06/02/2026
Together,we can create a world without cancer Feb 4th Alpha വേൾഡ് കാൻസർ ദിന അവബോധ ക്യാമ്പയിൻ – ആൽഫാ പാലിയേറ്റീവ് കെയർ, കുട്ടനാട്
വേൾഡ് കാൻസർ ദിനത്തിന്റെ ഭാഗമായി ആൽഫാ പാലിയേറ്റീവ് കെയർ കുട്ടനാട് സെൻ്റർ ടീം തലവടി, എടത്വ, മുട്ടാർ പഞ്ചായത്തുകളിലെ തൊഴിൽ ഉറപ്പ് മേഖലകളിൽ പ്രവർത്തിക്കുന്ന തൊഴിലാളികൾക്കായി കാൻസർ അവബോധ പരിപാടികൾ സംഘടിപ്പിച്ചു.
കാൻസർ എന്താണ്, അതിന്റെ കാരണങ്ങൾ, ലക്ഷണങ്ങൾ, നേരിടേണ്ട വിധം, ശരീരിക–മാനസിക–സാമ്പത്തിക ബുദ്ധിമുട്ടുകൾ, രോഗി പരിചാരകർ നേരിടുന്ന മാനസിക സമ്മർദ്ദം, രോഗികളെ നേരിടുമ്പോൾ സമൂഹം സ്വീകരിക്കേണ്ട സമീപനം തുടങ്ങിയ വിവിധ വിഷയങ്ങൾ ഉൾപ്പെടുത്തി ഇന്ററാക്ടീവ് സെഷനുകൾ നടത്തി.
ഡോ. മുഹമ്മദ് അലി യുടെ നേതൃത്വത്തിൽ നടന്ന പരിപാടി ഏറെ അർത്ഥവത്തും ഹൃദയസ്പർശിയുമായ അനുഭവമായി. പങ്കെടുത്തവരുടെ സംശയങ്ങൾക്ക് മറുപടി നൽകുന്നതിനായി ചോദ്യോത്തര വേദികളും ഒരുക്കി.
സിസ്റ്റർമാരായ ലിജി, മഞ്ജു, ബീന, ജ്യോതി എന്നിവരെ ഉൾപ്പെടുത്തി ആൽഫാ പാലിയേറ്റീവ് ഹോംകെയർ ടീം, എക്സിക്യൂട്ടീവ് കമ്മിറ്റി അംഗങ്ങൾ, മറ്റ് സ്റ്റാഫ് അംഗങ്ങൾ എന്നിവരാണ് പരിപാടികൾക്ക് നേതൃത്വം നൽകിയത്.
കുട്ടനാടിന്റെ നാടൻ പാട്ടുകളും വഞ്ചിപ്പാട്ടുകളും ഒരുമയോടെ പാടിയതിലൂടെ പരിപാടി കൂടുതൽ ഹൃദയസമ്പന്നമായി.
പരിപാടിയുടെ സന്ദേശം വ്യക്തമായിരുന്നു:
“കാൻസർ ഒരു ശിക്ഷയല്ല, ഒരു രോഗമാണ്.
ഭയമല്ല, ബോധവൽക്കരണമാണ് നമ്മളെ രക്ഷിക്കുന്നത്.
ഇന്ന് നിങ്ങൾ കേട്ട ഈ സന്ദേശം ഒരു വീട്ടിലെങ്കിലും എത്തിച്ചാൽ അതാണ് നമ്മുടെ വിജയം.
ആരോഗ്യമാണ് ഏറ്റവും വലിയ സമ്പത്ത്.”
“നിങ്ങൾ ആരും തനിച്ചല്ല” എന്നും, “ആൽഫാ പാലിയേറ്റീവ് കെയർ കുട്ടനാട് സെൻ്ററിന്റെ പ്രവർത്തനങ്ങൾ നമ്മളൊരൊരുത്തർക്കുമുള്ളതാണ്” എന്നും പങ്കെടുത്തവർക്കു ഓർമ്മപ്പെടുത്തി കൊണ്ടാണ് പരിപാടികൾ സമാപിച്ചത്.
