20/08/2021
*കറിവേപ്പ്*
നാം ഒട്ടുമിക്ക എല്ലാവരുടെയും വീടുകളിൽ കാണാവുന്ന ധാരാളം ഔഷധ ഗുണങ്ങൾ അടങ്ങിയ ഒന്നാണ് കറിവേപ്പ്. എന്നാൽ പലപ്പോഴും നാം ഇതിന് വേണ്ടത്ര പ്രാധാന്യം കൊടുക്കുന്നില്ല. പലപ്പോഴും കറികളിൽ ഉപയോഗത്തിന് ശേഷം എടുത്ത് കളയുകയാണ് നാം ചെയ്യുന്നത്.
Botanical name:- Murraya koenigii
family:- rutaceae
Sanskrit names:- കൈഡര്യ, സുരഭി നിംബ, കൃഷ്ണ നിംബ
English names:- sweet neem, curry leaf tree
4 മുതൽ 6 മീറ്റർ വരെ ഉയരത്തിൽ വളരുന്ന ഒരു ലഘു വൃക്ഷമാണ് കറിവേപ്പ്. വണ്ണം കുറഞ്ഞ ബലമുള്ള കമ്പുകൾ ഉള്ള ഇവയുടെ ഇലകൾ സുഗന്ധമുളളവയാണ്. ഇവയിലടങ്ങിയിരിക്കുന്ന തൈലം കറിക്ക് രുചി പകരുന്നു. വെളുത്ത നിറത്തിലുള്ളതാണ് ഇവയുടെ പൂക്കൾ.
വേര് പൊട്ടി മുളച്ചും വിത്ത് മുളപ്പിച്ചും തൈകൾ നടാവുന്നതാണ്.
ഗുണങ്ങൾ
കറിവേപ്പ് എരിവും കയ്പ്പും രസത്തോട് കൂടിയുള്ളതാണ്. വിശപ്പ് ഉണ്ടാക്കുന്നതും സ്വരം നന്നാക്കുന്നതും ക്ഷയം, വിഷം എന്നിവ ശമിപ്പിക്കുന്നതുമാണ്. ദഹനക്കുറവ്, വിളർച്ച, ചുമ എന്നിവയ്ക്കും ഫലപ്രദമാണ്.
ചിലപ്രയോഗങ്ങൾ
അതിസാരം:- കുരുന്നില ചവച്ചരച്ച് തിന്നുക
വിഷം :- കറിവേപ്പില പാലിലിട്ട് വേവിച്ച് അരച്ചെടുത്ത് വിഷജീവി കടിച്ച കടിവായിൽ പുരട്ടിയാൽ വേദനയും നീരും ശമിക്കും.
കറിവേപ്പില ചതച്ചിട്ട്തിളപ്പിച്ച വെള്ളം കുടിക്കുന്നതും നല്ലതാണ്.
അലർജി:- വേപ്പിലയും മഞ്ഞളും ചേർത്ത് അരച്ച് ദിവസവും കഴിക്കുക
ആർത്തവ പ്രശ്നങ്ങൾ:- കറിവേപ്പില നീര് 10 ml വീതം സേവിക്കുക.
ഇത്രയധികം ഗുണങ്ങൾ അടങ്ങിയ കറിവേപ്പില കറികളിൽ നിന്ന് എടുത്ത് കളയാതെ കഴിക്കുകയാണ് നാം വേണ്ടത്. അത് പോലെ നമ്മുടെ എല്ലാം വീടുകളിൽ കറിവേപ്പ് നട്ട് പിടിപ്പിച്ചാൽ വിഷമടിച്ച് വരുന്ന കറിവേപ്പില നമുക്ക് ഒഴിവാക്കാം.
NB:- മരുന്നുകൾ വൈദ്യ നിർദ്ദേശപ്രകാരം മാത്രം കഴിക്കുക. സ്വയം ചികത്സ ആപത്താണ്
Dr. Joy Joseph K A BAMS MD (Ay)
Kachappilly Ayurveda hospital Annamanada
☎️8547384730
