Sursagar Dairy

04/01/2026

દૂધ પ્રાપ્તિ વિભાગ દ્વારા ચોટીલા તાલુકાની શ્રી રેશમિયા દૂધ ઉત્પાદક સહકારી મંડળી લિમિટેડ, મુકામ રેશમિયા ખાતે “સહકારથી સમૃદ્ધિ” યોજના અંતર્ગત સભા યોજાઈ હતી.
આ મિટિંગનો મુખ્ય હેતુ દૂધ મંડળીના પશુપાલકોના દૂધના નાણાં જિલ્લા મધ્યસ્થ સહકારી બેંકમાં જમા થાય તે બાબતે માર્ગદર્શન આપવાનો તેમજ દૂધ સંઘની વિવિધ સહાયકારી યોજનાઓ અંગે દૂધ ઉત્પાદકોને માહિતગાર કરવાનો હતો.
આ બેઠકમાં અંદાજે 140 કરતાં વધુ પશુપાલક ભાઈઓ ઉત્સાહપૂર્વક હાજર રહ્યા હતા. મિટિંગમાં દૂધ પ્રાપ્તિ વિભાગના વિભાગીય વડા શ્રી વનરાજસિંહ ચાવડા, ડેપ્યુટી મેનેજર શ્રી ડી. આઈ. પનારા, સિનિયર ઓફિસર શ્રી કે.ડી. પઢિયાર તથા શ્રી એસ.આર. પરમાર તેમજ જિલ્લા મધ્યસ્થ સહકારી બેંક તરફથી શ્રી વિજયસિંહ પરમાર હાજર રહ્યા હતા અને સૌએ પ્રાસંગિક તથા માર્ગદર્શક પ્રવચનો કર્યા હતા.

01/01/2026

27/12/2025

સુરેન્દ્રનગર જિલ્લા સહકારી દૂધ ઉત્પાદક સંઘ લી. સુરસાગર ડેરી–વઢવાણ, નાયબ પશુપાલન નિયામકશ્રીની કચેરી સુરેન્દ્રનગર તથા પશુપાલન વિભાગ, ગાંધીનગરના સંયુક્ત ઉપક્રમે આજરોજ સુરસાગર ડેરી–વઢવાણની વડી કચેરી ખાતે જીલ્લા કક્ષાની પશુપાલન શિબિર યોજાઈ.
ચોટીલા ,થાન, મૂળી, ધાંગધ્રા તથા પાટડી તાલુકાના પશુપાલકો માટે યોજાયેલી આ શિબિરમાં મોટી સંખ્યામાં પશુપાલકો જોડાયા હતા. શિબિરમાં ચેરમેનશ્રી નરેશકુમાર મારૂ, પૂર્વ ચેરમેનશ્રી બાબાભાઈ ભરવાડ, ડિરેક્ટરો, અધિકારીઓ તથા પશુપાલન વિભાગના તજજ્ઞોની વિશેષ ઉપસ્થિતિ રહી.
તજજ્ઞો દ્વારા વૈજ્ઞાનિક પશુપાલન, પ્રજનન, દાણ, દૂધ સંઘ અને સરકારશ્રીની સહાયકારી યોજનાઓ અંગે માર્ગદર્શન આપવામાં આવ્યું. અવસાન પામેલ ૪૪ પશુપાલકોના સન્માનમાં મૌન પાળી, તેમના વારસદારોને રૂા.૫૫,૦૦૦/- મુજબ કુલ રૂા.૨૪૨૦૦૦૦/-ની મરણોતર સહાય ચૂકવવામાં આવી. શિબિરનું સફળ સંચાલન શ્રી વનરાજસિંહ ચાવડાએ કર્યું.

26/12/2025

સુરેન્દ્રનગર જિલ્લા સહકારી દૂધ ઉત્પાદક સંઘ લી. સુરસાગર ડેરી–વઢવાણ, નાયબ પશુપાલન નિયામકશ્રીની કચેરી સુરેન્દ્રનગર તથા પશુપાલન વિભાગ, ગાંધીનગરના સંયુક્ત ઉપક્રમે આજરોજ સુરસાગર ડેરી–વઢવાણની વડી કચેરી ખાતે જીલ્લા કક્ષાની પશુપાલન શિબિર યોજાઈ.
લીંબડી, ચુડા, લખતર, સાયલા અને વઢવાણ તાલુકાના પશુપાલકો માટે યોજાયેલી આ શિબિરમાં મોટી સંખ્યામાં પશુપાલકો જોડાયા હતા. શિબિરમાં ચેરમેનશ્રી નરેશકુમાર મારૂ, પૂર્વ ચેરમેનશ્રી બાબાભાઈ ભરવાડ, ડિરેક્ટરો, અધિકારીઓ તથા પશુપાલન વિભાગના તજજ્ઞોની વિશેષ ઉપસ્થિતિ રહી.
તજજ્ઞો દ્વારા વૈજ્ઞાનિક પશુપાલન, પ્રજનન, દાણ, દૂધ સંઘ અને સરકારશ્રીની સહાયકારી યોજનાઓ અંગે માર્ગદર્શન આપવામાં આવ્યું. અવસાન પામેલ ૨૬ પશુપાલકોના સન્માનમાં મૌન પાળી, તેમના વારસદારોને રૂા.૫૫,૦૦૦/- મુજબ કુલ રૂા.૧૪,૩૦,૦૦૦/-ની મરણોતર સહાય ચૂકવવામાં આવી. શિબિરનું સફળ સંચાલન શ્રી વનરાજસિંહ ચાવડાએ કર્યું.

19/12/2025

ગોપી મહિલા સહકારી મંડળી પર એમસીએમટી કાર્યક્રમ કરવામાં આવ્યો. જેમાં ગોપી મહિલા, વટેશ્વર, ચીકાસર, જય ભોલે સાવડા, ગોરીયાવાડ મંડળીના વ્યવસ્થા કમિટીના સભ્યોએ ઉત્સાહ ભેર ભાગ લીધો. જેમને દૂધ સંઘમાંથી ડે. મેનેજર શ્રી ડી આઇ પનારા સાહેબ, વસુભા મલેક, પંકજભાઈ તંબોલીયા તેમજ ફેડરેશનના પ્રતિનિધિ માયાબેન અખાણી . હાજર રહી કમિટીના સભ્યોને વ્યવસ્થાપક કમિટી મીટીંગ નું મહત્વ દિશા સૂચન અને હેતુ વિશે ચર્ચા કરવામાં આવેલ તેમજ અમુલ પેટન , સહકારના સિદ્ધાંતો ,દૂધ સંઘમાંથી મળતી સેવાઓ અને સ્વોટ એનાલિસિસ , કરાવી બધા જ વિષયોની વિસ્તૃતમાં માહિતી આપેલ.

16/12/2025

દેવચરાડી દૂધ ઉત્પાદક સહકારી મંડળી પર મેનેજમેન્ટ કમિટી તાલીમ કાર્યક્રમ કરવામાં આવ્યો. જેમાં દેવચરાડી, પ્રથૂગઢ, ખાંભડા, ગુજરવદી,નવલગઢ દૂધ મંડળીના વ્યવસ્થાપક કમિટી સભ્ય નો તાલીમ વર્ગ નું આયોજન કરવામાં આવ્યું.જેમાં ફેડરેશનના પ્રતિનિધિ અખાણી માયાબેન, દૂધ સંઘ માંથી અરજણભાઈ , પંકજભાઈ, જીવણભાઈ હાજર રહ્યા. જેમાં વ્યવસ્થાપક કમિટી મીટીંગ નું મહત્વ દિશા સૂચન અને હેતુ વિશે ચર્ચા કરવામાં આવેલ તેમજ અમુલ પેટન , સહકારના સિદ્ધાંતો ,દૂધ સંઘમાંથી મળતી સેવાઓ અને સ્વોટ એનાલિસિસ ,ગ્રુપ ચર્ચા કરી દરેક કમિટી સભ્યોએ ખૂબ જ રસ પૂર્વક ભાગ લીધેલ.

26/11/2025

National milk Day

07/11/2025

ગુજરાત રાજ્ય કો મિલ્ક માર્કેટિંગ ફેડરેશન લિમિટેડ આણંદ દ્વારા ડોક્ટર વર્ગીસ કુરન સાહેબ ની યાદ માં ડોક્ટર વર્ગીસ કુરિયર સાહેબ ક્રિકેટ ટુર્નામેન્ટ નું આયોજન કરવામાં આવે છે જે આયોજન અંતર્ગત આપણા દૂધની ઝાલાવાડ જાબાજોની ટીમ રાજકોટ ખાતે ક્રિકેટ મેચ રમવા માટે રવાના થતા પહેલા ચેરમેન શ્રી નરેશકુમાર મારુ. મેનેજિંગ ડિરેક્ટર શ્રી ગુરુદિતસિંહ. ડિરેક્ટર થી નવઘણભાઈ ગોલતર. ડિરેક્ટર શ્રી વેલજીભાઈ દેવથરા મોટી સંખ્યામાં સ્ટાફ ગણ ઉપસ્થિત રહેલ. આ પ્રસંગે દરેક ક્રિકેટર કર્મચારીશ્રીને મો મીઠું કરાવી, ગુલદસ્તો આપીને શુભકામનાઓ પાઠવી હતી

07/11/2025

સુરેન્દ્રનગર જિલ્લા સહકારી દૂધ ઉત્પાદક સંઘ લિ., સુરસાગર ડેરી વઢવાણ ખાતે “વંદે માતરમ” નું સમૂહ ગાન
આજરોજ સવારે 11:00 કલાકે સુરસાગર ડેરી, વઢવાણની વડી઼ કચેરી ખાતે રાષ્ટ્રીય ગીત “વંદે માતરમ” નું સમૂહમાં ગાન કરવામાં આવ્યું હતું.
આ પ્રસંગે દૂધ સંઘના ચેરમેન શ્રી નરેશકુમાર મારુ, ડિરેક્ટર શ્રી નવઘણભાઈ ગોલતર, ડિરેક્ટર શ્રી વેલજીભાઈ દેવથરા તથા મેનેજિંગ ડિરેક્ટર શ્રી ગુરદિત સિંહ ઉપસ્થિત રહ્યા હતા.
આ કાર્યક્રમમાં દૂધ સંઘના અધિકારીઓ તથા મોટી સંખ્યામાં કર્મચારીઓ ઉત્સાહપૂર્વક જોડાયા હતા.
.

31/10/2025