NATH Homoeo Clinic, Saikiachuburi, Tezpur, Assam

03/02/2025

সুধী ৰাইজ, মোৰ ফেচবুক একাউণ্টটো কোনোবাই হেক কৰিছে। গতিকে মোৰ নামত কিবা পোষ্ট দিলে মই দিয়া নাই বুলি ধৰি লয় যেন, এয়াই মোৰ কাতৰ অনুৰোধ।

03/11/2024

সকলোৰে সু-স্বাস্থ্যৰ বাবে হোমিওপেথি
ডাঃ দীপাংকৰ নাথ

04/08/2022

21/03/2022

POLYCYSTIC O***Y SYNDROME (PCOS) OR POLYCYSTIC OVARIAN DISEASE (PCOD)

The Polycystic O***y Syndrome (PCOS) or the Polycystic Ovarian Disease (PCOD) have become a major problem in adult womens at the present modern life style. Of course, the actual causes of PCOS or PCOD could not be known till now.

A hormonal disorder causing enlarged ovaries with small cysts on the outer edges.
The cause of polycystic o***y syndrome isn't well understood, but may involve a combination of genetic and environmental factors.

Doctors don't know exactly what causes PCOS. They believe that high levels of male hormones prevent the ovaries from producing hormones and making eggs normally. Genes, insulin resistance, and inflammation have all been linked to excess androgen production.

Common symptoms of PCOS include: Irregular periods or no periods at all.
Difficulty getting pregnant (because of irregular ovulation or failure to ovulate)
Excessive hair growth (hirsutism) – usually on the face, chest, back or buttocks.
Weight gain.
Thinning hair and hair loss from the head.
Oily skin or acne.

Polycystic o***y syndrome (PCOS) is a condition in which the ovaries produce an abnormal amount of androgens, male s*x hormones that are usually present in women in small amounts. The name polycystic o***y syndrome describes the numerous small cysts (fluid-filled sacs) that form in the ovaries.

Polycystic o***y syndrome (PCOS) is a hormonal disorder common among women of reproductive age. Women with PCOS may have infrequent or prolonged menstrual periods or excess male hormone (androgen) levels. The ovaries may develop numerous small collections of fluid (follicles) and fail to regularly release egg. . . ..

Polycystic Ovarian Disease (PCOD), also known as Polycystic O***y syndrome (PCOS) is a very common condition affecting 5% to 10% of women in the age group 12–45 years. It is a problem in which a woman's hormones are out of balance. It can cause problems with menstrual periods and make it difficult for her to conceive.

In Homoeopathy there is good treatment for PCOS or PCOD which should be done very carefully step by step giving proper Homoeopathic medicines observing the symtoms and charrecters of the patient in a progressive manner and can be cured completely. But, it may take long time to cure completely and return normal life.

In my Clinic, I have cured so many such patients by giving proper Homoeopathic medicines step by step as per the symtoms and physical and mental characters of the patient.

Dr. Dipankar Nath, MD(H), BDD NATH HOMOEO CLINIC
(A Recidential Clinic Round The Clock)
Saikiachuburi Tezpur Assam.
Ph 03712236678
(Please share this)

02/02/2022

যুৱক-যুৱতী সকলৰ এটি প্ৰধান সমস্যা হ'ল ‌মুখত হোৱা 'ব্ৰোণ'(Acne or Pimple)।

যেতিয়া শৈষৱ কাল পাৰ হৈ যৌৱনত ভৰি দিয়ে তেতিয়াই সাধাৰণতে লৰা-ছোৱালী বিলাকৰ মুখত, বিশেষকৈ গালত, ঠুতুৰীত, নাকৰ ওপৰত, কপালত আদি বিভিন্ন অংশত ব্ৰোণ(Acne or Pimple) ওলোৱা দেখা যায়। কেতিয়াবা, ডিঙি, কান্ধ আদিতো, বিষেশকৈ বয়স্ক লোকৰ ক্ষেত্ৰত ব্ৰোণ ওলোৱা দেখা যায়।

ব্ৰোণ ওলোৱাৰ কাৰণ হ'ল আমাৰ ছালৰ, বিষেশকৈ মুখৰ নোমৰ গুৰিৰ বিন্ধাবোৰ (air follicles) তৈল গ্ৰন্থিৰ পৰা ওলোৱা তেল, মৃত ছালৰ কোষ আৰু কেতিয়াবা বেক্টেৰিয়াৰ দ্বাৰা বন্ধ হৈ যায় আৰু তেতিয়া সেই অংশ বোৰ ফুলি উঠে আৰু পিছত ৰঙা পৰে। পিছলৈ এই বিলাকত বেক্টেৰিয়াৰ সংক্ৰমণৰ ফলত পুজ জমা হয় আৰু ব্ৰোণবোৰ ডাঙৰ হয়। কেতিয়াবা, বেছি ডাঙৰ হলে বিষো হ'ব পাৰে।

ব্ৰোণ ওলোৱাৰ প্ৰধান কাৰণ হিচাপে ধৰা হয় যৌৱন কালত বেছিকৈ হোৱা হ'ৰমন নিঃসৰণ। ইয়াৰ ফলত, ছালৰ তলত থকা তৈল গ্ৰন্থিবোৰ বেছি সক্ৰিয় হৈ পৰে আৰু তেল নিঃসৰণ বেছিকৈ হ'বলৈ ধৰে আৰু ব্ৰোণৰ উৎপত্তি হয়। অবশ্যে, ডেকা বয়সতো কিছুমান লোকৰ ব্ৰোণ ওলোৱা দেখা যায়।

ৰাতি টোপনি ক্ষতি কৰা, কফি আদি উত্তেজক ৰাগিয়াল বস্তু খোৱাৰ ফলতো তৈল গ্ৰন্থিৰ পৰা তেল নিঃসৰণ বেছিকৈ হয় আৰু তেতিয়াও ব্ৰোণ বেছিকৈ হোৱা দেখা যায়।

ব্ৰোণ বেছিকৈ হ'লে মুখমণ্ডলৰ মসৃনতা নোহোৱা হৈ যায় আৰু কেতিয়াবা কলা দাগ(Black Head)ৰ সৃষ্টি হয় আৰু দেখিবলৈ অশুৱনি হৈ পৰে। গতিকে, মুখৰ যত্ন লোৱা অতিকৈ প্ৰয়োজন। মুখখন কেইবাৰো, বিশেষকৈ ৰাতি টোপনি যোৱাৰ আগতে কুহুমীয়া গৰম পানীৰে ধুব লাগে। যধে মধে বজাৰৰ ক্ৰীম আদি লগাব নালাগে।

হোমিওপেথিক চিকিৎসা পদ্ধতিত ব্ৰোণৰ অতি সুন্দৰ চিকিৎসা আছে। অতি নিখুঁত ভাবে ৰোগীৰ শাৰীৰিক আৰু মানসিক চৰিত্ৰৰ লগত মিলাই আৰু ব্ৰোণৰ লক্ষণ অনুসৰি ঔষধ নিৰ্বাচন কৰি সঠিকভাৱে প্ৰয়োগ কৰিলে অতি সহজে এই সমস্যাৰ পৰা পৰিত্ৰাণ পাব পাৰি। কিন্তু, আজিকালি, বহুত তথাকথিত হোমিওপেথিক চিকিৎসকে পেটেণ্ট ঔষধেৰে আৰু ক্ৰীম আদিৰে চিকিৎসা কৰা দেখা যায়। ইয়াৰ পৰা ৰোগ আৰোগ্য হোৱাৰ সম্ভাৱনা কম থাকে। কাৰণ, ইয়াত সকলো ৰোগীৰ সম্পূৰ্ণ শাৰীৰিক আৰু মানসিক চৰিত্ৰ মিলোৱা সম্ভৱ নহয়।

মই মোৰ ক্লিনিকত অতি সহজে ৰোগীৰ সম্পূৰ্ণ শাৰীৰিক আৰু মানসিক চৰিত্ৰৰ লগত মিলাই আৰু ব্ৰোণৰ লক্ষণ অনুসৰি শুদ্ধভাবে ঔষধ নিৰ্বাচন কৰি সঠিকভাৱে প্ৰয়োগ কৰি প্ৰায়বোৰ ব্ৰোণৰ ৰোগীকে সম্পূৰ্ণকৈ ঈশ্বৰৰ কৃপাত আৰোগ্য কৰিছোঁ।

ডাঃ দীপাংকৰ নাথ
এম ডি (এইছ), বি ডি ডি
নাথ হোমিও ক্লিনিক
( ২৪ ঘন্টাই উপলব্ধ আবাসীক হোমিওপেথিক ক্লিনিক)
শইকীয়াচুবুৰী তেজপুৰ অসম।
ফোন ০৩৭১২২৩৬৬৭৮
(৩০ বছৰৰ অভিজ্ঞতা থকা হোমিওপেথিক চিকিৎসক)
(Please share this)

30/10/2021

সচৰাচৰ হৈ থকা এবিধ বেমাৰ হ'ল চাইনাছ বা চাইনাচিটিছ।
(A MOST COMMON DISEASE IS SINUS OR SINUSITIS)

চাইনাছ হ'ল আমাৰ শৰীৰৰ গালৰ হাড় আৰু কপালৰ পাছফালে নাকক ঘেৰি থকা সৰু সৰু বায়ুৰে পূৰ্ণ নলী। ইয়াৰ প্ৰধান কাম হৈছে আমাৰ মূৰটোক সমতা(Balance) প্ৰদান কৰা আৰু পাতল কৰি ৰখা।
লগতে ই আমাৰ মাত উন্নত কৰে (Improves our voices)।

কিন্তু, চাইনাছৰ মূখ্য কাম হৈছে, শেঙুন(Mucus) প্ৰস্তুত কৰা, যিয়ে নাকৰ ভিতৰখন ভিজাই ৰাখে। এই শেঙুনৰ আৱৰনটোৱে নাকৰ ভিতৰলৈ প্ৰদুষিত বায়ু, অনুজীৱ আৰু ধূলি-মাকতি সোমোৱাত বাধা প্ৰদান কৰে।

চাইনাছত উৎপন্ন হোৱা শেঙূন সাধাৰণতে সৰু সৰু নলীবোৰেৰে নাকৰ ভিতৰলৈ সোমায়। যেতিয়া চাইনাছিটিছ বেমাৰ হয় তেতিয়া এই নলীবোৰৰ ভিতৰত থকা আৱৰনবোৰ ফুলি উঠে আৰু নলীবোৰ বন্ধ হৈ যায়।

চাইনাছৰ ৰোগ সচৰাচৰ ভাইৰাছৰ সংক্ৰমণৰ পৰা হয়, যিয়ে সদায় উশাহ-নিশাহত বাধা প্ৰদান কৰে।
কেতিয়াবা বেক্টেৰিয়া, এনেকি, খুব কম ক্ষেত্ৰত, ভেকুৰেও সংক্ৰমণ কৰিব পাৰে। আন আন কাৰণ হ'ল, এলাৰ্জি, নাকৰ ভিতৰত হোৱা অৰ্বুদ(Nasal Polyps), এনেকি দাঁতৰ সংক্ৰমণেও চাইনাছিটিছৰ সমস্যাৰ সৃষ্টি কৰিব পাৰে।

ওপৰত চাইনাছ কি আৰু ইয়াৰ ৰোগ কেনেকৈ হয় বৰ্ণনা কৰা হ'ল। কিন্তু, চাইনাছৰ ৰোগ বা চাইনাছিটিছ হ'লে কি কি সমস্যা বা কষ্ট হয় এতিয়া তাক বৰ্ণনা কৰা হ'ব।

সাধাৰণতে, নতুন চাইনাছৰ ৰোগ ঠাণ্ডা লাগি বা নাকৰ এলাৰ্জিৰ পৰা হয়। নতুনকৈ চাইনাছৰ ৰোগ হ'লে ঘনে ঘনে হাঁচি আহে, চকুৰ পৰা পানী ওলায়, নাক বন্ধ হৈ যায়, নাকৰ ভিতৰত খজুয়ায়, অত্যন্ত মূৰ বিষায়, ৰোগী অস্থিৰ হৈ পৰে। নতুন চাইনাছ ৰোগ কিছুদিন ভোগ কৰাৰ পিছত নিজে নিজেই আৰোগ্য হয়। কিন্তু, ৰোগ আঠ সপ্তাহতকৈ বেছি হ'লে ই পুৰণি ৰূপ (Chronic Sinasitis)ত পৰিণত হয় আৰু তেতিয়া ইয়াক নিৰ্মূল কৰিবলৈ টান হয়।

পুৰণি চাইনাছিটিজত ভোগা ৰোগীৰ প্ৰায়েই অসহনীয় মূৰৰ বিষ হয়। পুৱা গধূলি অত্যন্ত হাঁচি আহে। কেতিয়াবা চকুৰে সৈতে মূৰৰ বিষ হয়। নাক প্ৰায়েই বন্ধ হৈ থাকে, কেতিয়াবা এটা আৰু কেতিয়াবা দুয়োটা নাকৰ বিন্ধায়েই বন্ধ হৈ যায়। ফলত, ৰোগীয়ে মুখেৰে উশাহ লবলগীয়া হয়। তেতিয়া আকৌ ৰোগীয়ে ডিঙিৰ অসুখত ভুগিবলগীয়া হয়।

এলোপেথিক চিকিৎসা পদ্ধতিত, নাক খুলিবলৈ নাকৰ ভিতৰলৈ সোমাই দিয়া এলাৰ্জি প্ৰতিৰোধক (Anti Allergic Spray) ঔষধ দিয়ে। ই সাময়িক সকাহ দিয়ে যদিও পিছলৈ কাম নিদিয়া হয়। আনহাতে, নাকৰ ভিতৰৰ অৰ্বুদ(Polipy) আদি অস্ত্ৰপ্ৰচাৰৰ দ্বাৰা মুকলি কৰি দিলেও দুই তিনি বছৰৰ পিছত পুনৰ হোৱা দেখা যায়।

হোমিওপেথিক চিকিৎসা পদ্ধতিত এই ৰোগৰ অতি উত্তম চিকিৎসা আছে। এই ৰোগ ঔষধৰ দ্বাৰাই অতি সহজে আৰোগ্য কৰিব পাৰি। মাত্ৰ, উপযুক্ত অৰ্হতা থকা আৰু অভিজ্ঞ চিকিৎসকৰ পৰাহে ঔষধ খাব লাগে। কাৰণ, হোমিওপেথিক ঔষধে ৰোগীৰ শাৰীৰিক আৰু মানসিক চৰিত্ৰ আৰু ৰোগৰ লক্ষণ অনুযায়ীহে ক্ৰিয়া কৰে। চাইনাছ ৰোগৰ নাম লিখা বটলৰ পেটেণ্ট ঔষধেৰে ইয়াক নিৰ্মূল কৰিব পৰা নাযায়। কাৰণ, এই বিলাক ঔষধত ৰোগীৰ শাৰীৰিক আৰু মানসিক চৰিত্ৰ মিলোৱা নাথাকে, যিহেতু প্ৰত্যেক মানুহৰে শাৰীৰিক আৰু মানসিক চৰিত্ৰ বেলেগ বেলেগ হয়।

মই মোৰ ক্লিনিকত এই ৰোগৰ চিকিৎসা অতি সহজতে আৰু সঠিকভাৱে ঔষধ নিৰ্ণয় আৰু প্ৰয়োগ কৰি বহুতো ৰোগীক আৰোগ্য কৰিছোঁ।

ডাঃ দীপাংকৰ নাথ,
এম,ডি (এইছ), বি,ডি,ডি
নাথ হোমিও ক্লিনিক,
শইকীয়াচুবুৰী তেজপুৰ অসম।
ফোন ০৩৭১২২৩৬৬৭৮
(Please share this)

29/10/2021

সাধাৰন ৰাইজে হোমিওপেথিক চিকিৎসা পদ্ধতিৰ বিষয়ে এটি অতি গুৰুত্বপূৰ্ণ জানিব লগীয়া কথা।
(THE COMMON PEOPLE MUST KNOW SOME IMPORTANT MATTERS ABOUT HOMOEOPATHIC TREATMENT)

হোমিওপেথিক চিকিৎসা পদ্ধতিত কোনো বেমাৰৰ নামত ঔষধ দিয়া নহয়। অকল বেমাৰৰ বাবে দেখা দিয়া লক্ষণসমূহ আৰু বেমাৰী জনৰ শাৰীৰিক আৰু মানসিক চৰিত্ৰৰ ওপৰত নিৰ্ভৰ কৰি সঠিকভাৱে ঔষধ নিৰ্ণয় কৰি ‌ প্ৰয়োগ কৰিব লাগে আৰু তেতিয়াহে এজন বেমাৰী সুস্থ হৈ উঠে। ঔষধ মিলাব নাজানিলে হাজাৰ ঔষধ দিলেও বেমাৰী হোমিওপেথিক ঔষধৰ দ্বাৰা কেতিয়াও আৰোগ্য নহয়। সেইবাবে সদায় অভিজ্ঞ আৰু অৰ্হতা থকা হোমিওপেথিক চিকিৎসকৰ পৰাহে ঔষধ খাব লাগে।

আজিকালি বজাৰত, কেইবাটাও লক্ষণ মিলাই, কেইবাবিধো হোমিওপেথিক ঔষধ মিহলাই একোটা বটলত ভৰাই পেটেণ্ট ঔষধ বনাই একোটা বেমাৰৰ নামত লেবেল লগাই ঔষধ বিক্ৰী কৰে। এই বিলাক ঔষধে কাচিৎহে কাৰোবাৰ বেমাৰ ভাল কৰে। কাৰণ প্ৰত্যেক মানুহৰে একেটা বেমাৰৰ লক্ষণ বেলেগ বেলেগ হব পাৰে। ধৰি লওক, একেখন ঘৰৰে দুজন লোকৰ জ্বৰ আৰু চৰ্দি হ'ল।
এতিয়া দেখা গ'ল, এজনৰ জ্বৰৰ লগত প্ৰচণ্ড মূৰৰ বিষ, পানীৰ পিয়াহ নাথাকে,
ঘনে ঘনে হাঁচি, চকু আৰু নাকৰ পৰা পানী ওলায়, কিন্তু ঘাম নলায় আৰু কাহোঁ নহয়। আনহাতে, আনজন সদস্যৰ দেখা গ'ল যে, তেওঁৰ জ্বৰৰ লগত মূৰৰ বিষ নাই, হাঁচিৰ পৰিবৰ্তে অত্যন্ত কাঁহ, প্ৰচুৰ পৰিমাণে ঘামে, পানীৰ পিয়াহ বেছি লাগে আৰু নাকৰ পৰা পানীৰ পৰিবৰ্তে ডাঠ শেঙুন ওলায়।
‌ এতিয়া, দেখা গ'ল যে, যদিও একেখন ঘৰৰে দুজন সদস্যৰ জ্বৰ আৰু চৰ্দি বেমাৰ হৈছে, কিন্তু দুয়োজনৰেই বেমাৰৰ লক্ষণ বেলেগ বেলেগ। গতিকে দুয়োজনৰে হোমিওপেথিক ঔষধো বেলেগ বেলেগ হব।

গতিকে, ওপৰত উল্লেখ কৰা মতে যদি চৰ্দি-জ্বৰৰ ঔষধ বুলি লিখা হোমিওপেথিক পেটেণ্ট বটলৰ ঔষধ খুৱাওঁ তেনেহলে দুয়োজনৰেই সম্পূৰ্ণ লক্ষণ নিমিলিবও পাৰে, ফলত এজনৰ বেমাৰ ভাল হ'লেও আনজনৰ বেমাৰ ভাল নহ'বও পাৰে। নাইবা দুয়োজনৰে বেমাৰ ভাল নহ'ব পাৰে। এনেও পেটেণ্ট ঔষধৰ দ্বাৰা সম্পূৰ্ণ বেমাৰ ভাল হোৱাৰ সম্ভাৱনা কম থাকে।

আজিকালি, বহুত হোমিওপেথিক চিকিৎসক ওলাইছে, যি অকল পেটেণ্ট ঔষধৰ বটলৰ ওপৰতে নিৰ্ভৰ কৰি হোমিওপেথিক চিকিৎসা কৰে। তেওঁলোকে হয় লক্ষণ আৰু ৰোগীৰ চৰিত্ৰ মিলাই ঔষধ নিৰ্ণয় কৰিব নাজানে নতুবা ঔষধ মিলাবলৈ কষ্ট নকৰে। ফলত, ৰোগীৰ অবাবত পইচা আৰু সময় নষ্ট হয়।

এলোপেথি বা আন চিকিৎসা পদ্ধতিত বেমাৰৰ নামত ঔষধ ব্যৱহাৰ হয় বাবে, সেইবিলাক চিকিৎসা পদ্ধতিত পেটেণ্ট ঔষধ ব্যৱহাৰ হয়। কিন্তু, হোমিওপেথিক চিকিৎসা পদ্ধতিত পেটেণ্ট ঔষধৰ ব্যৱহাৰ হোমিওপেথিকৰ নিয়মানুসাৰে নিষিদ্ধ। যিহেতু, হোমিওপেথিক ঔষধ প্ৰত্যেকজন ব্যক্তিবিশেষৰ বেমাৰৰ লক্ষণ আৰু শাৰীৰিক আৰু মানসিক চৰিত্ৰ মতেহে ঔষধ নিৰ্ণয় হয়।

সেয়েহে, ৰাইজক মই অনুৰোধ জনাওঁ যে, হোমিওপেথিক চিকিৎসা কৰাৰ সময়ত যাতে উপযুক্ত অৰ্হতা থকা আৰু অভিজ্ঞ চিকিৎসকৰ ওচৰতহে চিকিৎসা কৰায়। আচল হোমিওপেথিক চিকিৎসকে কেতিয়াও বটলৰ পেটেণ্ট ঔষধেৰে চিকিৎসা নকৰে। তেওঁলোকে সদায় ৰোগীৰ শাৰীৰিক আৰু মানসিক চৰিত্ৰ আৰু ৰোগৰ সম্পূৰ্ণ লক্ষণৰ ওপৰত ভিত্তি কৰি শুদ্ধ ভাৱে ঔষধ নিৰ্ণয় কৰি ৰোগীক ঔষধ প্ৰয়োগ কৰে আৰু সেইমতে ৰোগো সম্পূৰ্ণৰূপে নিৰাময় হয়।

এইখিনি কথা মই ৰাইজৰ জ্ঞাতাৰ্থেহে জনালোঁ। মোৰ কোনো আন অভিপ্ৰায় নাই। অনুগ্ৰহ কৰি ৰাইজে মোক ভূল নুবুজে যেন।

ডাঃ দীপাংকৰ নাথ,
এম ডি (এইছ), বি,ডি,ডি
নাথ হোমিও ক্লিনিক,
শইকীয়াচুবুৰী, তেজপুৰ, অসম।
ফোন ০৩৭১২২৩৬৬৭৮
(Please share this)

26/10/2021

হোমিওপেথিক ঔষধৰ কাৰ্যক্ষমতাৰ বিষয়ে সৰ্বসাধাৰণ মানুহৰ ধাৰণা।
( THE CONCEPTION OF GENERAL PEOPLE ABOUT THE ACTION OF HOMOEOPATHIC MEDICINENS)

সৰ্বসাধাৰণ মানুহৰ এটা ভূল ধাৰণা আছে যে হোমিওপেথিক ঔষধে লাহে লাহে ক্ৰিয়া কৰে। কিন্তু, আচল ক্ষেত্ৰত ই সম্পূৰ্ণ বিপৰীত। যদি ঔষধ নিৰ্বাচন শুদ্ধ হয়, কিছুমান ক্ষেত্ৰত ই চেকেণ্ডৰ ভিতৰতে ক্ৰিয়া কৰে আৰু ৰোগ আৰোগ্য কৰে।

আন এটা মানুহৰ ভূল ধাৰণা আছে যে হোমিওপেথিক ঔষধে সৰু সৰু ল'ৰা ছোৱালীৰ ক্ষেত্ৰতহে কাম কৰে আৰু ডাঙৰ মানুহৰ ক্ষেত্ৰত কাম নকৰে। আচলতে, হোমিওপেথিক ঔষধে ডাঙৰ-সৰু, কেঁচুৱা-বুঢ়া, পুৰুষ-মহিলা, ল'ৰা-ছোৱালী, সকলোৰে ক্ষেত্ৰতে সমানেই কাম কৰে।

আন এটা মানুহৰ ভূল ধাৰণা আছে যে হোমিওপেথিক ঔষধে চিগাৰেট বা মদ খোৱা মানুহৰ ক্ষেত্ৰত কাম নকৰে। এইটোও সম্পূৰ্ণ ভূল ধাৰণা। হোমিওপেথিক ঔষধে সকলো শ্ৰেণীৰ লোকৰ ক্ষেত্ৰতে কাম কৰে। মাত্ৰ, ঔষধ খোৱাৰ সময়ত চিগাৰেট বা মদ খোৱা অনুচিত। সেইবুলি মই ৰাইজক চিগাৰেট বা মদ খাবলৈ উপদেশ দিয়া নাই, কাৰণ ই মানুহৰ যথেষ্ট ক্ষতি কৰে।

গতিকে, দেখা গ'ল যে হোমিওপেথিক ঔষধে সকলো শ্ৰেণীৰ লোকৰ ক্ষেত্ৰতে কাম কৰে আৰু অতি সুন্দৰভাৱে সকলো ৰোগ, কি নতুন, কি পুৰণি আৰোগ্য কৰে আৰু সম্পূৰ্ণভাৱে সুস্থ কৰি তোলে। মাত্ৰ, ৰোগৰ লক্ষণ আৰু ৰোগীৰ শাৰীৰিক আৰু মানসিক চৰিত্ৰৰ লগত মিলাই সঠিক ঔষধ নিৰ্বাচন কৰিব লাগে। কাৰণ, হোমিওপেথিক ঔষধ কোনো বেমাৰৰ নামত নাথাকে। ইয়াক ৰোগীৰ শাৰীৰিক আৰু মানসিক চৰিত্ৰ আৰু ৰোগৰ লক্ষণ অনুযায়ী প্ৰয়োগ কৰা হয় আৰু ঔষধ নিৰ্বাচন শুদ্ধ হ'লে ৰোগী তৎক্ষণাৎ আৰোগ্য হয়। মাত্ৰ, পুৰণি ৰোগৰ ক্ষেত্ৰত অধিক সময়ৰ প্ৰয়োজন হ'ব পাৰে।

সেয়েহে সদায় অভিজ্ঞ আৰু অৰ্হতা থকা হোমিওপেথিক চিকিৎসকৰ পৰাহে ঔষধ খাব লাগে। বটলৰ পেটেণ্ট ঔষধেৰে চিকিৎসা কৰিলে ই ৰোগীৰ শাৰীৰিক, মানসিক আৰু ৰোগৰ সম্পূৰ্ণ লক্ষণৰ লগত নিমিলাৰ সম্ভাৱনাই বেছি। গতিকে, এনে পেটেণ্ট ঔষধৰ পৰা ৰোগ সম্পূৰ্ণৰূপে নিৰাময় নহয়। আচল হোমিওপেথিক চিকিৎসকে কেতিয়াও বটলৰ পেটেণ্ট ঔষধেৰে চিকিৎসা নকৰে। সদায় শুদ্ধভাৱে নিৰ্বাচিত ঔষধহে দিয়ে আৰু সেইবাবে ৰোগ সম্পূৰ্ণৰূপে আৰোগ্য হয়।

মই মোৰ ক্লিনিকত কেতিয়াও বটলৰ পেটেণ্ট ঔষধ ব্যৱহাৰ নকৰোঁ। সদায় শুদ্ধভাৱে নিৰ্বাচিত ঔষধহে ৰোগীক দিওঁ আৰু সেইমতে ঈশ্বৰৰ কৃপাত প্ৰায়ভাগ ৰোগীয়েই আৰোগ্য লাভ কৰে।

ডাঃ দীপাংকৰ নাথ
এম,ডি(এইছ), বি,ডি,ডি
নাথ হোমিও ক্লিনিক
শইকীয়াচুবুৰী তেজপুৰ অসম।
ফোন ০৩৭১২২৩৬৬৭৮
(Please share this)

25/10/2021

এবিধ অতি বেদনাদায়ক বেমাৰ হ'ল 'যদুমনি বা শিয়ালগালা'।
(A VERY PAINFUL DISEASE IS 'MUMPS')

যদুমনি বা শিয়ালগালা(Mumps) এবিধ অতি বেদনাদায়ক বেমাৰ। ই ৰুবুলা ভাইৰাছ পৰিয়ালৰ পেৰামিক্সো নামৰ এবিধ ভাইৰাছৰ দ্বাৰা আক্ৰান্ত হয়।(It caused by the Paramyxo Virus, a member of the Rubula Virus Family)।

যদুমনি বা শিয়ালগালা (Mumps) হ'লে কাণৰ তলৰ আৰু সমুখৰ ফালৰ পেৰোটিড গ্ৰন্থী(Parotid Glands) আৰু লালটি গ্ৰন্থী (Salivary Glands) আক্ৰান্ত হয় আৰু গালখন শিয়ালৰ গালৰ দৰে ফুলি উঠে বাবে বহুতে ইয়াক শিয়ালগালা বুলিও কয়।

যদুমনি (Mumps) সাধাৰণতে ১৬ৰ পৰা ১৮ দিন ভুগিব লগীয়া হয় যদিও ইয়াৰ আক্ৰান্ত কাল ১২ৰ পৰা ২৫ দিন বুলি ধৰা হয়। ইয়াক ভেকচিনৰ দ্বাৰা ৰুধিব পৰা যায়, যদিও কেতিয়াবা ভেকচিন লোৱাৰ পিছতো হোৱা দেখা যায়।
বহুক্ষেত্ৰত, এই ৰোগ কোনো ঔষধ নখোৱাকৈয়ে নিজে নিজে আৰোগ্য হয়।

এই ৰোগ এজনৰ পৰা আন এজনলৈ ৰোগৰ দ্বাৰা আক্ৰান্ত লেলাউটি, কাঁহ বা হাঁচিৰ লগত ওলাই অহা আৰু বতাহত উৰি ফুৰা ৰোগৰ বিজাণুৰ দ্বাৰা বিয়পে।
কেতিয়াবা আক্ৰান্ত ৰোগীক চুমা খালে বা ৰোগীয়ে খোৱা গিলাচ আদিত পানী, গাখীৰ আদি খালে এই ৰোগ বিয়পিব পাৰে। ৰোগীয়ে ব্যৱহাৰ কৰা কাপোৰ আদি চুলেও এই ৰোগ এজনৰ পৰা আন এজনলৈ বিয়পিব পাৰে।

আক্ৰান্ত কিছুমান মানুহৰ কোনো লক্ষণ দেখা নিদিবও পাৰে। কিন্তু, সাধাৰণতে বেছি ভাগৰে ক্ষেত্ৰত এই ৰোগ অতি যন্ত্ৰণাদায়ক ৰূপে প্ৰকাশ পায়। লক্ষণসমূহ হ'ল, কাণৰ তলৰ আৰু সমুখৰ গাল অতিমাত্ৰা ফুলি উঠে, লালটি গ্ৰন্থিত অতিৰিক্ত বিষ হয়, তীব্ৰ জ্বৰ উঠে, মূৰৰ বিষ হয়, অতিশয় দুৰ্বল লাগে আৰু খোৱাৰ ৰুচি হেৰুৱায়।

কেতিয়াবা কিছুমান ৰোগীৰ ক্ষেত্ৰত এই ৰোগে সাংঘাটিক আকাৰ ধাৰণ কৰে। ৰোগী অত্যন্ত দুৰ্বল হয়, দুয়োফালৰ লালটি গ্ৰন্থী ফুলে, দাঁতৰ মাৰীৰ বিষৰ ফলত একো বস্তু খাব নোৱাৰা হয়। এইদৰে ৰোগে জটিল ৰূপ ধাৰণ কৰে।

যদুমনি(Mumps) কেতিয়াবা যৌৱন কালৰ ল'ৰা ছোৱালীৰ ক্ষেত্ৰত ভয়ানক হ'ব পাৰে। এনে সময়ত ল'ৰাৰ ক্ষেত্ৰত অন্ডাশয়(Testicles) আৰু ছোৱালীৰ ক্ষেত্ৰত ডিম্বাশয় (Overies) আক্ৰান্ত হ'ব পাৰে।

যদুমনি(Mumps)ৰ পৰা কেতিয়াবা ভাইৰেল মেৰিনজাইটিছ(Viral Meringitis) হ'ব পাৰে, যদিহে ইয়াৰ ভাইৰাছ মগজুৰ বাহিৰৰ আবৰণলৈ গতি কৰে আৰু আক্ৰমণ কৰে। গতিকে, এই ৰোগক সাধাৰণ ভাবে ল'ব নালাগে।

হোমিওপেথিক চিকিৎসা পদ্ধতিত এই ৰোগৰ অতি উত্তম চিকিৎসা আছে। মাত্ৰ, উপযুক্ত ঔষধ নিৰ্ণয় কৰি সঠিকভাৱে প্ৰয়োগ কৰিব লাগে। বটলৰ পেটেণ্ট ঔষধেৰে ইয়াক আৰোগ্য কৰিব পৰা নাযায়। সেয়েহে সদায় অভিজ্ঞ আৰু অৰ্হতা থকা হোমিওপেথিক চিকিৎসকৰ পৰাহে ঔষধ খাব লাগে।

মই মোৰ ক্লিনিকত এই ৰোগৰ চিকিৎসা অতি সহজতে সঠিকভাৱে ঔষধ নিৰ্বাচন কৰি পদ্ধতিগত ভাবে ঔষধ প্ৰয়োগ কৰি বহুতো ৰোগীক আৰোগ্য কৰিছোঁ।

ডাঃ দীপাংকৰ নাথ,
নাথ হোমিও ক্লিনিক,
এম,ডি (এইছ), বি,ডি,ডি
শইকীয়াচুবুৰী, তেজপুৰ, অসম।
ফোন ০৩৭১২২৩৬৬৭৮
(Please share this)

24/10/2021

মুখৰ ঘা (Mouth Ulcer) সচৰাচৰ হৈ থকা এবিধ সাধাৰণ ৰোগ।

মুখৰ ঘা বিভিন্ন কাৰণত হব পাৰে। সাধাৰণতে যেতিয়া কিবা কাৰণত, অসাবধানতা বশত জিভা বা গালৰ ভিতৰ অংশত হঠাতে দাতৰ কামোৰ খায় তেতিয়া সেই কামোৰ খোৱা অংশটোত ঘা হ'বলৈ ধৰে। সাধাৰণতে মুখৰ লেলাউটিৰ লগত বহুতো বেক্টেৰিয়া বা ভাইৰাছ আদি থাকে আৰু তাৰ পৰাই ঘা ডোখৰত সংক্ৰমণ হয় আৰু ঘা ডোখৰত পুজ আদি জমা হয় আৰু বিষ হয়। জিভাত ঘা হ'লে খাদ্য খোৱাত অসুবিধা হয়। বিষ বেছি হ'লে কথা কবলৈও অসুবিধা হয়। কেতিয়াবা ওঠৰ ভিতৰতো দাতৰ কামোৰ খোৱাৰ ফলত ঘা হয় আৰু কোমল অংশ হোৱা বাবে ঘা বেছি ডাঙৰ হয়।

কেতিয়াবা গৰম চাহ বা অইন তপত বস্তু খোৱাৰ ফলতো তালু আদি পুৰি, সেই পোৰা অংশত ঘা হোৱা দেখা যায়।

সাধাৰণতে, মুখৰ ঘা নিজে নিজেই ভাল হয় আমাৰ নিজৰ প্ৰতিৰোধ ক্ষমতাৰ দ্বাৰা। কিন্তু, যেতিয়া প্ৰতিৰোধ ক্ষমতা ব্যৰ্থ হয় তেতিয়া ঘাঁবোৰ বাঢ়ি যায় আৰু ঔষধ খোৱাৰ প্ৰয়োজন হয়।

সাধাৰণতে যেতিয়া মানুহৰ ৰোগ প্ৰতিৰোধ ক্ষমতা কমি যায় তেতিয়া অলপ কাৰণতে মুখৰ ভিতৰত কিবাকৈ আঘাত পালেই মুখত ঘা হোৱা দেখা যায়।

আজিকালি, সৰু সৰু ল'ৰা ছোৱালী বোৰৰ প্ৰায়েই মুখত ঘা হোৱা দেখা যায় আৰু আহাৰ খোৱাত যথেষ্ট কষ্ট পায়।

হোমিওপেথিক চিকিৎসা পদ্ধতিত এই ৰোগৰ অতি উত্তম চিকিৎসা আছে। শুদ্ধভাবে সঠিককৈ ঔষধ নিৰ্ণয় কৰি চিকিৎসা কৰিলে অতি সহজতে যিকোনো মুখৰ ঘা ভাল হয়।

মই মোৰ ক্লিনিকত অহা বহুতো মুখৰ ঘা হোৱা ৰোগীক দুই তিনি দিনতে অতি সহজে আৰোগ্য কৰিছোঁ।

ডাঃ দীপাংকৰ নাথ।
এম,ডি(এইছ), বি,ডি,ডি,
নাথ হোমিও ক্লিনিক,
শইকীয়াচুবুৰী, তেজপুৰ, অসম।
ফোন ০৩৭১২২৩৬৬৭৮

21/10/2021

এবিধ সচৰাচৰ হৈ থকা বেমাৰ হ'ল 'কাঠ-আৰ্চিনাই'।
(A MOST COMMON DISEASE IS WART)

কাঠ-আৰ্চিনাই (The Wart) সকলো বয়সৰ মানুহৰ আৰু পুৰুষ-মহিলা সকলোৰে ক্ষেত্ৰত সাধাৰণতে হোৱা দেখা যায়, যদিও কম বয়সৰ ল'ৰা ছোৱালীৰ ক্ষেত্ৰত বেছিকৈ হোৱা দেখা যায়।

ই এবিধ দুষিত পাৰিপাৰ্শ্বিক পৰিবেশ আৰু ঘন বসতিপূণʼ ঠাইত বেছিকৈ হোৱা দেখা যায়। কাৰণ, ই এবিধ মানুহৰ ছালৰ মাজেৰে সহজে সোমাই যাব পৰা (Easily Filterable by Human Skin) ভাইৰাছৰ পৰা হয়। এই ভাইৰাছ বিধৰ নাম হ'ল 'হিউমেন পপিলমা ভাইৰাছ'(Human Papilloma Virus)। সংক্ষেপে এইছ,পি,ভি (H.P.V.) বুলি কোৱা হয়।

কাঠ-আৰ্চিনাই এবিধ 'নন মালিগ্নেন্ত'(Non Malignent) ছালৰ ওপৰত হোৱা অৰ্বুদ (Epithelial Groth)।

এই ভাইৰাছ বিধে এজন লোকৰ পৰা আন এজনলৈ তেতিয়াই বিয়পে যেতিয়া লোকজনৰ ছালত আঘাত পোৱা থাকে আৰু মানুজনৰ ৰোগ প্ৰতিৰোধ ক্ষমতা কমি যায়, (ই দীৰ্ঘ দিনৰ পৰা বেমাৰত ভুগি থকা বাবেই হওক বা বহুদিন এলোপেথিক ঔষধ খাই থকাৰ ফলতেই হওক), ভাইৰাছ বিধে মানুহজনৰ শৰীৰত প্ৰৱেশ কৰে। ইয়াৰ কেইবামাহ বা কেইবা বছৰৰ পিছত কাঠ-আৰ্চিনাই (Wart) ছালৰ ওপৰত ওলাই আহে।

সৰু সৰু ল'ৰা ছোৱালী বিলকে খালি ভৰিৰে লেতেৰা ঠাইত খোজ কাঢ়িলে, যত এই ভাইৰাছ বিধে বসতি কৰে, তেতিয়া অতি সহজতে ই সেই লোকজনৰ শৰীৰত প্ৰৱেশ কৰে আৰু পিছত সময়ৰ মূৰত কাঠ-আৰ্চিনাই দেখা দিয়ে।

কাঠ-আৰ্চিনাই শৰীৰৰ বিভিন্ন ঠাইত হ'ব পাৰে। হাত, হাতৰ আঙুলি, হাতৰ তলুৱা, ভৰি, ডিঙি, নাক, চকু, কপাল, গাল, পিঠি, বুকু , মূৰ, এনেকি মানুহৰ গোপন অংগতো কাঠ আৰ্চিনাই হোৱা দেখা যায়। ইয়াৰ আকৃতি জোঙা, চেপেটা, গোলাকাৰ, সৰু, ডাঙৰ আদি বিভিন্ন প্ৰকাৰৰ হোৱা দেখা যায়।

এলোপেথিক চিকিৎসা পদ্ধতিত ইয়াক নিৰ্মূল কৰিবলৈ অস্ত্ৰপ্ৰচাৰৰ পৰামৰ্শ দিয়ে। কিন্তু, হোমিওপেথিক চিকিৎসা পদ্ধতিত ইয়াৰ অতি সুন্দৰ চিকিৎসা আছে আৰু ঔষধৰ দ্বাৰাই ইয়াক নিৰ্মূল কৰিব পৰা যায়। মাত্ৰ, সঠিক ঔষধ নিৰ্বাচন কৰি সঠিকভাৱে প্ৰয়োগ কৰিব লাগে। সেইবাবে সদায় অভিজ্ঞ আৰু অৰ্হতা থকা হোমিওপেথিক চিকিৎসকৰ পৰাহে ঔষধ খাব লাগে। বটলত থকা পেটেণ্ট ঔষধেৰে ইয়াক নিৰ্মূল কৰিব পৰা নাযায়। আজিকালি বহুত হোমিওপেথিক চিকিৎসক ওলাইছে যিয়ে অকল পেটেণ্ট ঔষধ সেৱন কৰিব দিয়ে আৰু আচল নিৰ্বাচিত ঔষধ অজ্ঞতাৰ বাবেই হওক বা ইচ্ছাকৃতভাৱেই হওক নিদিয়ে। ফলত ৰোগ সম্পূৰ্ণৰূপে নিৰাময় নহয়।

মই মোৰ ক্লিনিকত এই ‌‌ কাঠ-আৰ্চিনাই অতি সাবধানে উপযুক্ত ঔষধ নিৰ্ণয় আৰু প্ৰয়োগ কৰি বহুতো ৰোগীক আৰোগ্য কৰিছোঁ।

ডাঃ দীপাংকৰ নাথ,
এম,ডি (এইছ), বি,ডি,ডি
নাথ হোমিও ক্লিনিক, শইকীয়াচুবুৰী, তেজপুৰ, অসম।
ফোন ০৩৭১২২৩৬৬৭৮
(Please share this)

17/10/2021

টনছিলৰ প্ৰদাহ এটা অতি সাধাৰণ সচৰাচৰ হৈ থকা বেমাৰ।
(THE TONSILLITIS IS A MOST COMMON DISEASE)

টনছিল(Tonsil) হ'ল আমাৰ ডিঙিৰ পিছফালে জিভাৰ কাষত দুয়োফালে থকা দুটা সৰু ডিম্বাকৃতিৰ মাংসপিণ্ড(Pads of Oval shaped Tissue)। ইহঁত হ'ল আমাৰ প্ৰথম শাৰীৰ সৈনিক, যিয়ে আমাৰ মুখ আৰু নাকেৰে সোমাই যোৱা ভাইৰাছ আৰু বেক্টেৰিয়াক ডিঙিৰ ভিতৰলৈ যোৱাত বাধা দিয়ে আৰু আমাক বিভিন্ন ৰোগৰ পৰা ৰক্ষা কৰে।

কিন্তু, কেতিয়াবা আমাৰ ৰোগ প্ৰতিৰোধী ক্ষমতা কমি যোৱাৰ কাৰণেই হওঁক বা আন কোনো কাৰণতেই হওঁক টনছিল গ্ৰন্থি নিজেই আক্ৰান্ত হয় আৰু তেতিয়াই টনছিলৰ প্ৰদাহ (Tonsillitis) হয়।

টনছিলৰ প্ৰদাহ সাধাৰণতে ভাইৰাছৰ সংক্ৰমণৰ দ্বাৰা হয় যদিও কেতিয়াবা বেক্টেৰিয়াই সংক্ৰমণ কৰাৰ ফলতো হোৱা দেখা যায়।

ভাইৰাছৰ সংক্ৰমণ সাধাৰণতে চৰ্দি কাঁহৰ লগতে হয় বা আন কোনো কাৰণতো আনৰ পৰা সংক্ৰমণ হৈ হ'ব পাৰে। ভাইৰাছৰ পৰা হোৱা টনছিলৰ প্ৰদাহ সাধাৰণতে চাৰি পাঁচ দিন মান থাকে। প্ৰথমতে টনছিল এটা বা কেতিয়াবা দুয়োটা ফুলি ৰঙা হৈ পৰে আৰু অত্যন্ত বিষ অনুভৱ কৰে। বস্তু গিলি খাবলৈ কষ্ট হয়। কেতিয়াবা বিষত জ্বৰ উঠে আৰু ৰোগী দুৰ্বল হৈ পৰে। কেতিয়াবা টনছিল ইমানেই ডাঙৰ হয় যে উশাহ লোৱাতো কষ্ট হয়। সৰু সৰু ল'ৰা ছোৱালীৰ ক্ষেত্ৰতেই টনছিলৰ প্ৰদাহ বেছি হয় যদিও কেতিয়াবা ভাঙৰৰ ক্ষেত্ৰতো হোৱা দেখা যায়। এনেকুৱা ক্ষেত্ৰত কুহুমীয়া গৰম পানীত অলপ নিমখ মিহলাই দিনত তিনি চাৰি বাৰ মান কুলি কৰিলে আৰু ডিঙিত কাপোৰ মেৰিয়াই ঠাণ্ডা নলগোৱাকৈ ৰাখিলে তিনি চাৰি দিনতে সাধাৰণ টনছিলৰ প্ৰদাহ কোনো ঔষধ নখোৱাকৈয়ে নিজে নিজেই ভাল হৈ যায়। কিন্তু, চাৰি পাঁচ দিনৰ বেছি ভূগিলে ঔষধ খোৱাৰ প্ৰয়োজন হয়।

ভাইৰাছৰ পৰা হোৱা সংক্ৰমণ সাধাৰণতে আন ৰোগীৰ হাঁচি, কাঁহ আদিৰ লগত বতাহত উৰি অহা সৰু সৰু শেঙুনৰ কণিকা (Droplets) নিৰোগী লোকৰ উশাহৰ লগত সোমাই সংক্ৰমণ কৰে। কেতিয়াবা টনছিলৰ প্ৰদাহ হোৱা ব্যক্তিক চুমা আদি খালেও
সংক্ৰমণ হ'ব পাৰে।

বেক্টেৰিয়াৰ পৰা হোৱা সংক্ৰমণে টনছিলৰ প্ৰদাহ কেতিয়াবা জটিল কৰি তোলে। এনেকুৱা ক্ষেত্ৰত টনছিলৰ বিষ, জ্বৰ আদি বেছি হ'ব পাৰে। কেতিয়াবা বিষ কাণলৈ বিয়পি পৰে। টনছিল এটা বা দুয়োটাই অতিমাত্ৰাই ডাঙৰ হৈ ফুলি উঠে। ৰঙা হৈ অতিৰিক্ত প্ৰদাহ হয়। কেতিয়াবা টনছিল পকি পুঁজ উৎপন্ন হয়। ৰোগীয়ে একো খাব বা গিলিব নোৱাৰাৰ অবস্থাৰ সৃষ্টি হয়। সাধাৰণতে, ষ্ট্ৰেপ্তকাক্কাছ নামৰ এবিধ বেক্টেৰিয়া (A group of Streptococcus Bacteria)ৰ দ্বাৰা আক্ৰান্ত হৈ টনছিলৰ প্ৰদাহ হয়।

টনছিল প্ৰদাহ যদি দহ দিনৰ ভিতৰত আৰোগ্য হয়, তেনেহলে তাক 'সাময়িক টনছিল প্ৰদাহ' (Acute Tonsillitis) বুলি কোৱা হয় আৰু যদি দহ দিনতকৈ বেছি দিন ভোগে তেতিয়া তাক পুৰণি টনছিলৰ প্ৰদাহ (Chronic Tonsillitis) বুলি কোৱা হয়। কিছুমানৰ আকৌ বছৰত কেইবাবাৰো টনছিলৰ প্ৰদাহ হোৱা দেখা যায়। এইবোৰো পুৰণি টনছিলৰ প্ৰদাহ (Chronic Tonsillitis)ৰ ভিতৰত পৰে। এনেকুৱা ক্ষেত্ৰত এলোপেথিক চিকিৎসা পদ্ধতিত অস্ত্ৰপ্ৰচাৰৰ পৰামৰ্শ দিয়ে। কিন্তু, হোমিওপেথিক চিকিৎসা পদ্ধতিত ঔষধতে ইয়াক নিৰ্মূল কৰিব পৰা যায়।

এই ৰোগৰ চিকিৎসা হোমিওপেথিক পদ্ধতিত অতি সহজতে কৰিব পাৰি। কিন্তু, ঔষধ নিৰ্ণয় অতি সাবধানে ৰোগৰ লক্ষণ আৰু ৰোগীৰ চৰিত্ৰৰ লগত মিলাই প্ৰয়োগ কৰিব লাগে। বটলৰ পেটেণ্ট ঔষধেৰে নহয়। সেয়েহে, সদায় অভিজ্ঞ আৰু অৰ্হতা থকা হোমিওপেথিক চিকিৎসকৰ পৰাহে ঔষধ খাব লাগে।

মই মোৰ ক্লিনিকত 'সাময়িক আৰু পুৰণি' (Acute and Chronic) টনছিলৰ প্ৰদাহ(Tonsillitis), এই দুয়োবিধ ৰোগকে অতি সাবধানে ঔষধ নিৰ্ণয় আৰু প্ৰয়োগ কৰি বহুতো ৰোগীক আৰোগ্য কৰিছোঁ।

ডাঃ দীপাংকৰ নাথ,
এম,ডি,(এইছ), বি,ডি,ডি
নাথ হোমিও ক্লিনিক,
শইকীয়াচুবুৰী তেজপুৰ অসম।
ফোন ০৩৭১২২৩৬৬৭৮
(Please share this)