18/01/2024
ڕۆڵی دایک و باوک لە دواکەوتنی قسەی منداڵدا:
تەمەنی (٠-٢) ساڵی گرنگترین قۆناغی ژیانی منداڵە بۆ فێربوون و گەشەی زمان. لەم تەمەنەدا بەوێنەی ئیسفەنج هەموو ڕووداو دەنگەکان هەڵدەمژێت.
یەکەم مەرجی قسەکردن، بریتیە لە وێنەدانەوە.
مەبەستمان لەوێنەدانەوەی هەستەکانی ئەوەیە، هەست بکات وەک مرۆڤێک ڕێزی لێ دەگیرێت، حسابی بۆدەکرێت و گاڵتە بەهەستەکانی ناکرێت.
چونکە زۆرکات کە منداڵ هەوڵی قسەکردن دەدات و دەنگێك دەردەکات پێی پێدەکەنین و لاسایی دەکەینەوەو پێی دەڵێین ئادەی دووبارەی بکەوە، لەبەر ئەوەش نەبێت کە نیازێکی خراپ وابکەین، بەڵام لەدونیای منداڵدا لێکدانەوەیەکی تری بۆدەکرێت .
هۆکارێکی تری دواکەوتنی قسەی منداڵ، دەنگی بەرز و پەلەکردنی گەورەکانە لەکاتی قسەکردندا.
- کاتێک منداڵ وشەیەک بەهەڵە دەڵێت، دروستە بۆی ڕاست بکەینەوە
منداڵ لەم قۆناغەدا هەوڵ دەدات پەی بەو جیاوازیە ببات کە لەنێوان وشەکانی خۆی و دایک و باوکیدایە هەیە. بە وزەیەکی چڕو ویستێکی زۆرەوە لە لێوەکانی دایک و باوکی ورد دەبێتەوە و هەوڵی ڕاستکردنەوەی ئەو وشانە دەدات کە بەهەڵە دەریان دەبڕێت
بۆ نموونە:- کاتێک منداڵ بەهەڵە دەڵێت:- (پم پم)،هەر دەربڕینێکی تر کە بۆ(ئاو)دەری بڕێت.
سەرەتا بەشێوەیەکی ئارام و لەسەرخۆ لێی نزیک دەبینەوە و دادەبەزینە ئاستی چاوی،ئینجا بێ ئەوەی گاڵتەی پێ بکەین، وشەکەی بۆ ڕاست دەکەینەوە و بەئارامی دەڵێین: (ئاو) بەدڵنیایەوە ئەم شێوازە ئەوەندەی تر تاو دەدات بەگەشەی فێربوونی زمان.
لە ئینستاگرامیش لەگەڵمانبن👇
https://www.instagram.com/edu_psy2022
