Sharada Srividya Peetham, Malleswaram

10/03/2024

ఈరోజు మన ఆశ్రమంలో సద్గురు శ్రీ శివయోగి సిద్ధ దత్త అవధూత స్వామి వారిచే జరిగిన ఉచిత స్వరయోగ తరగతి

19/02/2024

https://youtu.be/fQ4sc_VK0s4?si=y2iAV659bV1QGQbx
Sri Sannidhi YouTube channel variche gurudevula interview

@ Contact us, Sree Sannidhi TV, Phone +91- 040 40054709*************************************************************Welcome to Sree Sannidhi TV You tube Chan...

20/01/2024

హర హర మహాదేవ్
జై శ్రీ రామ్

శ్రీరామ చంద్ర మూర్తి అన్నా శ్రీరామ నామ సంకీర్తనం అన్న పరమ గురువులైన శ్రీశ్రీశ్రీ కృష్ణ పరమహంస స్వామి వారికి మహా ప్రీతి , వారి దైవోపాసన చాలా భిన్నంగా ఉండేది , పరమహంస పరివ్రాజకులైన గురుదేవులు ప్రతి నిత్యం అత్యంత భక్తితో రామచంద్రమూర్తిని స్మరిస్తూ భక్తి పారవశ్యం చెందేవరకు ఎడతెరపి లేకుండా రామనామ సంకీర్తన చేసేవారు ప్రతిరోజూ ఆనంద భాష్ప పుష్పాలను రాముని పాదాల చెంత సమర్పించకుండా వారి తపోనుష్ఠానం ముగిసేది కాదు , శ్రీశ్రీశ్రీ కృష్ణ పరమహంస స్వామివారు తన ఆరాధ్య దైవం అయిన శ్రీరామచంద్ర జనభూమి అయోధ్యలో రాముడు రావాలని చిరకాల వాంఛ వారిసమయంలో (1996కి ముందు)అయోధ్య రామాలయ నిర్మాణానికి ఇటుకలను నామ జపం చేసి భక్తులందరిచేత కూడా జపం చేయించి ఆ ఇటుకలను అయోధ్యకి పంపించటం జరిగింది ,శ్రీశ్రీశ్రీ కృష్ణ పరమహంస స్వామి వారి శిష్యులైన శ్రీశివయోగి సిద్ధదత్త అవధూత స్వామి వారు పరమ గురువుల ప్రీతీ కొరకు తమ సర్వస్వాన్ని సమర్పించి మన ఆశ్రమం లో 1996 నుండి 25సప్తాహాలు (ఏడు రోజులు రాత్రి పగలు నిర్విరామంగా రామనామ సంకీర్తన = ఒక సప్తాహం), సప్త సప్తాహాలు,25 సంవత్సరాలు కార్తీక మాసంలో ఏకాహం , ప్రతీ సప్తాహానికి చివరి రోజు 108 హనుమాన్ చాలీసా పారాయణలు ఇలా గురుభక్తిని మరియు రామ నామ సంకీర్తన ద్వారా మన సనాతన ధర్మ పరిరక్షణను మన ఆశ్రమం ద్వార నిస్వార్థం గా చేయటం జరిగింది,
అలాగే ఎందరో మహానుభావుల చిరకాల దివ్య సంకల్పం అయోధ్య శ్రీరామ మందిరం ఇన్నాళ్లకు సిద్ధించనుంది, ఇది భారతీయులుగా ,సనాతన ధర్మానుయాయులుగా మహాత్ముల సంకల్పాలకు సాక్షులుగా మనం అందరం ఈ తరుణం లో ఉండటం మన సుకృతం , అయోధ్య రామ మందిర నిర్మాణ సమయంలో కూడా 2022 లో మన అందరి తరుపున మన శారద శ్రీవిద్యా పీఠం ధన రూపేణ కానుకలు సమర్పించటం జరిగింది.

అయోధ్యలో శ్రీబాలరాముని విగ్రహ ప్రతిష్ట ఈనెల 22న మధ్యాహ్నం 12:29 సమయానికి జరుగుతుంది

స్వర యోగ ప్రాణ సాధన ద్వార ఆత్మానందాన్ని పొందటమే కాకుండా మన అందరి ఈ మహత్తర శ్రీరామ ప్రాణ ప్రతిష్ట రోజున ప్రాణ ప్రతిష్ఠకు మనం ప్రత్యక్షంగా పాల్గొనలేకపోయినా,మన గురు దేవుల అనుగ్రహంతో పరోక్షంగా పాల్గొని మన వంతు ప్రాణ సాధన ద్వారా మన భక్తిని ,ప్రాణశక్తిని ,జప శక్తిని ధార పోసే విధానము సాధన చేయుటకు నిర్ణయించటమైనది కావున ప్రతిఒక్కరు 22/1/24 రోజున మధ్యాహ్నం 12:25 నుండి యూట్యూబ్ లైవ్ లో గురువు గారి ద్వారా మనం అందరం ఉన్నచోటి నుండే ప్రాణ శక్తి ద్వారా మన అందరి ఆత్మ చైతన్యమ్ తో ప్రాణ ప్రతిష్ఠలో పాల్గొందాం.

గమనిక -లైవ్ సమయానికి ఆరు దీపాలు (షట్కోణం ముగ్గు వేసి🔯 షట్కోణంలో 🔯ప్రాణ అనుసంధానం కొరకు పెట్టవలసి ఉంటుంది )కొబ్బరికాయ పూలు పండ్లు సిద్ధంగా ఉంచుకోగలరు.

హర హర హర మహాదేవ
జై శ్రీ రామ్
🕉️🙏🏽🙏🏽🙏🏽🕉️

శ్రీరామ చంద్ర మూర్తి అన్నా శ్రీరామ నామ సంకీర్తనం అన్న పరమ గురువులైన శ్రీశ్రీశ్రీ కృష్ణ పరమహంస స్వామి వారికి మహ...

14/12/2023

హర హర మహాదేవ

పరమహంస స్వామి శ్రీ విశ్వానంద
జర్మనీ స్వామి వారి అదేశ అనుసారం
కర్మ భూమి ధర్మ భూమి ఐన మన భారత దేశంలో ఉండే దివ్య సిద్ధపురుషులను,అవధూతలను దర్శించి ఆ మహాత్ముల జ్ఞాపకాలను మ్యూజియం లో భద్రపరచటంలో భాగంగా, వారి శిష్యులు శ్రీఅనిరుద్ధానంద స్వామి ,జర్మనీ నుండి స్వరయోగం ఉపదేశించే మన గురువు గారికోసం తెలుసుకుని,ఆశ్రమమునకు వచ్చి గురువు గారిని దర్శించడం జరిగింది ,
వారికి మన పరమ గురువుల జ్ఞాపకార్థం శ్రీశ్రీశ్రీ కృష్ణ పరమహంస స్వామి వారి శాలువ మరియు
మన గురువు గారు శ్రీశివయోగి సిద్ధదత్త అవధూత స్వామి వారి పాదుకలు ,తపస్సు చేసినప్పటి జట(కేశములు) అందించడమైనది,
వీటిని వారి మ్యూజియం లో భద్రపరిచెదరు.

22/10/2023

https://youtu.be/RP5h5csLS4Y?si=Ln4c-8zuWJDIeK32
Like share and subscribe

Durga Sapta Shloki most powerful mantraశ్రీదుర్గా సప్తశ్లోకీశివ ఉవాచ :-దేవి త్వం భక్తసులభే సర్వకార్యవిధాయినీ !కలౌ హి కార్యసిద్ధ్యర్థము...

16/09/2023

https://youtube.com/shorts/sR3OfgDkMRo?si=4bHsVpudh2idMvb3

08/09/2023

https://youtube.com/shorts/nqf0oPr_p1s?si=RkquAyEciEgG8bUX

25/08/2023

https://youtube.com/shorts/xUCoSNkpOoo?si=AEJmUUHHQhnpln9b

15/08/2023

https://youtube.com/shorts/lNv7O7_Dl2Y?feature=share

16/06/2023

05/10/2022

ఓంనమః శివాయ
జగన్మాత కృపతో విజయదశమి ,దసరా నవరాత్రులు విశేష జప,పూజా,తర్పణలు, శ్రీలలితా హవనం,అన్నదానము,బాల,కుమారి,ముత్తైదువులకు వస్త్ర దానములు వైభవోపేతముగా నెరనృవేరినవి.
భక్త జనులందరికీ జగజ్జనని శ్రీరమా,వాణీ,శ్రీచక్ర సహిత అఖండదీప దేదీప్యమాన
శ్రీ బాలా లలితా త్రిపుర సుందరీ అమ్మవారు మరియు శివగురు అనుగ్రహ ప్రాప్తిరస్తు,
లోకాసమస్తాః సుఖినోభవన్తు.

┈┉┅━❀꧁꧂❀━┅┉┈
ఎస్.ఎస్.కె.పి
శారదా శ్రీవిద్యా పీఠము,వీరశైవ ఆశ్రమము,రి.
మల్లేశ్వరం,పగోజి.534330.

01/10/2022

శ్రీలలితా సహస్రనామం

१०००.లలితాంబికా-
¹"లోకానతీత్య లలితే లలితా తేన సోచ్యతే" అనెడి పద్మ పురాణ నిర్వచనానుసారముగా లలితా అనగా, సకల లోకములను మించి ప్రకాశించుచున్న, అంబికా - అమ్మ అని అర్థము.
అతివ్యాప్తి, అవ్యా ప్తి, అసంభవము అనెడి దోషములు లేకుండునట్లు అత్యంత అసాధారణముగా ప్రయోగింపబడినట్టిది. ఈ నామము.
ఎట్లన, ఇతర దేవతలకును, రాధ యొక్క ఒక చెలికత్తెకును, ఒక నదికిని 'లలితా' అనెడి పేరు కలదు. 'అంబికా' అనెడి నామముగూడ ఒక దేవతకును, జైనులు ఉపాసించు ఒక దేవికిని, ధృతరాష్ట్రుని తల్లికిని ఇతరత్రకూడ వర్తించుచున్నది.
1లలితా, 2అంబికా అని యీ రెండు చేరిన నామము కేవలము ఒక్క పర దేవతకే వర్తించుచున్నది. ఊరక 'లలితా' అనిన చాలును. కాని సకల లోకాతీతమయిన ఆ దేవి మనకు సంనిహితురాలు (అందునది) కాదు అనెడి భావమును తొలగించుటకై అంబికా (మన అమ్మయే) అనెడి ఆశయ ముతో 'లలితాంబికా' అని చేర్చి ప్రయోగింపబడినది.
బ్రహ్మాండపురాణమున ఉ త్తరఖండమున ఈ స్తోత్రమున్నట్లు చెప్పబడినది. కాని ఈస్తోత్రముననే బ్రహ్మాండమున్నట్లు గోచరించుచున్నది. గంధర్వరాజు పుష్పదంతుడు చెప్పినట్లు కల్ప తరుశాఖను కలముగా, భూమిని కాగితముగా, సముద్రమును సిరాబుడ్డిగా, కాటుక కొండను సిరాగా చేసికొని, సరస్వతీ దేవి సర్వకాలము వ్రాసినను ఈ నామములయొక్క అర్థము సమా ప్తము కాదు అనుట న్యాయ్యము. శబ్దసముద్రము అట్టిది.శబ్దార్థము అట్టిది, అభియుక్తోక్తి ఒకటి యిట్లు కలదు. "అహం భాష్య కారశ్చ కుశాగ్రీయ ధియా వుభౌ, నైవ శబ్దంబుధేః పాఠం కిమన్యే జడబుద్ధయః" అని.
"లోకా నతీత్య లలతే" ఇతి లలితా, సర్వలోకములకు అతీతముగా ప్రకాశించుచుండునది. లోకములు అనగా సకలదృశ్యములు. ఆబ్రహ్మ స్తంబపర్యంతము. మఱియు, అహమాది దేహాంతము (నేను అనునది మొదలుకొని దేహపర్యంతము). ఈ సమస్త దృశ్యముల ఉనికికంటెను, వీని లేమి కంటెను అతీతముగా అనన్యముగా అద్వితీయముగా ప్రకాశించునది. ప్రత్యేగభిన్న పరబ్రహ్మస్వరూపిణి అని యర్థము.
² ఈ శరీర మున మూలాధారాది షట్ చక్రములకు పైన బ్రహ్మరంధ్రమునకు క్రింద సహస్రారకమలమున ప్రకాశించునది అని యర్థము.
³ శ్రీ చక్రమున నవావరణములను అతిక్రమించి సర్వానంద మయ బిందు చక్రమున ప్రకాశించునది.
4. సకల లోకము లను - సకల బ్రహ్మాండములను దాటి (వీని నతిక్రమించి) యున్న శ్రీనగరమున - శ్రీపురమున మిక్కిలి ప్రకాశించుచున్న అంబిక-అమ్మ అని యర్థము. కావుననే చెప్పియున్నారు.
అంబికా - అమ్మా! సకలలోకాతీతములైన ఔదా ర్యము, గాంభీర్యము, తేజస్సు, మాధుర్యము, లాలిత్యము, విలాసము. శోభ, స్థైర్యము అనెడి దివ్యగుణములు గలదానవు, కావున "లలితా" అనెడి యీ పేరు నీకు తగినది" అని.అఖిల దివ్యశక్తులచే అత్యంత ఆదరముతో అర్చింపబడు చుండెడి దివ్యురాండ్రు తొమ్మండుగురు ఆవరణ దేవతలా నీ సేవకురాండ్రు. నీ ధనుస్సా చెఱకు. నీ బాణములా పుష్పములు. అంతయు, లలితము - సుందరము.

"సత్యమేకం లలితాఖ్యం వస్తు" "తదద్వితీయ మఖండార్థం పరంబ్రహ్మ" "సృణ్యేవ సితయా, ఇషుభిః పంచభిః ధనుషా చ" " పాశాంకుశ ధనుర్బాణధరామ్" "ప్రాతస్సూర్యసమ ప్రభామ్” “మనోజ్ఞ పాశాంకుశ పాణివల్లవామ్” “మహా కారుణ్య రూపిణీమ్” "భక్తకామదుఘాం భజే" అని శ్రుతి వాక్యములు. "శ్రీర్వాక్చనారీణామ్" అని భగవద్వాక్యము, "ఘృత కాఠిన్యవత్ మూర్తి " అని సూతసంహితా వాక్యము. " పాశాంకుశేక్షు సుమ రాజత పంచశాఖాం... ప్రాచీన వాక్ స్తుతపదాం పర దేవతాం తాం.... ప్రణమామి దేవీం" అని, "ఘృత కాఠిన్య న్యాయేన మూర్తిమత్వమ్" అని భగవత్పాదవాక్యము (త్రిశతీ భాష్యము),
1000.She who is the divine mother lalitA

ఇది శ్రీబ్రహ్మాండ పురాణమున ఉత్తర ఖండమున శ్రీ హయగ్రీవాగస్త్య సంవాదమున "శ్రీ లలితా రహస్యనామ సాహస్ర కథన" మనెడి పేరుగల రెండవ అధ్యాయమునకు మద్గురువరేణ్యులు శ్రీశుద్ధచైతన్యయతి కృతమైన తెలుగు వివరణము
సమాప్తము.

┈┉┅━❀꧁꧂❀━┅┉┈
ఎస్.ఎస్.కే.పి
శారదా శ్రీవిద్యా పీఠం,
వీరశైవ ఆశ్రమం,(రి)
మల్లేశ్వరం,పెరవలి మండలం,ప.గో.జిల్లా,ఆంధ్రప్రదేశ్.
534330

30/09/2022

శ్రీలలితా సహస్రనామం

९९८.శ్రీశివా-
¹శ్రీసమేతమైన శివ.
²శ్రీరూపమైన శివ. (1.వ, 58-వ నామములు చూడుము.)

998.She who is the auspicious and divine shiva.

వాగ్దేవతలు -999 వ నామముచే ఈ స్తోత్ర మహాఫలము తెలుపు చున్నారు —

९९९.శివ శిక్యైక్యరూపిణీ-
¹శివుడు, శక్తి వీరి ఐక్యము. ఏక త్వము-సామరస్యము-పరమసామ్యము అత్యంతాభేదము, స్వరూపముగా గలది.
²శివ చక్రములయు, శక్తి చక్రములయు ఐక్యము స్వరూపముగా గలది.
³(శివశక్తుల ఐక్యమును ప్రతి పాదించు) హంస మంత్రార్థరూపిణి.
⁴ధూమావతి మొదలైన ఐదు శివశక్తుల సమష్టిరూపముగా ఉన్నది -
ధూమావతీ శక్తి భూమియందును (అనగా, భూమిరూపముతో ఉండెడి-భూమి ఉపాధిగాగల బ్రహ్మమునందు అని అర్థము), హ్లాదాశక్తి జలమునందును, భాస్వతీశక్తి అగ్నియందును, స్పందాశక్తి వాయువునందును, విభ్వీశక్తి ఆకాశము నందును ఇట్లు ఇవి జగత్తు నంతటిని వ్యాపించి యున్నవి.

దేహములోపలగూడ ఇట్లే ఇవి వ్యాపించియున్నవి — కంటియందు (నేత్రోపహిత బ్రహ్మమునందు) చూచెడి శక్తి చెవియందు,వినెడిశక్తి, చర్మమునందు స్పర్శశక్తి, నాలుకయందు రుచిచూచెడి శక్తి, ముక్కు నందు, వాసన చూచెడి శక్తి, ప్రాణమునందు ప్రాణన (చాలన) శక్తి, మనస్సునందు సంకల్పశక్తి, బుద్ధియందు నిశ్చయశక్తి, చిత్తమునందు,స్మరణశక్తి, అహంకారమునందు 'నేను నాది' యనెడి శక్తి ; ఇట్లే వాక్కు నందు మాటలాడుశక్తి, చేతులయందు క్రియాశక్తి, పాదములయందు నడి చెడి శక్తి ఇట్లు శక్తి సర్వత్ర వ్యాపించియున్నది.

"కర్మేతి హస్తయోః. గతి రితి పాదయోః" అని శ్రుతి. బ్రహ్మమునందు జ్ఞానము అనెడి ఈ శక్తి లేనిచో బట్టబయలు వలెనే బ్రహ్మము (ఆత్మ) జడమే యని చెప్పవలసినచ్చును. “ఆకాశ స్యేవ జడత్వమాప ద్యేత” “సర్వస్య శక్తి: వివిధైవ శ్రూయతే" "దేవాత్మశక్తిం స్వగుణైర్ని గూఢామ్" అని శ్రుతివాక్యములు. "పతిశ్చ పత్నీ చాభవతామ్" పరమేశ్వరుడు, పరమేశ్వరి— ఈ యిరువురి రూపముతో ఒక్క పర దేవతయే కలదు అని శ్రుతివాక్యము. "బ్రహ్మణో భిన్నశక్తిస్తు బ్రహ్మైవ ఖలు నాపరా" బ్రహ్మముకంటే అభిన్న మైన శక్తి బ్రహ్మమే. అన్యము కాదు. అని స్మృతి వాక్యము.
మఱియు, బ్రహ్మాండమున పరమాత్మ, పరాశక్తి, మహా కుండలిని. పిండాండమున ప్రత్యగాత్మ, జీవశక్తి. కుండలిని.ఇట్లు అంబిక శివశక్తైక్య రూపిణి. భేదము ఉపాధికల్పితము.అభేదము అకల్పితము. భేదము వ్యావహారికము. వాచారంభణము అభేదము, ఐక్యము ఏకత్వము, పారమార్థికము. "స ఏష ఇహ ప్రవిష్టు ఆ న ఖా గ్రేభ్యః" అని శ్రుతివాక్యము, "శబ్దః ఖే, రసోహమప్సు కౌంతేయ" అని (ఇత్యాదికము) భగవద్వాక్యము. "అగ్న్యుష్ణవత్ నిత్యబోధ స్వరూపమ్ " అని భగవత్పాద వాక్యము. "సహిద్రష్టుః దృష్టే: విపరిలోపో విద్యతే" అని శ్రుతి. ఉపాధినిబట్టి యేర్పడెడి తెలిసికొనుట అనెడి వ్యవహారము ఉపాధిపతనముచే తొలగినను తెలివికి మాత్రము నాశము లేదు. జ్ఞాతృత్వము నశించును. కాని జ్ఞానమునకు నాశము లేదు అని తాత్పర్యము. బలుబు చెదిరినచో వెలుగు పోవును గాని విద్యుచ్ఛక్తి పోవదుగదా !

999.She who is the union of shiva and shaktI into one form.

* భూమ్యాదిూపుడగు శివునియందు ధూమావత్యాది రూపమైన శక్తి అభిన్నముగా ఉన్నదని యుద్ధము.

┈┉┅━❀꧁꧂❀━┅┉┈
ఎస్.ఎస్.కే.పి
శారదా శ్రీవిద్యా పీఠం,
వీరశైవ ఆశ్రమం,(రి)
మల్లేశ్వరం,పెరవలి మండలం,ప.గో.జిల్లా,ఆంధ్రప్రదేశ్.
534330

29/09/2022

శ్రీలలితా సహస్రనామం

९९७.శ్రీమత్త్రిపుర సుందరీ -
శ్రీయుక్తములైన త్రిపురములు అనగా, విరాట్, హిరణ్యగర్భ, అవ్యాకృత తత్వములు శరీరముగా గలవాడు పరమశివుడు. వాని పత్ని గావున శ్రీమత్త్రిపురసుందరి. పరబ్రహ్మమహిషి.

997.She who is the divine tripurasundarI devI.
┈┉┅━❀꧁꧂❀━┅┉┈
ఎస్.ఎస్.కే.పి
శారదా శ్రీవిద్యా పీఠం,
వీరశైవ ఆశ్రమం,(రి)
మల్లేశ్వరం,పెరవలి మండలం,ప.గో.జిల్లా,ఆంధ్రప్రదేశ్.
534330

28/09/2022

శ్రీలలితా సహస్రనామం

వేదమునకు ఆరంభమునను, చివరను ఓంకారము వలెనే సకల శుభావాప్తికై ఈ స్తోత్ర ప్రారంభమున 1.శ్రీమాతా, 2. శ్రీమహారాజ్ఞీ 3. శ్రీమత్సింహాసనేశ్వరీ అని ముమ్మాఱు శ్రీకారము ప్రయోగింపబడినది. అట్లే ఈ స్తోత్ర పరిసమాప్తి యందును ∆ 1. శ్రీచక్ర రాజనిలయా, 2. శ్రీ మత్త్రిపుర సుందరీ, 3. శ్రీశివా అని ముమ్మాఱు శ్రీకార ప్రయోగపూర్వకముగా అమ్మ స్తుతింపబడుచున్నది.

९९६.శ్రీచక్రరాజనిలయా =
శ్రీ యుక్తమైన చక్రరాజము, నివాసముగా గలది. శ్రీచక్రమున నివసించునదని యర్థము. శివునకు స్ఫటికాదిరూమైన లింగము, విష్ణువునకు సాలగ్రామము అభీష్టమైన పూజా స్థానములుగా ఉండునట్లు పరదేవతకు అంబికకు శ్రీచక్రము అభిష్టమైన పూజా స్థానముగా ఉన్నది. అదియుగాక స్ఫటికాదిరూపమైన లింగమునకు, శివునకు ఆభేదము, సాలగ్రామమునకు, విష్ణువునకు అభేదము . అట్లే శ్రీచక్రమునకు, అంబికకు అభేదము . శ్రీచక్రమే అంబిక అంబికయే శ్రీచక్రము అని భావించి పూజింపవలెను.

996.She who abides in shrIchakra, the king of chakras.

∆ అపౌరుషేయములైన వేదములు తప్ప ఆర్ష గ్రంధము లేవియు ఓంకారముతో ఆరంభింపబడి యుండలేదు. 'అథాతో భక్తిం వ్యాఖ్యాస్యామః' అని భ క్తి సూత్రములు 'అథాతో ధర్మ కజ్ఞానా' అని ధర్మసూత్రములు, 'అథాతో.. బ్రహ్మ జిజ్ఞాసా' అని బ్రహ్మసూత్రములు, 'అథ యోగానుశాసనమ్ ' అని యోగసూత్రములు అథ శబ్దముతో ప్రారంభింపబడినవి. ఓంకారము, అథ శబ్దము- ఇవి రెండు మంగళప్రదములు, ప్రదము.అట్లే శ్రీకారము మంగళ ప్రదము.
┈┉┅━❀꧁꧂❀━┅┉┈
ఎస్.ఎస్.కే.పి
శారదా శ్రీవిద్యా పీఠం,
వీరశైవ ఆశ్రమం,(రి)
మల్లేశ్వరం,పెరవలి మండలం,ప.గో.జిల్లా,ఆంధ్రప్రదేశ్.
534330

27/09/2022

శ్రీలలితా సహస్రనామం

९९५.సర్వానుల్లంఘ్య శాసనా=
ఎవ్వరికిని హరిహరాదులకును అతిక్రమింపరాని శాసనము అజ్ఞగలని, 'ఏతన్య ప్రశాసనే గార్గి సూర్యాచంద్రమసౌ విధృతౌ తిష్ఠతః' అని శ్రుతివాక్యము.

995.She whose commands are not disobeyed by anyone.

┈┉┅━❀꧁꧂❀━┅┉┈
ఎస్.ఎస్.కే.పిశారదా శ్రీవిద్యా పీఠం,వీరశైవ ఆశ్రమం,(రి)మల్లేశ్వరం,పెరవలి మండలం,ప.గో.జిల్లా,ఆంధ్రప్రదేశ్.534330.