Sree Sanjeevani Hospital

13/10/2019

24/09/2019

📱📱📱📱📱നിങ്ങളൊരു
സ്മാർട്ട്‌ ട്രെയ്നർ ആണോ?........ തൊഴിലിൽ പുരോഗതിയും സാമ്പത്തിക അഭിവൃദ്ധിയും ആഗ്രഹിക്കുന്ന വ്യവസായി ആണോ? ......
അല്ലെങ്കിൽ ഒഴിവു സമയം വീട്ടിലിരുന്ന് ജോലി ചെയ്ത് മികച്ച വരുമാനം നേടാൻ ആഗ്രഹമുണ്ടോ?
എങ്കിൽ പ്രായഭേദമെന്യേ ഈ പ്രോഗ്രാമിലേയ്ക്ക് സ്വാഗതം...
==============================
#സ്മാർട്ട്‌ ഫോണിന്റെ സാദ്ധ്യതകൾ പൂർണമായും പ്രയോജനപ്പെടുത്താറുണ്ടോ?

# whatsapp Business ന്റെ അനന്ത സാധ്യതകളെ കുറിച്ച് ബോധവാനാണോ?*

# ഗൂഗിളിന്റെ സൗജന്യ സേവനങ്ങളായ GBoard, Jamboard, Slides തുടങ്ങി യവ ഉപയോഗിച്ചു കൊണ്ട് നിങ്ങളുടെ സംരംഭം എങ്ങനെ മനോഹരമാക്കാം എന്നറിയാമോ?

# ഗൂഗിൾ സെർച്ചിൽ എങ്ങനെ ഒന്നാമതെത്താം എന്നറിയാമോ?

# ഫേസ്ബുക്കിൽ കൂടുതൽ വ്യൂസ് കിട്ടുന്ന പരസ്യം എങ്ങനെ ഡിസൈൻ ചെയ്യാം എന്നറിയാമോ???

# ഫേസ്ബുക്കും ഇൻസ്റ്റഗ്രാമും ഉപയോഗിച്ച് എങ്ങനെ പരസ്യം ചെയ്യാം എന്നറിയാമോ???

# സ്വന്തമായി വീഡിയോ നിർമ്മിച്ച് യൂട്യൂബിൽ അപ്‌ലോഡ് ചെയ്യുന്നതും കൂടുതൽ വ്യൂസ് കിട്ടുന്നതും എങ്ങനെയെന്നറിയാമോ???

# സ്വന്തമായി ഒരു വെബ്സൈറ്റ് എങ്ങനെ നിർമ്മിക്കാം എന്നറിയാമോ???

# ഓൺലൈൻ വരുമാനം എങ്ങനെ നേടാം എന്നറിയാമോ???

# Google Certification എങ്ങനെ നേടാം എന്നറിയാമോ???

മേല്പറഞ്ഞവയ്ക്കു "ഇല്ല " എന്നാണ് ഉത്തരം എങ്കിൽ, വരൂ ഞങ്ങൾ നിങ്ങളെ സഹായിക്കാം ഏറ്റവും കുറഞ്ഞ ചിലവിൽ... നിങ്ങളുടെ വീട്ടിൽ വന്നും ഞങ്ങൾ സഹായിക്കാം

ഒരുകൂട്ടം ന്യൂ ജെൻ കമ്പ്യൂട്ടർ വിദഗ്ദ്ധർ നടത്തുന്ന NEXT GENERATION പ്രോഗ്രാം.

പ്രോഗ്രാമിന് മേൽനോട്ടം വഹിക്കുന്നത് പ്രശസ്ത ട്രെയ്നറും സൈബർ വിദഗ്ധനും സംസ്ഥാന അവാർഡ് ജേതാവുമായ
Naveen Bhaskar,
🏅🎖(Google & Microsoft Certified State Award winner)🎖🏅

🗓Oct 19th Sun 2019

🕥9.30am to 🕟4.30pm

🏢at Sree Sanjeevani Training & Guidance Centre
A division of Sree Vaidyanatham Ayurveda Hospital
opp: RLV Fine Arts College,
Mini byepass Road
Tripunithura

Tel:9847524121,9847348691

24/09/2019

എന്നാലും എന്റെ കരളേ....

മലയാള ഭാഷയിലെ ഒരു പ്രിയപ്പെട്ട പ്രണയ സംബോധനയാണ് "കരളിന്റെ കരളേ"...... എന്നത്. പക്ഷേ കരളിനെപ്പറ്റി ഇപ്പോഴിവിടെ കേൾക്കുന്നവയിലേറെയും കരളലിയിക്കുന്ന കഥകളാണ്.....

അറ്റകുറ്റപ്പണികൾ നടത്തിയും പകരം വെയ്ക്കാനാവുന്നവ ഘടിപ്പിച്ചും ഹൃദയത്തകരാറുകൾ വരെ പരിഹരിക്കുന്ന ആധുനിക വൈദ്യശാസ്ത്രത്തിനും കരളിനു പകരം കരൾ എന്നല്ലാതെ മറ്റൊന്നും ചൂണ്ടിക്കാണിക്കാൻ ഇല്ലാത്ത സ്ഥിതിയാണ് ഇന്നും. കവികളും കാമുകന്മാരുമൊക്കെ കരളിനെ എടുത്ത് നീട്ടി പിടിക്കുന്നതിന്റെ കാര്യവും ഇതു തന്നെയാണ്.

മനുഷ്യശരീരത്തിൽ മസ്തിഷ്കത്തോളം തന്നെ പ്രാധാന്യം അർഹിക്കുന്ന ഒരു അവയവമാണ് കരളും. കഴിക്കുന്ന ആഹാരത്തിൽ നിന്നുള്ള ഊർജ്ജം സംഭരിക്കുക, ഗ്ലൂക്കോസ്, ജീവകങ്ങൾ, കൊഴുപ്പ്, തുടങ്ങിയവ ആവശ്യാനുസരണം ശരീരത്തിലേക്ക് എത്തിക്കുക, പുറത്തു പോകാനാവാതെ ശരീരത്തിൽ അടിഞ്ഞുകൂടുന്ന മാലിന്യങ്ങളെ പിത്തരസത്തിൽ അലിയിപ്പിച്ച് മലത്തിലൂടെ പുറത്തു കളയുക എന്നിങ്ങനെ നിരവധി സങ്കീർണ്ണങ്ങളായ ജോലികളാണ് കരൾ നിരന്തരമായി ചെയ്തുകൊണ്ടിരിക്കുന്നത്. അമിതമായ മദ്യപാനം , മയക്കുമരുന്ന് , സോഫ്റ്റ് ഡ്രിങ്കുകളിലും ഫാസ്റ്റ്ഫുഡുകളിലും ഉള്ള രാസപദാർത്ഥങ്ങൾ, ശക്തിയേറിയ മരുന്നുകളുടെ ഉപയോഗം, കശുവണ്ടിപരിപ്പ്, ഉണക്കമുളക് തുടങ്ങിയവയിലെ പൂപ്പലുകൾ, ഭക്ഷണത്തിലെ വിഷാംശങ്ങൾ, വൈറസ് ബാധ മുതലായവയൊക്കെ കരളിന്റെ പ്രവർത്തനങ്ങൾക്ക് തകരാറുകൾ വരുത്തിയേക്കാം.

മഞ്ഞപ്പിത്തം, ജനിതകമായി ഉണ്ടാകുന്ന രോഗങ്ങൾ, ലിവർ സിറോസിസ്, ഫാറ്റിലിവർ, ഹെപ്പറ്റൈറ്റിസ് ബി, മുഴകൾ, തടിപ്പുകൾ, കാൻസർ, പിത്താശയ കല്ലുകൾ (ഗാൾ ബ്ലാഡർ സ്റ്റോൺ ) എന്നിങ്ങനെ കരളിനുണ്ടാകുന്ന രോഗങ്ങൾ സ്ത്രീപുരുഷഭേദമെന്യേ നിരവധി പേർക്ക് ഇപ്പോൾ കണ്ടുവരുന്നു.

ചികിത്സ:

മഞ്ഞപ്പിത്തത്തിന് ഫലപ്രദമായ ആയുർവേദ ചികിത്സയുണ്ടെന്ന് മിക്കവാറും എല്ലാവർക്കും അറിയാം. ഫാറ്റി ലിവർ, മദ്യപാനം മൂലമുണ്ടാകുന്ന തകരാറുകൾ തുടങ്ങി മറ്റെല്ലാ രോഗാവസ്ഥകളിലും കൃത്യമായ ആയുർവേദ ചികിത്സ അതീവ ഫലപ്രദമാണ്. ശരീരത്തിലടിഞ്ഞുകൂടിയ വിഷമാലിന്യങ്ങളെ ശുദ്ധിക്രിയ വഴി നിർമാർജനം ചെയ്തു പ്രാണശക്തിയെ വർധിപ്പിക്കുന്നതാണ് ആദ്യഘട്ടം. അതിനുശേഷം ത്രിദോഷങ്ങളെ സമതുലിതാവസ്ഥയിലാക്കാനുള്ള ഔഷധങ്ങളും നല്കുന്നു. യകൃത്ത് പ്ലീഹ രോഗചികിത്സയിൽ ഉപയോഗിക്കുന്ന ഒരു പ്രധാന ഔഷധം തങ്കസത്ത് അടങ്ങിയിട്ടുണ്ടെന്ന് സിദ്ധവൈദ്യത്തിൽ പരാമർശിക്കപ്പെടുന്ന മഞ്ഞ പൂക്കൾ വിരിയുന്ന കയ്യോന്നി ആണ്. വെളുത്ത ആവണക്കിൻ കൂമ്പ്, നിലംപരണ്ട, മുത്തിൾ തുടങ്ങിയ അത്ഭുത ശക്തിയുള്ള ഔഷധസസ്യങ്ങൾ, ആചാര്യമതമനുസരിച്ച് വിധി പ്രകാരം തയ്യാർ ചെയ്യുന്ന മരുന്നുകൾ തുടങ്ങിയവ അവസരോചിതമായി രോഗിക്കു നൽകുന്നു. പുറമേ നേത്രശുദ്ധിയും പ്രത്യേക പഥ്യങ്ങൾ അനുസരിച്ചുള്ള പിത്തഹരങ്ങളായ സാത്വികാഹാരവും കൂടെയാകുമ്പോൾ രോഗശമനം സാദ്ധ്യമാകുന്നു.

ഒരു പിൻകുറിപ്പ് കൂടി .....

ലക്ഷണശാസ്ത്രവും പ്രാർത്ഥനയും ഒക്കെ ചികിത്സയിൽ എന്തിന് എന്ന് ചോദിക്കുന്നവരുണ്ട്. അറിയാത്തതിനെയൊക്കെ അന്ധവിശ്വാസം എന്നു പറഞ്ഞ് തള്ളിക്കളയുന്നതാണ് അറിവിന്റെ പൂർണ്ണതയായി പലരും കണക്കാക്കുന്നത്. പക്ഷേ കരളിന് രോഗബാധയുള്ളവർ അന്വേഷണവുമായി എത്തുമ്പോൾ......

കല്ലുപാകിയ നടവഴിയിൽ പോലും കൂട്ടത്തോടെ മുളച്ചുവരുന്ന ചുവന്ന കീഴാർനെല്ലിയും നിലമ്പരണ്ടയും................പ്രകൃതി മാതാവിലുള്ള പ്രതീക്ഷയും പ്രപഞ്ചശക്തി യോടുള്ള പ്രാർത്ഥനയും മൂലമാണെന്ന് വിശ്വസിച്ചു ശുഭലക്ഷണമായി മനസ്സിലുറപ്പിക്കുന്നു. ഇവിടെ വൈദ്യൻ എന്ന വ്യക്തി ആ മഹാവൈദ്യന്റെ ഇഷ്ടങ്ങളിലെ ഒരു നിമിത്തം മാത്രമായി മാറുന്നു.🙏

ശ്രീ വൈദ്യനാഥം ആയുർവേദ ആശുപത്രി
തൃപ്പൂണിത്തുറ
ph: 9188849691

16/09/2019

സ്ട്രോക്ക് റീഹാബിലിറ്റേഷൻആയുർവേദത്തിൽ..

സമകാലീന ആയുർവേദം ഏറ്റവും ഫലപ്രദമായി കൈകാര്യം ചെയ്യുന്ന ഒന്നാണ് പക്ഷാഘാതവും അതിനോടനുബന്ധിച്ചുള്ള പുനരധിവാസ ചികിത്സാക്രമങ്ങളും. ജീവിതശൈലീ രോഗങ്ങളിൽ ഹൃദയാഘാതം പോലെ തന്നെ തികച്ചും അപ്രതീക്ഷിതമായി വരുന്നതാണ് സ്ട്രോക്ക്. ഹൃദയാഘാതത്തിന് യഥാസമയം ഫലപ്രദമായ ചികിത്സ നൽകാൻ കഴിഞ്ഞാൽ രോഗി സാധാരണ ജീവിതത്തിലേക്ക് തന്നെ തിരിച്ചുവരുന്നു. പക്ഷേ സ്ട്രോക്ക് വന്നതിനുശേഷം രക്ഷപ്പെട്ടാൽ തന്നെയും പലപ്പോഴും തിരികെ പഴയത് പോലെ ആകാൻ കഴിയാതെ പിന്നീടുള്ള ജീവിതത്തിൽ മരണതുല്യമായി കഴിയേണ്ട ഒരവസ്ഥയ്ക്ക് ഇത് വഴിയൊരുക്കുന്നു. ഓർമശക്തിയും സംസാരശേഷിയും നഷ്ടപ്പെടുകയോ ചലനസ്വാതന്ത്ര്യമോ കാഴ്ചശക്തിയോ ഇല്ലാതാവുകയോ ഒക്കെ അനന്തരഫലങ്ങളായി ബാക്കി നിൽക്കുന്നു.
ഉയർന്ന രക്തസമ്മർദ്ദം, പ്രമേഹം, അമിതവണ്ണം, അമിതമായ പുകവലിയും മദ്യപാനവും,മാനസികസമ്മർദ്ദം,ധമനികളിലെ മറ്റു തകരാറുകൾ തുടങ്ങിയവ പലതും കാരണങ്ങളായി പറയാറുണ്ടെങ്കിലും പ്രത്യേകിച്ച് ഒരു കാരണവുമില്ലാതെയും സ്ട്രോക്ക് സംഭവിക്കാറുണ്ട്.
പ്രായമായവരിൽ വരുന്ന പക്ഷാഘാതത്തെക്കാൾ മധ്യവയസ്സിൽ നിൽക്കുന്നവർക്ക് ഇതിൽ നിന്ന് കരകയറാനുള്ള സാധ്യത കൂടുതലായി കാണുന്നു .ഈ ഈ രണ്ടു കൂട്ടരിലും തുടർ പരിചരണം ചികിത്സ പോലെ തന്നെ പ്രാധാന്യമർഹിക്കുന്നു .പക്ഷാഘാതത്തിന് പുനരധിവാസ ചികിത്സയിൽ ഏറ്റവും ഗുണകരവും ഫലപ്രദവുമായ ചികിത്സാ പദ്ധതികൾ ആയുർവേദത്തിലാണ് ഉള്ളത് .

ചികിത്സ:
ആയുർവേദം പക്ഷാഘാതത്തെ വാതവ്യാധി ചികിത്സയിലാണ് ഉൾപ്പെടുത്തിയിരിക്കുന്നത്. ചികിത്സയിൽ തന്നെ മൂന്നു തരത്തിലായി ഇതിനെ തരംതിരിച്ചിരിക്കുന്നു. പക്ഷാഘാതം വന്ന ഉടനെയുള്ള ചികിത്സ, പക്ഷാഘാതം വന്നതിനുശേഷം ചെയ്യേണ്ട ക്രിയാക്രമങ്ങൾ, ദീർഘകാലമായി കിടപ്പിലായ രോഗികളിൽ പാലിക്കേണ്ട ചികിത്സാക്രമങ്ങൾ എന്നിങ്ങനെയാണ് അത്. ലക്ഷണങ്ങൾ അനുസരിച്ച് ചെയ്യുന്ന പഞ്ചകർമ്മചികിത്സകളായ വിരേചനം, വസ്തി, ശിരോധാര ,നസ്യം, അഭ്യംഗം, തളം മുതലായ ചികിത്സകൾ രോഗിയെ സ്വന്തമായി കാര്യങ്ങൾ നിർവഹിക്കാനുള്ള പ്രാപ്തിയിലേക്കെത്തിക്കുന്നു.

ഇതോടൊപ്പമുള്ള പ്രത്യേക പച്ചമരുന്നുകൾ ചേർത്ത ലേപം, വിധി പ്രകാരം തയ്യാർ ചെയ്ത എണ്ണകൾ ഉപയോഗിച്ചുള്ള ഉഴിച്ചിൽ ,പിഴിച്ചിൽ തുടങ്ങിയവയും ലഘുവ്യായാമങ്ങൾ ഉൾപ്പെടുത്തിയുള്ള സമകാലീന ഫിസിയോതെറാപ്പിയും കൂടുതൽ ഗുണം നൽകുന്നു. ശരീരം തളർന്നു പോവുക, സംസാരശേഷി നഷ്ടപ്പെടുക തുടങ്ങി സ്ട്രോക്ക് നിന്ന് വിടുതൽ പ്രാപിച്ചു കഴിഞ്ഞുള്ള അനന്തരഫലങ്ങൾ ഏറെക്കുറെ പൂർണമായിത്തന്നെ മാറ്റുവാൻ ചിട്ടയായ രീതിയിലുള്ള ആയുർവേദ ചികിത്സകൊണ്ട് സാധിക്കുന്നതാണ്.

ശ്രീ വൈദ്യനാഥം ആയുർവേദ ആശുപത്രി
തൃപ്പൂണിത്തുറ
ph: 9188849691

16/09/2019

മുംബൈയിലെ കല്യാൺ നിവാസിയാണ് ഫിലിപ്പ് അച്ചായൻ. സമീപഫ്ലാറ്റുകളിലുള്ള മലയാളികൾക്ക് തേങ്ങ, വെളിച്ചെണ്ണ, പച്ചക്കറികൾ ഒക്കെ എത്തിച്ചുകൊടുത്തു ലഭിക്കുന്ന തുച്ഛമായ വരുമാനത്തിൽ കുടുംബം പുലർത്തുന്നു. 25 ഉം 18 ഉം വയസ്സായ മക്കൾ ജന്മനാ രോഗികളാണ്. പിതൃസ്വത്തിൽ നിന്നും ഓഹരിയായി ലഭിച്ച റാന്നിയിലുള്ള ചെറിയ പറമ്പിലെ മരങ്ങൾ വെട്ടി വിറ്റിട്ടാണ് ഓരോ മാസവും അദ്ദേഹം മരുന്നിനുള്ള തുകയുമായി എത്തുന്നത്. കുട്ടികൾക്കും സന്ധിവാതത്തിന്റെ വേദന അനുഭവിക്കുന്ന ഭാര്യയ്ക്കും വേണ്ടി മരുന്ന് വാങ്ങുമ്പോൾ മസ്കുലാർ ഡിസ്ട്രോഫി (പേശി ശോഷം) ബാധിച്ച ഈ മനുഷ്യൻ സ്വന്തം ചികിത്സ എല്ലാവർക്കും സുഖം ആയശേഷം മതി എന്ന തീരുമാനത്തിലാണ്.കാരണം ഇനി വിൽക്കാൻ അല്പം മണ്ണ് മാത്രമേ ബാക്കിയുള്ളൂ. ഒരു ചെറിയ സ്ഥാപനത്തിന്റെ പരിമിതികൾക്കുള്ളിൽ നിന്നുകൊണ്ട് കഴിയുന്നത് പോലെ ഞങ്ങളും സഹായിക്കുന്നു. ആറുമാസത്തെ ചികിത്സയിൽ ഒരാൾക്ക് ഹെപ്പറ്റൈറ്റിസ്-ബി ഭേദമായതായി റിപ്പോർട്ടുകൾ തെളിയിക്കുന്നു.

അത്ഭുത ശക്തിയുള്ള ഔഷധസസ്യങ്ങൾ അറിഞ്ഞു നൽകുന്ന പ്രകൃതി മാതാവിന്റെ മുൻപിൽ......

വൈദ്യത്തോടൊപ്പം സത്യവും, സ്നേഹവും, നന്മയും ചൊല്ലിത്തന്ന മഹാ വൈദ്യനായിരുന്ന സ്വാമി നിർമലാനന്ദഗിരി മഹരാജിന്റെ സ്മരണയ്ക്കു മുൻപിൽ.....

സർവോപരി ദൈവത്തിന് അസാദ്ധ്യമായി ഒന്നുമില്ല എന്ന് തെളിയിച്ചു തരുന്ന ആ പ്രപഞ്ച ചൈതന്യത്തിനു മുൻപിൽ.......
മുന്നോട്ടുള്ള യാത്രയിൽ എന്നും വെളിച്ചമാവണേ എന്ന പ്രാർത്ഥനയോടെ..🙏 ശ്രീ വൈദ്യനാഥം ആയുർവേദ ഹോസ്പിറ്റൽ
തൃപ്പൂണിത്തുറ
Ph: 9188849691

16/09/2019

ലൈംഗിക പ്രശ്നങ്ങൾ...

ദാമ്പത്യത്തിന്റെയും കുടുംബജീവിതത്തിന്റെയും ഉറച്ച അടിത്തറ എന്നു വിശേഷിപ്പിക്കാവുന്നതാണ് ആരോഗ്യകരമായ ലൈംഗിക ബന്ധം. ആഹ്ലാദകരമായ ലൈംഗികത ബന്ധങ്ങളിൽ സ്നേഹവും അടുപ്പവും വർദ്ധിപ്പിക്കുന്നതിൽ പ്രധാന പങ്കുവഹിക്കുന്നു .അപകർഷതാബോധവും ആത്മവിശ്വാസക്കുറവുമുള്ളവർ, ലൈംഗികത പാപമായി കരുതുന്നവർ, അശ്ലീലതകൾ കാണുവാനും പറയുവാനും താത്പര്യപ്പെടുന്ന മാനസിക വൈകല്യങ്ങളുള്ളവർ എന്നീ വിഭാഗങ്ങളെ ഒഴിച്ചു നിർത്തിയാൽ ബാക്കിയുള്ള സമൂഹം തുറന്ന മനസ്സോടെയാണ് ഇപ്പോൾ വിദഗ്ദ്ധ സഹായം തേടുന്നത്. അതിനാൽ വിവാഹജീവിതത്തിൽ പ്രശ്നങ്ങൾക്ക് വഴിയൊരുക്കാൻ നിൽക്കാതെ ലൈംഗികതയിൽ പോരായ്മകളും പ്രശ്നങ്ങളും ഉണ്ടെങ്കിൽ പരിഹരിക്കാൻ സഹായവും ചികിത്സയും തേടേണ്ടത് അത്യാവശ്യം തന്നെയാണ്.

സ്ത്രീകൾക്ക് വേദനയുള്ള അവസ്ഥയും,താത്പര്യമില്ലായ്മയും, ഈസ്ട്രജന്റെ കുറവും,വൈകാരിക വ്യതിയാനങ്ങളും ഒക്കെയാണ് സാധാരണയായി പ്രശ്നങ്ങൾക്ക് കാരണമായി കണ്ടു വരുന്നതെങ്കിൽ പുരുഷന്മാരിൽ ഉദ്ധാരണ ശേഷിക്കുറവും ഉദ്ധാരണമില്ലായ്മ യുമാണ് പ്രധാന പ്രശ്നങ്ങൾ. പ്രോസ്റ്റേറ്റ് ഗ്രന്ഥിയുടെ തകരാറുകൾ, ഉദ്ധാരണത്തിന് സഹായകമാകുന്ന ഹോർമോണിന്റെ കുറവ്, സിരാഗ്രന്ഥിയിലേക്കുള്ള രക്തപ്രവാഹത്തിന്റെ കുറവ്, പ്രമേഹം , രക്തസമ്മർദ്ദം, മറ്റു ജീവിതശൈലി രോഗങ്ങൾ, പ്രായാധിക്യം ,അമിത മദ്യപാനശീലവും പുകവലിയും തുടങ്ങിയവയൊക്കെ ലൈംഗിക ശേഷിക്കുറവിന് കാരണങ്ങളാണ്. കൂടാതെ മറ്റു ശാരീരിക തകരാറൊന്നുമില്ലെങ്കിൽ തന്നെയും ഇങ്ങനെ സംഭവിക്കാറുണ്ട് .തെറ്റിദ്ധാരണകളും മാനസികപ്രശ്നങ്ങളും മൂലവും ലൈംഗിക താൽപര്യം നശിക്കുന്ന അവസ്ഥകളും കണ്ടുവരുന്നുണ്ട്.

ചികിത്സാരീതി

സ്ത്രീകളിൽ വേദന, മറ്റു തകരാറുകൾ എന്നിവ പരിഹരിക്കുക ,അമിതവണ്ണം കുറയ്ക്കുക,ഈസ്ട്രജന്റെ അളവ് ക്രമീകരിക്കുക, വിഷാദം, ഉത്ക്കണ്ഠ തുടങ്ങിയ മാനസിക പ്രശ്നങ്ങൾക്ക് വിദഗ്ധ സഹായം നൽകുക, തുടങ്ങിയവയിലൂടെ പ്രശ്നപരിഹാരം സാധ്യമാണ്.

പുരുഷന്മാരിൽ ഉദ്ധാരണശേഷിക്കുറവും പ്രോസ്റ്റേറ്റ് തകരാറുകളും ശീഘ്രസ്ഖലനവുമൊക്കെയാണ് പ്രധാനമായും പരിഹരിക്കേണ്ട പ്രശ്നങ്ങൾ. കൂടാതെ ശാരീരികവും മാനസികവുമായ പ്രശ്നങ്ങളും ഹോർമോൺ തകരാറുകളും ലൈംഗിക വിരസതയ്ക്ക് കാരണമാകുന്നു .പുരാതനകാലം മുതൽക്കുതന്നെ വ്യത്യസ്തമായ പരീക്ഷണങ്ങളിലൂടെയും രീതികളിലൂടെയുമൊക്കെ ലൈംഗിക താല്പര്യം വർദ്ധിപ്പിക്കാനുള്ള വഴികൾ മനുഷ്യർ തേടിയിരുന്നു.കാമശാസ്ത്രം, കുചിമാരം, കൊക്കോകം മുതലായ ഗ്രന്ഥങ്ങളും ചുവർചിത്രങ്ങളും ശില്പങ്ങളുമൊക്കെ ഇതിനുള്ള തെളിവു നൽകുന്നു.

ലൈംഗികതയ്ക്ക് ആരോഗ്യജീവിതത്തിലുള്ള പ്രാധാന്യത്തെ കണക്കിലെടുത്ത് ആയുർവേദത്തിൽ ലൈംഗികശേഷിയും ആരോഗ്യക്ഷമതയും വർദ്ധിപ്പിക്കാനുള്ള നിരവധി യോഗങ്ങളും ചികിത്സകളും അടങ്ങിയ വൃഷ്യചികിത്സ എന്നൊരു വിഭാഗം തന്നെയുണ്ട്. പ്രത്യേക മാംസരസങ്ങളും കഷായങ്ങളും മറ്റു മരുന്നുകളും ചേർത്ത് വിധി പ്രകാരം തയ്യാർ ചെയ്യുന്ന വാജീകരണഔഷധങ്ങൾ ബീജവർദ്ധനവിനും ലൈംഗികക്ഷമതയും വീര്യവും പരിപോഷിപ്പിക്കുന്നതിന് സഹായകമാണ്.
നവരയരി, നെയ്യ് ,മധുര ദ്രവ്യങ്ങൾ, സ്നിഗ്ധവും ഉത്തേജകവുമായ ഭക്ഷ്യപദാർത്ഥങ്ങൾ, നാടൻ കോഴിയുടെയും ആടിന്റെയും മാംസം, സൂപ്പ് തുടങ്ങിയ കാമോദ്ദീപകങ്ങളായ ഭക്ഷണരീതികളും പുറമേയുള്ള ലേപനങ്ങളും വൈദ്യ നിർദ്ദേശാനുസരണം ശീലിക്കുകയും ചെയ്യുന്നത് കൂടുതൽ ബലവും ആരോഗ്യ വർദ്ധനവുമുണ്ടാക്കുന്നു.കൂടാതെ തെറ്റിദ്ധാരണകൾ മാനസിക പ്രശ്നങ്ങൾ, കഴിഞ്ഞകാലത്തുള്ള ദുരനുഭവങ്ങൾ തുടങ്ങിയവ മാറ്റിയെടുക്കാൻ ഹിപ്നോട്ടിസം, ബിഹേവിയർ തെറാപ്പി തുടങ്ങിയ മന:ശ്ശാസ്ത്ര ചികിത്സകളും നൽകുന്നു.

ചികിത്സയോടും ആഹാരരീതികളോടുമൊപ്പം തന്നെ ലൈംഗികതയിൽ ഏറ്റവും കൂടുതൽ പ്രാധാന്യമർഹിക്കുന്നത് പങ്കാളികൾ തമ്മിലുള്ള മാനസികവും ശാരീരികവുമായ അടുപ്പവും ഇണക്കവും തന്നെയാണ്. അതു കൊണ്ട് തന്നെ സദ്ഗുണ സമ്പന്നയും സമർത്ഥയും ഹിതമായ രീതിയിൽ സംസാരിക്കുന്നവളുമായ ഒതുക്കവും വിധേയത്വമുള്ള ലക്ഷണയുക്തയായ സ്ത്രീയുടെ സാമീപ്യവും സംസർഗ്ഗവും തന്നെയാണ് പുരുഷനെ ഏറ്റവുമധികം ഉത്തേജനവും ആനന്ദവും നൽകുന്ന രീതിയിൽ ലൈംഗിക ബന്ധം ആസ്വദിക്കാൻ സഹായിക്കുന്നത്.

ശ്രീ വൈദ്യനാഥം ആയുർവേദ ഹോസ്പിറ്റൽ
തൃപ്പൂണിത്തുറ
Ph:9188849691

16/09/2019