12/02/2026
आदर्श आयुर्वेदिक हॉस्पिटल विटा येथे शालेय विद्यार्थ्यांची सर्वांगीण आरोग्य तपासणी; आरोग्यविषयी जागरुकतेला चालना.
विद्यार्थ्यांचे शारीरिक व मानसिक आरोग्य सुदृढ राहावे यासाठी लोकनेते माननीय हणमंतराव पाटील चॅरिटेबल ट्रस्ट विटा या संस्थेतील शाखांच्या विद्यार्थ्यांची आदर्श आयुर्वेदिक हॉस्पिटल अँड रिसर्च सेंटर विटा येथे मोफत व सर्वांगीण आरोग्य तपासणी करण्यात आली. या उपक्रमात शाळेतील इयत्ता LKG ते दहावी मधील सुमारे २००० विद्यार्थ्यांनी सहभाग घेतला. हे शिबिर सोमवार दि. 9 जानेवारी 2026 ते दि. 18 जानेवारी 2026 या कालावधीत राबविण्यात येत आहे. शिबिराच्या पहिल्याच दिवशी
आरोग्य तपासणी दरम्यान विद्यार्थ्यांचे वजन, उंची, रक्तदाब, दृष्टी, दातांची तपासणी तसेच त्वचारोग व सामान्य आजारांची तपासणी करण्यात आली.
आयुर्वेदिक तज्ञ आयुर्वेदाचार्य डॉ. प्राणेश पी. व डॉ. रेश्मा के. या डॉक्टरांनी प्रत्येक विद्यार्थ्यांची सखोल तपासणी करून आवश्यकतेनुसार उपचार व मार्गदर्शन केले. तसेच विद्यार्थ्यांना आयुर्वेदिक औषधोपचार, स्वच्छता, संतुलित आहार आणि निरोगी जीवनशैली बाबत उपयुक्त माहिती देण्यात आली.
यावेळी डॉक्टरांनी विद्यार्थ्यांना मोबाईलचा अतिवापर टाळणे, दररोज व्यायाम करणे, वेळेवर झोप घेणे व पौष्टिक आहार घेण्याचे महत्व समजावून सांगितले. आरोग्य चांगले असेल तर शैक्षणिक प्रगती साधता येते, असे प्रतिपादन त्यांनी केले.
या उपक्रमामुळे विद्यार्थ्यांच्या आरोग्य स्थितीचा आढावा घेण्यास मदत झाली असून, आजारांचे लवकर निदान होण्यास चालना मिळाली आहे. पालकांच्या मध्येही आरोग्याबाबत जागृती वाढली आहे.
कार्यक्रमाच्या यशस्वी आयोजनासाठी शाळेचे मुख्याध्यापक, शिक्षकवृंद, आरोग्य कर्मचारी, पालक व विद्यार्थी यांनी विशेष सहकार्य केले. हॉस्पिटल प्रशासनाने अशा आरोग्यविषयक उपक्रमांचे सातत्याने आयोजन करण्याचा मानस व्यक्त केला आहे.
हे शिबिर आयोजन करणे साठी संस्थेचे संस्थापक अध्यक्ष ॲड. मा. सदाशिवभाऊ पाटील व संस्थेचे अध्यक्ष ॲड. मा.वैभवदादा पाटील, संस्थेचे कार्यकारी संचालक P. T. पाटील सर, संचालिका पूजा पाटील मॅडम, हॉस्पिटल प्रशाशक योगिता सूर्यवंशी मॅडम व डॉ. दादासाहेब पाटील सर यांचे मोलाचे पाठबळ लाभले. स्कूल युनिट चे सर्व मुख्याध्यापक यांच्या अनमोल सहकार्याने हे शिबिर यशस्वी होत आहे.
