07/01/2023
ശ്രീമൂലനഗരം ഗ്രാമപഞ്ചായത്ത് ആയുർവേദ ഡിസ്പെൻസറിയിൽ പുതിയതായി ആരംഭിക്കുന്ന പഞ്ചകർമ്മ ചികിത്സ പദ്ധതിയുടെ ഉദ്ഘാടനം ജനുവരി മൂന്നാം തീയതി രാവിലെ ബഹുമാനപ്പെട്ട സ്ഥലം എംഎൽഎ ശ്രീ അൻവർ സാദത്ത് നിർവഹിച്ചു. പഞ്ചകർമ്മ ചികിത്സ ശരീരത്തെ വിഷമുക്തമാക്കി നല്ല ആരോഗ്യത്തിന് വഴിയൊരുക്കുന്നു. വിട്ടുമാറാത്ത ആരോഗ്യ അസ്വാസ്ഥ്യങ്ങൾ നേരിടുന്നവർക്കുള്ള മികച്ച പരിഹാര മാർഗമാണ് ആണ് പഞ്ചകർമ്മ ചികിത്സകൾ. പഞ്ചകർമ്മ ചികിസയിൽ ഉൾപ്പെടുന്നു നസ്യം, വസ്തി, രക്തമോക്ഷം,തുടങ്ങിയവ കൂടാതെ അനുബന്ധ കർമ്മങ്ങൾ ആയ അഭ്യംഗം(ഉഴിച്ചിൽ), ഇലക്കിഴി, പൊടിക്കിഴി,ഞവരക്കിഴി, തളം,പിഴിച്ചിൽ മുതലായ ചികിസകൾ കൂടി ചെയ്യുന്നു. പ്രസ്തുത ചടങ്ങിൽ ബഹുമാനപ്പെട്ട പഞ്ചായത്ത് പ്രസിഡന്റ് ശ്രീ കെ സി മാർട്ടിൻ അധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശ്രീ കെ പി അനൂപ് സ്വാഗതമോതി. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എം ജെ ജോമി, പാറക്കടവ് ബ്ലോക്ക് പഞ്ചായത്ത് മെമ്പർ ശ്രീമതി സിനി ജോണി, ഗ്രാമപഞ്ചായത്ത് വൈസ് പ്രസിഡന്റ് സിന്ധു പാറപ്പുറം, ക്ഷേമകാര്യ സ്റ്റാഡിംഗ് കമ്മിറ്റി ചെയർമാൻ കുമാരി എൻ സി ഉഷാകുമാരി എന്നിവർ ആശംസകൾ അർപ്പിച്ചു സംസാരിച്ചു. മെഡിക്കൽ ഓഫീസർ ഡോക്ടർ സബീന പി ജെ പഞ്ചകർമ്മ ചികിത്സാ പദ്ധതിയെ കുറിച്ച് വിശദീകരിച്ചു.
വികസന സ്റ്റാൻഡിങ് കമ്മറ്റി ചെയർമാൻ ശ്രീ വി ജെ ആൻ്റണി ചടങ്ങിന് നന്ദി പറഞ്ഞു.
