18/01/2024
عند ظهور القاطع السفلي الامامي الدائمي بهذه الحالة راح يمثل وحدة من اكثر المشاكل الي تخوف الاهل و يراجعون طبيب الاسنان حتى يعالجها
بس مثل هذه الحالة تعتبر حالة طبيعية بفسلجة الجسم عند ظهور السن و نسمي هيج حالة
self correction
بمعنى هي تصلح نفسها بنفسها وهالشي يكون بمساعدة حركة اللسان الي راح يدفع الاسنان و العظم بالاتجاه الامامي مثل ما موضح بالصورة الثانية حتى تحفز عظم الفك انه يتوسع حتى يكفي للاسنان الدائمية كونها اكبر من اللبنية
راح يرجع السن بمكانه الصح و ما تحتاج ابد الى تدخل الطبيب و قلع السن اللبني حتى يتقدم الدائمي لان قلع السن ممكن يسبب عدم توسع الفك بالشكل الكافي وهالشي يأدي الى تراكب الاسنان الدائمية لعدم تناسب حجم السن مع حجم العظم
وهالشي مثبت بدراسات معتمده من الاكاديمية الامريكية لطب أسنان الاطفال
بس اكو حالات
لازم يراجع الطفل طبيب الاسنان بيها في حال استمرت الحالة لمدة طويلة بدون اي حركة بالاسنان اللبنية حتى يشوف السبب و يعالجه
د.ندى علي الشرع /دبلوم مهني في طب أسنان الأطفال /اكاديمية اكسفورد
