Kc's Meditalk

10/08/2024

10/08/2024

25/04/2024

#ബോർഡർലൈൻപേഴ്സണാലിറ്റി
#വ്യക്തിത്വവൈകല്യം
എൻറെ ഡോക്ടറെ ഒരു രക്ഷയും ഇല്ല.... ഇവളെ കൊണ്ട് തോറ്റു... അണപ്പോട് കൂടി
O Pയിലേക്ക് വിളറി വെളുത്ത മുഖവും വിറക്കുന്ന കൈകളുമായി ഒരച്ഛൻ കേറി വന്നു. മറു കൈയിൽ ബലത്തിൽ പിടിച്ച മകളുടെ കൈയുമായി.
എന്താണ് കാര്യം? എന്ത് പററിയെന്നു ചോദിച്ചപ്പോൾ വളരെ ബുദ്ധിമുട്ടി ആണെങ്കിലും അദ്ദേഹം പറയാൻ തുടങ്ങി........
സാർ എൻറെ മോൾ ഇപ്പോൾ എൽഎൽബിക്ക് പഠിക്കുകയാണ് . പറഞ്ഞിട്ടെന്താ കാര്യം സ്കൂളിൽ പഠിക്കുമ്പോൾ മുതൽ തന്നെ ഞങ്ങൾ "തീ തിന്നാൻ" തുടങ്ങിയതാ . എന്തെന്നാൽ സന്തോഷത്തോടെ ആണെങ്കിൽ ഇത്രയും നല്ല ഒരു കുട്ടി വേറെയില്ല.
എന്നാൽ ചെറിയൊരു പ്രശ്നം മതി ഇവൾ "മണിച്ചിത്രത്താഴ്" സിനിമയിലെ ശോഭന ആവാൻ......
എന്തെന്നാൽ ചെറുപ്പം മുതൽ തന്നെ അമിതമായ പിടിവാശിയും അനുസരണക്കേടും ഒക്കെ ഉണ്ടായിരുന്നെങ്കിൽ പോലും ഞങ്ങൾ അതത്ര കാര്യം ആക്കിയില്ല. പ്രായം കേറുന്നതിനനുസരിച്ച് അതിൻറെ ശക്തിയും തീവ്രതയും ഏറിയേറി വന്നു. എന്തെങ്കിലും ചെറിയ കാര്യത്തിന് പോലും ദേഷ്യം എങ്ങാനും വന്നു പോയാൽ....... പിന്നെ എന്തൊക്കെയാണ് ചെയ്യുന്നതെന്ന് അവൾക്ക് തന്നെ ബോധമില്ല. കൈയില് കിട്ടുന്ന വസ്തുക്കൾ തച്ചുടച്ചാലും ദേഷ്യം മാറാത്ത അവസ്ഥ.
ചെറിയ കാര്യത്തിന് പോലും സങ്കടം വന്നാൽ പൊട്ടിക്കരച്ചിലും ആത്മഹത്യ ചെയ്യും എന്ന ഭീഷണിയും. ഇതുകൂടാതെ മറ്റ് ചിലപ്പോൾ ബ്ലേഡ് എടുത്ത് കൈ മുറിക്കൽ...... മുറിച്ചു കളയും എന്ന് ഭീഷണി...... അങ്ങനെ ഉറക്കം നഷ്ടപ്പെട്ട രാത്രികളാണ് ഇവൾ ഞങ്ങൾക്ക് സമ്മാനിക്കുക. ഏതെങ്കിലും കാര്യത്തിൽ വല്ലാത്ത സന്തോഷം വന്നാൽ സാധാരണഗതിയിൽ ഉണ്ടാകുന്ന സന്തോഷപ്രകടനങ്ങളേക്കാൾ അമിതമായ സന്തോഷവും കെട്ടിപ്പിടുത്തവും ഉമ്മ വയ്ക്കലും ഒക്കെയാണ്. എന്നാൽ എത്ര സ്നേഹമുള്ള വ്യക്തി ആണെങ്കിലും നിസ്സാര കാര്യം മതി പിണങ്ങാനും അതുപോലെ ആ ബന്ധം പൂർണമായും വിച്ഛേദിച്ചൊഴിയാനും. അതുപോലെ തന്നെ ഇങ്ങനെയുള്ള പ്രവർത്തികൾക്ക് ശേഷം "എനിക്കറിയാതെ പറ്റി പോയതാണ് എന്നോട് ക്ഷമിക്കണം" എന്ന് പറയുമ്പോൾ നമ്മൾ ക്ഷമിക്കും. ഇതെല്ലാം സമയദോഷമാണ്....... മാറുമെന്ന് കരുതി ഞങ്ങൾ ക്ഷമിക്കും...ആശ്വസിക്കും..... പക്ഷേ പിന്നെയും "ചങ്കരൻ തെങ്ങൽ തന്നെ അല്ലെങ്കിൽ പട്ടിയുടെ വാൽ" ലെന്ന പോലെ.... ദിവസവും ഇതേ പോലെയുള്ള എന്തെങ്കിലും പ്രശ്നങ്ങൾ ഉണ്ടാക്കും വന്നുവന്ന് ഒരു സ്വസ്ഥതയും ഇല്ല....
എന്ത് ചെയ്യണം എന്ന് അറിയില്ല.... ഇനി ഇതു വല്ല മാനസിക രോഗമാണോ ഡോക്ടറെ ? ഞങ്ങൾ എന്താണ് ചെയ്യേണ്ടത്?

ഈ രീതിയിൽ അല്ലെങ്കിൽ മറ്റൊരു രീതിയിൽ നമ്മുടെ സമൂഹത്തിൽ ഏതാണ്ട് പത്ത് മുതൽ 20 ശതമാനത്തോളം വരുന്ന വ്യക്തിത്വ വൈകല്യങ്ങളിൽ സ്ത്രീകളിൽ പ്രത്യേകിച്ചും കൂടുതലായി കണ്ടുവരുന്ന ഒരു വ്യക്തിത്വ വൈകല്യമാണ് മേൽ സൂചിപ്പിച്ച ലക്ഷണങ്ങളോടു കൂടിയ ബോർഡർ ലൈൻ പേഴ്സണാലിറ്റി. വാക്കുകൾ സൂചിപ്പിക്കുന്നത് പോലെ മാനസികമായി ജീവിതത്തിനും മരണത്തിനും ഇടയിലുള്ള നേർത്ത നോൽപ്പാലം അതിലൂടെ സഞ്ചരിക്കുന്ന ഒരു വ്യക്തി. ഇത്തരക്കാരെ ഇങ്ങനെയുള്ള പ്രശ്നങ്ങൾ തിരിച്ചറിയാതെ നാം ചിലപ്പോൾ എടുത്തുചാട്ടക്കാർ എന്ന് വിവക്ഷിക്കാറുണ്ട്.
ഏതു രീതിയിലുള്ള വികാരങ്ങളും അതായത് ദേഷ്യം ആയിക്കോട്ടെ സങ്കടമായിക്കോട്ടെ സന്തോഷമായിക്കൊട്ടെ..... ഒന്നുമിവർക്ക് നിയന്ത്രിക്കാനാവുന്നില്ല......അതിന് തുടർന്ന് അമിത പ്രതികരണവും പ്രകടനത്തിനും ശേഷം വല്ലാത്ത കുറ്റബോധം വരികയും നമ്മോട് ചിലപ്പോൾ മാപ്പിരക്കുകയും ചെയ്യും . എന്നാൽ പിന്നീടും ഈ രീതിയിലുള്ള പെരുമാറ്റ വൈകല്യങ്ങൾ തന്നെ ഇവർ തുടരുകയും ചെയ്യും. ഏറ്റവും വലിയ ഒരു പ്രശ്നം ഇവർക്ക് ഇങ്ങനെയുള്ള പ്രശ്നങ്ങൾ ഉണ്ട് എന്ന് ചെറിയ രീതിയിലുള്ള തിരിച്ചറിവ് ഇവർക്കുണ്ട്. പക്ഷേ നിയന്ത്രിക്കാൻ ആവുന്നില്ല എന്നുള്ളതാണ് ഇവരുടെ പ്രശ്നം.
ഇനി ഇത്തരക്കാർ വിവാഹം കഴിക്കുകയാണെങ്കിൽ ഇവരുടെ ജീവിതം വളരെയധികം ബുദ്ധിമുട്ടി ആയിരിക്കും മുന്നോട്ട് പോകുന്നത്. അതായത് ഇവരെ സഹിക്കാൻ ഇവരുടെ ജീവിത പങ്കാളിക്ക് വല്ലാത്ത ക്ഷമ വേണ്ടിവരും. വിവാഹമോചനത്തിനായി കുടുംബ കോടതിയിലേക്ക് /അല്ലെങ്കിൽ ആത്മഹത്യയ്ക്ക് ശ്രമിച്ചു ആശുപത്രിയിലേക്കോ ആയിരിക്കും ചിലപ്പോൾ ഇവർ എത്തിപ്പെടുക. മറ്റു ചിലപ്പോൾ മറ്റുള്ളവരെ ഭയപ്പെടുത്താൻ വേണ്ടി മാത്രമായി "ഞാൻ ആത്മഹത്യ ചെയ്യും എന്നും,..... ധാരാളം ഗുളിക കഴിച്ചുo...... ഗുരുതരമായ മുറിവുകൾ സൃഷ്ടിക്കുകയും ഒക്കെ ചെയ്യാം.....
ഇതേ പ്രശ്നങ്ങളുള്ള കൗമാരക്കാർ അവർ തൊട്ടാ വാടികൾ ആയിരിക്കും . അതുപോലെ തന്നെ ഇവർ എളുപ്പത്തിൽ മറ്റുള്ളവരുടെ സ്വാധീനത്തിന് വഴങ്ങുകയും അതേതുടർന്നു് പെട്ടെന്ന് പ്രണയത്തിൽ പെട്ടുപോവുകയും എന്നാല് നിസ്സാര കാര്യത്തിന് തമ്മിൽ തല്ലുകയും ആ ബന്ധം വെട്ടി മാറ്റി അടുത്ത ബന്ധം സ്ഥാപിക്കാൻ ശ്രമിക്കുകയും അതിൽ വിജയിക്കുകയും ആ വിജയം ആദ്യത്തെയാളെ കാണിച്ചു സന്തോഷിക്കുകയും ചെയ്യുന്ന..... ബാലിശമായ പ്രതികാര സ്വഭാവ വൈകല്യങ്ങളും..... അതായത് ഒരു കുരങ്ങിന്റെ സ്വഭാവം പോലെ...... തികഞ്ഞ വ്യക്തിത്വ അസ്ഥിരത........ ലക്ഷ്യബോധം ഇല്ലായ്മ .......സ്വയം നശിപ്പിക്കാനുള്ള നശിപ്പിക്കുന്ന ശീലം ......എന്നിവയൊക്കെ നമുക്ക് കാണാം.
അതുപോലെ. ഇത്തരക്കാർ ഏതെങ്കിലും സ്ഥാപനത്തിൽ ജോലി ചെയ്യുമ്പോൾ അവിടെ തുടർന്നു കൊണ്ടുള്ള ജോലി ഇവർക്ക് ബുദ്ധിമുട്ടാണ് .അതായത് ഒരു ജോലിയിലും ഇവർ ഉറച്ചു നിൽക്കില്ല -പെട്ടെന്ന് ബോറടിക്കും . അങ്ങനെ പിടിവാശിക്കാർ എന്ന് നാം തമാശയ്ക്കും പുചഛത്തോടെയും സങ്കടത്തോടെയും ഒക്കെ പറയുന്ന നമ്മുടെ ചില സുഹൃത്തുക്കളും ബന്ധുക്കളോ മറ്റുള്ളവരൊക്കെ ഈ രീതിയിലുള്ള വ്യക്തിത്വ വൈകല്യ പ്രശ്നങ്ങളുള്ളവരാണ് എന്ന് തിരിച്ചറിവാണ് നമുക്ക് ആദ്യം വേണ്ടത് . ഇത് തുടക്കത്തിൽ തന്നെ മനസ്സിലാക്കുകയാണെങ്കിൽ മനശാസ്ത്ര ചികിത്സ, കൗൺസിലിങ്ങിലൂടെ ഇവരെ നമുക്ക് തിരിച്ചുകൊണ്ടുവരാം. അതല്ലാ രോഗം കടുക്കുന്നതിനനുസരിച്ച് കൗൺസിലിങ്ങിനോടൊപ്പം തന്നെ ഔഷധചികിത്സയും വേണ്ടിവരും .ഇവരുടെ മൂഡ് നിയന്ത്രിക്കുന്നതിനു വേണ്ടിയിട്ടുള്ള
CBT/DBT, ജീവിതനിപുണതാ പരിശീലനം എന്നിവ ഡോക്ടറുടെ നിർദ്ദേശാനുസരണം തുടരേണ്ടതാണ്.

ഹോമിയോപ്പതിയിൽ ഈ രീതിയിലുള്ള വ്യക്തികൾക്ക് വ്യക്തിഗത ചികിത്സയാണ് (Personalized Treatment) നൽകുന്നത് .അവരുടെ മാനസിക ശാരീരിക പ്രത്യേകതകൾ- രോഗസ്വഭാവം -രോഗ തീവ്രത -മറ്റ് രോഗാവസ്ഥകൾ എന്നിവ പരിഗണിച്ചുകൊണ്ട് സമൂലമായ മരുന്നുകളാണ് (Holistic approach) ഹോമിയോപ്പതി ചികിത്സാശാസ്ത്രം വിഭാവനം ചെയ്യുന്നത്
തൽക്കാലത്തേക്ക് വിട
സ്നേഹപൂർവ്വം
ഡോ: പി .എൻ. കരംചന്ദ്. MD (Hom)
പ്രൊഫസർ ആൻഡ് ഹെഡ് ഓഫ് മെഡിസിൻ.
ഡോ: പടിയാർ മെമ്മോറിയൽ ഹോമിയോപ്പതിക് മെഡിക്കൽ കോളേജ് ചോറ്റാനിക്കര.
Mob: 9 4 4 7 1 0 9 9 1 8

03/04/2024

ജീവനെടുക്കുന്ന
പ്രണയപ്പക .

പ്രിയരെ,
പ്രണയത്തിന്റെ പേരിൽ നടക്കുന്ന കൊലപാതകങ്ങളും , ആത്മഹത്യകളുമെല്ലാം യഥാർത്ഥത്തിൽ പ്രണയം മൂലമോ ?

അതോ മനോവൈകല്യമോ ?

എന്തെന്നാൽ നടുക്കുന്ന വാർത്തകളാണ് ഓരോ ദിവസവും നാം കേൾക്കേണ്ടി / കാണേണ്ടി വരുന്നത്.
പ്രണയം എന്ന വികാരം പുരുഷനു സ്ത്രീയോടും ,നേരെ മറിച്ചും തോന്നുന്ന ഒന്നു മാത്രമാണോ ?

ഒന്നിനോട് തോന്നുന്ന ആകർഷണം , ഇഷ്ടം , സ്നേഹം, താത്പ്പര്യം എന്നതൊക്കെ മിക്കവാറും ഉപരിപ്ലവവും , ശാരീരികവും ,ലൈംഗികപരവുമൊക്കെ ചേർന്ന് കൂടി പിണഞ്ഞു കിടക്കുന്ന ഒരവസ്ഥയെ നാം പ്രണയം എന്ന വാക്കുപയോഗിച്ച് ,സ്വകാര്യമായി ദുരുപയോഗിക്കുകയാണ് .

ഒരു വ്യക്തിക്ക് മറ്റൊരു വ്യക്തിയോട് യഥാർത്ഥ പ്രണയമുണ്ടെങ്കിൽ പ്രണയിക്കുന്ന വ്യക്തിയുടെ നന്മ / സന്തോഷം / ഉയർച്ച എന്നതു മാത്രമായിരിക്കും ആഗ്രഹിക്കുന്നത്. ( ആത്മ വേദനയുണ്ടെങ്കിൽപ്പോലും). ബഹുമാനത്തോടെയും സ്നേഹത്തോടെയും മാത്രമെ പെരുമാറൂ. ശാരീരികമോ മനസ്സികമോ ആയി വേദനിപ്പിക്കാനുമാവില്ല
മറിച്ച് ,
ഇങ്ങനെയുള്ള സാഹചര്യത്തിൽ എന്റെ താലപര്യത്തിനനുസരിച്ച് ചിന്തിച്ചില്ല, പ്രവർത്തിച്ചില്ല ,പെരുമാറിയില്ല എന്നതിന്റെ പേരിൽ ആരെയാണോ ഇതുവരെ നാം ഏറ്റവുമധികം സ്നേഹിച്ചത് ,അവരെ യാതൊരുവിധ തത്വദീക്ഷയുമില്ലാതെ അപായപ്പെടുത്താനും , ചുട്ടെരിക്കാനും ,അതുമല്ലെങ്കിൽ സ്വയം ഹത്യ ചെയ്യാനുമൊക്കെ തോന്നുന്നതും, ചെയ്യുന്നതുമെല്ലാം ശരിയല്ലാത്ത അഥവാ അനാരോഗ്യകരമായ മാനസ്സികാവസ്ഥയുള്ളവരിലും ശരിയായ പ്രണയമില്ലാത്തവരിലുമാണ് എന്നതാണ് സത്യം .

പകയും ദുഖവും സങ്കടവും സംശയവും , അപകർഷതാ ബോധവും അസൂയയുമെല്ലാം ഇത്തരം സന്ദർഭങ്ങളിൽ പശ്ചാത്തല സംഗീതമെന്ന കണക്കെ കൂടെയുണ്ടാവാം.
സ്നേഹവും ഇഷ്ടവുമെല്ലാം ഉണ്ടാവുന്നത് സ്വാഭാവികമെന്നതു പോലെ തന്നെ , ഇതേ സ്നേഹവും ഇഷ്ടവുമെല്ലാം കുറയുകയോ ഇല്ലാതാവുകയോ എന്നതും ചിലപ്പോൾ സ്വാഭാവികമായിത്തന്നെ ജീവിതത്തിൽ സംഭവിക്കാറുണ്ട്.
ഇങ്ങനെയൊക്കെ സംഭവിക്കാൻ
മറ്റ് പല ഘടകങ്ങൾ , മാറുന്ന ജീവിത സാഹചര്യങ്ങൾ , കാഴ്ചപ്പാടുകൾ എന്നതൊക്കെയാണ് പൊതുവെ മനസ്സിലാക്കാവുന്നത്.

ഒരു കാര്യം പ്രത്യേകം നാം ഓർക്കുക - ഒന്നിനോട് തോന്നുന്ന ഭ്രമം (Infatuation) ഒരിക്കലും പ്രണയമല്ല എന്നതാണ് .

എതിർലിംഗത്തോട് തോന്നുന്ന അഭിനിവേശം ലൈംഗികപരമായ വളർച്ചയിലെത്തുമ്പോൾ നമ്മുടെ മസ്തിഷ്ക്കത്തിലെ ചില ജൈവരാസതന്മാത്രകളുടെയും (Phenyle ethyle Amine ) , ലൈംഗിക ഹോർമോണുകളുടെയും ഒറ്റക്കും കുട്ടമായുമുള്ള ചില "കളി"കളാണ് എന്നതാണ് ഈ യവസ്ഥയുടെ ജൈവരസതന്ത്രം (Biochemistry) അഥവാ യഥാർത്ഥ്യം.

ഇതു ചിലരിൽ ഏറിയും കുറഞ്ഞുമിരിക്കും എന്നു മാത്രം . ഇതു കൂടാതെ വിവേചനപരമായി ,പക്വതയോടെ തീരുമാനമെടുക്കാനുള്ള കഴിവ് നാം നേടിയെടുക്കുന്നത് നമ്മുടെ മസ്തിഷ്ത്തിന്റെ മുൻഭാഗമായ പ്രീ ഫോണ്ടൽ കോർട്ടക്സ് ശരിയായ രീതിയിൽ വളർച്ച പ്രാപിച്ചതിനു ശേഷം മാത്രവുമായിരിക്കും. ഇതിനു് ചുരുങ്ങിയത് 25 വർഷമെങ്കിലും വേണ്ടിവരും. അതായത് പക്വമായി പ്രണയിക്കാൻ ചുരുങ്ങിയത് 25 വയസ്സെങ്കിലും ആവണമെന്നർത്ഥം.

അതിനാൽ അതിനു മുമ്പെടുക്കുന്ന ഇത്തരം പ്രണയം പലപ്പോഴും അപക്വവും അതിവൈകാരികവും ആയിരിക്കും എന്ന് തിരിച്ചറിയുക. (വളയ്ക്കുക / വളയുക/ ലൈനടിക്കുക എന്നീ വാക്കുകൾ തെളിയിക്കുന്നതും കൗമാര - യൗവ്വനകാലത്ത് വളക്കാൻ എളുപ്പമാണ് എന്നതു തന്നെയാണ് അർത്ഥമാക്കുന്നത്. )
ഈ പ്രായത്തിൽ ഏഴയലത്തുപോലും യഥാർത്ഥത്തിൽ പ്രണയമല്ല മറിച്ച് അവിടെ അത്തരം സാഹചര്യങ്ങളിൽ കാമമാണ് (S*x) മുന്നിൽ നിൽക്കുന്നത്.
ആദ്യമായി അറിഞ്ഞും അറിയാതെയും ഇതിൽപ്പെടുമ്പോൾ കിട്ടുന്ന 'സുഖം' വീണ്ടും വീണ്ടും അനുഭവിക്കാൻ മസ്തിഷ്കം പ്രേരണ നൽകും. കുറെക്കഴിഞ്ഞ് ഇങ്ങനെയുള്ള ബന്ധത്തിൽ മടുപ്പനുഭവപ്പെടുകയോ ,
ശരി തെറ്റുകൾ തിരിച്ചറിയപ്പെടുമ്പോഴോ ഇതിൽ നിന്നും പിന്മാറാൻ ശ്രമി മിക്കുമ്പോൾ മറു ഭാഗം ഭീഷണിയും സെന്റിമെന്റ്സുമൊക്കെ ഇടകലർത്തി ഇരയെ വീണ്ടും സ്വാധീനിക്കും , ഇതിൽ പരാജിതനായ വ്യക്തി പെട്രോളും കത്തിയും ബ്ലെയ്ഡും കയറുമൊക്കെ (മദ്യം/മയക്കുമരുന്നുകൾ )അനേഷിക്കലാവും അടുത്തപടി. അതാണല്ലോ ഇതിന്റെയൊരു ക്ലിഷേ .
ഒരു നിമിഷത്തെ എടുത്തു ചാട്ടം പല ജീവനുകളായിരിക്കും ചിലപ്പോൾ തകർക്കുന്നതു്.

ഇതിനെ നമുക്കെങ്ങനെ പ്രതിരോധിക്കാം. ?

മേൽപ്പറഞ്ഞ "പ്രണയം" ( പ്രേമം / സ്നേഹം / ഇഷ്ടം ..... നിങ്ങൾക്ക് ഇഷ്ടമുള്ള വാക്കുകൾ ചേർത്തോളൂ ) എന്നത് കുട്ടിക്കുണ്ടായി എന്നറിഞ്ഞാൽ അത് പ്രായത്തിന്റെ സ്വഭാവികമായ മേൽപ്പറഞ്ഞ പരിണാമങ്ങൾ മൂലമാണെന്ന് അച്ഛനമ്മമാരും, കുടുംബത്തിലുള്ളവരും ,അദ്ധ്യാപകരും ആദ്യം പക്വതയോടെ മനസ്സിലാക്കുക. എന്നിട്ടാവാം കുട്ടിയെ ഇതിന്റെ പേരിൽ വലിയൊരപരാധം ചെയ്തു എന്ന രീതിയിൽ ശിക്ഷിക്കുന്നത് / കുറ്റവിചാരണ നടത്തുന്നത്.

ഈ രീതിയിൽ എന്തെങ്കിലും സംഭവിച്ചാൽപ്പോലും വീട്ടിൽ തുറന്നു പറയാനുള്ള സ്വാതന്ത്ര്യം കുട്ടിക്ക് ഉണ്ടായിരിക്കണം.
(മാതാപിതാക്കളോടും മറ്റുള്ളവരോടും പറയാതെ ഒളിച്ചുവയ്ക്കുന്നത് പേടിയോ നാ ണമോ മൂലമായിരിക്കും.)

ചെറുപ്രായത്തിൽ കുട്ടികൾ സ്വാധീനിക്കപ്പെടാനോ ചൂഷണത്തിന് അടിപ്പെടാനോ ഉള്ള സാധ്യതകൾ വീട്ടുകാരും സ്കൂൾ അധികൃതരും മുൻകൂട്ടി കാണണം.

എങ്ങനെ തിരിച്ചറിയാം ?

കുട്ടിയുടെ പെരുമാറ്റത്തിലെ മാറ്റങ്ങൾ , ഒറ്റപ്പെട്ട് നടക്കൽ ,
നിഷേധസ്വരങ്ങൾ , പഠനത്തിൽ താൽപ്പര്യം കുറയൽ ,പെട്ടെന്നു പൊട്ടിത്തെറിക്കൽ ,അകാരണമായ ആകാംക്ഷ തുടങ്ങിയ പ്രശ്നങ്ങളുണ്ടെങ്കിൽ ആയതിന്റെ കാര്യകാരണങ്ങൾ കനിവോടെ ,ആർദ്രതയോടെ , അനുതാപത്തോടെ ചോദിച്ചു മനസ്സിലാക്കാം.

മാതാപിതാക്കളും അദ്ധ്യാപകരും കുട്ടിയുടെ കളിക്കൂട്ടരാവട്ടെ ,എങ്കിൽ അവർ നിങ്ങളിൽ നിന്ന് ഒന്നും മറയ്ക്കില്ല - അഥവാ തെറ്റായ വഴികളിൽ പോയിട്ടുണ്ടെങ്കിൽ പോലും അവർ തന്നെ വഴി മാറി നടക്കും.

എന്നിട്ടും നിങ്ങൾ തോറ്റെങ്കിൽ ഒരു അംഗികൃത മാനസ്സിക ആരോഗ്യ വിദഗ്ദ്ധന്റെ സേവനം തേടാം.

വാൽക്കഷണം. :-

"വീഴ്ചയിൽ താങ്ങാവുമ്പോഴാണ് യഥാർത്ഥ പ്രണയം ജനിക്കുന്നത്. "

പ്രണയം സ്ത്രീ പുരുഷ ബന്ധമെന്ന രീതിയിൽ ചുരുക്കി കാണേണ്ട ഒന്നല്ല - അതു്
സ്വന്തം കുടുംബത്തോടാവാം - സമൂഹത്തോടാവാം - ജോലിയോടാവാം -
പ്രകൃതിയോടാവാം എന്തിനോടുമാവാം...
|By
Dr.Karamchand Mallan
Prof:&Head,
Dr.PMHMC Medical College, Chottanikkara
Mob:9447109918

07/07/2023

02/07/2023

#ബോർഡർലൈൻപേഴ്സണാലിറ്റി
#വ്യക്തിത്വവൈകല്യം
എൻറെ ഡോക്ടറെ ഒരു രക്ഷയും ഇല്ല.... ഇവളെ കൊണ്ട് തോറ്റു... അണപ്പോട് കൂടി
O Pയിലേക്ക് വിളറി വെളുത്ത മുഖവും വിറക്കുന്ന കൈകളുമായി ഒരച്ഛൻ കേറി വന്നു. മറു കൈയിൽ ബലത്തിൽ പിടിച്ച മകളുടെ കൈയുമായി.
എന്താണ് കാര്യം? എന്ത് പററിയെന്നു ചോദിച്ചപ്പോൾ വളരെ ബുദ്ധിമുട്ടി ആണെങ്കിലും അദ്ദേഹം പറയാൻ തുടങ്ങി........
സാർ എൻറെ മോൾ ഇപ്പോൾ എൽഎൽബിക്ക് പഠിക്കുകയാണ് . പറഞ്ഞിട്ടെന്താ കാര്യം സ്കൂളിൽ പഠിക്കുമ്പോൾ തന്നെ ഞങ്ങൾ "തീ തിന്നാൻ" തുടങ്ങിയതാ . എന്തെന്നാൽ സന്തോഷത്തോടെ ആണെങ്കിൽ ഇത്രയും നല്ല ഒരു കുട്ടി വേറെയില്ല.
എന്നാൽ ചെറിയൊരു പ്രശ്നം മതി ഇവൾ "മണിച്ചിത്രത്താഴ്" സിനിമയിലെ ശോഭന ആവാൻ......
എന്തെന്നാൽ ചെറുപ്പം മുതൽ തന്നെ അമിതമായ പിടിവാശിയും അനുസരണക്കേടും ഒക്കെ ഉണ്ടായിരുന്നെങ്കിൽ പോലും ഞങ്ങൾ അതത്ര കാര്യം ആക്കിയില്ല. പ്രായം കേറുന്നതിനനുസരിച്ച് അതിൻറെ ശക്തിയും തീവ്രതയും ഏറിയേറി വന്നു. എന്തെങ്കിലും ചെറിയ കാര്യത്തിന് പോലും ദേഷ്യം എങ്ങാനും വന്നു പോയാൽ....... പിന്നെ എന്തൊക്കെയാണ് ചെയ്യുന്നതെന്ന് അവൾക്ക് തന്നെ ബോധമില്ല. കൈയില് കിട്ടുന്ന വസ്തുക്കൾ തച്ചുടച്ചാലും ദേഷ്യം മാറാത്ത അവസ്ഥ.
ചെറിയ കാര്യത്തിന് പോലും സങ്കടം വന്നാൽ പൊട്ടിക്കരച്ചിലും ആത്മഹത്യ ചെയ്യും എന്ന ഭീഷണിയും. ഇതുകൂടാതെ മറ്റ് ചിലപ്പോൾ ബ്ലേഡ് എടുത്ത് കൈ മുറിക്കൽ...... മുറിച്ചു കളയും എന്ന് ഭീഷണി...... അങ്ങനെ ഉറക്കം നഷ്ടപ്പെട്ട രാത്രികളാണ് ഇവൾ ഞങ്ങൾക്ക് സമ്മാനിക്കുക. ഏതെങ്കിലും കാര്യത്തിൽ വല്ലാത്ത സന്തോഷം വന്നാൽ സാധാരണഗതിയിൽ ഉണ്ടാകുന്ന സന്തോഷപ്രകടനങ്ങളേക്കാൾ അമിതമായ സന്തോഷവും കെട്ടിപ്പിടുത്തവും ഉമ്മ വയ്ക്കലും ഒക്കെയാണ്. എന്നാൽ എത്ര സ്നേഹമുള്ള വ്യക്തി ആണെങ്കിലും നിസ്സാര കാര്യം മതി പിണങ്ങാനും അതുപോലെ ആ ബന്ധം പൂർണമായും വിച്ഛേദിച്ചൊഴിയാനും. അതുപോലെ തന്നെ ഇങ്ങനെയുള്ള പ്രവർത്തികൾക്ക് ശേഷം "എനിക്കറിയാതെ പറ്റി പോയതാണ് എന്നോട് ക്ഷമിക്കണം" എന്ന് പറയുമ്പോൾ നമ്മൾ ക്ഷമിക്കും. ഇതെല്ലാം സമയദോഷമാണ്....... മാറുമെന്ന് കരുതി ഞങ്ങൾ ക്ഷമിക്കും...ആശ്വസിക്കും..... പക്ഷേ പിന്നെയും "ചങ്കരൻ തെങ്ങൽ തന്നെ അല്ലെങ്കിൽ പട്ടിയുടെ വാൽ" ലെന്ന പോലെ.... ദിവസവും ഇതേ പോലെയുള്ള എന്തെങ്കിലും പ്രശ്നങ്ങൾ ഉണ്ടാക്കും വന്നുവന്ന് ഒരു സ്വസ്ഥതയും ഇല്ല....
എന്ത് ചെയ്യണം എന്ന് അറിയില്ല.... ഇനി ഇതു വല്ല മാനസിക രോഗമാണോ ഡോക്ടറെ ? ഞങ്ങൾ എന്താണ് ചെയ്യേണ്ടത്?

ഈ രീതിയിൽ അല്ലെങ്കിൽ മറ്റൊരു രീതിയിൽ നമ്മുടെ സമൂഹത്തിൽ ഏതാണ്ട് പത്ത് മുതൽ 20 ശതമാനത്തോളം വരുന്ന വ്യക്തിത്വ വൈകല്യങ്ങളിൽ സ്ത്രീകളിൽ പ്രത്യേകിച്ചും കൂടുതലായി കണ്ടുവരുന്ന ഒരു വ്യക്തിത്വ വൈകല്യമാണ് മേൽ സൂചിപ്പിച്ച ലക്ഷണങ്ങളോടു കൂടിയ ബോർഡർ ലൈൻ പേഴ്സണാലിറ്റി. വാക്കുകൾ സൂചിപ്പിക്കുന്നത് പോലെ മാനസികമായി ജീവിതത്തിനും മരണത്തിനും ഇടയിലുള്ള നേർത്ത നോൽപ്പാലം അതിലൂടെ സഞ്ചരിക്കുന്ന ഒരു വ്യക്തി. ഇത്തരക്കാരെ ഇങ്ങനെയുള്ള പ്രശ്നങ്ങൾ തിരിച്ചറിയാതെ നാം ചിലപ്പോൾ എടുത്തുചാട്ടക്കാർ എന്ന് വിവക്ഷിക്കാറുണ്ട്.
ഏതു രീതിയിലുള്ള വികാരങ്ങളും അതായത് ദേഷ്യം ആയിക്കോട്ടെ സങ്കടമായിക്കോട്ടെ സന്തോഷമായിക്കൊട്ടെ..... ഒന്നുമിവർക്ക് നിയന്ത്രിക്കാനാവുന്നില്ല......അതിന് തുടർന്ന് അമിത പ്രതികരണവും പ്രകടനത്തിനും ശേഷം വല്ലാത്ത കുറ്റബോധം വരികയും നമ്മോട് ചിലപ്പോൾ മാപ്പിരക്കുകയും ചെയ്യും . എന്നാൽ പിന്നീടും ഈ രീതിയിലുള്ള പെരുമാറ്റ വൈകല്യങ്ങൾ തന്നെ ഇവർ തുടരുകയും ചെയ്യും. ഏറ്റവും വലിയ ഒരു പ്രശ്നം ഇവർക്ക് ഇങ്ങനെയുള്ള പ്രശ്നങ്ങൾ ഉണ്ട് എന്ന് ചെറിയ രീതിയിലുള്ള തിരിച്ചറിവ് ഇവർക്കുണ്ട്. പക്ഷേ നിയന്ത്രിക്കാൻ ആവുന്നില്ല എന്നുള്ളതാണ് ഇവരുടെ പ്രശ്നം.
ഇനി ഇത്തരക്കാർ വിവാഹം കഴിക്കുകയാണെങ്കിൽ ഇവരുടെ ജീവിതം വളരെയധികം ബുദ്ധിമുട്ടി ആയിരിക്കും മുന്നോട്ട് പോകുന്നത്. അതായത് ഇവരെ സഹിക്കാൻ ഇവരുടെ ജീവിത പങ്കാളിക്ക് വല്ലാത്ത ക്ഷമ വേണ്ടിവരും. വിവാഹമോചനത്തിനായി കുടുംബ കോടതിയിലേക്ക് /അല്ലെങ്കിൽ ആത്മഹത്യയ്ക്ക് ശ്രമിച്ചു ആശുപത്രിയിലേക്കോ ആയിരിക്കും ചിലപ്പോൾ ഇവർ എത്തിപ്പെടുക. മറ്റു ചിലപ്പോൾ മറ്റുള്ളവരെ ഭയപ്പെടുത്താൻ വേണ്ടി മാത്രമായി "ഞാൻ ആത്മഹത്യ ചെയ്യും എന്നും,..... ധാരാളം ഗുളിക കഴിച്ചുo...... ഗുരുതരമായ മുറിവുകൾ സൃഷ്ടിക്കുകയും ഒക്കെ ചെയ്യാം.....
ഇതേ പ്രശ്നങ്ങളുള്ള കൗമാരക്കാർ അവർ തൊട്ടാ വാടികൾ ആയിരിക്കും . അതുപോലെ തന്നെ ഇവർ എളുപ്പത്തിൽ മറ്റുള്ളവരുടെ സ്വാധീനത്തിന് വഴങ്ങുകയും അതേതുടർന്നു് പെട്ടെന്ന് പ്രണയത്തിൽ പെട്ടുപോവുകയും എന്നാല് നിസ്സാര കാര്യത്തിന് തമ്മിൽ തല്ലുകയും ആ ബന്ധം വെട്ടി മാറ്റി അടുത്ത ബന്ധം സ്ഥാപിക്കാൻ ശ്രമിക്കുകയും അതിൽ വിജയിക്കുകയും ആ വിജയം ആദ്യത്തെയാളെ കാണിച്ചു സന്തോഷിക്കുകയും ചെയ്യുന്ന..... ബാലിശമായ പ്രതികാര സ്വഭാവ വൈകല്യങ്ങളും..... അതായത് ഒരു കുരങ്ങിന്റെ സ്വഭാവം പോലെ...... തികഞ്ഞ വ്യക്തിത്വ അസ്ഥിരത........ ലക്ഷ്യബോധം ഇല്ലായ്മ .......സ്വയം നശിപ്പിക്കാനുള്ള നശിപ്പിക്കുന്ന ശീലം ......എന്നിവയൊക്കെ നമുക്ക് കാണാം.
അതുപോലെ. ഇത്തരക്കാർ ഏതെങ്കിലും സ്ഥാപനത്തിൽ ജോലി ചെയ്യുമ്പോൾ അവിടെ തുടർന്നു കൊണ്ടുള്ള ജോലി ഇവർക്ക് ബുദ്ധിമുട്ടാണ് .അതായത് ഒരു ജോലിയിലും ഇവർ ഉറച്ചു നിൽക്കില്ല -പെട്ടെന്ന് ബോറടിക്കും . അങ്ങനെ പിടിവാശിക്കാർ എന്ന് നാം തമാശയ്ക്കും പുചഛത്തോടെയും സങ്കടത്തോടെയും ഒക്കെ പറയുന്ന നമ്മുടെ ചില സുഹൃത്തുക്കളും ബന്ധുക്കളോ മറ്റുള്ളവരൊക്കെ ഈ രീതിയിലുള്ള വ്യക്തിത്വ വൈകല്യ പ്രശ്നങ്ങളുള്ളവരാണ് എന്ന് തിരിച്ചറിവാണ് നമുക്ക് ആദ്യം വേണ്ടത് . ഇത് തുടക്കത്തിൽ തന്നെ മനസ്സിലാക്കുകയാണെങ്കിൽ മനശാസ്ത്ര ചികിത്സ, കൗൺസിലിങ്ങിലൂടെ ഇവരെ നമുക്ക് തിരിച്ചുകൊണ്ടുവരാം. അതല്ലാ രോഗം കടുക്കുന്നതിനനുസരിച്ച് കൗൺസിലിങ്ങിനോടൊപ്പം തന്നെ ഔഷധചികിത്സയും വേണ്ടിവരും .ഇവരുടെ മൂഡ് നിയന്ത്രിക്കുന്നതിനു വേണ്ടിയിട്ടുള്ള
CBT/DBT, ജീവിതനിപുണതാ പരിശീലനം എന്നിവ ഡോക്ടറുടെ നിർദ്ദേശാനുസരണം തുടരേണ്ടതാണ്.

ഹോമിയോപ്പതിയിൽ ഈ രീതിയിലുള്ള വ്യക്തികൾക്ക് വ്യക്തിഗത ചികിത്സയാണ് (Personalized Treatment) നൽകുന്നത് .അവരുടെ മാനസിക ശാരീരിക പ്രത്യേകതകൾ- രോഗസ്വഭാവം -രോഗ തീവ്രത -മറ്റ് രോഗാവസ്ഥകൾ എന്നിവ പരിഗണിച്ചുകൊണ്ട് സമൂലമായ മരുന്നുകളാണ് (Holistic approach) ഹോമിയോപ്പതി ചികിത്സാശാസ്ത്രം വിഭാവനം ചെയ്യുന്നത്
തൽക്കാലത്തേക്ക് വിട
സ്നേഹപൂർവ്വം
ഡോ: പി .എൻ. കരംചന്ദ്. MD (Hom)
പ്രൊഫസർ ആൻഡ് ഹെഡ് ഓഫ് മെഡിസിൻ.
ഡോ: പടിയാർ മെമ്മോറിയൽ ഹോമിയോപ്പതിക് മെഡിക്കൽ കോളേജ് ചോറ്റാനിക്കര.
Mob: 9 4 4 7 1 0 9 9 18

02/07/2023

ഏക സിവൽകോഡ് എന്ത് ?
എന്ന് അറിവുള്ളവർ പറഞ്ഞു തരാമോ ?
( രാഷ്ട്രീയം അല്ല).