Kapte Ayurvedic Hospital

03/07/2025

👨‍👩‍👦👪यशस्वी आणि आनंदी पालकत्वाची सूत्रे.👨‍👩‍👦👪

केवळ आई-वडील म्हणतात म्हणून मुलं निमुटपणे ऐकून घेतील, असा काळ आता राहिलेला नाही. एखाद्या नियमांमागचं तारतम्य (लॉजिक) जोपर्यंत मुलांना नीट पटलेलं नसतं, तोपर्यंत त्याची बिनशर्त (ब्लाइंड) अंमलबजावणी मुलांनी करावी अशी अपेक्षा ठेवणेच खरंतर चुकीचं आहे.

तीव्र प्रतिक्रिया, झोंबणारे अपमान, क्रूद्ध अविर्भाव व धमकीची भाषा हे पर्याय बोथट व निरुपयोगी तर आहेतच पण व्यक्तीचं पूर्ण व्यक्तिमत्व विस्कळीत करून टाकतील अशा क्षमतेचे आहेत.

मुलांना विश्वासात घेऊन त्यांच्या स्वत्वावर आघात न करता, समंजसपणे, योग्य अविर्भाव व भाषा वापरून कुठलाही विषय खरंतर मांडला जाऊ शकतो, हे पालकांनी समजणं आज अत्यंत गरजेचे झालं आहे. आपल्या कृतीतून जीवनशैलीचे धडे मुलांनी शिकावेत त्यात केवळ बाह्य नियमच नव्हे तर बोलण्याची, संवादाची योग्य समंजस व संतुलित पद्धत मुलांनी शिकावी ज्याचा उपयोग आयुष्यभर त्यांना सर्व परिस्थितीमध्ये व नात्यांमध्ये होऊ शकेल हे खरंतर अगत्याचा आहे.

डॉ. योगेश कप्ते
कप्ते आयुर्वेद व विद्यार्थी व पालक समुपदेशन केंद्र, उदगीर.

01/07/2025

06/09/2024

01/09/2024

निसर्गाच्या सानिध्यात 7 दिवासीय पंचकर्म शिबीर. दिनांक 13 सप्टेंबर ते 19 सप्टेंबर.

16/08/2024

🙏नाव नोंदणी चालू 🙏पुढील पंचकर्म शिबीर दिनांक 30 ऑगस्ट ते 5 सप्टेंबर 🫀.

Send a message to learn more

15/08/2024

🙏"पंचकर्माद्वारे शरीरशुद्धी व मनःशांती ते ही निसर्गाच्या सानिध्यात "🙏

पुढील Batch,
दिनांक 30 ऑगस्ट ते 5 सप्टेंबर 2024 (फक्त 6 व्यक्ती ).

संपर्क.
कप्ते आयुर्वेद हॉस्पिटल व पंचकर्म केंद्र, नगर परिषद कॉम्प्लेक्स, B Wing, 2nd floor. उदगीर.
☎️ 9545366244

Send a message to learn more

01/03/2024

'लैंगिकता' व 'पालकत्व' - 2
जबाबदार लैंगिक वर्तन म्हणजे नेमकं काय असा बेसिक प्रश्न पडतो. याचं उत्तर सरळ आहे. ज्या वर्तनाच्या सर्व संभाव्य परिणामांची पुरेपूर जाण व्यक्तीला असावी, अशा वर्तनाच्या तमाम परिणामांची जबाबदारी घेण्याची क्षमता व तयारी जेव्हा व्यक्तीमध्ये असते तेव्हाच त्याला जबाबदार लैंगिक वर्तन असे म्हणतात.
योग्य ती माहिती व क्षमता नसताना केवळ शारीरिक आवेगाच्या अधीन होऊन बेभान होणं; आपल्या वर्तनाच्या परिणामांची तमा न बाळगता त्याला बळी पडणं यालाच बेजबाबदार लैंगिक वर्तन असे म्हणतात.
अविचाराने भावनेच्या भरात केलेल्या लैंगिक चुका कधी शरीरावर, कधी मनावर,कधी व्यक्तिमत्त्वावर तर कधी व्यक्तीच्या पूर्ण जीवनावर कायम स्वरूपाचे घाव करू शकतात, याची सावध कल्पना असणं यालाच Consequential Thinking म्हणजेच "परिणामाचे तारतम्य असणं" असं म्हणतात. हे तारतम्य वाढीच्या वयात मुलांमध्ये विकसित करण्याच्या दृष्टीने सुजान पालकांनी कार्यरत राहणं हे खूप गरजेचे आहे. त्यासाठी मुलांबरोबर जीवनाच्या सर्व अंगांबद्दल सतत व सहज असा सुसंवाद होत राहणं गरजेचं आहे.अशा सुसंवादामध्ये लैंगिकते बाबतची चर्चा समाविष्ट असणं अगत्याचा आहे. त्यासाठी आधी आपली स्वतःची पूर्ण तयारी असायला हवी.

इंटरनेट येण्याआधीच्या काळात माहिती व मूल्य शिकण्याचे केंद्र पालक व शिक्षक असत. आज हे समीकरण बदललं आहे. इंटरनेटच्या मदतीने माहिती मिळवणं आज अधिक सुलभ जरी झालं असलं तरी मिळालेली माहिती किती योग्य किंवा अयोग्य हे ठरवणार कोण हा खरा महत्त्वाचा प्रश्न आहे. शिवाय मूल्य व परिणामाचे तारतम्य ह्या गोष्टी वाचून शिकायच्या नसतात तर वागणुकीत पाहून शिकायच्या असतात म्हणूनच पालकांची जबाबदारी आता खूप वाढली आहे.

28/02/2024

🔴'लैंगिकता' व 'पालकत्व'👨‍👩‍👦👪

पौगंडावस्थेच्या उंबरठ्यावर संप्रेरकांनी छेडलेली एक नवीन गरज मुलांच्या शरीरात अवतरते. अशावेळी ज्या भावना- वासना मुलांना अगदी नवीन असतात त्यांना सामोरे जाताना त्यांनी अडखळणं,धडपडणं किंवा चूक करणे हे स्वाभाविकच आहे. याच काळात एखादा 'ऑबसेसिव्ह कॉम्पल्सईव्ह डिसॉर्डर' चा शिकार होऊ शकतो. या मानसिक आजाराचा उगम अपराधीपणाच्या तीव्र भावनेमधून होतो.आत्मसंदेह, आत्मग्लानी या भावनांचा गुंता व्यक्तीला त्यात जखडून टाकतो. मुलांमधल्या या नाजूक स्थित्यंतराला पालकांनी नीट समजून घेणं खूप महत्त्वाचं असत.