Govt Taluk Hospital Pudukad

12/08/2024

*സംസ്ഥാന കായകല്‍പ്പ് അവാര്‍ഡ് പ്രഖ്യാപിച്ചു*

തിരുവനന്തപുരം: 2023-24 വര്‍ഷത്തിലെ സംസ്ഥാന കായകല്‍പ്പ് അവാര്‍ഡ് ആരോഗ്യ വകുപ്പ് മന്ത്രി വീണാ ജോര്‍ജ് പ്രഖ്യാപിച്ചു. സര്‍ക്കാര്‍ ആരോഗ്യ സ്ഥാപനങ്ങളിലെ ശുചിത്വം, മാലിന്യ പരിപാലനം, അണുബാധ നിയന്ത്രണം എന്നിവ വിലയിരുത്തി പ്രോത്സാഹിപ്പിക്കുന്നതിന് വേണ്ടി സര്‍ക്കാര്‍ ആവിഷ്‌കരിച്ച അവാര്‍ഡാണ് കായകല്‍പ്പ്. ജില്ലാ ആശുപത്രികള്‍, താലൂക്ക് ആശുപത്രികള്‍, സാമൂഹികാരോഗ്യ കേന്ദ്രങ്ങള്‍ (സി.എച്ച്.സി), പ്രാഥമികാരോഗ്യ ക്രേന്ദങ്ങള്‍ (പി.എച്ച്.സി.), നഗര പ്രാഥമികാരോഗ്യ ക്രേന്ദങ്ങള്‍ (യു.പി.എച്ച്.എസി), ജനകീയ ആരോഗ്യ കേന്ദ്രങ്ങള്‍ (എച്ച്. ഡബ്ല്യൂ.സി.സബ്-സെന്റര്‍) എന്നിവയില്‍ നിന്ന് തെരഞ്ഞെടുക്കുന്ന മികച്ച ആശുപത്രികള്‍ക്കാണ് കായകല്‍പ്പ് അവാര്‍ഡ് നല്‍കുന്നത്. ആശുപത്രികളില്‍ ജില്ലാതല പരിശോധനയും പിന്നീട് സംസ്ഥാനതല പരിശോധനയും നടത്തി അവാര്‍ഡ് നിര്‍ണയ കമ്മിറ്റിയാണ് ഏററവും മികച്ച ആശുപത്രികളെ തെരഞ്ഞെടുത്തിരിക്കുന്നത്.

സബ് ജില്ലാതലത്തില്‍ 70 ശതമാനത്തില്‍ കൂടുതല്‍ മാര്‍ക്ക് നേടി(76.43%) പുതുക്കാട് താലൂക് ആശുപത്രിയും 1 ലക്ഷം രൂപ കമന്‍ഡേഷന്‍ അവാര്‍ഡ് നേടിയിരിക്കുന്നു.

Congrats Team Pudukad.And thanks to
all who helped us to achieve this prize.

04/03/2024

പുതുക്കാട് താലൂക് ആശുപത്രിയിലെ ISO 9001:2015 സർവലൻസ് ഓഡിറ്റ് ഇന്ന് വിജയകരമായി പൂർത്തീകരിച്ചു. പാലക്കാട്‌ TQ സർവീസസ് ആണ് ഓഡിറ്റ് നടത്തിയത്. ഒരു വർഷം മുന്പാണ് പുതുക്കാട് താലൂക് ആശുപത്രിക്ക് ISO 9001:2015 അംഗീകാരം ലഭിച്ചത്.

16/02/2024

ആരോഗ്യ വകുപ്പ് സംസ്ഥാന വ്യാപകമായി നടപ്പിലാക്കിയ അപൂർവ്വ ചികിത്സാ പദ്ധതി പ്രഖ്യാപനവും 61 നഗര ജനകീയ ആരോഗ്യ കേന്ദ്രങ്ങളുടെയും 39 ഐസലേഷൻ വാർഡുകളുടെയും സംസ്ഥാനതല ഉദ്ഘാടനം തിരുവനന്തപുരത്തു ബഹു.മുഖ്യമന്ത്രി ശ്രീ പിണറായി വിജയൻ ഓൺലൈനായി നിർവഹിച്ചു. ആരോഗ്യമന്ത്രി ശ്രീമതി വീണ ജോർജ് അധ്യക്ഷയായിരുന്നു. പുതുക്കാട് താലൂക്ക് ആശുപത്രിയിലെ ഐസലേഷൻ വാർഡിന്റെ ശിലാഫലക അനാചാധനവും പൊതുയോഗ ഉദ്ഘാടനവും ബഹുമാനപ്പെട്ട പുതുക്കാട് നിയോജക മണ്ഡലം എംഎൽഎ ശ്രീ കെ കെ രാമചന്ദ്രൻ അവർകൾ നിർവഹിച്ചു. മാസ്റ്റർ പ്ലാൻ തയ്യാറാക്കി അത് പ്രകാരം ആശുപത്രിയിൽ വിവിധ വികസന പ്രവർത്തനങ്ങൾ നടത്തുവാനുള്ള പദ്ധതികൾ തയ്യാറായി വരുന്നു എന്നും അതിന്റെ ഭാഗമായി 3.25 കോടി രൂപ ചിലവിൽ നിർമ്മിക്കുന്ന കെട്ടിടത്തിന്റെ പണി പുരോഗമിച്ചു കൊണ്ടിരിക്കുന്നു അതോടൊപ്പം എല്ലാവരുടെയും കൂട്ടായ ശ്രമം കൊണ്ട് ആശുപത്രിയെ വികസനത്തിന്റെ പാതയിലേക്ക് നയിക്കാമെന്നും എംഎൽഎ ചടങ്ങിൽ സംസാരിച്ചു. കൊടകര ബ്ലോക്ക് പഞ്ചായത്ത് പ്രസിഡന്റ് ശ്രീ.എം ആർ രഞ്ജിത്ത് ചടങ്ങിൽ അധ്യക്ഷൻ ആയിരുന്നു. കൊടകര ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിങ് കമ്മറ്റി ചെയർപേഴ്സൺ ശ്രീമതി സജിത രാജീവൻ ചടങ്ങിന് സ്വാഗതം അറിയിച്ചു. വരന്തിരപ്പിള്ളി ഗ്രാമപഞ്ചായത്ത് പ്രസിഡണ്ട് ശ്രീമതി അജിതാ സുധാകരൻ, തൃക്കൂർ ഗ്രാമപഞ്ചായത്ത് പ്രസിഡണ്ട് ശ്രീമതി സുന്ദരി മോഹൻദാസ്, അളകപ്പനഗർ ഗ്രാമപഞ്ചായത്ത് പ്രസിഡന്റ് ശ്രീ പ്രിൻസൺ തയ്യാലക്കൽ, പുതുക്കാട് ഗ്രാമപഞ്ചായത്ത് വൈസ് പ്രസിഡണ്ട് ശ്രീമതി ഷൈനി ജോജു, തൃശ്ശൂർ ജില്ലാ പഞ്ചായത്ത് അംഗം ശ്രീമതി സരിത രാജേഷ്, കൊടകര ബ്ലോക്ക് പഞ്ചായത്ത് വൈസ് പ്രസിഡണ്ട് ശ്രീമതി ഷീല മനോഹരൻ, പുതുക്കാട് ഗ്രാമപഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ ശ്രീ സെബി കൊടിയൻ, സിപിഎം പ്രതിനിധി ശ്രീ പി കെ ശിവരാമൻ, കോൺഗ്രസ് ഐ പ്രതിനിധി ശ്രീ സുധൻ കാരയിൽ, കേരള കോൺഗ്രസ് എം പ്രതിനിധി ശ്രീ ജോർജ് താഴെക്കാടൻ, ജനതാദൾ പ്രതിനിധി ശ്രീ ഫ്രാൻസിസ് പാലത്തിങ്കൽ, എച്ച് എം സി പ്രതിനിധി ശ്രീമതി പി തങ്കം ടീച്ചർ, ഡെപ്യൂട്ടി ഡിഎംഒ ഡോക്ടർ ഫ്ളേമി ജോസ്, കൊടകര ബ്ലോക്ക്‌ പഞ്ചായത്ത്‌ മെമ്പർ ശ്രീ പോൾസൺ തെക്കുംപീടിക എന്നിവർ ചടങ്ങിന് ആശംസകൾ അർപ്പിച്ച് സംസാരിച്ചു. കൊടകര ബ്ലോക്ക് പഞ്ചായത്ത് ഡിവിഷൻ മെമ്പർമാർ, എച്ച് എം സി അംഗങ്ങൾ, ആശുപത്രി ജീവനക്കാർ, പൊതുജനങ്ങൾ എന്നിവർ സന്നിഹിതരായിരുന്നു. ചടങ്ങിന് താലൂക്ക് ആശുപത്രി സൂപ്രണ്ട് ഡോക്ടർ സൈമൺ ടി ചുങ്കത്ത്നന്ദി അറിയിച്ചു.കോവിഡ് പോലുള്ള സാംക്രമിക രോഗങ്ങളുടെ വ്യാപനം പ്രാഥമിക ഘട്ടത്തിൽ തന്നെ തടയുന്നതിന് ആരോഗ്യ സ്ഥാപനങ്ങളെ സജ്ജമാക്കുക എന്ന ലക്ഷ്യത്തോടെ സംസ്ഥാന സർക്കാർ ആവിഷ്കരിച്ച് നടപ്പാക്കുന്ന പദ്ധതിയാണ് ഐസൊലേഷൻ വാർഡുകൾ. 10കിടക്കകളുള്ള ഒരു ഐസലേഷൻ വാർഡ് 140 നിയോജക മണ്ഡലങ്ങളിലും നടപ്പിലാക്കുന്നതിലൂടെ ഭാവിയിൽ അടിയന്തരഘട്ടങ്ങളിൽ സാംക്രമിക രോഗങ്ങൾ ബാധിക്കുന്നവരെ മാറ്റിപ്പാർപ്പിക്കുവാനും വിദഗ്ധ ചികിത്സ ലഭ്യമാക്കുവാനും സാധിക്കും. തൃശ്ശൂർ ജില്ലയിലെ 13 നിയോജക മണ്ഡലങ്ങളിലും ഓരോ ഐസൊലേഷൻ വാർഡാണ് വിഭാവനം ചെയ്തിരിക്കുന്നത്. എംഎൽഎ ഫണ്ടും കിഫ്‌ബി ഫണ്ടും തുല്യമായി വകയിരു ത്തി 1.79 കോടി രൂപ ചെലവിൽ നിർമ്മിക്കുന്ന ഐസൊലേഷൻ വാർഡിന്റെ നിർമ്മാണ മേൽനോട്ട ചുമതല കേരള മെഡിക്കൽ സർവീസ് കോർപ്പറേഷനാണ്.

03/02/2024

20/01/2024

പാലിയേറ്റീവ് വാരാചരണത്തിന്റെ ഭാഗമായി കൊടകര ബ്ലോക്ക്‌ പഞ്ചായത്തിന്റെ കീഴിൽ വരുന്ന പുതുക്കാട് താലൂക് ആശുപത്രിയിലെ സെക്കന്ററി പാലിയേറ്റി വ് കെയർ യുണിറ്റും അളഗപ്പ നഗർ കുടുംബരോഗ്യ കേന്ദ്രത്തിലെ പ്രൈമറി കെയർ യൂണിറ്റും സംയുക്തമായി പീച്ചാംപ്പിള്ളി അസിസ്സി ചാരിറ്റബിൾ ട്രസ്റ്റ്‌ ഓൾഡ് എജ് ഹോം ഫോർ വുമൺ വൃദ്ധസദനത്തിലെ അന്തേവാസികളോടൊപ്പം ഒരു ദിവസം ചിലവഴിച്ചു. കൊടകര ബ്ലോക്ക്‌ പഞ്ചായത്ത്‌ പ്രസിഡന്റ്‌ എം. ആർ രഞ്ജിത്ത് എല്ലാവർക്കും മധുരം പങ്കുവെച്ചു.അതോടൊപ്പം മാനസീക ഉല്ലാസത്തിനുതകുന്ന തരത്തിലുള്ള വിനോദ പരിപാടികളും സംഘടിപ്പിച്ചു. കൂടാതെ എല്ലാവരുടെയും ഷുഗറും പ്രേഷറും പരിശോധന നടത്തി.ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സജിത രാജീവൻ, സെക്രട്ടറി നിഖിൽ കെ. കെ, താലൂക് ആശുപത്രി ഡെപ്യൂട്ടി നഴ്സിംഗ് സൂപ്രണ്ട് ബീന കെ. എ, ആശുപത്രി പി. ആർ. ഓ സംന വി രവീന്ദ്രൻ, താലൂക് ആശുപത്രി സെക്കന്ററി പാലിയേറ്റീവ് യൂണിറ്റ് സ്റ്റാഫ്‌ നേഴ്സ് റിനിമോൾ ഡേവിസ്, അളഗപ്പനഗർ കുടുംബരോഗ്യ കേന്ദ്രം ജെ. എച്. ഐ നസ്രിൻ, പ്രൈമറി പാലിയേറ്റിവ് നേഴ്സ് കീർത്തി രവീന്ദ്രൻ,എം.എൽ. എസ്. പി ജിൻസി, ആശ വർക്കർ ജോളി, പാലിയേറ്റീവ് വോളന്റിയർമാർ എന്നിവർ പങ്കെടുത്തു.

12/01/2024

പുതുക്കാട് താലൂക്ക് ആശുപത്രിയിൽ പുതിയതായി പണികഴിപ്പിക്കുന്ന രണ്ടുനില കെട്ടിടത്തിന്റെ നിർമാണനോത്ഘാടനം നടത്തി.

പുതുക്കാട് താലൂക്ക് ആശുപത്രിയിൽ നിലവിലുള്ള പുരുഷ വാർഡിന് മുകളിൽ നാഷണൽ ഹെൽത്ത് മിഷൻ2022-23 വാർഷിക പദ്ധതിയിൽ ഉൾപ്പെടുത്തി 3.25 കോടി രൂപ ചിലവിൽ നിർമ്മിക്കുന്ന രണ്ടു നില കെട്ടിടത്തിന്റെ നിർമാണനോത്ഘാടനം ബഹുമാനപ്പെട്ട പുതുക്കാട് നിയോജകമണ്ഡലം എംഎൽഎ ശ്രീ കെ കെ രാമചന്ദ്രൻ അവർകൾ നിർവഹിച്ചു. കൊടകര ബ്ലോക്ക് പഞ്ചായത്ത് പ്രസിഡന്റ് ശ്രീ എം.ആർ രഞ്ജിത്ത് അധ്യക്ഷത വഹിച്ച ചടങ്ങിൽ ബ്ലോക്ക് ആരോഗ്യ വിദ്യാഭ്യാസ സ്റ്റാൻഡിങ് സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി സജിത രാജീവൻ സ്വാഗതം പറഞ്ഞു. തൃശൂർ ആരോഗ്യ കേരളം ആർദ്രം നോഡൽ ഓഫീസർ ഡോ. ശ്രീജിത്ത് എച്ച്.ദാസ് പദ്ധതി വിശദീകരണം നിർവഹിച്ചു. പുതുക്കാട് ഗ്രാമപഞ്ചായത്ത് പ്രസിഡന്റ് ശ്രീ കെ. എം ബാബുരാജ് ചടങ്ങിൽ മുഖ്യാഥിതി ആയിരുന്നു. ചടങ്ങിന് കൊടകര ബ്ലോക്ക് പഞ്ചായത്ത് വൈസ് പ്രസിഡന്റ് ശ്രീമതി ഷീല മനോഹരൻ, മെമ്പർ ശ്രീ പോൾസൺ തെക്കുംപീടിക എന്നിവർ ആശംസകൾ അറിയിച്ചു. പുതുക്കാട് താലൂക്ക് ആശുപത്രി സൂപ്രണ്ട് ഡോക്ടർ സൈമൺ ടി ചുങ്കത്ത് ചടങ്ങിന് നന്ദി പ്രകാശിപ്പിച്ചു.ബഹു. പുതുക്കാട് നിയോജകമണ്ഡലം എം. എൽ. എ ശ്രീ. കെ. കെ. രാമചന്ദ്രൻ അവർകളുടെ നേതൃത്വത്തിൽ തയ്യാറാക്കിയ മാസ്റ്റർ പ്ലാൻ അനുസരിച്ച് നിലവിലുള്ള പുരുഷ വാർഡിന്റെ മുകളിൽ രണ്ട് നിലകളിലായി 6610 സ്ക്വയർഫീറ്റ് ഏരിയയാണ്പുതിയതായി നിർമ്മിക്കുന്നത്. ഒന്നാം നിലയിൽ ലാബും ബ്ലഡ് സ്റ്റോറേജ് യൂണിറ്റും പൊതുജനാരോഗ്യ വിഭാഗവും സജ്ജീകരിക്കുന്നു. രണ്ടാം നിലയിൽ ഐസൊലേഷൻ റൂം, നേഴ്സ് സ്റ്റേഷൻ,സ്റ്റാഫ് റൂം, ശുചിമുറികൾ എന്നിവയോട് കൂടിയഫീമെയിൽ വാർഡാണ് ഉൾപ്പെടുത്തിയിരിക്കുന്നത്. കെട്ടിടത്തിന് പുതിയ ലിഫ്റ്റ്, ഗോവണി മുതലായ സജ്ജീകരണങ്ങളും ഏർപ്പെടുത്തുന്നുണ്ട്. നാഷണൽ ഹെൽത്ത് മിഷനു വേണ്ടി വാപ്കോസ് ആണ് നിർമ്മാണ ഏജൻസിയായി പ്രവർത്തിക്കുന്നത്. ഈ പദ്ധതി പൂർത്തീകരിക്കുന്നതോടെ താലൂക്ക് ആശുപത്രിയിൽ എത്തുന്ന രോഗികൾക്ക് മെച്ചപ്പെട്ട സേവനം ലഭ്യമാക്കാൻ സാധിക്കും.

11/01/2024

01/12/2023

ലോക എയ്ഡ്‌സ് ദിനത്തോടനുബന്ധിച്ച് 1. 12. 2023ന് പുതുക്കാട് താലൂക്ക് ആശുപത്രിയിൽ വച്ച് എയ്ഡ്സ് ദിനാചരണം സംഘടിപ്പിച്ചു .ആശുപത്രി സൂപ്രണ്ട് ഡോ. സൈമൺ ടി.ചുങ്കത്ത് എച്ച്ഐവി ബോധവൽക്കരണo നൽകി പരിപാടി ഉദ്ഘാടനം ചെയ്തു "സമൂഹങ്ങൾ നയിക്കട്ടെ" എന്നതാണ് ഈ വർഷത്തെ എയ്ഡ്‌സ് ദിന സന്ദേശം. ഹെൽത്ത് ഇൻസ്പെക്ടർ സഹദേവൻ സി എസ് പ്രതിജ്ഞ ചൊല്ലി എച്ച്ഐവി ബാധിതർക്ക് നൽകേണ്ട സംരക്ഷണത്തെക്കുറിച്ച് അറിയിച്ചു. രോഗികളോടുള്ള ഐക്യദാർഢ്യം പ്രഖ്യാപിച്ചുകൊണ്ട് ആശുപത്രിയിലെ മുഴുവൻ ജീവനക്കാരും റെഡ് റിബൺ അണിഞ്ഞു.നന്തിക്കര ജി.വി.എച്ച്.എസ്.എസ് സ്കൂളിലെ എൻ.എസ്.എസ് പ്രോഗ്രാം ഓഫീസറായ ലിജി ജോസഫിന്റെ നേതൃത്വത്തിലുള്ള എൻ.എസ്.എസ് വളണ്ടിയേഴ്സ് ടീം എയ്ഡ്സ് ബോധവൽക്കരണ സ്കിറ്റ് അവതരിപ്പിച്ചു. പൊതുജനങ്ങൾക്ക് എച്ച് ഐ വി / എയ്ഡ്സ് നെ കുറിച്ചുള്ള അവബോധവും ലഘുലേഖ വിതരണവും നടത്തി .പരിപാടിയിൽ പങ്കെടുത്ത എല്ലാവർക്കും ഹെൽത്ത് ഇൻസ്പെക്ടർ സഹദേവൻ സി എസ് നന്ദി അറിയിച്ചു. നന്തിക്കര സ്കൂളിലെ എൻ.എസ്. പ്രോഗ്രാം ഓഫീസർ ലിജി ജോസഫ് , ടീച്ചർമാരായ ലിജി വർഗീസ് ,പ്രശാന്ത് പി ഗിരിജൻ പി എന്നിവർ പരിപാടിയിൽ പങ്കെടുത്തു. പുതുക്കാട് ആശുപത്രിയിലെ ഡോക്ടർമാരായ സൗമ്യ,ദീപ ,നേഴ്സിങ് സൂപ്രണ്ട് ബീന വർഗീസ് ,പി ആർ ഓ സംന നിതിൻ ,ഐസിടിസി കൗൺസിലർ നീതു, ലാബ് ടെക്നീഷ്യൻ ഷാലിത മറ്റു ആശുപത്രി ജീവനക്കാരും പരിപാടിയിൽ പങ്കെടുത്തു.

13/10/2023

"ആർദ്രം ആരോഗ്യം "ഭാഗമായി താലൂക് -ജില്ലാ -ജനറൽ ആശുപത്രികളിലെ ബഹു.ആരോഗ്യമന്ത്രിയുടെ സന്ദർശനത്തിന്റെ ഭാഗമായി ഇന്ന് പുതുക്കാട് താലൂക് ആശുപത്രി സന്ദർശിച്ചപ്പോൾ.

13/10/2023

ആർദ്രം ആരോഗ്യത്തിന്റെ ഭാഗമായി എല്ലാ മേജർ ആശുപത്രികളും സന്ദർശിക്കുന്നതിന്റെ ഭാഗമായി ബഹു. ആരോഗ്യ വകുപ്പ് മന്ത്രി ശ്രീമതി. വീണ ജോർജ് പുതുക്കാട് താലൂക് ആശുപത്രിയും സന്ദർശിക്കുന്നു.

04/08/2023

മിഷൻ ഇന്ദ്രധനുഷ്..