्णिमा हिरेमठ, डॉ. प्रतिक रुणवाल, डॉ.सोनल निवटे आधी प्रमुख डॉक्टरांमार्फत रुग्णांची तपासणी करण्यात आली व मोफत औषधोपचार करण्यात आला.

या शिबिराच्या आयोजनासाठी संयम जैन, सागर जांगडा,वृषभ जैन,दिव्यानी महाजन, खुशी तालेरा, रुपल महानोत
यांनी परिश्रम घेतले.

या शिबिराच्या आयोजनासाठी प्राचार्या डॉ वीणा जावळे, प्रशासकीय अधिकारी श्री. अनुप दोशी यांचे मार्गदर्शन लाभले.

25/09/2025

कर्करोग तपासणी शिबिर

24/09/2025

Glimpses of Ayurved Day Expo - 2025 🌱
Theme : Ayurved for People and Planet

20/09/2025

२० सप्टेंबर २०२५ रोजी १० वा राष्ट्रीय आयुर्वेद दिन मोठ्या उत्साहात साजरा करण्यात आला. या विशेष दिनानिमित्त महाविद्यालयात शैक्षणिक व्याख्यानाचे आयोजन करण्यात आले.

मुख्य व्याख्याते:
डॉ. कमलेश कुकरेजा सर – प्रसिद्ध पंचकर्म तज्ज्ञ
विषय: "Panchakarma in Metabolic Disorders"

डॉ. कुकरेजा सरांनी पंचकर्म चिकित्सा पद्धतीचा मेटाबॉलिक व्याधींमधील प्रभावी उपयोग विशद केला. त्यांनी स्नेहन, स्वेदन, वमन, विरेचन, बस्ती अशा पंचकर्माच्या विविध प्रक्रियांचा चिकित्सात्मक उपयोग वैज्ञानिक दृष्टिकोनातून उलगडून सांगितला.

या कार्यक्रमाला महाविद्यालयातील मान्यवर प्राध्यापकांची उपस्थिती लाभली.

संपूर्ण कार्यक्रमात विद्यार्थ्यांचा उत्स्फूर्त सहभाग दिसून आला. आयुर्वेदातील मूळ चिकित्सा प्रणाली पंचकर्म याविषयी सखोल माहिती मिळाल्यामुळे हा व्याख्यान सत्र सर्वांसाठी ज्ञानवर्धक व प्रेरणादायी ठरला.

19/09/2025

अगदतंत्र विभाग अंतर्गत नेहरू युवा केंद्र संचलित व्यसन मुक्ती केंद्रास विद्यार्थी शैक्षणिक भेट.
यावेळी प्रोजेक्ट मॅनेजर श्री हिंगे साहेब व योगशिक्षक श्री रणसुंबे सर यांनी विद्यार्थ्यांना मार्गदर्शन केले.
यावेळी अगद तंत्र विभागाचे विभाग प्रमुख डॉ रेवणसिद्ध उस्तुरगे, व्यसन मुक्ती केंद्राचे वैद्यकीय अधिकारी डॉ. मानसी हिरेमठ व अन्य पदाधिकारी व कर्मचारी उपस्थित होते.

19/09/2025

आयुष मंत्रालयाने निर्देशित केल्याप्रमाणे दरवर्षी 23 सप्टेंबर या दिवशी आयुर्वेद दिवस हा साजरा करायचा आहे. यावर्षी 2025 साली आपण दहावा आयुर्वेदिक दिवस साजरा करत आहोत. यावर्षी आयुर्वेद दिवसाची मध्यवर्ती संकल्पना ही" आयुर्वेद सर्व लोकांच्या कल्याणासाठी त्याचबरोबर पृथ्वीच्या कल्याणासाठी" असा आहे. आयुर्वेद शास्त्राचे उद्दिष्ट आजार होऊच नये असे आहे. म्हणून त्यांना प्रतिबंध करण्यात येणाऱ्या उपायांचा अवलंब करणे, त्याचबरोबर आजार बरे करण्यासाठी सुद्धा अतिशय उत्तम औषधी आणि पंचकर्म उपचारांचा वापर करता येतो. आरोग्याच्या दृष्टीने छोटी पाऊले उचलणे म्हणजेच व्यायाम करणे, योगाचा अवलंब करणे, उत्तम आहार ,उत्तम विचार यांचा अवलंब करणे, व्यसनांपासून दूर राहणे. या गोष्टी आपण आचरणात आल्यानंतर आपल्याला कोणतेही आजार होत नाहीत.

याच सर्व गोष्टींचा विचार करून शेठ गोविंदजी रावजी आयुर्वेद महाविद्यालयाने आज दिनांक 18 सप्टेंबर 2025 रोजी आयुर्वेदाचा प्रचार, प्रसार आणि लोक जागृती करण्यासाठी रॅली काढली होती.महाविद्यालयाच्या प्राचार्या डॉ. वीणा जावळे मॅडम ,उपप्राचार्य डॉ. शांतिनाथ बागेवाडी सर यांनी सदर रॅलीला हिरवा कंदील दाखवून महाविद्यालयापासून सुरुवात केली. रॅलीची सांगता शेठ सखाराम नेमचंद आयुर्वेद रुग्णालय आणि औषधालय येथे झाली.

सदर रॅलीमध्ये वरील सर्व गोष्टींचे अनुसरण करा, असे सांगण्यात आले. विद्यार्थ्यांनी विविध घोषणा दिल्या.

सदर रॅलीसाठी प्राचार्य डॉ. वीणा जावळे उपप्राचार्य डॉ. शांतिनाथ बागेवाडी तसेच प्रशासकीय अधिकारी श्री. अनुप दोशी यांचे मार्गदर्शन लाभले.

12/09/2025

🌿 द्रव्यगुण विभाग – शैक्षणिक फील्ड व्हिजीट

शेठ गोविंदजी रावजी आयुर्वेद महाविद्यालय, सोलापूर येथील द्रव्यगुण विभागाच्या वतीने ११ सप्टेंबर २०२५ रोजी कुंथलगिरी व कपिलधारा येथे एक शैक्षणिक फील्ड व्हिजीट आयोजित करण्यात आली. या अभ्यासदौऱ्यात द्वितीय वर्ष (२०२३–२४ बॅच) मधील सर्व विद्यार्थ्यांनी उत्स्फूर्त सहभाग घेतला.

या अभ्यासदौऱ्याचे मार्गदर्शन द्रव्यगुण विभागप्रमुख डॉ. विद्यानंद कुंभोजकर सर यांनी केले. त्यांनी परिसरातील विविध औषधी वनस्पती प्रत्यक्ष दाखवून त्यांचे संपूर्ण शास्त्रीय ज्ञान, गुणधर्म, औषधी उपयोग आणि ओळख पद्धती अत्यंत सोप्या भाषेत विद्यार्थ्यांना समजावून सांगितले.

कार्यक्रमाच्या वेळी डॉ. स्मिता गोटीपामुल मॅडम यांचीही उपस्थिती लाभली.

या फील्ड व्हिजीटमुळे विद्यार्थ्यांना केवळ पुस्तकापुरते मर्यादित न राहता, प्रत्यक्ष वनस्पतींचा अनुभव घेता आला आणि त्यांच्या गुणधर्मांचा अभ्यास करण्याची मौल्यवान संधी मिळाली. शिक्षणाला प्रत्यक्ष अनुभवाची जोड मिळाल्याने विद्यार्थ्यांनी याचा खूप चांगला लाभ घेतला.

11/09/2025

११ सप्टेंबर रोजी ‘जागतिक आत्महत्याप्रतिबंध दिना’ निमित्त, शेठ सखाराम नेमचंद जैन आयुर्वेद रुग्णालयाच्या गंधर भवनात एक अत्यंत समंजस आणि संवेदनशील जनजागृती कार्यक्रमाचे आयोजन करण्यात आले होते.

या कार्यक्रमाच्या मुख्य वक्त्या होत्या –
डॉ. स्वाती गंगाधर कोरके,
(MS – काउन्सेलिंग अ‍ॅण्ड सायकोथेरपी),
सेक्रेटरी – माइंड हॉस्पिटल,
कन्सल्टिंग सायकोलॉजिस्ट

डॉ. कोरके मॅडम यांनी आत्महत्येच्या विचारांकडे नेणाऱ्या मानसिक अवस्था, सुरुवातीची लक्षणं, आप्तजनांनी द्यावयाचा आधार आणि सर्वांत महत्त्वाचं म्हणजे मानसिक आजारांविषयी असलेले गैरसमज दूर करण्याची आवश्यकता यावर अत्यंत संवेदनशील आणि विचारप्रवर्तक मार्गदर्शन केलं.

कार्यक्रमात प्रमुख उपस्थितीत डॉ. संतोष स्वामी सर (विभागप्रमुख – कायचिकित्सा विभाग) आणि डॉ. विद्या शेंडगे मॅडम होत्या. त्यांनी आयुर्वेदाच्या दृष्टीने मानसिक आरोग्याचा समतोल राखण्याबाबत आपले विचार मांडले.

कार्यक्रमाच्या शेवटी उपस्थित विद्यार्थ्यांनी आणि शिक्षकांनी वक्त्यांशी संवाद साधत प्रश्न विचारले. संपूर्ण सत्रातून एक सकारात्मक संदेश दिला गेला –
"तुम्ही एकटे नाही आहात… मदत नेहमी उपलब्ध आहे."

07/09/2025

📘 Teachers’ Day Celebration
📅 Date: 6th September 2025
📍 Venue: Ganesh Hall, Seth Govindji Raoji Ayurved Mahavidyalaya, Solapur

Teachers’ Day was celebrated with heartfelt gratitude and enthusiasm at Ganesh Hall on 6th September 2025. The program began with a warm welcome and proceeded with the felicitation of all the respected teachers for their invaluable contribution to education, guidance, and mentorship.

The event beautifully reflected the deep respect and admiration students hold for their gurus, acknowledging not just their academic role, but also the emotional and moral support they provide.

Anchoring for the program was conducted by Samruddhi Patil, Aishwarya Dhabu, and Kalyani Karade, who kept the energy of the event high with their eloquence and coordination.

The atmosphere was filled with appreciation, gratitude, and celebration, making it a memorable day for all educators and students alike.

07/09/2025

क्रिशा शहा हिचा 10 उपवास करण्याचा संकल्प पूर्ण

शेठ गोविंदजी रावजी आयुर्वेद महाविद्यालयातील प्रथम वर्षाची विद्यार्थिनी कु. क्रिशा कल्पेश शहा हिने दशलक्ष पर्वानिमित्त दहा उपवास करण्याचा महान संकल्प केला होता. तो आज पूर्ण झाला.

आज श्री आदिनाथ महाराज दिगंबर जैन मंदिर येथे प्रथम वर्षाचा विद्यार्थी सम्यक जैन याच्या समवेत प्रथम पूजापाठ झाले व तदनंतर

कु. क्रिशा कल्पेश शहा हिचा पारण्याचा कार्यक्रम आज महावीर सांस्कृतिक भवन येथे संपन्न झाला. यासाठी तिचे आई वडील व नातेवाईक खास दहीसर मुंबई येथून आले होते. तसेच डॉ. सविता चौगुले, डॉ. विद्यानंद कुंभोजकर, श्री. महावीर लाळे, रत्नप्रभा रणदिवे, महाविद्यालयातील विद्यार्थी मित जैन, साहिल गांधी, आगम कासलीवाल, मनाली हुपरे, रागिणी जैन, सौदर्या शहा, सोनल मुथा, अनिशा जैन, हर्ष जैन, सुजल जैन, यशोवर्धन चौगुले, वैभव जैन यावेळी उपस्थित होते.

श्री आदिनाथ महाराज दिगंबर जैन मंदिर ट्रस्ट यांच्यावतीने कु. क्रिशाची पालखीतून मिरवणूक काढण्यात आली.

तिच्या या संकल्पाबद्दल संस्थेचे अध्यक्ष मा.श्री अरविंदजी दोशी, विश्वस्त डॉ.आदर्श मेहता, प्राचार्या डॉ. वीणा जावळे, उपप्राचार्य डॉ. शांतीनाथ बागेवाडी, प्रशासकीय अधिकारी श्री अनुप दोशी, डॉ. कल्पना पांढरे यांनी तसेच महाविद्यालयातील शिक्षक-शिक्षकेतर कर्मचारी, विद्यार्थी यांनी अनुमोदना दिली.

06/09/2025

दशलक्षण पर्वाच्या अंतिम टप्प्यात, ६ सप्टेंबर रोजी एकत्रितरित्या ‘उत्तम अकिन्चन्य’ आणि ‘उत्तम ब्रह्मचर्य’ धर्मांचा व्याख्यान संपन्न झाला.

प्रथम, अनंत जैन यांनी अकिन्चन्य म्हणजे कशावरही मालकीची भावना न ठेवता वैराग्य अंगीकार करणे — याविषयी अत्यंत साध्या भाषेत, पण प्रभावी विचार मांडले.

यानंतर सुजल जैन यांनी ब्रह्मचर्य या तत्त्वाचा फक्त शारीरिक संयम नसून विचार, आहार, वर्तन आणि अध्ययनातील एकाग्रतेशी असलेला संबंध सुस्पष्ट केला.

कार्यक्रमाचा समारोप ग्रंथपाल श्री. महावीर लाळे सर यांच्या प्रेरणादायी मार्गदर्शनाने झाला. त्यांनी दोन्ही धर्मांचे विद्यार्थ्यांच्या आयुष्यातील महत्त्व अत्यंत व्यावहारिक दृष्टिकोनातून समजावून सांगितले.

ही सत्रं केवळ ऐकण्यासाठी नव्हती, तर अंतर्मुख होण्यासाठी होती — आणि त्याचा अनुभव उपस्थित प्रत्येकाने घेतला.

04/09/2025

🔷 दशलक्षण पर्व – आठवा दिवस : ‘उत्तम त्याग धर्म’
📅 दिनांक – ४ सप्टेंबर २०२५
📍 स्थळ – गणेश हॉल, शेठ गोविंदजी रावजी आयुर्वेद महाविद्यालय, सोलापूर

दशलक्षण पर्वाच्या आठव्या दिवशी ‘उत्तम त्याग धर्म’ यावर आधारित कार्यक्रमाचे आयोजन करण्यात आले.

या प्रसंगी गायत्री देशपांडे मॅडम प्रमुख पाहुणे म्हणून उपस्थित होत्या. त्यांनी आपल्या मार्गदर्शनात त्याग म्हणजे केवळ भौतिक वस्तूंपासून नाही, तर मनातील आसक्ती, अहंकार आणि राग-लोभ-संग यांपासून मुक्त होणे, याचा गूढ अर्थ समजावून सांगितला.

वक्ते:
– विवेक जैन
– श्रद्धा जैन

या विद्यार्थ्यांनी त्याग धर्माचे व्यवहारातील उपयोग, त्याचा आत्मविकासाशी असलेला संबंध आणि आयुष्यातील त्यागाचे सकारात्मक परिणाम यावर अत्यंत समर्पक भाष्य केले.

कार्यक्रमाने उपस्थितांमध्ये विचारप्रवृत्त करणारे वातावरण निर्माण केले.

Seth Govindji Raoji Ayurved Mahavidyalaya & Hospital

30/09/2025

25/09/2025

24/09/2025

20/09/2025

19/09/2025

19/09/2025

12/09/2025

11/09/2025

07/09/2025

07/09/2025

06/09/2025

04/09/2025

Address

Telephone

Website

Alerts

Contact The Practice

Shortcuts

Share

Category