Prof.Dr. Ajaiya Kumar S K

14/02/2025

കൈകളിലെ ഡയബറ്റിക് ന്യൂറോപ്പതി
=========================ഇത് ഞങ്ങളുടെ വളരെ വേണ്ടപ്പെട്ട ഒരു പേഷ്യന്റ് ആണ് ,വലതുകാൽ നേരത്തെ Amputation ചെയ്തു. ഇടതുകാലിൽ ഉപ്പൂറ്റിക്ക് അടുത്ത് വളരെ ഗുരുതരമായ ഒരു വ്രണവുമായി വന്ന r ചികിത്സിച്ച് ഭേദമായ ആളാണ്. ഇന്ന് വന്നിരിക്കുന്നത് , വലത് കയ്യിലെ നടുവിരലിന്റെ പുറത്ത് ഒരു മുറിവുമായാണ്. (ചുവന്ന വട്ടത്തിനകത്ത്) കാര്യം മനസ്സിലായല്ലോ? പാദത്തിൽ അന്നു സംഭവിച്ചത് സ്പർശനശേഷി ഇല്ലാത്തത് കാരണം മുറിവ് പറ്റിയത് അറിയാതെ ,അതിൽ ചവിട്ടി നടന്നിട്ടാണ് .ഇന്നിപ്പോൾ ഡയബറ്റിക് ന്യൂറോപ്പതി കൈകളെയും ബാധിച്ചിരിക്കുന്നു !ചൂടുള്ള പാത്രത്തിൽ കൈവിരൽ മുട്ടിയത് അദ്ദേഹം അറിഞ്ഞില്ല !
പൊള്ളൽ ഭാര്യയാണ് കണ്ടുപിടിച്ചത് !
ഓർക്കുക, പ്രമേഹ രോഗികൾക്ക് കാലിലെ സ്പർശനശേഷി നഷ്ടപ്പെട്ട് അത് മുട്ടുവരെ എത്തുമ്പോൾ കൈകളിൽ സ്പർശനശേഷം നഷ്ടപ്പെടുവാൻ തുടങ്ങും. ഇത് കൃത്യമായി ഓർമിച്ചില്ലെങ്കിൽ കൈകളിലും മുറിവ് പറ്റാൻ സാധ്യതയുണ്ട് !അതുകൊണ്ട് തന്റെ കൈകൾക്കും സ്പർശനശേഷി കുറവാണെന്നും ,മുറിവു പറ്റാൻ സാധ്യതയുണ്ടെന്നും മനസ്സിലാക്കിക്കൊണ്ട് വേണം എപ്പോഴും പെരുമാറുവാൻ!

27/12/2024

'ഇനിയും ഇതേ കണക്ക് വേടിക്കും'
============================
ഞങ്ങൾ നൽകിയ ചെറിയ ട്രോഫി മഞ്ജീഷിന്റെ ഭാര്യ കൈയിൽ വാങ്ങുമ്പോൾ പിന്നിലിരുന്ന് വർക്കല ഉച്ചാരണത്തിൽ മഞ്ജിഷ് പറഞ്ഞ വാക്കുകളാണിത്. മുമ്പ് ഡയബറ്റിക് ഡേക്ക് പാട്ട് പാടി മഞ്ജേഷ് സമ്മാനം നേടിയിരുന്നു അതിനോടനുബന്ധിച്ച് നടന്ന പ്രമേഹ സംബന്ധമായ Quiz മൽസരത്തിൽ അദ്ദേഹത്തിൻ്റെ ഭാര്യ ഒന്നാം സമ്മാനം നേടിയിരുന്നു അത് വാങ്ങാൻ പുള്ളിക്കാരിക്ക് എത്താൻ കഴിഞ്ഞിരുന്നില്ല. അത് ഇന്ന് ഞങ്ങളുടെ കൈ കൊണ്ട് ഭാര്യക്ക് കൊടുക്കണം എന്ന ആവശ്യം നിറവേറ്റി ക്കൊടുക്കുകയായിരുന്നു ഞങ്ങൾ !, പ്രമേഹ രോഗിയായ മഞ്ചേഷിൻ്റെ ചികിത്സയും ഗൗരവമായ പാദ രോഗത്താൽ കഷ്ടപ്പെടുന്ന അവസ്ഥയും ഭാര്യ സൗമ്യയെ പ്രമേഹ രോഗത്തെ കുറിച്ചുള്ള അറിവ് നേടുന്നതിന് പ്രേരിപ്പിച്ചു. അങ്ങനെ സൗമ്യ ക്വിസ്സിന് ഒന്നാം സ്ഥാനം നേടി. അഭിനന്ദനങ്ങൾ ! ഈ രോഗാതുരതയിലും ഭാര്യയെ അഭിനന്ദിക്കാനും പ്രമേഹത്തെ ക്കുറിച്ചുള്ള വിജ്ഞാനം നേടാൻ ഭാര്യയെ ഉത്തേജിപ്പിക്കാനും ശ്രമിക്കുന്ന അദ്ദേഹത്തിൻ്റെ ഈ വാക്കുകൾ ഞങ്ങൾക്ക് വളരെയധികം സന്തോഷം നൽകി പ്രിയ മൻജേഷ് നിങ്ങൾ വേറിട്ടു നിൽക്കുന്നു!
ഓർക്കുക പ്രമേഹ ചികിത്സയിൽ ഏറ്റവും പ്രധാനം രോഗിക്കും കുടുംബാംഗങ്ങൾക്കും പ്രമേഹത്തെക്കുറിച്ചുള്ള അറിവാണ്!

26/12/2024

A rare hernia - Sliding Spigelian Hernia being repaired Laparoscopically.Pl watch the video
അപൂർവ്വമായ ഒരു ഉദര ഹെർണിയ കീഹോൾ സർജറിയിലൂടെ റിപ്പയർ ചെയ്യുന്ന വീഡിയോ.
https://youtu.be/vkZTQcRfWj4?si=ui2CbuNWw9Yw15et

Dr S K AJAIYAKUMARLAPAROSCOPIC AND BARIATRIC SURGEONSARASWATHY HOSPITAL, TRIVANDRUM, S.INDIA

08/07/2024

https://youtu.be/n7af5ynvFx8?si=_beIVv4-bd4BFZqi
My talk on advances In Diabetic foot management in KASI CON 2024 Calicut

27/06/2024

മഴക്കാലം കാലിൻ കഷ്ടകാലം
===============≈========== പ്രിയമുള്ളവരെ,
ഈ മഴക്കാലം പ്രമേഹരോഗികൾക്ക് കാലുകളിൽ കുഴപ്പം പിടിച്ച കാലമാണ് കാൽപാദം മുതൽ മുട്ടുവരെ തൊലിക്കടിയിലൂടെ ഉണ്ടാകുന്ന രോഗാണുബാധയാണ് സെല്ലുലൈറ്റിസ്. ചുവപ്പും പനിയും, കാലിൽ നീരുമായി തുടങ്ങുന്ന ഈ അസുഖത്തെ അവഗണിച്ചാൽ ചിലപ്പോൾ അത് വളരെ കൂടുകയും തൊലിയിൽ വലിയ പുണ്ണായി മാറുകയും ഒക്കെ ചെയ്യാം ഇത് ഉണ്ടാകുന്നത്; മഴക്കാലത്ത് പ്രത്യേകിച്ച് കാലിലുള്ള മുറിവുകൾ, അലർജി കാരണം ഉള്ള തൊലിയിലെ പ്രശ്നങ്ങൾ, അതുവഴിയൊക്കെയാണ് ബാക്ടീരിയ ഉള്ളിലേക്ക് കടക്കുന്നത്.
ഇത് കൂടാതെയാണ് വിരലുകൾക്കിടയിലുള്ള വളംകടി അഥവാ ഈറൻ കാൽ എന്ന അസുഖം! വെള്ളം നനഞ്ഞാൽ കാൽപാദത്തിന്റെ പുറം നമ്മൾ തുടച്ചുമാറ്റുമെങ്കിലും വിരലുകൾക്കിടയിൽ പ്രത്യേകം ശുചിയാക്കാൻ ആരും മെനക്കെടാറില്ല. അതും പ്രത്യേകം ശ്രദ്ധിക്കുക അല്ലെങ്കിൽ, വളം കടി എന്ന പൂപ്പൽ ബാധ ,വൃണം ആയി മാറി പഴുത്ത് പാദത്തിലേക്ക് കടന്ന് ഗുരുതരമാകാം.
വിരലുകളുടെ ഇട തുടച്ച് ഇടക്കിടെ പൗഡർ ഇടുന്നത് ഇത് തടയാൻ സഹായിക്കും എന്തായാലും ഈ മഴക്കാലം ഒരു നല്ല കാലമായി എടുക്കുവാൻ നമ്മുടെ പ്രമേഹരോഗികൾ ശ്രദ്ധിക്കുമല്ലോ!!!

21/06/2024

മുള്ളുള്ള ചെരിപ്പും ഡയബറ്റിക് ഫുട്ടും
=======================
പ്രമേഹ പാദ രോഗികൾ ഇത്തരം മുള്ളുപോലുള്ള പ്രൊജക്ഷൻ ഉള്ള ചെരുപ്പുകൾ
ധരിക്കാൻ ഇഷ്ടപ്പെടുന്നതിൻ്റെ കാരണം അറിയാമോ? ന്യൂറോപ്പതി മൂലം കാലുകളിലെ സ്പർശന ശേഷി തീരെ കുറവായ അവർക് ഇത്തരം മുള്ളുകൾ അൽപ്പം, സുഖം നൽകുന്നു. ഈ മുള്ളുകൾ കുത്തിയിട്ട് ഉണ്ടാകുന്ന വേദന അവർക്ക് അൽപ്പം സ്പർശനമായി അറിയുന്നു. സാധാരണമായി ചെരിപ്പ് കാലിൽ ധരിച്ചിരിക്കുന്നുവെന്നോ ഊരിപ്പോയോ എന്നോ അവർക്കു അറിയാൻ കഴിയാറില്ല! എന്നാൽ
ഇത്തരം ചെരിപ്പുകളുടെ അപകടം, പാദത്തിനടിയിലെ മൃദുലമാംസത്തിന് ക്ഷതം ഉണ്ടാക്കുന്നു എന്നതാണ്!
പ്രമേഹപാദരോഗമുള്ളവർ 'മുളളു ചെരുപ്പുകൾ, ഉപയോഗിക്കാൻ പാടില്ല, അക്യൂപ്രെഷർ ചെരിപ്പുകൾ എന്ന പേരിലൊക്കെ അവ നമ്മെ അപകടപ്പെടുത്താൻ കാത്തിരിക്കുന്നു ജാഗ്രതൈ!
പ്രമേഹ പാദരോഗമുള്ളവർ; താഴെപ്പറയുന്ന കാര്യങ്ങൾ ചെരുപ്പിൽ ഉണ്ട് എന്ന് ഉറപ്പുവരുത്തണം
1.സോഫ്റ്റ് ആയ ഇൻസോൾ (പാദം സ്പർശിക്കുന്ന ഭാഗം)
2.. കട്ടിയുള്ള ഔട്ട് സോൾ (തറയിൽസ്പർശിക്കുന്ന ഭാഗം)
3. വീതിയുള്ള കാൽവിരൽപ്പെട്ടി (Toe box ; വിരലുകൾ തമ്മിൽ ഞെരുങ്ങിപ്പോകാതിരിക്കാനിണിത്)
4 ചെരുപ്പിൻ്റെ വാറുകളിൽ സോഫ്റ്റ് പാഡിംഗ് വേണം തൊലിയിൽ ഉരഞ്ഞ് മുറിവു പറ്റാതിരിക്കാനാണിത്.
5 ഉപ്പൂറ്റിയുടെ പിറകിലൂടെയുള്ള ബാക്ക്സ്ട്രാപ്പ് അഥവാ പിൻവാറ്.
( ചെരുപ്പ് അറിയാതെ ഊരിപ്പോകാതിരിക്കാനാണിത്)

29/05/2024

(മലയാളം വിവരണം അവസാനം കൊടുത്തിരിക്കുന്നു)
Dear friends,
This 41 year old gentleman went to pilgrimage bare, footed and came back with this pathetic condition!
In our country, no body bothers to give diabetic foot education.This poor man having severe numbness of both feet had an ulcer already in plantar region.
Since he had no pain he used to walk without foot wear and worsened the condition
Pl note, Diabetic Neuropathy is a horrible condition but very silent but dangerous!
Pl keep your feet clean protect them as your face! പ്രിയമുള്ളവരെ ഈ 41 കാരൻ പ്രമേഹം പ്രമേഹ മൂലം കാലുകളിൽ സ്പർശനശേഷി നഷ്ടപ്പെട്ട പാദത്തിനടിയിൽ ഒരു വ്രണമുള്ള ഈ കൂലി വേലക്കാരൻ മണിക്കൂറുകളോളം നഗ്നപാദനായി ഒരു തീർത്ഥാടനം നടത്തിയിട്ട് ഈ അവസ്ഥയിൽ വന്നിരിക്കുകയാണ്! ഡയബറ്റിക് ന്യൂറോപ്പതി എന്ന ഞരമ്പുകൾക്ക് കേടുപറ്റുന്ന, ഈ അവസ്ഥയിൽ അദ്ദേഹത്തിൻറെ കാലുകളിൽ സ്പർശനശേഷി ഒട്ടും കാണുകയില്ല .വേദന അറിയാതെ എത്ര ദൂരം വേണമെങ്കിലും ചെരിപ്പില്ലാതെ അയാൾ നടക്കും! ആ വ്രണം വലുതാകും പഴുപ്പ് ആകും കാലുകൾ തന്നെ നഷ്ടപ്പെടാൻ സാധ്യതയുണ്ട്! കാലുകളെ കണ്ണിൻറെ കൃഷ്ണമണി പോലെ സൂക്ഷിച്ച് ശരിയായ പാദരക്ഷ ധരിച്ച് മുന്നോട്ടു പോയാൽ ഇത് ഒഴിവാക്കാൻ ആകും ഓർക്കുക, ഡയബറ്റിക് ന്യൂറോപ്പതി വളരെ ഗൗരവമായ ഒരു കോംപ്ലിക്കേഷൻ ആണ് സൂക്ഷിക്കുക ,കാലുകൾ സംരക്ഷിക്കു !ജീവൻ രക്ഷിക്കൂ!

22/03/2024

പ്രമേഹരോഗികളുടെ ചെരുപ്പിനെ പറ്റി തന്നെ !
# # # # # # # # # # # # # # # # # # #₹

ഈ ചിത്രത്തിലെ തള്ളവിരലിന്റെയും രണ്ടാമത്തെ ഇടയ്ക്കുള്ള ഭാഗം ശ്രദ്ധിക്കുക ചുവന്ന് പുണ്ണാകാറായിരിക്കുന്നു!
കാരണമെന്തന്നറിയാമോ?
ഡയബറ്റിക് ന്യൂറോപതി എന്ന കാലിലെ ഞരമ്പുകൾക്ക് കേടു പറ്റി സ്പർശനശേഷി അറിയാത്ത അവസ്ഥ മൂലം ഈ ഹവായി മോഡൽ ചെരുപ്പിന്റെ ഉരസൽ രോഗി അറിയുന്നില്ല അത് പുണ്ണായി മാറുമ്പോഴാണ് പലപ്പോഴും ഡോക്ടർ അടുത്ത് വരുന്നത് മാത്രമല്ല ഇത്തരം ചെരിപ്പുകൾ കാലിൽ നിലനിർത്തണമെങ്കിൽ രോഗി വിരലുകൾ ശക്തിക്ക് വളച്ച് ചെരിപ്പിൽ അമർത്തി പിടിക്കണം അല്ലാതെ തന്നെ വിരലുകൾ വളഞ്ഞുപോകുന്ന അവസ്ഥ വരുന്ന ഇത്തരം രോഗികൾക്ക് സ്ലിപ്പർ ചെരിപ്പ് ഉപയോഗിക്കുമ്പോൾ കൂടുതൽ വേഗം വളഞ്ഞു പോവുകയും അറ്റത്ത് പുണ്ണ് വരികയും ചെയ്യുന്നു അതുകൊണ്ട് പ്രമേഹ പാതരോഗം ഉള്ള വ്യക്തികൾ ഹവായി മോഡൽ ചെരിപ്പുകൾ ഉപയോഗിക്കാൻ പാടില്ല മറിച്ച് കെട്ട് ചെരിപ്പുകൾ മാത്രമേ ഉപയോഗിക്കാവൂ. ചെരിപ്പിന്റെ ഉൾവശം വളരെ മൃദുലവും ഉറവ വശം കട്ടിയുള്ളതും ആയിരിക്കണം പുറത്ത് എല്ലാ സ്ട്രാപ്പുകളിലും സോഫ്റ്റ് ആയ പാഡിങ് ഉണ്ടായിരിക്കണം കൂടാതെ ബാക്ക് സ്ട്രാപ്പും, അത് ചെരിപ്പ് അറിയാതെ ഊരി പോകുന്നത് തടയുവാൻ ആണ് എന്ന് ഓർമ്മിക്കുക!. കാലിന്റെ സംരക്ഷണമാണ് പ്രമേഹ വ്രണങ്ങൾ വരാതിരിക്കാനുള്ള പ്രധാന മാർഗ്ഗം!
കണ്ണിൻറെ കൃഷ്ണമണി പോലെ പാദങ്ങളെ കാത്തുസൂക്ഷിക്കുക !

17/02/2024

Dear friends,
Happy to inform you that ,I could write a Chapter on Laparoscopic and Robotic Rectopexy intent book of Laparoscopic, Endoscopic and Robotic Surgery Edited by Prof.H.P Garg and Ramesh Makam sir.Dear Teachers,Thank you very much for the opportunity!
Book is published by JAYPEE and was released in the recent,National conference of IAGES held in Chennai

07/02/2024

ചെരിപ്പ് വാങ്ങിയിട്ടും ധരിക്കാതെ!
========================
This 58 Yr old gentleman was under my treatment for a Diabetic wound on left foot and with great difficulty we could heal the wound and he was given a special footwear!Now,months later he came yesterday with this ulcer on the other foot.Do you know the reason? He walked around 5 KM bare footed in a procession!
He did not have any pain because of complete loss of sensation- Diabetic Neuropathy!
ചെരിപ്പ് വാങ്ങിയിട്ടും ധരിക്കാതെ പണി വാങ്ങി!