Chirackal Athreya Ayurveda Hospital

12/06/2025

05/06/2025

20/05/2025

07/05/2025

ആയൂർവേദ പൂരം
-ആരോഗ്യ എക്സ്പോ

മെയ് 23,24,25
രാവിലെ 10 മുതൽ രാത്രി 8 വരെ

വേദി:തൃശൂർ പാലസ് ഗ്രൗണ്ട്

പ്രവേശനം സൗജന്യം

മെഡിക്കൽ ക്യാമ്പ്
ആയൂർവേദ ഭക്ഷണം
ഔഷധസസ്യങ്ങൾ
പ്രകൃതി പരിശോധന
ഗെയിമുകൾ
മെഡിക്കൽ എക്സിബിഷൻ
യോഗ
ഔഷധ സസ്യ വില്പന
പാചക മത്സരം

16/04/2025

ആഹാരം പേലെ ഔഷധങ്ങളും ശ്രദ്ധിച്ച് ഉപയോഗപ്പെടുത്തേണ്ടതാണ്, എന്നോർമ്മപ്പെടുത്തുന്ന ധാരാളം അനുഭവങ്ങൾ ഉണ്ടാകാറുണ്ട്..

രണ്ടു ദിവസം മുമ്പ്,
ആശുപത്രിയിൽ ഒരാൾ വന്നിരുന്നു..

മുപ്പത്തഞ്ച് വയസാണ് പ്രായം..
മരപ്പണിയാണ് ജോലി..

എന്ത് ഭക്ഷണം കഴിച്ചാലും,
വയർ എരിച്ചിലും, നെഞ്ചെരിച്ചിലും
ഇടക്കിടെ വയറ് വേദനയും ആയി,
വല്ലാതെ കഷ്ടപ്പെടുന്ന അവസ്ഥയിലായിരുന്നു അയാൾ..

രോഗ കാരണങ്ങളെ കുറിച്ച് അന്വേഷിച്ചു തുടങ്ങിയപ്പോഴാണ് കൂടുതൽ കാര്യങ്ങൾ വെളിപ്പെട്ടു വന്നത്..

ആഹാരം സമയത്ത് കഴിക്കാത്തതിനൊപ്പം,
പല വിധങ്ങളായ മാനസിക സംഘർഷങ്ങളും കൂടി
അയാൾക്കുണ്ടായിരുന്നു..

എല്ലാം കൂടി ചേർന്നപ്പോൾ ഉണ്ടായ
Hyper acidity ആയിരുന്നു
അയാൾക്ക്
Gastritis ഉണ്ടാക്കിയത്..

കഴിച്ച മരുന്നുകളെ കുറിച്ച് ചോദിച്ചപ്പോഴാണ്,
രോഗ വർദ്ധനവിനുള്ള യഥാർത്ഥ കാരണം,
മനസിലായത്..

"മൂന്ന് മാസം മുമ്പ്, ചെറിയ നെഞ്ചെരിച്ചലും വയറ് കാളലും തൊടങ്ങിയപ്പളേ,
ഞാൻ സ്നേഹിതൻ പറഞ്ഞത് കേട്ട്, ദഹനത്തിനുള്ള അരിഷ്ടം
വാങ്ങിക്കുടിച്ചിരുന്നു..
ആദ്യം ഒക്കെ കുറച്ച് കുറഞ്ഞത് പോലെ തോന്നി..
പക്ഷേ പിന്നെ എരിച്ചിലും പൊകച്ചിലും ഒക്കെ കൂടി
വന്നു..
നല്ലതല്ലേ എന്ന് കരുതി,
എന്നാലും ഞാൻ നിർത്തീല.."

സത്യത്തിൽ അരിഷ്ടത്തിൻ്റെ
തെറ്റായ ഉപയോഗമായിരുന്നു
അയാളിൽ രോഗം വർദ്ധിപ്പിച്ചത്..

വയർ എരിച്ചിലും വേദനയും പ്രധാന ലക്ഷണമായി കാണുന്ന അൾസറോ gastrits ഓ വരുമ്പോൾ,
അരിഷ്ടം ഒരിക്കലും ആയുർവേദം നിർദ്ദേശിക്കാറില്ല..

alcohol base ൽ ഉള്ള
ഉഷ്ണ തീക്ഷ്ണമായ അരിഷ്ടാസവങ്ങൾ ഈ അവസ്ഥയിൽ രോഗ വർദ്ധനക്ക് കാരണമാകും.

തന്നെയുമല്ല,
പിത്ത ശമനവും ശീതവുമായ അരിഷ്ടം ഒഴിച്ചുള്ള മറ്റ് ഔഷധങ്ങളാണ്,
ഇത്തരം അവസ്ഥയിൽ
രോഗ ശമനത്തിന് ഉപകരിക്കുക..

Ulcer ഇല്ലാത്ത
Non ulcer dyspepsia എന്ന അവസ്ഥയിൽ ഉണ്ടാകുന്ന ദഹന പ്രശ്നങ്ങൾക്കും
അതിലേക്ക് നയിക്കുന്ന രോഗാവസ്ഥകൾക്കും ആണ്
ആയുർവേദത്തിൽ അരിഷ്ടങ്ങൾ,
ശരിക്കു പറഞ്ഞാൽ ഉപയോഗപ്പെടുത്താറുള്ളത്..!

അതു തന്നെ, ഏത് അരിഷ്ടം, എത്ര കാലം കഴിക്കണം എന്നൊക്കെ
തീരുമാനിക്കേണ്ടത് ഡോക്ടർ മാത്രമാണ്..

ഇവിടെ, സ്വന്തം രോഗത്തിന്
ഡോക്ടറെ കാണാൻ മടിച്ച്,
ശരിയായ
രോഗ നിർണയം നടത്താതെ,
അസുഖാവസ്ഥക്ക് ചേരാത്ത,
അരിഷ്ടം സ്വയം വാങ്ങി കുടിച്ച്
അപകടത്തിലാവുകയായിരുന്നു അയാൾ..!

Gastritis ലോ Gastric ulcer എന്ന വയറിലെ പുണ്ണിനോ,
diclofenac Sodium പോലുള്ള ( Non steroidal anti inflammatory drugs) വേദന സംഹാരികൾ കഴിക്കുന്നത് എത്ര മാത്രം അപകടകരമാണോ,
അതു പോലെ ഒഴിവാക്കേണ്ടതാണ് അരിഷ്ടങ്ങളും..

വയറിലെ പ്രശ്നങ്ങളെയെല്ലാം
ദഹന പ്രശ്നങ്ങളായി സ്വയം സമീകരിക്കാതെ,
എത്രയും പെട്ടെന്ന്
ഡോക്ടറുടെ നിർദ്ദേശ പ്രകാരം മരുന്ന് കഴിക്കുക എന്നത് മാത്രമാണ് ശരിയായ വഴി..

അല്ലാത്ത പക്ഷം,
സ്വയം ചികിത്സക്ക് വിലയായി നൽകേണ്ടി വരിക സ്വന്തം ആരോഗ്യം തന്നെയാവും..

ആയുർവേദം...
ഡോക്ടറെ കണ്ട് മാത്രം,
ചെയ്യേണ്ട ശാസ്ത്രീയ ചികിത്സയാണ്...

❤❤❤

Dr. Shabu

13/04/2025

13/04/2025

Happy vishu

28/03/2025

അഗസ്ത്യരസായനം - agasthya hareethaki.
Classical method of preparation

07/03/2025

2025 മാർച്ച് 8 അന്താരാഷ്ട്ര വനിതാ ദിനം

പരിഹരിക്കാം അവളുടെ ബുദ്ധിമുട്ടുകൾ

നാല്പത് വയസ്സ് കഴിഞ്ഞ സ്ത്രീകളിൽ കാൽമുട്ടു വേദന ഇന്ന് സാധാരണമാണ്. മെനോപോസുമായി ബന്ധപ്പെട്ട ഹോർമോൺ വ്യതിയാനങ്ങൾ ഇതിന് കാരണമാണ്. ആഹാര രീതികൾ ക്രമീകരിക്കുക, യോഗ - വ്യായാമ പദ്ധതികൾ, കാൽമുട്ടിന് നൽകുന്ന കിഴികൾ, തിരുമ്മൽ, ഹോർമോൺ വ്യതിയാനങ്ങൾക്കുള്ള ആയുർവേദ മരുന്നുകൾ എന്നിവ കൊണ്ട് ഈ ബുദ്ധിമുട്ടുകൾ മറികടക്കാം. ഈ വനിതാ ദിനത്തിൽ കാൽ മുട്ടു വേദന കൊണ്ട് ബുദ്ധിമുട്ടുന്ന എല്ലാവർക്കും മികച്ച സേവനം നല്കാൻ ആയുർവേദ മെഡിക്കൽ അസോസിയേഷൻ അംഗങ്ങളുടെ Knee ക്ലിനിക്കുകൾ കേരളത്തിലുടനീളം പ്രവർത്തിക്കുന്നു.

02/03/2025

ആയുർവേദ പ്രസവരക്ഷ

ഡോ. അർജുൻ മധുസൂദനൻ

ഡോ കെ പി മോഹനന്റെ പുതിയ കണ്ടുപിടുത്തം.
ആയുർവേദ പ്രസവരക്ഷാ മരുന്ന് കഴിച്ച് ഒരു സ്ത്രീയുടെ ലിവർ ഫങ്ക്ഷൻ അല്പം തകരാറിൽ ആയത്രേ.
ഒരു കുപ്പി അരിഷ്ടവും അല്പം ഉലുവ, പിന്നെ കഷായവും കഴിച്ചത്രേ. അരിഷ്ടം എന്താണ് എന്ന് ഞാൻ മുമ്പ് എഴുതിയിട്ടുണ്ട്.
ഇനി പ്രസവരക്ഷയെപ്പറ്റി: പ്രസവം എന്ന പ്രക്രിയ കഴിയുമ്പോൾ ഒരു സ്ത്രീയുടെ പേശികൾ, ഗർഭപാത്രം, ഹോർമോണുകൾ, ആർത്തവ പ്രക്രിയ തുടങ്ങിയവ സാധാരണ രീതിയിലേക്ക് എത്തിച്ചേരാൻ ഏകദേശം 45 ദിവസം എടുക്കാറുണ്ട്.
പ്രസവാനന്തര കാലം ആധുനിക മത പ്രകാരം (post partum) മൂന്നായി തിരിക്കാം. Acute phase: മറുപിള്ള (placenta) വീണതിന് ശേഷം 24 മണിക്കൂർ വരെയും,
Early phase: 7 ദിവസം വരെയും
Late phase: 6 ആഴ്ച (45 ദിവസം) മുതൽ 6 മാസം വരെ. ഇത് ആയുർവേദ വിധിക്ക് സമാനമാണ്.
ഇവിടെ ശാരീരികമായ ചില മാറ്റങ്ങളും സംഭവിക്കുന്നു. ഇതിനെ സാധാരണ നിലയിലേക്ക് എത്തിക്കാൻ പൂർവികർ ചെയ്യുന്ന ചില കാര്യങ്ങളാണ് പ്രസവരക്ഷ, വേതുകുളി തുടങ്ങിയവ. ഇത് ശരീരത്തെ തടിപ്പിക്കാൻ വേണ്ടി ചെയ്യുന്നതല്ല. സാധാരണ പ്രസവം ആണെങ്കിൽ ഗർഭാശയത്തിൽ കെട്ടിക്കിടക്കുന്ന രക്തവും മറ്റും സ്വാഭാവികമായി നീക്കം ചെയ്യാൻ സഹായിക്കുന്ന മരുന്നുകൾ ഇട്ട കഷായം കൊടുത്തേക്കാം.പോഷണം കുറവുണ്ടെങ്കിൽ ലേഹ്യമോ മറ്റോ കൊടുക്കും. Caesarean ആണെങ്കിൽ മുറിവ് ഉണങ്ങിയ ശേഷവും ആണ് ആരംഭിക്കുന്നത്.
അതുപോലെ പാൽ ചുരത്തുന്നതിന് സഹായിക്കുന്ന മരുന്നുകളും നൽകിവരാറുണ്ട്. Galactogogues എന്നാണ് ഈ മരുന്നുകൾക്ക് പേര്. പാൽ ലഭിക്കാതെ ഫോർമുല മിൽക്ക് (കൃത്രിമ പാൽ)/സപ്പ്ളിമെന്റ് നൽകുന്ന കുഞ്ഞുങ്ങൾക്ക് സ്വാഭാവികമായി ഉണ്ടാകുന്ന ബാക്റ്റീരിയയുടെ അഭാവം ദഹനവൈകല്യങ്ങൾക്ക് കാരണമാകുന്നു എന്ന് പഠനങ്ങൾ ഉണ്ട്. Pubmed ൽ പ്രസിദ്ധീകരിച്ച ആർട്ടിക്കിൾസ് ധാരാളമുണ്ട് സർ.
Breastfed infants have higher taxa from the protective bacterial class Actinobacteria and formula-fed infants have higher levels of the proinflammatory bacterial class γ-Proteobacteria.
പ്രസവരക്ഷ എന്നത് നൂറ്റാണ്ടുകളായി ഭാരതത്തിൽ വിശേഷിച്ച് കേരളത്തിൽ നിലനിന്നിരുന്ന ഒരു സമ്പ്രദായമാണ്. ഇവ ഒരു qualified ആയുർവേദ ഡോക്ടറുടെ നിർദ്ദേശപ്രകാരം ചെയ്യേണ്ടതാണ്. ശാസ്ത്രീയമായി ചെയ്യുന്ന ആയുർവേദ സ്ഥാപനങ്ങളും ഇപ്പോൾ നിലവിൽ ഉണ്ട്.
പരിശോധനയ്ക്ക് വന്ന സ്ത്രീ മദ്യം ഉപയോഗിക്കാൻ സാധ്യതയില്ലായിരിക്കും എന്ന് ഡോക്ടർ അനുമാനിച്ചു. എന്നാൽ ഡോക്ടർ തന്നെ എഴുതി കൊടുക്കാറുള്ള പല മരുന്നുകളും ലിവർ ടോക്സിറ്റി ഉണ്ടാക്കുന്നതാണ് എന്ന് ഡോക്ടർ മനഃപൂർവം അനുമാനിച്ചില്ല.
മദ്യം അല്ലെങ്കിൽ പിന്നെ ലിവർ ഫങ്ക്ഷന് മാറ്റം വരാനുള്ള സാധ്യതകൾ:
Acetamenophin
Statin
Iron supplements
Vitamin supplements
തുടങ്ങിയ മരുന്നുകളുടെ ഉപയോഗം (അത്യുപയോഗം)
Hemochromatosis
Hepatitis
തുടങ്ങിയ അസുഖങ്ങൾ.
ലോകത്തുള്ള എല്ലാ ടെക്സ്റ്റ്‌ബുക്കുകളിലും ജേർണലുകളിലും ഇത്‌ തന്നെയാണ് സാധ്യതകൾ. അവയിൽ എവിടെയും ആയുർവേദ മരുന്നുകൾ ആണ് കാരണം എന്ന് പരാമർശിച്ചിട്ടില്ല.
ഇവയൊന്നും നോക്കാതെ ഒരാഴ്ച കൊണ്ട് കുടിച്ച 5% മാത്രം ആൽക്കഹോൾ കോൺടെന്റ് ഉള്ള അരിഷ്ടം (ഒറ്റയിരിപ്പിന് കുടിക്കുന്ന ബിയറിൽ 6%ആൽക്കഹോൾ കോൺടെന്റ് ഉണ്ട്. അതും 12 ഔൺസ് /355 ml ഉണ്ട്) ലിവർ ടോക്സിറ്റി ഉണ്ടാക്കി എന്ന് പരിശോധന പോലും നടത്താതെ കണ്ടുപിടിച്ച ഡോക്ടറെ സമ്മതിക്കണം. അതെന്താണ് എന്ന് ചോദിച്ച രോഗിയോട് പോയി വിക്കിപീഡിയ വായിച്ചു നോക്കാൻ! കുറഞ്ഞത് ഒരു Ig Nobel സമ്മാനമെങ്കിലും കൊടുക്കണം ഇത്തരം കണ്ടുപിടിത്തങ്ങൾക്ക്.
അരിഷ്ടത്തെക്കുറിച്ച് മുമ്പ് എഴുതിയ ലേഖനത്തിന്റെ ലിങ്കും പ്രസവരക്ഷയെപ്പറ്റിയുള്ള വീഡിയോ ലിങ്കും ചുവടെ.
https://www.facebook.com/share/p/161zr9piDS/
https://www.facebook.com/share/v/1A4GutZP71/
Reference: O'Sullivan A, Farver M, Smilowitz JT. The Influence of Early Infant-Feeding Practices on the Intestinal Microbiome and Body Composition in Infants. Nutr Metab Insights. 2015 Dec 16;8(Suppl 1):1-9. doi: 10.4137/NMI.S29530. Erratum in: Nutr Metab Insights. 2016 Oct 27;8(Suppl 1):87. doi: 10.4137/NMI.S41125. PMID: 26715853; PMCID: PMC4686345.
Praveen P, Jordan F, Priami C, Morine MJ. The role of breast-feeding in infant immune system: a systems perspective on the intestinal microbiome. Microbiome. 2015 Sep 24;3:41. doi: 10.1186/s40168-015-0104-7. PMID: 26399409; PMCID: PMC4581423.
കടപ്പാട്: mayo clinic

Dr. Arjun Madhusoodanan

02/03/2025

എല്ലാവർക്കും ആരോഗ്യപ്രദമായ ഒരു നോമ്പ് കാലം ആശംസിക്കുന്നു.

Knee Clinic - ആയുർവേദ മെഡിക്കൽ അസോസിയേഷൻ ഓഫ് ഇന്ത്യയുടെ സംരംഭം.

05/02/2025

ദിവസവും ഭക്ഷണം കഴിക്കണം;
മലശോധനയും ദിവസവുമുണ്ടാകണം..

മുകളിൽ പറഞ്ഞതിൻ്റെ ആദ്യ ഭാഗത്തോട് എല്ലാ തലമുറയും യോജിക്കും. രണ്ടാം ഭാഗത്തോട് പുതിയ തലമുറ അത്ര താൽപ്പര്യം കാണിക്കാൻ സാധ്യതയില്ല.
എല്ലാ ദിവസവും മലശോധനയില്ലാത്തതിൽ അസ്വാഭാവികത തോന്നാത്ത വിധം മനോഭാവം മാറുന്നുണ്ട്.

പൊതുവേ നാരുകളുളള ഭക്ഷണങ്ങളുടെ കുറവ്, ആവശ്യത്തിന് വെള്ളം കുടിക്കാത്തത് തുടങ്ങിയവ മലബന്ധത്തിലേക്ക് വഴിവെക്കുന്നുണ്ട്.
അർശസ് (Piles ) പോലുള്ള സമാനരോഗങ്ങളെ ക്ഷണിച്ചു വരുത്തുന്നതുമാണ് ഇത്തരം ഭക്ഷണ ശീലങ്ങൾ..

ശോധന ഇല്ലെങ്കിൽ പരസ്യത്തിൽ കാണുന്ന ഗുളിക സ്ഥിരമായി കഴിച്ച് സംതൃപ്തി തേടുന്ന ഒരു വിഭാഗം കൂടിയുണ്ട്.
നാം പരസ്യത്തെ കാണുന്നുണ്ട്. പരസ്യം നമ്മുടെ ഓരോരുത്തരുടെയും വ്യത്യസ്ത രോഗാവസ്ഥകളെ അറിയുന്നില്ല.
അതറിയാൻ ഒരു ചികിത്സകൻ്റെ സഹായം കൂടിയേ തീരൂ...