ShriDharana Yoga School

21/10/2022

17/10/2022

🙏🙏!! హరేకృష్ణ ఆత్మ బంధువు లందరికీ ప్రణామములు !!🙏🙏

ప్రతి రోజూ మనం ఆహారం తీసుకునే ముందు తప్పనిసరిగా పఠించాల్సిన శ్లోకములు:-

బ్రహ్మార్పణం బ్రహ్మ హవిః బ్రహ్మాగ్నౌ బ్రహ్మణాహుతమ్ |
బ్రహ్మైవ తేన గంతవ్యం బ్రహ్మ కర్మ సమాధినః ‖ (4.24)వ శ్లోకం

అహం వైశ్వానరో భూత్వా ప్రాణినాం దేహ-మాశ్రితః |
ప్రాణాపాన సమాయుక్తః పచామ్యన్నం చతుర్విధమ్|| (15.14)వ శ్లోకం

శ్రీ కృష్ణ భగవానుడు చెప్తున్నారు " నేను నీ లోపల వైశ్వానరుడనే జఠరాగ్ని రూపంలో ఉండి నువ్వు తిన్నదంతా నేను స్వీకరించి పచనం చేస్తాను" అని. అంటే మనం తీసుకునే ఆహారం ఆ అగ్నికి హవిస్సు లాంటిదన్నమాట.
శరీరం, మనస్సు మరియు ఆత్మ యొక్క సంరక్షకుడైన భగవంతుడు - ప్రతి గ్రహంలో ప్రవేశించి, కాంతిని మూలంగా చేసుకొని చంద్రునిగా మారి తద్వారా అన్ని పంటలకు జీవరసాన్ని సరఫరా చేస్తాడు. ఇంకా శ్రీకృష్ణుడు వ్యక్తిగత స్థాయిలో కూడా మన హృదయాలలో సంరక్షకుడిగా ఉంటాడు. ఎలాగంటే మనలో జఠరాగ్నిగా, 4 రకాల ఆహార పదార్థాలను జీర్ణం చేయుటకు ఉచ్ఛ్వాస, నిచ్ఛ్వాస కలిగి ఉన్న ప్రాణవాయువుతో కలుస్తాడు. ఆ దేవాదిదేవుడు జీర్ణం కావడానికి సహాయం చేయకపోతే, మనం తినడం కూడా ఆనందించలేము. మన జీవితంలోని మన మనుగడకు ప్రతి ఒక్క విషయంలోనూ భగవంతునిపై ఆధారపడతాము. మన
జీవితంలో మనకెవరైన సహాయం చేస్తే వెంటనే కృతజ్ఞతలు తెలియచేస్తాము కదా మరి అన్ని సమకూర్చువాడు అయిన పరమాత్మకు ఎంత కృతజ్ఞతలు తెలియజేయాలి.
మనం తినే ఆహారమే మన మనస్సు క్రింద మారుతుంది. కనుక వండుకునేటప్పుడు భగవన్నామ స్మరణ చేస్తూనో, హరినామ సంకీర్తన చేస్తూనో వంట చేసుకోవాలి మరియు తినే ప్రతిసారి ప్రతి ఒక్కరూ తప్పనిసరిగా పఠించాల్సిన భగవద్గీత శ్లోకాలు.

అసతోమా సద్గమయా |
తమసోమా జ్యోతిర్గమయా |
మృత్యోర్మా అమృతంగమయా|
ఓం శాంతిః శాంతిః శాంతిః||

అంటే మనం తినే ఆహారం మనల్ని అజ్ఞానం వైపు నుంచి వెలుగు వైపు నడిపిస్తాయి అని పై శ్లోకం యొక్క అర్ధం. కాబట్టి ఈ రోజు నుంచి ప్రతి ఒక్కరూ ప్రతిపూట ఈ 3 శ్లోకాలు చదివిన తర్వాతే తినడం అలవాటు చేసుకుందాం.

🙏!! హరేకృష్ణ !!🙏

01/10/2022

🙏

24/09/2022

దొంగలు పడ్డారు !
౼౼౼౼౼౼౼౼౼౼౼
ఒక కవి ఇంట్లో
దొంగలు పడ్డారు!
ఆరు వారాల నగలు
మూడు లక్షల నగదు
ఐదు పుస్తకాలు పోయాయి!!

పుస్తకాలది ఏముందయ్యా...నగలు నగదు చోరీ జరిగిందని కేసు నమోదు చేసుకున్నాడు పోలీసు.

పోలీసుల దర్యాప్తు జరుగుతోంది..నెలలు గడుస్తున్నా జాడలేదు...ఇక వడిసెను సుమతీ అనుకున్నాడు కవి....

ఐదు నెలల తర్వాత ఇంటికి ఒక పార్సిల్ వచ్చింది.. అందులో నగలు నగదు భద్రంగా పంపించారెవరో...కవి గారి భార్య పిల్లలు వాటిని కళ్ళకు అద్దుకుని ఆనందించారు...

పుస్తకాలు పోతేపోయినయి.. సొమ్ము దొరికింది అంతేచాలు అన్నారు భార్యాపిల్లలు..

ఆ పుస్తకాలు నా పంచప్రాణాలు అన్నాడు కవి...
" పోద్దురు బడాయి "

" పదేళ్లు కష్టపడి ఐదు పుస్తకాలు రాశానే...అవి నా పంచప్రాణాలు... పంపించినవాడు పుస్తకాలు పంపించి...నగదు నగలు పంపించకపోయినా బాధపడక పోయేవాడిని...కష్టపడితే సొమ్ము సంపాదించగలను..మళ్ళీ ఆ పుస్తకాలు రాయలేనే...అవి సరస్వతీ దేవి అమ్మవారు "... ఎడ్వడం మొదలెట్టాడు.

" నీ పుస్తకాలు సరస్వతీదేవీ ఐతే.. నా నగలు నగదు సాక్షాత్తు లక్ష్మీదేవి.. ఆ దొంగేవడో పిచ్చోడు " ఆనంద పడింది.ఇంతలో ఆ పార్సిల్లో ఒక కవర్ కనిపించింది.దాన్ని చించి అందులోని చీటి ఆసక్తిగా చదవడం ప్రారంభించింది ఆవిడ.

కవి గారికి
నమస్కారములు...
బీరువా తాళాలు పగులగొట్టి చూశా..నగలు నగదు పక్కన పుస్తకాలు కనిపించగానే ఇవేవో ఖరీదైనవని భావించి దోచుకెళ్లా..బీరువాలో ఎందుకు దాచారు...వీటిలో నిధి రహస్యాలు ఏమైనా ఉన్నాయేమోనని ఓపిగ్గా వాటిని చదివా..నగదు నగలుకన్నా గొప్ప నిధి దొరికింది.. అది జ్ఞాన నిధి..తప్పుచేశానని తెలుసుకున్నా..
ఈ లోగా నాభార్య పాతికవేలు ఖర్చుచేసింది.. చమటోడ్చి సంపాదించి కొద్దినెలల్లో మనియార్థర్ చేస్తా..డబ్బుతో పాటు పుస్తకాలు పంపిస్తా.. ఐతే వాటి జిరాక్స్ ప్రతులు మాత్రం తీసుకుని నావద్ద ఉంచుకుంటా... వాటిని మా పిల్లలతో పాటు తోటివారితో చదివిస్తా.. ఒకవేళ పుస్తకాలు దొంగిలించకపోతే నగలు నగదు తిరిగి పంపించేవాడినికాదు.. ఇప్పుడు నా దృష్టిలో నగలు నగదు కన్నా పుస్తకాలే విలువైనవిగా కనిపిస్తున్నాయి...ఈ రోజు నుంచి దొంగతనాలు మానేస్తున్నా... పుస్తకాలు అచ్చేసుకునేందుకు తోచిన డబ్బుకూడా మీకు పంపించే ప్రయత్నం చేస్తా...
ఇట్లు
దొంగతనాలు మానిన దొంగ

ఇప్పుడు కవి ముఖంలో ఆనందం..
ఆయన భార్య ముఖంలో ఆలోచనలు
లక్ష్మీదేవి గొప్పదా?
సరస్వతీ దేవి గొప్పదా?
------------------'-------------------------------------------------
ఎంత చక్కని కధ. రచయిత కు అభినందనలు.

*కావున విద్యార్థులకు పుస్తకాపాఠనాన్ని ఒక నిధిగా..*
*పుస్తక అన్వేషణనే ఒక ఆయుధంగా పిల్లలకి తోడ్పాటు అందించగలరని నా యొక్క మనవి...*

చదవగానే Forward చెయ్యాలనిపించినట్లైతే చేసేయండి....
Forwarded as received