25/01/2026
ڕەق بوونەوە لە سەرمادا
لاشەی مرۆڤ وا درووستکراوە کە دەبێت پلەی گەرمی لاشەی ڕابگیرێت لە ۳۷ +\ـ ٠،٥
ئەم پلەیە گرنگە بۆ کارکردنی ئەندامەکانی لاشە و کارکردنی ئەنزیمەکانی جەستەمان.
لەکاتێکدا دەوروبەرمان سارد دەبێت، وەکو ئەم کەش و هەوایەی ئێستامان، لاشەمان بە چەند ڕێگەیەک پلەی خۆی سارد دەکاتەوە، ئەمەش دەبێتە هۆی مەترسی بۆ لێدان بە سەرما و تەنانەت بگاتە حاڵەتی ڕەق بوونەوە لە سەرمادا کە کوشندەیە.
بەڵام سەرمابوون و ڕەق بوونەوە ڕوو نادەن گەر بێت و بتوانین جلی گەرم، خواردن و خواردنەوەی گەرم و پەناهەندەی گەرم بە دەست بێنێت وەکو ماڵ و خانوو.
سویسریەکان، کە مامۆستای جیهانن بۆ چارەسەری سەرمابوون، چوار قۆناغیان داناوە بۆ تووش بوون بە سەرما کە لە وێنەکەدا دیارە.
یەک/ هۆشی هەیە و هەڵ دەلەرزێت لە سەرما
دوو/ ووڕ بووە بەڵام لەرزینی نەماوە
سێ/ بێ هۆشە، بەڵام نیشانە زیندەگییەکانی ماوە
چوار/ وەکو مردوو وایە
ڕەفتارە خراپەکان لە وەرزی سەرما:
کحول خواردنەوە لە ناوچەکانی دەرەوە و لە سەرمادا کە وا دەکات مەزەندەیی ئەقڵ نەمێنێت و ئەو کەسە هەست نەکات بە پێوویستی خۆ گەرم کردنەوە.
پیر و پەک کەوتە ئاگایان بە باشی نامێنێت لە ساردبوونەوەی دەوروبەر.
