What are the opening hours?

Monday 14:00 - 18:00 Tuesday 14:00 - 18:00 Wednesday 14:00 - 18:00 Saturday 14:00 - 18:00 Sunday 14:00 - 18:00

https://www.facebook.com/profile.php?id=100088923706638&mibextid=ZbWKwL

Dr.Latif Najib Qaradaxi کلینیکی د.لطيف نجيب قه رەداغی/ نه شتەرگەری گشتى, As Sulaymaniyah (2025)

10/01/2025

🍁چەوری سەر جگەر Fatty liver:
بریتیە لە دروست بوونی چەوری ناسروشتی لەنێو خانەکانی جگەر.هۆکاری زۆرن و چەند قۆناغێکی هەیە، لەقۆناغی سێ بەدواوە نیشانەی دەبێ و کێشە ی تەندروستی دەرەکەوێ لەسەر کەسی تووش بوو.لێرەدا باسی قۆناغی سێی چەوری جگەر دەکەین.
🪷هۆکارەکانی قۆناغی سێی چەوری جگەر کە جگەر توشی بەڕیشاڵ بوون دەبێ:
١.زۆر خواردنەوەی مەی ومادەی کحولی
٢.قەڵەوی و بەرزی پەستانی خوێن و چەوری خوێن.
٣.نەخۆشی شەکرە.
٣.دابەزینی بەپەلەی کێش بۆنمونە دوای بڕینی گەدە.
٣. وەرگرتنی هەنێ دەرمان وەک ستیرۆید،تامۆکسیفین،میسۆترێکسەید.
٤.هەوکردنی درێژخایەنی جگەر بەهۆی ڤایرۆسی وەک جۆری C .
🪴نیشانەکانی: هەست کردن بە ماندوبون و بێ ووزەیی،ئازاری سک بەتایبەت سەرەوەی لای راستی سک،زەردوویی،دابەزینی کێشی ناسروشتی،گەورەبوونی جگەر کە بە پشکنینی دەستی پزیشک دەرەکەوێ،خورانی ناسروشتی پێست.
🍀دەستنیشانکردنی:
پشکنینی خوێن بۆ نمونە چەوری خوێن و ئەنزیمەکانی جگەر،سۆنەرو تیشک و پشکنینی موگناتیسی و فایبرۆسکان.وەرگرتنی شانەی جگەر لەڕێی دەرزی تایبەتەوە.
🌸چارەسەر:
دابەزینی کێش،خواردنی تەندروست،وازهێنان لە مەی وکحولیەکان،چارەسەری شەکرەو چەوریەکان و فشاری خوێن، سەردانی پزیشکی تایبەت بۆ بەدواداچون،دورکەوتنەوە لەخواردنی هەرشتێ کەزیان بەجگەر بگەیەنێ.
🌹لەگەڵ هیوای سەلامەتی وتەندروستی باش بۆ گشت لایەک🌹
د.لطيف نجيب قەرەداغی
پسپۆڕی نەشتەرگەری گشتی
٠٧٥١١٢٤٤٢٥٥ _ ٠٧٧٠٢٢٠٠٤٢٢
نزیک شەقامی ئیبراهیم پاشا،خوار مزگەوتی سەلیم بەگ،بەرامبەر نەخۆشخانەی ژیانی ئەهلی،تەنیشت دەرمانخانەی تاڤگە
#کلینیک #پزیشک #دکتۆر #چارەسەر #دەرمان #نەشتەرگەری

25/03/2024

لە کاتی خوێن بەربون لە کۆمەوە بەهۆی مایەسیریەوە بێ یان بێ هۆیەکی دیاری کراو، ئەبێت پشکنینی کۆلۆن بە نازور ئەنجام بدرێت بەتایبەت لەتەمەنی سەروو ٥٠ ساڵیدا…

10/04/2023

برین و تێچەقینی نینۆکی پەنجەی پێ(Ingroing toenail)☘️
بریتیە لە گەشە وتێچەقینی گۆشەی نینۆک بە پێستی قەراغی سەری پەنجەی پێ دا،بەتایبەت پەنجە گەورەی قاچ.گەنج و وەرزشەوان زیاتر توش ئەبن،ئەوانەش کە یەکێ لەم حاڵەتانەیان هەیە: نەخۆشی شەکرە،زیانگەیاندن بەدەماری قاچ،تێک چوونی سوڕی خوێنی قاچ، هەوکردن لەدەوری نینۆک.
🍁هۆکارەکانی: زۆرکورت کردنەوەی نینۆک یان بڕینی لاتەنیشت وگۆشەکانی کە شێوەی نیوەبازنەیی بێ،هەروەها لە پێ کردنی پێڵاوی تەسک و بچوک.زەبری پەنجەی پێ،گەورەیی نینۆک لە زگماکیەوە.
🍁نیشانەکانی: ئازار،سوربونەوە،هەڵئاوسان،گەرم بونی پەنجەکە،لێچونی تەڕایی هەوکردوو لەپەنجەکە.
🍁لێکەوتەکان: ئازاری بەردەوام و نەتوانینی رۆشتن وراکردن و لەپێ کردنی پێڵاوبە شێوەی ئاسایی، هەروەها لەوانەی سوڕی خوێنیان ناچالاکە یان شەکرەیان هەیە ئەگەری پەرسەندنی هەوکردنەکەی هەیە بۆشانەی دەوروبەرو ئێسکەکە.
🍁خۆپاراستن: بڕینی نینۆکەکان بە دروستی، زۆر کورت نەبێ و بەڕێکی بێت و گۆشەکانی نەبڕدرێت و باشترەپاش خۆشتن بکرێت،لەپێ کردنی پێڵاوی گونجاو کەبچوک و تەسک نەبێ و پەنجەکان نەگوشێ.
🍀چارەسەر:🍀
سەردانی پزیشکی نەشتەرگەری بۆ بڕینی بەشێ لە نینۆکەکەو کەوی کردنی رەگی نینۆکەکە لە ژێر سڕکردنی ناوچەیی پەنجەی پێ دا، وەرگرتنی دەرمانی ئازاروهەوکردن.
ئێستا خۆشبەختانە بەکەمترین تێچون و تازەترین تەکنیکی پزیشکی و بێ بڕینی گۆشت و پێستی دەوروبەری نینۆکەکە و بەکارهێنانی مادەیەکی تایبەت ڕەگی نینۆکەکە بە مادەیەکی کیمیایی کەوی ئەکرێت بۆ ئەوەی زووتر چاک بێتەوەوئازاری کەمتر بێت وهەڵیش نەداتەوە.
🌹لەگەڵ هیوای سەلامەتی وتەندروستی باش بۆ گشت لایەک🌹
د.لطيف نجيب قەرەداغی
پسپۆڕی نەشتەرگەری گشتی
٠٧٧٠٢٢٠٠٤٢٢_٠٧٧٠١٤٨٧٧٦٠
تەلاری ڤینا(نهۆمی دووەم) ،کۆتایی شەقامی ئۆرزدی ،بەرامبەر نەخۆشخانەی ژیانی ئەهلی،خوار مزگەوتی سەلیم بەگ
#چارەسەر #پزیشک #دکتۆر #نەشتەرگەری #کلینیک #تەندروستی #زانیاری #نینۆک #پەنجە #برین

12/03/2023

☘️زەردوویی( Jaundice):☘️
ئەم حاڵەتە بریتیە لە زەردهەڵگەڕانی ڕەنگی پێست و سپێنەی چاوو پەردەی ناوپۆشی ئەندامەکانی جەستە،بەهۆی بەرزبوونەوەی رێژەی بیلیروبین لەجەستەدا کەلەباری ئاساییدا بەهۆی تێکشکانی خرۆکە سوورەکان بەرهەم دێن، وە لەرێگەی مادەی زەرداوکەلەجگەردا دروست دەبێت ، فرێ دەدرێنە دەرەوەی جەستە.
🪴هۆکارەکانی:
١.پێش دروست بوونی بیلیروبین،بەهۆی نەخۆشی شی بوونەوەی خوێن کە تیایدا خرۆکە سورەکان زووتر تێک دەشکێن،هەروەها کۆبوونەوەی زۆری خوێن لە ژێر پێست بەهۆی بەرکەوتن بێ یان هەرهۆکاری تر .
٢.لەکاتی دروست بوونی بیلیروبین( هۆکاری نەخۆشی جگەر): هەوکردنی جگەر بەهۆی ڤایرۆسی جگەرA, B, C, یان ڤایرۆسی EBV.خواردنەوەی زۆری مەی.تێک چونی بەرگری لەش.نەخۆشی بۆماوەیی وەک DJSیان نەخۆشی گیلبەرت.وەرگرتنی هەندێک دەرمان وەک: ژەهراوی بون بە پاراسیتۆل،پەنسلین،کلۆرپرۆمازین،دەرمانی دژەسک پری،زیادوەرگرتنی هەنێ دەرمانی ستیرۆید کەبۆ دروست کردنی ماسولکە و لەش جوانی بەکاردێ.
٣.پاش دروست بونی بیلیروبین، بەهۆی گیرانی بۆری زراوەوە،هەوکردنی تورەکەی زراو، شێرپەنجەی تورەکەی زراو یان شێرپەنجەی پەنکریاس.
🪴نیشانەکانی: هەنێ جار نیشانەی نیە، بەپێی هۆکارەکەی نیشانەکانی ئەگۆڕێن،ئەگەر بەهۆی هەوکردنەوە بێت لەوانەیە نەخۆش هەست بە بونی تاولەرزوسک ئێشە و نیشانەکانی شێوە ئەنفلۆنزا بکات،لەگەڵ زەردبونی رەنگی پێست و تۆخ بونی رەنگی میزوکاڵ بونەوەی رەنگی پیسایی.لەکاتی بونی هۆکاری شێرپەنجەیی، نەخۆش جگە لەزەرد هەڵگەران، توشی خورانی لەش و دابەزینی کێش ئەبێ.
🪴دەستنیشانکردنی: ١. بونی نیشانەکانی نەخۆشی جگەر وەک دروست بونی پەڵەی شین یان مۆر لەژێر پێست،بونی خاڵی سوری نائاسایی لەسەرپێست،سورهەڵگەرانی لەپی دەست وپەنجەکان.
٢.پشکنینی میزوخوێن بۆ زانینی رێژەی بیلیروبین.
٣.سۆنەر و تیشکی سیتی سکان. ٤.پشکنینی شانەیی جگەر.
🪴خۆپاراستن: ئاسان نیە خۆپاراستن لێی بەپێی ئەوهۆکارەزۆرانەی هەیەتی،بەشێوەیەکی گشتی :دوورکەوتنەوە لەهۆکاری توش بوون بە ڤایرۆسی جگەر،کەمکردنەوەی مەی،دابەزینی کێش،کۆنترۆلی رێژەی کۆلیسترۆل.
🪴چارەسەر: سەردانی پزیشکی تایبەت بەزووترین کات ودۆزینەوەی هۆکارەکەی ودەستنیشانکردنی شێوازەکەی.زەردویی بەهۆی نەخۆشی وەک(گیلبەرت)چارەسەری ناوێ.
🌹لەگەڵ هیوای سەلامەتی وتەندروستی باش بۆ گشت لایەک🌹
د.لطيف نجيب قەرەداغی
پسپۆڕی نەشتەرگەری گشتی
٠٧٧٠٢٢٠٠٤٢٢_٠٧٧٠١٤٨٧٧٦٠
تەلاری ڤینا(نهۆمی دووەم) ،کۆتایی شەقامی ئۆرزدی ،بەرامبەر نەخۆشخانەی ژیانی ئەهلی،خوار مزگەوتی سەلیم بەگ
#زانست #تەندروستی #زانیاری #دەرمان #چارەسەر #پزیشک #دکتۆر #نەشتەرگەری #کلینیک #زەردوویی #جگەر

11/02/2023

سوپاس بۆ لایک و کۆمێنت و پشتگیری پەیجەکەتان، شاد و سەرکەوتوو وتەندروست بن.🌹🌷⚘️⚘️
received 400 reactions to my posts in the past 30 days. Thanks for your support. 🙏🤗🎉

05/02/2023

🌷هەوکردنی گەدە:
بریتیە لە هەوکردن و تەنک بونەوەو هەندێ جار برینداربوونی دیواری ناوپۆشی گەدە ونەخۆش هەست بە ئازاروئاوساوی سک و دڵەکزێ و دڵ تێکهەڵاتن ئەکات. لەوانەیە کتوپڕ بێت یان درێژ خایەن.
🌱هۆکارەکانی:
١.توش بوون بە بەکتریای گەدە(H.pylori)کە ناوپۆشی گەدە بریندار ئەکات و توشی هەوکردنی درێژخایەنی ئەکات.
٢.بەکارهێنانی دەرمانی ئازارشکێن و ستیرۆید بەتایبەت لەبەتەمەنەکاندا کەبەکاردێن بۆ ئازاری جومگەوئێسک وماسولکە.
٣.تێکچوونی بەرگری لەش،کەخرۆکەی سپی و دژەتەن هێرش بکەنە سەرناوپۆشی گەدە.
٤.گەڕانەوەی زەرداو بۆ گەدە.
٥.زۆرخواردنەوەی مادەکحولیەکان.
٦.زەبری جەستەیی، بۆ نمونە سوتان بەرێژەی زۆر، برینداربون یان جەڵدەی مێشک،نەخۆشیەک یان زەبرێکی قورسی جەستەیی.
🌱نیشانەکانی:
گۆڕانی رەنگی پیسایی بۆ رەش.سک ئاوسان، دڵ تێکهەڵاتن و رشانەوە،زوو هەست کردن بە پڕبوونی گەدە.نەمانی ئارەزوی خواردن،دابەزینی کێشی لەش،ئازاری بەشی سەرەوەی سک، خوێن هەڵهێنانەوە.
🌱هەوکردنی گەدە ناگوازرێتەوە، بەڵام بەکتریاکە کەهۆکارێکە، لەرێی کەل و پەل و پاشەرۆوەئەگوازرێتەوە.
🌱دەست نیشانکردنی: پشکنین لەرێی هەناسەوە( Urea breath test)،پشکنینی خوێن و پیسایی، ناوسک بینی(ناظور)، پشکنینی تیشک.
🌱چارەسەر: دەرمانی دژە هەوکردن و دژە ترشەڵۆک لەژێر سەرپەرشتی پزیشک.
دوورکەوتنەوە لە: خواردنی چەوروسورەکراووبیبەروتونیەکان، چاوقاوە،ئازارشکێنە دژەهەوکردنەکان،مادە کحولیەکان،دڵەراوکێ وسترێس،ژەمی قورس،پاڵ کەوتن دوای نانخواردن.
🌱ئاکامەکانی: کەم خوێنی بەهۆی برینداربونی گەدە و هەڵنەمژینی بڕی پێویست لە ڤیتامینB12، کون بوون وتەقینی دیواری گەدەو هەوکردنی ژەهراوی ناوسک،کەنەشتەرگەری بەپەلەی پێویستەومەترسی مردنی هەیە. توش بوون بە شێرپەنجەی گەدە بە هۆی هەوکردنی درێژخایەنەوە
🌹لەگەڵ هیوای سەلامەتی وتەندروستی باش بۆ گشت لایەک🌹
د.لطيف نجيب قەرەداغی
پسپۆڕی نەشتەرگەری گشتی
٠٧٧٠٢٢٠٠٤٢٢_٠٧٧٠١٤٨٧٧٦٠
تەلاری ڤینا(نهۆمی دووەم) ،کۆتایی شەقامی ئۆرزدی ،بەرامبەر نەخۆشخانەی ژیانی ئەهلی،خوار مزگەوتی سەلیم بەگ
#چارەسەر #پزیشک #دکتۆر #نەشتەرگەری #کلینیک #دڵەکزێ

29/01/2023

🌱نەخۆشی گرژی کۆلۆن(تشنج الكولون العصبي):🌱
ئەم حاڵەتە بەهۆی نارێکی پەیوەندی مێشک بە ریخۆڵەکانەوە دروست ئەبێت وکەبەهۆیەوە ریخۆڵەکان هەستیار ئەبن و جوڵەی دیواری ریخۆڵەکان نائاسایی ئەبن و ئەبنە هۆی دروست بوون ئازاری سک وغازاتی ناوسک وقەبزی وهەندێ جار سک چوون ولیمانێکی سپی باولە پیساییەوە.
☘️هۆکارەکانی:☘️ دڵەراوکێ و گرژی باری دەرونی،هەستیاری بەرامبەر هەندێ خۆراک،هەوکردنی کۆئەندامی هەرس، بونی نەخۆشیەکە لە ئەندامانی تری خێزانەکە.
☘️دەست نیشانکردنی:☘️ بۆ جیاکردنەوەیەتی لە نەخۆشیەکانی تری ریخۆڵە لەرێگەی پشکنینی خوێن و پیسایی و تیشک و ناوسکبینی کۆلۆن( ناظور).
چ کاتێ مەترسی هەیە و پشکنینی بەپەلەی ئەوێ؟ یەکێ لە مانە: خوێن بەربوون لە کۆمەوە،بونی تا، دابەزینی کێش،ئازاری زۆری بەردەوام.
☘️چارەسەر:☘️
پارێزی خۆراک: ١. زیادکردنی ریشاڵی خۆراکی وەک سەوزەومیوەوگوێزودانەوێڵە.یان وەرگرتنی ریشال لەرێی دەرمانەوە.
٢.دوورکەوتنەوە لە چاوقاوەونسکافیە و سۆدە.
٣.کەمکردنەوەی خواردنی شیروماست وپەنیرو وەرگرتنی کالیسیۆم لەرێگەی خواردنی برۆکلی و سپێناخ و ماسی سەلەمۆنەوە.
٤.خواردنەوەی ئاو کەمتر نەبێ لە هەشت پەرداخ لەرۆژێکدا.
٥. هەوڵ بدرێت ژەمی زۆر بچوک و کەم بخورێت.
٦.دوورکەوتنەوە لە پاقلەمەنیەکان و بیبەری تون و ترشیات.
٧.وەرزش کردن و رۆشتن و یۆگا.
ئەگەرحاڵەتەکە درێژەی کێشا سەردانی پزیشکی تایبەتمەند بکرێت بۆ چارەسەری زیاتروجیاکردنەوەی لەخۆشیەمەترسیدارەکانی تری کۆلۆن.

🌹لەگەڵ هیوای سەلامەتی وتەندروستی باش بۆ گشت لایەک🌹
د.لطيف نجيب قەرەداغی
پسپۆڕی نەشتەرگەری گشتی
٠٧٧٠٢٢٠٠٤٢٢_٠٧٧٠١٤٨٧٧٦٠
تەلاری ڤینا(نهۆمی دووەم) ،کۆتایی شەقامی ئۆرزدی ،بەرامبەر نەخۆشخانەی ژیانی ئەهلی،خوار مزگەوتی سەلیم بەگ
#چارەسەر #پزیشک #دکتۆر #نەشتەرگەری #کلینیک #سلێمانی #شیفا #زانست #تەندروستی #زانیاری #ئامۆژگاری #دەرمان #کۆلۆن #قەبزی

26/01/2023

☘️کیسی چەوری(Epidermoid and Pilar cysts):☘️
بریتین لە ئاوساوی و گرێی نەرم لەژێر پێست، کەلەئەنجامی گەشەی زیادلەپێویستی خانەی پێست(خانەی کیراتینkeratinocyte)دروست ئەبن و دەورە ئەدرێن بە کیسێک.بەشێوەیەکی گشتی بێ زیانن.زۆربەی کات لە پشت یان پێستی سەر دروست ئەبن.
🌱دووجۆرن:🌱
١. ئەوکیسانەی لەخانەکانی توێکڵی دەرەوەی پێست دروست ئەبن(Epidermoid cyst). ٢.ئەوکیسانەی لە خانەکانی بنەوەی ڕەگی موو دروست ئەبن (Pilar cyst)
لەهەردوو جۆرەکەدا پێکهاتەی کیسەکە لە مادەیەکی نیمچەشل پێکهاتووە کە لەپەنیرێکی سپی دەچێت،ئەم مادەیە پرۆتینێکی تیایە کە کیراتینێکی تەڕوشێدارە. کیراتین لەخانەکانی پێست دروست دەبێت و پێکهاتەی سەرەکی مووە، هەروەهائەومادەیەیە کە رووپۆشی دەرەوەی پێست ئەکات.
🍁بەشێوەی هەڵئاوسانێکی نەرم لە ژێرپێست دەرەکەون و زۆر باون، قەبارەیان جیاوازە
🌴کیسی (epidermoid) لەتەمەنی گەنج و ناوەندەکاندا(چل و پەنجاکاندا)باون ولە دەم وچاوومل وپشت و سەرسنگ زیاتردروست ئەبن.
🌴کیسی(pilar) زیاتر لە تەمەنی ناوەندەکان و لە رەگەزی مێ دا باون، زیاتر لەژێر پێستی سەردروست ئەبن(٩٠%) وهەنێ جار بە کۆمەڵ دروست ئەبن.
کیسی چەوری ئەگەری هەیە هەوبکەن و سورهەڵگەرێن ، رەقتر بن و ئازار پەیدابکەن.
🍀هۆکارەکەی:
هەنێ خانەی پێست کەلەباری ئاساییدا لەتوێکڵی دەرەوەی پێست یان رەگی مووەکانن،ئەجوڵێن بەرەو بەشەقوڵەکانی ژێرەوەی پێست وبەرەدەوام ئەبن لەگەشە وکیس دروست ئەکەن و مادەی کیراتین بەرهەم ئەهێنن و کیسەکە پڕدەبێت لەومادە شێوەپەنیریە.
کیسی چەوری جۆری (pilar)زۆرجار هۆکاری بۆماوەیی لەپشتەولەهەندێ خێزاندا زۆرتر دەرئەکەون.
🌴دەستنیشانکردنی:
پشکنینی راستەوخۆ لەلایەن پزیشکەوە، پشکنینی شانەیی(histopathology)،تیشک(CT-Scan)لەکاتی بونی گوماندا.
🌴چارەسەر:
ئەم کیسانە بەشێوەیەکی گشتی بێ زیانن،بەڵام باشترە لەگەڵ دەرکەوتنیان نیشانی پزیشکی تابەتمەندیان بدەن بۆ ئەوەی جیا بکرێنەوەلە گرێ شێرپەنجەییەکان.
نەشتەرگەری لابردنیان لە سێ حاڵەتدا پێویستە:
١.بەمەبەستی جوانکاری ئەگەر لە شوێنێکدا دروست ببێت روخسار تێک بدات.
٢.ئەگەر لە جێگەیەکدا دورست ببێت بریندار ببێت و بەردەست بکەوێت وەک پێستی سەر لە کاتی شانەی سەرو شتندا.
٣.ئەگەر کیسەکە هەوبکات و ئازاروناڕەحەتی دروست بکات.

⚘️بەهیوای سەلامەتی وتەندروستی باش بۆ گشت لایەک⚘️

د.لطيف نجيب قەرەداغی
پسپۆڕی نەشتەرگەری گشتی ٠٧٧٠٢٢٠٠٤٢٢_٠٧٧٠١٤٨٧٧٦٠
تەلاری ڤینا(نهۆمی دووەم)کۆتایی شەقامی ئۆرزدی ،بەرامبەر نەخۆشخانەی ژیانی ئەهلی،خوار مزگەوتی سەلیم بەگ
#چارەسەر #پزیشک #نەشتەرگەری #کلینیک #تەندروستی #کیس #چەوری #گرێ

20/01/2023

☘️ژەهراوی بونی رژێنی دەرەقی( پەریزادەی هار)(تسمم الغدة الدرقية):☘️
کاتێک رووئەدات کە رژێنی دەرەقی زیادلەپێویست هۆرمۆنی سایرۆکسین دەربدات.
ئەم رژێنە کە ئەکەوێتە بەشی خوارەوەی مل لەسەروو کۆڵەکەی سنگ،لەڕێگەی دەردانی هۆرمۆنەوە(T3+T4) کاریگەری هەیە لەسەرخێرایی لێدانی دڵ و سوتانی کالۆری و کرداری زیندەچالاکی کە خۆراک ئەگۆڕێت بۆ ووزەی پێویست بۆ جوڵەی مرۆڤ.
🪷نیشانەکانی:🪷
١.توڕەبون ودڵەڕاوکێ و گۆڕانی مەیل وشێوازی بیرکردنەوە.
٢.بێ هێزی و زووماندوبون.
٣.هەست کردن بەگەرمی و دەست لەرزین.
٤.خێرالێدانی دڵ وهەنێ جار ناڕێک لێدانی.
٥.لاوازبوون و دابەزینی کێشی لەش.
٦.زیادبوونی جوڵەی ریخۆڵەوزوو زوو پیسایی کردن.
٧.تێک چونی سوڕی مانگانە لە کچان وژناندا.
٨.تەنک بونەوەی پێست و لاوزبون و زوو هەڵوەرینی قژ.
٩.هەنێ جار گەورەبونی رژێنی دەرەقی کەلە خوارەوەی مل ئەبینرێت.
١٠.دەرپەرین و هەڵئاوسانی چاو لە قۆناغەپێشکەوتوەکاندا.
🥀هۆکارەکانی:🥀
١.تێک چوونی بەرگری لەش و نەخۆشی(Grave's disease)
٢.گرێی رژێنی دەرەقی ژەهراوی(Toxic nodule)
٣.هەوکردنی رژێنی دەرەقی(Thyroiditis) کەهەنێ جار دوای دووگیان بوون یان بەهۆی هەوکردنی ڤایرۆسی، تێکچونی بەرگری لەش، یان زۆر وەرگرتنی دەرمانی کۆنترۆلی رژێنەکە دروست دەبێت.
٤.وەرگرتنی بڕێکی زۆر لەئایۆدین لەخواردنەوە(لەرێگەی دەرمانەوە یان وەک ڤیتامین بخورێت) وە زۆر وەرگرتنی دەرمانی سایرۆکسین.
🍀دەستنیشانکردنی: 🍀
لەڕێگەی پشکنینی تاقیگەیی خوێن(T3+T4+TSH) ،سۆنەری مل، پشکنینی پێشکەوتوو(Thyroid scan+ Radioactive iodine uptake test)
🌱چارەسەر:🌱
١.وەرگرتنی دەرمانی دژەسایرۆکسین لەژێرسەرپەرشتی پزیشکی پسپۆر (methimazole,propylthiouracil,carbimazole) هەروەها دەرمانی (Beta-blocker).
٢. چارەسەر بەئایۆدینی تیشکدەری ناوکی(radioactive iodine)
٣.نەشتەرگەری لابردنی رژێنەکە.
🌹لەگەڵ هیوای سەلامەتی وتەندروستی باش بۆ گشت لایەک🌹
د.لطيف نجيب قەرەداغی
پسپۆڕی نەشتەرگەری گشتی
٠٧٧٠٢٢٠٠٤٢٢_٠٧٧٠١٤٨٧٧٦٠
سلێمانی،تەلاری ڤینا(نهۆمی دووەم) ،کۆتایی شەقامی ئۆرزدی ،بەرامبەر نەخۆشخانەی ژیانی ئەهلی،خوار مزگەوتی سەلیم بەگ

#چارەسەر #پزیشک #دکتۆر #نەشتەرگەری #کلینیک #نەخۆشخانە #سلێمانی #شیفا #زانست #تەندروستی #زانیاری #ئامۆژگاری #دەرمان

13/01/2023

🌿ئەو هۆکارانە چین کە کاریگەریان لەسەر چاک بونەوەی برین هەیە:🌿
🌺هۆکاری ناوچەیی:
🍏بڕی ئۆکسجینی رۆشتوو بۆ شانەی دەوری برینەکە.
🍏بونی هەوکردن، کاریگەری نەرێنی هەیە.
🍏بونی تەنی نامۆ لە دەوروبەری برینەکە،رێگرە لەچاک بوونەوەی برین.
🍏چالاکی سوڕی خوێنهێنەرەکان.🌺هۆکاری گشتی:
🍐تەمەن و رەگەز. بۆ نمونە لە بەتەمەنەکاندا برین درەنگتر چاک دەبنەوە.
🍐توخمەهۆرمۆنەکان. بۆ نمونە رێژەی تێستۆستیرۆن لە بەتەمەنەکاندا(لەهەردوورەگەزی نێرومێ) کاریگەری ئەرێنی هەیە لەسەرچاک بوونەوەی برین.
🍐دڵەراوکێ و شڵەژانی دەروونی.کاریگەری نەرێنیان هەیە.
🍐ناتەواوی سوڕی خوێن، وەک رەق بوونی خوێنبەرەکان. چاک بونەوە دوائەخەن.
🍐نەخۆشیەکانی وەک :شەکرە، زەردوویی، سستی گورچیلەکان، نەخۆشی بەستەرەشانەکان. رێگرن لە ساڕێژبوون.
🍐قەڵەوی، خواردنەوەی کحولیەکان و جگەرەکێشان، بەدخۆراکی وکەمی کانزاوڤیتامینەکان چاک بوونەوەی برین دوا دەخەن.
🍐وەرگرتنی دەرمانی ستیرۆید وئازارشکێنە دژە هەوکردنەکان،کاریگەری نەرێنی دروست ئەکەن.
🍐کەمی بەرگری لەش وەک لەکاتی وەرگرتنی چارەسەری تیشک، نەخۆشی شێرپەنجە، ئەیدز. رێگرن لە چاکبوونەوە.
🍐وەرگرتنی چارەسەری کیمیاوی، چاک بوونەوە سست ئەکەن.
🌹لەگەڵ هیوای سەلامەتی بۆ گشت لایەک🌹
کلینیکی د. لطيف نجيب قەرەداغی
پسپۆڕی نەشتەرگەری گشتی
07702200422 /07701487760
سلێمانی/کۆتایی شەقامی ئۆرزی/بەرامبەر نەخۆشخانەی ژیانی ئەهلی/تەلاری ڤینا. نهۆمی دووەم/خوار مزگەوتی سلیم بگ

#کلینیک #نەشتەرگەری #پزیشک #دکتۆر #چارەسەر #برین

Dr.Latif Najib Qaradaxi کلینیکی د.لطيف نجيب قه رەداغی/ نه شتەرگەری گشتى

10/01/2025

25/03/2024

10/04/2023

12/03/2023

11/02/2023

05/02/2023

29/01/2023

26/01/2023

20/01/2023

13/01/2023

Address

Opening Hours

Telephone

Website

Alerts

Contact The Practice

Shortcuts

Share

Category

Monday	14:00 - 18:00
Tuesday	14:00 - 18:00
Wednesday	14:00 - 18:00
Saturday	14:00 - 18:00
Sunday	14:00 - 18:00