د. مروان بلاسم Dr.marwan balasim

06/05/2026

شاهد كيف يحصل الانزلاق الغضروفي ويضغط على الاعصاب

29/12/2025

🔴اكثر من (٩٠٪ ) من المرضى الذين يعانون من انزلاق غضروفي يمكن علاجهم علاج تحفظي .

15/12/2025

من قَطَعَ صِلَتَهُ بالله، لن يرى السعادة حتى في اعظم انجازاته .

05/10/2025

🧑‍⚕️كيف تفرق بين ألم الانزلاق الغضروفي والألم العضلي اسفل الظهر❓⁉️

22/07/2025

🟥استئصال انزلاق غضروفي قطني عجزي مسبب الم شديد في الفخذ والساق الايسر، وتركيب غضروف قفص كربوني وتثبيت الفقرات .
🟩المريض ولله الحمد خرج متحسنناً من الالم
#دمروان

22/07/2025

22/07/2025

🟥استئصال ورم بالحبل الشوكي ،مسبب شلل تام بالاطراف السفلية
🟩الحمدلله الحركة عادت مباشرة بعد العملية

#دـمروان

30/05/2025

كنت مرهق جدا وفى اشد الحاجه للراحه ، جالي اتصال من المستشفى بيبلغنى بحالة زايده بالمنظار .

ولانى كنت مرهق اتصلت بكل الزملاء اللى باتعاون معاهم يمكن حد فيهم يكون فاضى يخدر الحاله بدلا منى ولكن للاسف الكل غير متاح ، مفيش حد ولازم انا اللى اخدر المريضه .. توكلت على الله وشربت كوب من القهوه وبدأت استعيد بعض النشاط و روحت انيم الحاله ( وياريتنى ما كنت روحت )

مريضه اقل من ٤٠ سنه تاريخها المرضى ليس به ما يقلق طبيب التخدير اطلاقا ..بدأت اجراءات التخدير وكل شئ على ما يرام و مرت لحظات العمليه وكله تمام والنبض والضغط ومعدلات ثانى اوكسيد الكربون (Etco2) كله زى الفل ..الاجراء الجراحى لم يستغرق نص ساعه وبدأت مرحلة ايقاظ المريضه ..
بدون تفاصيل طبيه لما بنصحى المريض بنقفل غازات التخدير و بنستنى المريض يبدأ ياخد نفسه ونديله الريڤيرس ونشفط الافرازات من فمه ونشي الانبوبه ونصحيه ..
كانت كل حاجه زى الفل والمريضه بتاخد نفسها واخدت الريفيرس وهاشفط واشيل الانبوبه

مره واحده وبدون سابق انذار ، المريضه بطلت تاخد نفسها .. بصيت على بالونة التنفس والويڤز اللى بيرسمها جهاز التنفس كله flat ..ضربات قلبى بتتسارع كرد فعل طبيعى على الشعور بالخطر ..نظره على المونيتور ( جهاز متابعة المريض ) كان رسم القلب راسم (V.F) ارتجاف بطينى بالقلب
للحظه فكرت ( او على ادق تعبير اتمنيت ) ان المونيتور يكون بيخرف وحطيت ايدى على رقبة المريضه احس النبض فى شريان الرقبه ..كنت حاسس بتنميل فى ايدى وانا بارفعها واحطها على رقبة المريضه وباعد وان ،تو، ثرى ،فور .. تين ..
للاسف المونيتور على حق العيانه قلبها وقف ...

كان معايا فى الغرفه الفنى منتظر ينقل المريضه لما تصحى وممرضة التخدير اللى بتساعدنى بصيتلهم وانا باحاول اتماسك واسيطر على انفعالاتى واظبط قراراتى وطلبت منهم طلبين :
اطلبوا مساعدة زملائى من الغرف المجاوره و هاتوا الكراش ترولى من الطرقه ..

كنت باتكلم وانا باتحرك بشكل اوتوماتيكى ( برغم كل الانفعالات اللى جوايا ) وشغلت جهاز التنفس الصناعى وطلعت على السلم بجوار المريضه علشان اشتغل CPR ) انعاش القلب) ..
لحظات وانا لوحدى مع المريضه باعمل CPR فى انتظار المساعده ، سؤال ورا سؤال بيخبط فى دماغى :
ليه قلبها وقف ..هترجع ولا لا ..لو رجعت هترجع بعد قد ايه ..ولو رجعت هترجع سليمه ولا باى نسبة عجز ..
هاقول لاهلها ايه ..اهلها هيعملوا معانا ايه ..؟!

عقلى بفضل الله ضرب كل الاسئله دى بعرض الحائط وحمل مكانهم صفحة ال algorithms من كتاب ال Als ..
وصل الدعم وادينا صدمات للقلب ..
صدمه .. التانيه .. التالته .. العيانه بتقلب asystole بنستمر فى ال CPR .. امبولات الدرينالين عماله تتكسر امبول ورا امبول ... وكميات تانيه من الادرينالين عماله تجرى فى عروقى وتنفض فى قلبى ..
ال CPR ده عامل زى ما تكون بتلعب ضغط على صدر المريض .. انا فى العادى لو لعبت ضغط ما باقدرش اعمل ١٠ ضغطات على بعض .. فى ال CPR احنا بنضغط بمعدل ١٠٠ - ١٢٠ ضغطه فى الدقيقه .. فى العادى بنستمر فى ال CPR لمدة ٢٠ دقيقه ولو المريض ما رجعش بنعلن الوفاه ..

بعد ٢٠ دقيقه كان كل اللى فى الغرفه اصيبوا بالارهاق واليأس وكلهم بدأوا يركنوا ضهرهم على الحيطه ويتراجعوا ...
لكن انا ما كانش عندى الرفاهيه دى .. مفيش قدامى غير حل من اتنين " يا هى ترجع يا نا اموت " مفيش حل تالت اصل هاقول لاهلها ايه .. هافهمهم ازاى ان البنج ده شئ مرعب وان الوفاه المفاجأه ممكن تحصل مع اى مريض ومع اى عمليه هايفه حتى لو عملية زايده ..
عدت ساعه الا تلت والانعاش القلبى الرئوى مستمر بلا توقف والارهاق واليأس على وجوه الزملاء و عنيهم بتقولى " خلاص بقى ده عمرها " ..
مش بس عنيهم اللى كانت بتقول خلاص .. قلبى اللى ضرباته عدت ال ١٢٠ ضربه فى الدقيقه عضلات كتفى اللى بقيت مش حاسس بيهم وحتى صوتى اللى بقى بيطلع بالعافيه من النهجان وانا بقول ( ادى ادرينالين ) وعقلى اللى ماسك ورقة ال algorithms وواقف يعيط كلهم بيقولوا خلاااااااص ..

ساعه الا تلت وانا واقف بشتغل CPR وباقول خلاص اخر محاوله ..بس طالما اخر محاوله بقى يبقى اسيب كل الاسباب اللى اخدت بيها والجأ لرب الاسباب ..
غمضت عينى واستمريت فى الضغط و دعيت " يارب انقطعت الاسباب الا منك وانقطع الرجاء الا اليك .. يارب ارحم ضعفى وضعفها وارحم لوعتى ولوعت من يحبها ... يارب لو مش علشانى وعلشانها طيب علشان خاطر عيالها وعيالى " ..
انتهيت من الدعاء وانتهيت من ال CPR و ربنا فرجها برحمته ..
القلب رجع .. النبض رجع ...
وشوش الناس كلها نورت .. الناس كلها بتقول الحمد لله الحمد لله ... الا انا ... كنت باقول خليك معانا فى اللى جاى يارب .. يارب تفوق وتنفصل بدون اى عاهه او اصابه ...
طلعنا المريضه العنايه وبدأنا علاج ما بعد عودة النبض بعد توقف القلب ..
انا كنت منهار ومحطم ومفيش عندى اى باور بس المشكله انى انا مدير العنايه اللى المريضه اتحجزت فيها يعنى لسه شغلى ما انتهاش .. يعنى كل اللى كانوا معايا فى العمليات هيروحوا وانا لسه هاواصل رحلتى مع المريضه والمجهول فى الرعايه ...
بدون الخوض فى تفاصيل طبيه كان قرارى انى اسيب المريضه تحت تأثير المخدر على جهاز التنفس الصناعى لمدة ٤٨ ساعه وخلال الوقت ده هاكثف كل مجهود انى اظبط كل الوظائف الحيويه وكل امورها وبعد كده ابدأ محاولة الفصل بعد ال ٤٨ ساعه .. يعنى بالبلدى نعدى كل مطبات الهوا ونتمنى ان ننا نعمل smooth landing .. على الساده ركاب الطائره ربط الاحزمه لكن بما انى الطيار وهاتحمل كل النتائج فمش هاربط الحزام ..

ال ٤٨ ساعه دول ما سيبتش المريضه و عاملت نفسى كانسان غير ساعتين تلاته على بعض ..
فاكر ان كل اللى كان بيشوفنى كان يقولى " انت هتموت نفسك كده " ..فاكر كل لحظه كل ABG كل تحليل كل مطب عديناه مع بعض ..
فاكر وانا باعمل reassurance لاهلها وانا نفسى محتاج اللى يطبطب عليا ..
فاكر امى لما بتكلمنى فى التليفون وبتقولى " مالك يا اسلام صوتك تعبان قوى " وانا باقولها " انا فى كرب شديد ادعيلى "
فاكر انى كنت باموت حرفيا وانا مستنى ايه اللى هيحصل بعد ٤٨ ساعه ..عدوا ال ٤٨ ساعه وبدأنا محاولة الفصل .. كنت سامع كل اراء الزملاء اللى انا كنت مقتنع بيها ان مفيش عيان بيفضل فى توقف لعضلة القلب امدة ساعه الا تلت وبيرجع تانى بس كان عندى اقتناع ان دعوة امى مش هتضيع .. دعوة اهلها دعوة كل اللى طلبت يدعولنا ربنا مش هيضيعها ...

وكانت المفاجأه المريضه صحيت وقعدت واتصورنا واحنا رافعين علامة النصر ⁦❤️⁩⁦❤️⁩
المريضه رجعت لاهلها وبناتها وحبايبها بس انا اتكسر جوايا حاجه مش عارف ايه هى .. بس كل اللى يعرفونى كويس بيقولولى انت متغير .. طيب اقولكم على حاجه انا بقيت باخاف انيم حالات الزايده انا حتى بقيت باخاف ادخل الغرفه اللى شهدت الواقعه دى ...

ده موقف من حياة دكتور تخدير زى دكتور التخدير اللى مات من ارهاق العمل وبعض الحيوانات فى صورة بشر اتهموه انه طماع والمفروض يتحاسب علشان اهماله فى المرضى ..
بجد انا عمرى ما شوفت كده ..
الخبر دا خلانى لا اراديا ارجع بالذاكره لظروف حاله كل ما افتكر تفاصيلها بتعب نفسيا وجسديا

Dr Islam Nasr

05/05/2025

الأول على دفعتنا كان آخر واحد حصل فينا على الدكتوراه لدرجة إن البعض ظن إنه هيترفد قبل ما يحصل عليها، أعلى دكتور علمًا في قسمنا طلع معاش من غير ما ياخد درجة أستاذ، زميلنا اللي سافر أمريكا وأحنا شباب عشان البحث العلمي هناك فرصته أفضل غيّر الكارير لما لقي إن في شغلانات تانية أسهل كتير وبمرتبات أفضل، أكتر واحد في دفعتنا كان مرح ومتواصل مع الجميع تُوفي بعد التخرج بفترة بسيطة وهو في حالة اكتئاب، واحد زميلنا كان فرحان إن خلفته كلها صبيان وشايف إن ده مصدر فخر، حاليًا شقيان بأخلاق عياله وانفصل عن مراته.

أنا مش بقول إن دي قواعد لازم هتحصل ولا بقولك متجتهدش عشان كلها محصلة بعضها، بالعكس أنا بس بفكر نفسي كل ما الاقيني متأخر أو مُحبط من تراكم المشاكل عليا إن حياتنا ماراثون طويل مليان منعطفات وعمر النجاح ما بيدوم فيها بمجرد الوصول لهدف ولا الفشل هيدوم لمجرد التأخر عن هدف.

-د. عماد عبد الجواد
فقه الطبيب

02/04/2025

اصعب شيئ في الطب ليس تعلمه ، انما كيف تأكل منه بالحلال .

04/03/2025

لا تنظر الى الناجح كيف فاز
ولكن إنظر إليه كيف تدرب .