Ezee Life

14/06/2022

രക്തദാനം മഹാദാനം.
രക്തദാനം കൊണ്ട് ഒരു ജീവൻതന്നെ രക്ഷിക്കാൻ സഹായിക്കും.

വളരെ സുരക്ഷിതവും ലളിതവുമായ ഒന്നാണ് രക്ത ദാനം. 18 നും 65 നും ഇടയിലുള്ള പ്രായമുള്ള ആരോഗ്യമുള്ള ഏതൊരാൾക്കും രക്തം ദാനം ചെയ്യാം. ഭാരം 45-50 കിലോഗ്രാമിൽ കുറയാതിരിക്കുകയും, ശരീര താപ നില നോർമലായിരിക്കുകയും വേണം. രക്തത്തിലെ ഹീമോഗ്ലോബിന്റെ അളവ് 12.5 ശതമാനത്തില്‍ കുറയരുത്. മൂന്ന് മാസത്തില്‍ ഒരിക്കല്‍ മാത്രമേ ഒരാള്‍ക്ക് രക്തം ദാനം ചെയ്യാന്‍ അനുമതിയുള്ളൂ.

എച്ച്‌ഐവി/എയ്ഡ്‌സ് ഹെപ്പറ്റൈറ്റിസ് ബി/സി എന്നിവയോ രക്തത്തിലൂടെ പകരുന്ന രോഗങ്ങളോ ഉള്ളവര്‍ രക്തം ദാനം ചെയ്യാന്‍ പാടില്ല.
മഞ്ഞപിത്തം, മലേറിയ എന്നിവ പിടിപ്പെട്ട ഒരാൾക്ക് ഒരു വർഷത്തേക്ക് രക്തദാനം ചെയ്യാൻ സാധിക്കില്ല. ഉയർന്ന രക്ത സമ്മർദ്ദം ഉള്ളവർ പ്രമേഹരോഗത്തിന്റെ പാർശ്വഫലങ്ങൾ അനുഭവിക്കുന്നവർ രക്ത ദാനത്തിന് യോഗ്യരല്ല. സ്ത്രീകൾ ഗർഭധാരണ സമയത്തും മുലയൂട്ടുന്ന സമയത്തും രക്തം ദാനം ചെയ്യരുതാത്തതാകുന്നു.
ടാറ്റൂ, ബോഡി പിയേഴ്‌സിങ് എന്നിവ ചെയ്തവർ ആറ് മാസത്തേക്ക് രക്തം ദാനം ചെയ്യരുത്. മദ്യം മയക്കുമരുന്ന് എന്നിവ സ്ഥിരമായി ഉപയോഗിക്കുന്നവർ രക്തം ദാനം ചെയ്യാൻ പാടില്ല.

are

07/06/2022

ജൂൺ 7, ലോക ഭക്ഷ്യ സുരക്ഷ ദിനം!🍗🥦🦈
ഭക്ഷ്യ വിഷബാധയേറ്റ് കുഞ്ഞുങ്ങൾ ഉൾപ്പെടെ മരിക്കുന്ന, ആയിരക്കിലോ കണക്കിന് പഴകിയ മത്സ്യങ്ങൾ പിടിച്ചെടുക്കുന്ന, പുഴുവരിച്ച മാംസം ഹോട്ടലുകളിൽ നിന്ന് പിടിച്ചെടുക്കുന്ന കാലത്താണ് ഈ വർഷം ലോക ഭക്ഷ്യ സുരക്ഷ ദിനം വരുന്നത് എന്നത് വളരെ പ്രാധാന്യമുള്ളതാണ്.

സുരക്ഷിതമായ ഭക്ഷണം ഓരോ പൗരന്റെയും അവകാശമാണ്. അമിതലാഭക്കൊതിയോടെ അന്യന്റെ ജീവൻ വച്ചുള്ള കളി നിർത്തിക്കേണ്ടത് സർക്കാരിനൊപ്പം തന്നെ ഓരോ പൗരന്റെയും ഉത്തരവാദിത്തമാണ്, കടമയാണ്.

ലോകത്താകെ പ്രതിവർഷം സ്ത്രീകളെയും കുട്ടികളെയും ഉൾപ്പെടെ ഏകദേശം 600 ദശലക്ഷം ആൾക്കാരാണ് സുരക്ഷിതമല്ലാത്ത ഭക്ഷണം കാരണം രോഗബാധിതരാകുന്നത്. ലോകമെമ്പാടുമുള്ള 4 ലക്ഷത്തോളം ആളുകൾ മലിനമായ ഭക്ഷണം കഴിച്ച് ഓരോ വർഷവും മരിക്കുന്നു. ഭക്ഷ്യജന്യ രോഗങ്ങളുടെ 40% വഹിക്കുന്നത് 5 വയസ്സിന് താഴെയുള്ള കുട്ടികളാണ്. ഓരോ വർഷവും 1.25 ലക്ഷത്തോളം കുരുന്നുകളാണ് മരണത്തിനു കീഴടങ്ങുന്നത്.

ആരോഗ്യകരമായ ഒരു തലമുറയ്ക്ക് ഭക്ഷ്യ സുരക്ഷാ പ്രധാനമാണ്.
ഭക്ഷ്യ സുരക്ഷ ഓരോ പൗരന്റെയും ഉത്തരവാദിത്തമാണ്. നമുക്കോരോരുത്തർക്കും അതിൽ പങ്കാളികളാകാം.

05/06/2022

On this , Let’s pledge to reduce, reuse, recycle and cut down the amount of waste we generate to conserve the good health of our people and the environment.

26/05/2022

ഡിമെൻഷ്യ: രോഗപ്രതിരോധം, ചികിത്സ, പരിചരണം | Dementia: Symtpoms, Diagnosis and care | Ezee Life

Watch video 👉 https://youtu.be/dk85Hu3XzKM

എന്താണ് ഡിമെൻഷ്യ രോഗം? എങ്ങനെ ഡിമെൻഷ്യയെ പ്രതിരോധിക്കാം? എങ്ങനെ ഒരു ഡിമെൻഷ്യ രോഗിക്ക് കൃത്യമായ പരിചരണം നൽകാം?

ഡിമെൻഷ്യയുള്ള രോഗിയെ ശ്രദ്ധിക്കുന്നതിലൂടെയും അവർക്ക് നല്ലൊരു ജീവിതം ഉറപ്പുനൽകുന്നതിലൂടെയും, പോസിറ്റീവായ പിന്തുണ നൽകുന്നത്തിലൂടെയും, ആ വ്യക്തിയുടെ അന്തസ്സും ആത്മാഭിമാനവും നിലനിർത്താൻ നിങ്ങളാൽ കഴിയുന്നതെല്ലാം ചെയ്യുന്നതിലൂടെയും ഡിമെൻഷ്യ പിടിപെട്ട നിങ്ങളുടെ പ്രിയപ്പെട്ടവരെ രോഗത്തെ നേരിടാൻ നല്ലൊരു പരിധിവരെ സഹായിക്കും.

കൂടുതൽ അറിയാനായി/ ചികിത്സയ്ക്കായി വിളിക്കുക അല്ലെങ്കിൽ ഇ-മെയിൽ അയക്കുക
call 85901 47481 or email : dr.rajalakshmee@gmail.com

https://youtu.be/dk85Hu3XzKM

ഡിമെൻഷ്യയുള്ള രോഗിയെ ശ്രദ്ധിക്കുന്നതിലൂടെയും അവർക്ക് നല്ലൊരു ജീവിതം ഉറപ്പുനൽകുന്നതിലൂടെയും, പോസിറ്റീവായ പി...

11/04/2022

പാർക്കിൻസൺസ് രോഗമുള്ള നിങ്ങളുടെ പ്രിയപ്പെട്ട ഒരാൾക്ക് സജീവമായി തുടരാനും അവരുടെ ജീവിതനിലവാരം നിലനിർത്താനും നിങ്ങളുടെ സഹായവും പിന്തുണയും ആവശ്യമാണ്.

1. രോഗത്തെക്കുറിച്ച് നിങ്ങൾ നന്നായി അറിയുക
2. രോഗിയെ സദാ ദിനചര്യകളിൽ സഹായിക്കാൻ സന്നദ്ധനായിരിക്കുക
4. അവരെ സാധാരണ നിലയിലാക്കാൻ സഹായിക്കുക
5. മുഴുവൻ സമയം വീട്ടിൽത്തന്നെയിരുത്താതെ അവരെ പുറംലോകവുമായി ഇടപെടുത്തുക
6. രോഗിയെ നന്നായി കേൾക്കുക
7. സാമൂഹികമായി ബന്ധപ്പെടാനുള്ള അവസരമുണ്ടാക്കുക
8. മോശമാകുന്ന രോഗ ലക്ഷണങ്ങൾ ശ്രദ്ധിക്കുക

നിങ്ങൾ പാർക്കിൻസൺസ് രോഗമുള്ള പ്രിയപ്പെട്ടവരുടെ സഹായി ആയിരിക്കുമ്പോൾ, ചിലപ്പോൾ അവ സ്വന്തമായി ചെയ്യാൻ രോഗിക്ക് ക്ഷമയോടെ മതിയായ സമയം നൽകണം . ചില ദിവസങ്ങളിൽ ദൈനംദിന ജോലികളിൽ നിങ്ങൾതന്നെ അവരെ സഹായിക്കേണ്ടി വരും. ഒപ്പമുണ്ടാവുക. അതാണാവശ്യം

കൂടുതൽ അറിയാനായിവിളിക്കുക അല്ലെങ്കിൽ ഇ-മെയിൽ അയക്കുക
call 85901 47481 or email : dr.rajalakshmee@gmail.com

10/04/2022

ഏപ്രിൽ 10 - ലോക ഹോമിയോപ്പതി ദിനം

ഹോമിയോപ്പതി, വൈദ്യശാസ്ത്ര ലോകത്തിന് നൽകിയ സംഭാവനകളുടെ അംഗീകാരമായി ഈ ദിനം ആചരിക്കുന്നു.

ഹോമിയോപ്പതി ചികിത്സയിലൂടെ-
➊ ഉത്കണ്ഠയും വിഷാദവും കുറയ്ക്കുന്നു
➋ അലർജി, ആസ്ത്മ എന്നിവയ്ക്ക് പരിഹാരമുണ്ടാക്കുന്നു
➌ വിട്ടുമാറാത്ത രോഗങ്ങൾക്ക് ഫലപ്രദമായ ചികിത്സയുറപ്പാക്കുന്നു
➍ ശരീരഭാരം കുറയ്ക്കാനുള്ള ഫലപ്രദമായ മാർഗങ്ങൾ
➎ ശരീരത്തിന്റെ പ്രതിരോധവും പ്രതിരോധശേഷിയും മെച്ചപ്പെടുത്തുന്നു.

കൂടുതൽ അറിയാനോ മരുന്നിനായോ വിളിക്കുക അല്ലെങ്കിൽ ഇ-മെയിൽ അയക്കുക
call 85901 47481 or email : dr.rajalakshmee@gmail.com

07/04/2022

World Heath Day
നമ്മുടെ ആരോഗ്യം നന്നായിരിക്കാൻ നമ്മുടെ ഭൂമിയെയും കാത്തു സൂക്ഷിക്കേണ്ടതുണ്ട്. ഭൂമിയെ കണ്ണിലെ കൃഷ്ണമണി പോലെ കാത്തുകൊണ്ടെ നമുക്കതിന് സാധിക്കു. വർഷം തോറും കാലാവസ്ഥാ വ്യതിയാനമുൾപ്പെടെയുള്ള പാരിസ്ഥിതിക കാരണങ്ങളാൽ മാത്രം ലോകത്തിലാകെ നഷ്ടപ്പെടുന്നത് 130 ലക്ഷത്തോളം മനുഷ്യജീവനാണ്. ശുദ്ധമായ കുടിവെള്ളത്തിന്റെ അഭാവം മൂലം കഷ്ടപ്പെടുന്നത് 200 കോടിയിലധികം ആൾക്കാരും, മരിക്കുന്നത് ഒൻപതു ലക്ഷത്തിനടുത്തു മനുഷ്യരും. ഭൂമിയുടെ സംരക്ഷണത്തിൽ നമുക്കോരോരുത്തർക്കും ഓരോരുത്തർക്കും പങ്കുണ്ട്. അതിൽക്കൂടി നേടിയെടുക്കാൻ കഴിയുന്നത് അവരവരുടെയും നമ്മുടെ സമൂഹത്തിന്റെ തന്നെയും ആരോഗ്യ സംരക്ഷണവും.

എപ്രിൽ 7 | World Heath Day.
എല്ലാവർക്കും നല്ല ആരോഗ്യമുണ്ടാകട്ടെ.

*കണക്കുകൾക്ക് കടപ്പാട് World Health Organization.

02/04/2022

ഓട്ടിസം അവബോധ ദിനം | ഏപ്രിൽ 2
Inclusive Quality Education for All

ഓട്ടിസം ഒരു രോഗമല്ല. കുട്ടികളിലെ ബുദ്ധിവികാസവുമായി ബന്ധപ്പെട്ട് കാണുന്ന മാനസികാവസ്ഥാവിശേഷമാണത്.
ലോകത്തിലാകെയുള്ളതിൽ 100 ൽ ഒരു കുട്ടിക്ക് ഓട്ടിസമുണ്ട് എന്നാണ് WHOയുടെ കണക്കുകൾ സൂചിപ്പിക്കുന്നത്.
ഓട്ടിസം ബാധിച്ച ആളുകൾക്കുള്ള പരിചരണം, കൂടുതൽ അംഗീകാരം, ഉൾക്കൊള്ളൽ, പിന്തുണ എന്നിവ നമ്മുടെ ചുറ്റുപാടിലും സാമൂഹിക തലത്തിലും അത്യാവശ്യമാണ്.

ഈ ലോക ഓട്ടിസം ബോധവൽക്കരണ ദിനത്തിൽ, ഗുണനിലവാരമുള്ള വിദ്യാഭ്യാസം ഓട്ടിസം ബാധിച്ചവർക്കും ഉറപ്പാക്കുക എന്നതിനാണ് പ്രാധാന്യം നൽകുന്നത്. ഓട്ടിസം ബാധിച്ചവരെയും ഉൾക്കൊള്ളുന്നതിനും തുല്യവും സുസ്ഥിരവുമായ അവകാശങ്ങൾ അവർക്കും നൽകി ഈ ലോകത്തോടുള്ള നമ്മുടെ പ്രതിബദ്ധത നമുക്ക് വീണ്ടും ഉറപ്പിക്കാം.

നമുക്കും അവരോടൊപ്പം നിൽക്കാം...

01/04/2022

വൃക്കയിലെ കല്ലുകൾനിങ്ങളെ അലട്ടുന്നോ?!!

താഴെ സൂചിപ്പിക്കുന്ന ലക്ഷണങ്ങളിലേതെങ്കിലും നിങ്ങളെ അലട്ടുന്നുണ്ടോ? എങ്കിൽ അത് വൃക്കയിലെ കല്ലുകൾ ആകാനുള്ള സാധ്യതയുണ്ട്.
➊ അടിവയറ്റിൽ കഠിനമായ വേദന ഒപ്പം പുറം വേദനയും.
➋ മൂത്രമൊഴിക്കുമ്പോൾ വേദന
➌ മൂത്രത്തിലൂടെ രക്തസ്രാവം
➍ ഛർദ്ദിയും ഓക്കാനം
➎ കഠിനമായ വേദന കാരണം പനി, വിറയൽ
➏ നിരന്തരം മൂത്രമൊഴിക്കൽ

ധാതുക്കളുടെയും ആസിഡ് ലവണങ്ങളുടെയും നിക്ഷേപത്തിന്റെ ഫലമായാണ് വൃക്കയിലെ കല്ലുകൾ ഉണ്ടാകുന്നത്. ഈ നിക്ഷേപങ്ങൾ മൂത്രനാളിയിലൂടെ കടന്നുപോകുമ്പോൾ ചെറുതോ വലുതോ ആയ വേദനയ്ക്ക് കാരണമായേക്കാം.

പല കാരണങ്ങൾ കൊണ്ടും വൃക്കയിലെ കല്ലുകൾ ഉണ്ടാകാം

➊ ആവശ്യത്തിന് വെള്ളം കുടിക്കാതിരിക്കുക.
➋ പ്രോട്ടീൻ, സോഡിയം, പഞ്ചസാര എന്നിവ അടങ്ങിയ ഭക്ഷണം ധാരാളമായി കഴിക്കുക.
➌ പാരമ്പര്യമായി ഈ അസുഖമുണ്ടായിരിക്കുക.
➍ അമിതഭാരം.
➎ ചില മരുന്നുകളുടെ ഉപയോഗം.

വൃക്കയിൽ കല്ലുകളുണ്ടെങ്കിൽ ഏറ്റവും ഫലപ്രദമായ ചികിത്സാ മാർഗ്ഗമാണ് ഹോമിയോപ്പതി. ഹോമിയോപ്പതിയിൽ മൂത്രാശയ വേദന, കല്ല് നീക്കം ചെയ്യാനുള്ള ചികിത്സ, കല്ല് വീണ്ടും വരാതിരിക്കാനുള്ള ചികിത്സ എന്നിവയുണ്ട്.

വൃക്കയിലെ കല്ലുമായി ബന്ധപ്പെട്ട ഏതവസ്ഥയും ഹോമിയോപ്പതി മരുന്നുകൾ വഴി ചികിത്സിക്കാം. ഹോമിയോപ്പതി മരുന്നുകളുടെ സ്വാഭാവിക ചേരുവകൾ വൃക്കയിലെ കല്ലുകളുടെ മൂലകാരണത്തെ ചികിത്സിക്കുന്നു, നിങ്ങളെ സുഖപ്പെടുത്തുകയും ചെയ്യുന്നു. ഈ ചികിത്സ സുരക്ഷിതവും സ്വാഭാവികവും പാർശ്വഫലങ്ങൾ തീരെ കുറഞ്ഞതുമാണ്.

അതിനാൽ, വൃക്കയിലെ കല്ലുകൾ ഉണ്ടെങ്കിൽ, അതിന്റെ വേദന നിങ്ങളെ അലട്ടുന്നുണ്ടെങ്കിൽ ഒരു മടിയും കൂടാതെ ഞങ്ങളെ സന്ദർശിക്കുക. നിങ്ങളുടെ അപ്പോയിന്റ്മെന്റ് മുൻകൂട്ടി ബുക്ക് ചെയ്യുക.
വിളിക്കുക അല്ലെങ്കിൽ ഇ-മെയിൽ അയക്കുക
call 85901 47481 or email : dr.rajalakshmee@gmail.com

25/03/2022

മാസ്ക് മാറ്റരുതേ...
സമയമായിട്ടില്ല...
😷
മാസ്ക് നിർബന്ധമാക്കിയ നടപടി സർക്കാർ പിൻവലിച്ചിട്ടില്ല. പക്ഷെ നിയമനടപടികളിലേക്കു പോകുന്നില്ല മാസ്‌കില്ലെങ്കിൽ. കൊവിഡ് പൂർണമായും മാറാത്ത ഈ ഘട്ടത്തിൽ മാസ്ക് ധരിക്കാതെ പുറത്തിറങ്ങുമ്പോൾ ശ്രദ്ധിക്കേണ്ട കാര്യങ്ങൾ എന്തൊക്കെയാണ്? എപ്പോഴാണ് മാസ്ക് ഉപയോഗിക്കേണ്ടത്? ഡോ.രാജലക്ഷ്മി സംസാരിക്കുന്നു.


👇
https://youtu.be/MKQ0GVB-8HQ

22/03/2022

കൊവിഡ് കാലത്തിനു ശേഷം ഓഫ്‌ലൈൻ ക്ലാസുകളിലേക്ക് തിരികെപോകുമ്പോൾ വിവിധ ഗ്രൂപ്പുകളിലെ കുട്ടികളിലുണ്ടാകുന്ന മാനസികമായ പ്രശ്നങ്ങൾ എന്തൊക്കെ? രക്ഷിതാക്കൾ ശ്രദ്ധിക്കേണ്ട കാര്യങ്ങൾ എന്തൊക്കെ?
ഡോക്ടർ രാജലക്ഷ്മി വിശദീകരിക്കുന്നു.

Dr. Rajalakshmi explains the psychological problems faced by children in different age groups when moving schools from online classes to offline after the COVID period and the support they need from their parents.


👇

https://youtu.be/6tZlotO7mqo