ABC children hospital

12/10/2025

🌸💖 “ABC Baby Care Children Hospital – 6 વર્ષની પ્રેમભરી સફર” 💖🌸

હાસ્ય, આનંદ અને નાની નાની પાયલીઓના ટિંકારા વચ્ચે…
આજે અમે પહોંચી ગયા છીએ આપણા જીવનના એક સુંદર મંજિલે — ABC Baby Care Hospitalના છઠ્ઠા વર્ષની ઉજવણીમાં! 🎂🎉

છ વર્ષ પહેલાં જ્યારે અમારા નાના પગલાં હોસ્પિટલના દરવાજે પડ્યા હતા, ત્યારે ખબર નહોતી કે આ નાનકડા સપના એટલા મોટાં બની જશે! આજે અમારી હોસ્પિટલમાં આવતા દરેક નાની સ્મિતભરી ચહેરાઓ, રડતી આંખો પછીની હસતી નજરો અને માતાપિતાના ધન્યવાદનાં શબ્દો.
છ વર્ષ! સાંભળવામાં તો થોડાં લાગે, પણ આ છ વર્ષમાં કેટલાં હાસ્યના અવાજો સાંભળ્યા છે, કેટલાં નાના બાળકનાં પ્રથમ સ્મિત જોયાં છે, કેટલાં માતાપિતાના ચહેરા પર રાહતનો શ્વાસ આવ્યો છે — એ તો શબ્દોમાં કહી શકાય તેવી વાત નથી.

આ છ વર્ષમાં અમે જાણ્યું કે બાળકને ઈન્જેક્શન આપવું એટલે સાયન્સ નહીં, પણ આર્ટ છે! ક્યારેક ચાકલેટથી મનોરંજન, ક્યારેક બલૂનથી વિમુખતા, અને ક્યારેક ડૉક્ટરનો સ્મિત — બધું જ ઉપચારનો ભાગ બની ગયું.

આ સફર માત્ર હોસ્પિટલની નથી… આ પ્રેમ, વિશ્વાસ અને સહકારની સફર છે. ❤️
દરેક દર્દી, દરેક માતા, દરેક બાળક — એ બધાએ મળીને ABC Baby Care ને પરિવાર બનાવી દીધો છે.

*અમારી ટીમ માટે સૌથી લાગણીશીલ વાક્ય એટલે*, *જયારે કોઈ માતા સ્મિત સાથે કહે,*
*“હવે મારી બેબી ઠીક છે!”*❤️

અમારી ટીમના દરેક ડૉક્ટર, નર્સ અને સ્ટાફને સલામ, જેમણે દિવસ-રાત નાનકડા દર્દીઓના ચહેરા પર સ્મિત ચીતર્યું. આપ સૌનાં પ્રેમ, વિશ્વાસ અને આશીર્વાદથી જ આજે અમે ૬ વર્ષ પૂરા કરી શક્યા છીએ.
ફરી એકવાર દરેક વ્યક્તિનો આભાર!
કેમ કે તમે બધા એ મળીને આ હોસ્પિટલને માત્ર ઈમારત નહીં, પણ એક
*“બાળ પ્રેમ મંદિર”* બનાવી દીધું છે.🙏

🙏 માતા-પિતાઓનો ખાસ આભાર – તમે અમારો વિશ્વાસ રાખ્યો,
તમારા સૌથી પ્રિય ખજાના (તમારા બાળક) અમને સોંપ્યો. તમારો વિશ્વાસ એ જ અમારો સૌથી મોટો એવોર્ડ છે.

💐 હવે આગળના વર્ષોમાં પણ એ જ આશા —
વધુ પ્રેમ, વધુ હાસ્ય, વધુ આરોગ્ય અને વધુ નાનાં પગલાંઓની ધમાલ!
કેમ કે ABC Baby Care માં દરેક બાળક આપણા માટે “લાડકું” છે અને દરેક દિવસ એક નવી “પ્યારભરી શરૂઆત”. 💖

ABC Baby Care Hospital – 6 વર્ષની અનોખી સફર, પ્રેમ, વિશ્વાસ અને હાસ્યથી ભરેલી રહી.
ચાલો, મળીને આગળ વધીએ… વધુ બાળકોનાં સ્મિત માટે, વધુ માતા-પિતાના આનંદ માટે,
અને વધુ પ્રેમભરેલા “હેલ્થી ટુમોરો” માટે.

આગળ પણ એ જ ઉર્જા, એ જ પ્રેમ અને એ જ મસ્તી સાથે નાનકડાં હીરોને હેલ્ધી અને ખુશ રાખવાનો પ્રયાસ ચાલુ રહેશે.

કેમ કે હાસ્ય અને હેલ્થનો સંગમ – એ જ છે અમારી હોસ્પિટલની ઓળખ.😊😊

29/04/2024

13/12/2023

ABC @ 8

0 અને 8. બન્ને અજીબ અંકો છે અંગ્રેજી ભાષાનાં. એકેય ને ખુણો ય નથી ને ઘુંટ્યા કરો તો એકેય નો અંત ય નથી. બે ઝીરો (0) ને એકબીજા પર ગોઠવી ને 8 બનાવી શકો.
અને ઝીરો ને જોડતાં જ જાવ તો મોટી સાંકળ ય બની જાય.

ABC અષ્ટમી.

૨૦૧૫ માં 0 શુન્ય થી શરૂ કરેલી નાની abc આજે બે શુન્યો જોડી ને 8 જેવડી મોટી ABC બની ગઈ છે. એણે જ શુન્યો જોડતાં શીખવ્યું , એ અનુસરીને ABC ટીમ પણ શુન્યો જોડી જોડી ને આજે મોટો પરીવાર બની ગયો છે. એકલા ચાલેલા શુન્ય ને આગળ વધારવા માટે ABC ટીમ સૌ સ્ટાફ કે જે પ્રત્યક્ષ કે પરોક્ષ રીતે ટીમ નો હિસ્સો છે એમની આભારી છે. સૌ હિતેચ્છુ ડોક્ટર મિત્રો, સ્નેહીજનો તેમજ સૌ દર્દીઓ નો અમારી ટીમ માં વિશ્વાસ મુકી ને અમારું મનોબળ વધારવા માટે દિલ થી આભાર. આવનારા વર્ષો માં શુન્યો ભેગા કરી ને મસમોટી સાંકળ ને આપ સૌ ના પ્રેમ અને વિશ્વાસ થી વધુ મજબુત બનાવી રાખવા ટીમ ABC કટિબધ્ધ છે.
🙏🙏🎂🎂🎂💐💐💐

21/08/2023

પરીવાર માં સૌ થી નાનો અને સૌ નો લાડકો, આજે એ બે વરસ નો થયો. એ નાનકો એટલે મોટાવરાછા ABC.
હજી તો સવાર પડે એ પહેલા મોટી બહેન હિરાબાગ ABC એ તો ખુશી માં ઢંઢેરો પીટવાનું ચાલુ કરી દીધું. કરે જ ને, મોટી બહેન નો સૌથી નાનકો ને લાડકો આજે બે વરસ નો જે થઈ ગયો છે. બીજા ભારૂ આંખો ચોળતા હજી જાગ્યા ત્યાં તો ઘર માં કાંઈક નવું જોઈને આનંદ માં આવી ગયા.

સરથાણા ABC: "હું તો આજે નવ્વા કપડાં પહેરવાનો છું હોં!! આજે મારા નાના ભાઈ નો જન્મદિવસ છે, નિશાળે ય નથી જવાનો હું તો. હું મોટો ભાઈ કે'વાઉં એટલે પહેલો કેક નો ટુકડો મારો, હેપ્પી બર્થ ડે નાનકા"

ત્યાં તો કાલી ઘેલી ભાષામાં બોલી સ્ટેશન લિટલ ABC: "હું તો આજે બોવ બધ્ધી ચોકલેટ ખાવાની છું, મને કોઈ ના નહીં પાડતા. આજે તો મારે નવ્વી નેલ પોલિશ ય કરવાની છે. હેર્પી બર્થ ડે છોટુ".

મોટાવરાછા ABC: "થેં કુ દીદી, થેં કુ ભાઈ"

15/06/2023

ઘોડીયું/પારણું/હિંચકો

''જાવ ને બા, કાના ને હીંચકાવો ને!, હું રસોઈ બનાવી નાખું''. - જે ઘર માં બે-અઢી વરસ થી નાનું ઘોડીયે હીંચકતું ટાબરીયું હશે ત્યાં આ સંવાદ સામાન્ય છે.

ચાલો આજે વાત કરીએ આવા હિંચકવાની ટેવ(કુટેવ વાળા) ટેણીયા ની. ગજબ છે આ વામન. ભારે અળવીતરું હોય ને કોઈ વાતે ગાંઠે નહીં હોં. હિંચક્યા કરવાની એની ટેવ એટલી હદે વકરેલી હોય કે તમને એમ જ લાગે કે ૨૪ કલાક ના દિવસ માં આને ૩૦ કલાક હિંચકી લેવું હશે? હિંચકા સાથે વળી પાછું સ્પેસીફીક અવાજ માં એને ગમતું હોય એવું જ હાલરડું ય હાજર જોઈએ, નહીંતર લાટસાહેબ ને હિંચકા નો નશો ચડતો નથીં. ઘર માં એક માણહ ને સતત હિંચકાવવાના ધંધે રાખી ને આ 'શેઠ' રોજગારી પૂરી પાડતા હોય એમ ઉપકાર કરે છે.

એની જાહોજલાલી ની વાત જ શું કરવી?
આ ટેણીયા ની અંદર કુદરતી એવા સેન્સર 'કંપની ફીટેડ' આવે છે કે હિંચકો જરાય ધીમો પડે તો બુમરાણ મચાવી દે, ભર ઊંઘ માં હોય તો ય દરેક હિંચકે કેટલા ન્યુટન બળ વપરાય છે, એ બળ નું સાતત્ય જળવાય છે કે કેમ એ બધું એના 'મધરબોર્ડ' માં સતત અંકીત થયા કરે,,,,, અને જેવો એના મગજ ના Quality Control વિભાગ ને હિંચકવાની ગુણવત્તા માં ફેરફાર જણાય એટલે સ્વરતંતુ ને ડાયરેક્ટ ઓર્ડર જાય કે શક્ય એટલા ઊંચા ડેસીબલ ના અવાજ સાથે ગાંગરો, નહિંતર આ હિંચકાવવા વાળા 'કારીગર' ને કામચોરી કોઠે પડી જાશે. આખો દિવસ હિંચકા માં જ કાઢવા વાળા ગઠીયા ઠેર ઠેર છે ભાઈ. હજી તો જાગ્યા હોય ત્યાં ઘોડીયા માં બેઠા બેઠા ફોન જોવો કે આજુબાજુ પોતાના ફેલાવેલા રાજપાટ નું નિરીક્ષણ કરવું એ આ લોકો નો મુખ્ય ટાઈમપાસ. ક્યારેક વળી ડબલ મોજ કરવી હોય તો ખોયા માં સીધા ને બદલે આડા બેસી ને રીતસર લીમડે હિંચકતા હોય એમ કલાકો પસાર કરે બોલો. મને તો એ વાત નું આશ્ચર્ય થાય કે આટલું આટલું હિંચકવા છતાં એને કોઈ દિ' ઘોડિયું 'અપખે' નથી થાતું ને ના તો કોઈ દિ' એને ચક્કર આવે કે 'ભાઈ હિંચકો ઊભો રાખો મને ચક્કર આવે છે'.😂😂

ક્યારેક મેઈન કારીગર ને 'રજા' જો'તી હોય તો ય આ બાપડા બુમરાણ મચાવી દે-એને ગમતા કારીગરે ઘડીક ય હલવાનું નહીં, ને શેઠ ભર ઊંઘ માં છે એમ ધારી ને તમે 'રીપ્લેસમેન્ટ' માણહ મુકો એટલે બીજી જ સેકન્ડે જાગીને દેકારો ચાલું. 😂

પાયા ની નીચે જે રબર ના ડટ્ટા આવે છે એ ખાલી નવા ઘોડીયા માં જ જોવા મળે, બાકી એકાદ બે આવા ડટ્ટા તો ટાબરીયા ના ત્રાસ ને લીધે ફરાર જ હોય. જો લાદી થોડીક વધારે ઘસાઈ ગયેલી હોય કે ટેણીયું જરીક વધુ લોંઠકુ હોય તો ઘોડીયા નો એકા'દો પગ લપસ્યા કરે. હિંચકાવવા વાળા માટે એક કામ વધારે, જે બાજુ નો પાયો પોતાની ફરજ ચૂકે એને પગ ઠેરાવવાનો અને ઘોડીયું પોતાની જગ્યાએ થી દોરાવાર ય હલે નહીં એવી નકામી કોશિશ કર્યા કરવાની.

આવા કપરાં સમય માં ઘોડીયું હિંચકાવવા ય નય્ત નવા પેંતરા શીખી ગયા છીએ આપણે લોકો. દોરી લાંબી કરી ને છેક રસોડા માં બેસી ને હિંચકાવવા થી માંડી ને પગ ના અંગુઠે દોરી ની આંટી ચડાવીને હિંચકાવતા આપણે શીખી ગયા. હવે તો સંગીત વાગવા સાથે હિંચકાવે એવી મોટરું આવી ગઈ બોલો.

ઘોડીયું ય ભારે નકટું, એનું એટલું વ્હાલું થઈ જાય કે જ્યાં ત્યાં પ્રસંગે ય જવાનું થાય તો પેક થાય એવું ઘોડીયું ગાડી માં પહેલું જઈને ડીકી માં ગોઠવાઈ જાય. રેસ્ટોરન્ટ/હોટેલ વાળાં ય સુવિધા માટે ઘોડીયાં રાખવા માંડ્યાં છે. ઘોડીયા નાં વ્યસનીઓ નો એક નોખો વર્ગ છે, અને બધે ય એમણે દહેશત ફેલાવી રાખી છે આ સ્પેશિયલ સુવિધા મેળવવા. આ સુવિધા ના આપો તો તમે ગમ્મે એવા પ્રસંગ માં ભલે હોવ, તમારા સગા ભાઈ ના લગન ભલે ને હોય, તમને અડધે પ્રસંગે ઘરે પાછા વાળે એવા બંધાણી હોય આ.

બાળરાજા ને ઘોડીયું કોઠે પડી ગયા પછી ભુલવાડવા માટે આખા ઘર ને તપ કરવું પડે હોં. એ ૩-૪ દિવસ ( સોરી , રાત) દરેક ના જીવન નો યાદગાર સમય હોય, એક એક મિનીટ કાઢવી કેવી અઘરી પડે એ 'શેઠ'ના લગભગ બધાં 'કારીગરો' ને યાદ હશે...!!!!😄

Rakesh

13/12/2022

131215 ABC બાળ સ્વાસ્થ્ય એક્સપ્રેસ- આઠમાં સ્ટેશન માં પ્રવેશ

यात्रीगण कृपया ध्यान दें, ट्रेन संख्या 131215 ABC बाल स्वास्थ्य एक्सप्रेस कुछ ही क्षणों में प्लेटफार्म नंबर ८ पे आएगी । उसमे यात्रा करने वाले सभी यात्रीयों का ट्रेन संचालक अभिवादन करते हैं। धन्यवाद ।

૧૩/૧૨/૨૦૧૫ એ સતત આગળ વધવાનાં સપના લઈને એક નાનકડી ટ્રેન ને લીલી ઝંડી મળી-- *ABC બાળ સ્વાસ્થ્ય એક્સપ્રેસ* , નાનકડું એન્જીન, ગણ્યાં ગાંઠ્યા પણ બાહોશ અને ખંતીલા કર્મચારીઓ... થોડાંક થોડાંક કરીને ટ્રેન માં સફર કરતાં પ્રવાસીઓ ની સંખ્યા વધી, ટ્રેન માં નવાં નવાં ડબ્બા જોડી ને લંબાઈ વધતી ગઈ, નવા નવા કર્મચારીઓ જોડાતા ગયા અને સફર આગળ ધપતી ગઈ. દરેક સ્ટેશન આવતાં સાથે જ ટ્રેન પરનો સ્ટાફ એક લેશન-ઉદ્દેશ્ય હંમેશા ફરી ફરી ને પાક્કો કરી લે છે કે આવનારા અને જનારા દરેક પ્રવાસી ને દિલ થી સંતોષ થાય એવી સેવા-સારવાર આપવા કોશીશ કરવી. એક પછી એક સ્ટેશન વટાવતાં આજે આઠમાં સ્ટેશન માં પ્રવેશી ત્યારે દરેક ના મનમાં હરખ ની લાગણી દેખાય છે. ટ્રેન સાથે સંકળાયેલી દરેક વ્યક્તિ એક પરીવાર ની જેમ એના ઉદ્દેશ્ય ને સાકાર કરવાં સતત કટીબધ્ધ રહે છે. અસંખ્ય પ્રવાસીઓએ અમારા પર વિશ્વાસ મુકી ને આ ટ્રેન ની સુરક્ષીત અને સંતોષપૂર્ણ યાત્રા કરીને એની આ યાદગાર સફર ના સાક્ષી રહ્યા છે, એ જ આ ટ્રેન ની સફર ની સાર્થકતા છે. અમે આ ટ્રેન ની સંચાલક ટીમ વતી આપ સૌ નો હ્રદયપૂર્વક આભાર વ્યક્ત કરીએ છીએ. આશા છે કે આવનારા સ્ટેશનો પર પણ આપ સૌનો પ્રેમ સદાય વરસતો રહે. 🥳🥳🎂🎂

09/11/2022

Contact:: send CV on wtsapp 7284002002
Email: abcchildrenhospital@gmail.com

24/10/2022

OPD CLOSED 24/10--27/10 Hirabaug and
24/10--30/10 MotaVarachha

Happy Diwali to All..

12/12/2021

અમારી નાનકડી ABC, આજે 6 વર્ષ ની થઈ ગઈ.

વ્હાલી ABC,
તારા 6 વરસ તો જાણે આંખ ના પલકારા માં જતા રહ્યાં. પા પા પગલી ભરતી તું ક્યારે મોટી થવા માંડી એનો અમને ખ્યાલ જ ના રહ્યો. તારી કાલીઘેલી ભાષા માં રોજ કંઈક નવી વાર્તા સાંભળી ને નવા નવા પાઠ શીખવાની અમને જાણે લત લાગી ગઈ છે.
અમારી લાડકી ABC, અમને આખા પરીવાર ને એક તાંતણે બાંધી રાખી ને તે અનેરી હુંફ આપી છે. તારા વિકાસ માટે પરીવાર ના દરેક સભ્યોએ ( ડોક્ટરો ની ટીમ, નર્સીંગ સ્ટાફ, આયા માસી, ફાર્માસીસ્ટ બધા જ લોકો) અતૂટ અને તનતોડ મહેનત કરી છે. સગાવ્હાલાં અને શુભેચ્છકો એ સતત ડગલે ને પગલે તારી કાળજી રાખી છે એ સૌ ના અમે આભારી છીએ.

તારા આ છઠ્ઠા જન્મદીવસે પ્રભુ ને એ જ પ્રાર્થના છે કે તું સદાય હસતી ખીલતી રહે, જરૂરીયાત વાળા દરેક ની સાર-સંભાળ રાખતી રહે, અમને સદાય કંઈક નવું શીખવ્યા કરે, તારે આંગણે આવતું દરેક બાળક હસતું રમતું ઘરે જાય. તારા દીર્ઘાયુ માટે સર્વ શુભચિંતકો ના અવિરત આશિર્વાદ મળતા રહે એવી શુભકામનાઓ.
Happy Birthday ABC.