https://sites.google.com/a/univsul.edu.iq/fahmi-hussein/academic-profile

پڕۆفیسۆری یاریدەدەر د.فەهمی حسین کاکەمد, سلێمانی/شەقامی سەرەکی مادام میتراند (مەجید بەگ) تەنیشت زانکۆی سلێمانی (کەمپی ناوشار), As Sulaymaniyah (2026)

30/01/2026

گەورەترین ڕووداوی زانستیی ساڵ لەسەر ئاستی جیهان لە کوردستان ئەنجام دەدرێت!

21 وڵات بە مەبەستی گەورەترین ڕووداوی زانستیی ساڵ ڕوو لە سلێمانی دەکەن! "سێهەمین لووتکەی جیهانیی کۆنیشانەی دەرچەی سنگ" دەبێتە سەکۆی نوێترین زانستی پزیشکی و لە کوردستان مێژووەکەی دەنووسرێتەوە.

بۆ جاری سێیەمە کە لووتکە جیهانییەکە لە کوردستان ئەنجام دەدرێت.

چاوەڕوان بن ....

بۆ تەواوی زانیاری و وردەکارییەکان سەردانی ئەم ٢ لینکە بکەن:
https://tos.smarthealth.group
https://smarthealth.group/events/79

بۆ ناو تۆمارکردن و بەشداریکردن سەردانی ئەم لینکە بکەن:
https://tos.smarthealth.group/register

23/01/2026

منداڵێکی ساوا لە مردن گەڕایەوە پاش ئەوەی پیلێکی قوتدابوو!

پ.ی.د. فهمی حسێن کاکەمەد - پسپۆڕی نەشتەرگەریی
سنگ و بۆرییەکانی خوێن

ژمارەی پەیوەندیی کلینیك: 07707310909

بۆ دیاریکردنی کاتی چاوپێکەوتن لەگەڵ پزیشکەکە، ئەپی سمارت دابگرە: https://linktr.ee/smarthealthapp

16/01/2026

تکایە... تکایە... تکایە...

ئەگەر منداڵی خوار پێنج ساڵتان هەیە، با لە ماڵەوە پیل و باتری سەعات و کۆنترۆڵ نەکەوتبێت
تەماشای چیرۆکی ئەم منداڵە بکەن! پیلێکی سەعات (باتری خەپلەیی) قوتدابوو! لە کاتی دەرهێنانیدا بەشێک لە سورێنچکی توابوویەوەو فرێماندا!
پیل و باتری جیا لە تەنەکانی دیکە زۆر زۆر مەترسیدارن!
جگە لەوەی کارەبا دەردەکەن و ناو پۆش دەسوتێنن، ماددی کیمیایش دەردەکەن و سورێنچک دەتوێننەوە!

سوپاس بۆ خوای گەورە، ئەم منداڵە خوای گەورە شیفای داو بە تەندروستی زۆر باش لە خەستەخانە دەرچوو!

تەنها ئەوە بەسە بڵێن پیل و باتری سورێنچک دەتوێنەوە! تەماشای ڤیدیۆکە بکەن! ئەو دوو بارچە گۆشتە سورێنچکی مناڵەکەن!
دواتریش پشکنینی شانەزانی پشتراستی کردەوە کە ناوپۆشی سورێنچک بوون!!!

09/01/2026

کیسی ئاویی سییەکان و نەشتەرگەریی نازوور: ٣ وانەی گرنگ کە دەبێت بیزانیت

کیسی ئاویی سییەکان یەکێکە لەو نەخۆشییانەی لە ناوچەی ئێمەدا بوونی هەیە و زۆرجار بەهۆی بەرکەوتن لەگەڵ سەگ، یان خواردنی سەوزە و میوەی باش نەشۆردراوەوە تووشی مرۆڤ دەبێت.

لەم ساڵانەی دواییدا، شێوازی نەشتەرگەریی ئەم کیسانە گۆڕانکاریی بەسەردا هاتووە و توێژینەوەیەک لە «تاوەری تەندروستیی سمارت» زانیاریی وردتری لەسەر چاکبوونەوەی نەخۆشەکان خستووەتە ڕوو.

١. نەشتەرگەری بە «کردنەوەی سنگ»

پێشتر زۆربەی نەشتەرگەرییەکان بە کردنەوەی سنگ دەکران، بەڵام لەم توێژینەوەیەدا کە لەسەر ٥٦ نەخۆش ئەنجام دراوە، دەرکەوتووە کە بەکارهێنانی تەکنیکی «نازووری سییەکان» (VATS) زۆر سەرکەوتووە. ئەمەش واتە برینی بچووکتر و ئازاری کەمتر بۆ نەخۆشەکە.

٢. کێشەی دزەکردنی هەوا

یەکێک لە نیگەرانییەکان دوای نەشتەرگەریی سییەکان، بریتییە لە لێچوونی هەوا (Air leak). توێژینەوەکە شتێکی جیاوازی دەرخست:
هۆکاری سەرەکیی هەواتێچوونەکە، مانەوەی «بۆشاییی شوێنی کیسەکە» نییە.
بەڵکو هۆکارەکە ئەوەیە بەشێک لە سییەکان تووشی جۆرێک لە گرژبوون بووە و وەک پێویست ناکشێت.

ئەو نەخۆشانەی کیسەکەیان پێش نەشتەرگەری لەناو سنگدا تەقیوە، ئەگەری دزەکردنی هەوایان زیاترە بە بەراورد بەوانەی کیسەکەیان ساغە.

٣. ماوەی مانەوە لە نەخۆشخانە

بەهۆی بەکارهێنانی ئامێری پێشکەوتوو و تەکنیکی نازوور، نەخۆشەکان بە تێکڕا تەنها ٢ ڕۆژ و نیو لە نەخۆشخانە ماونەتەوە و دواتر نێردراونەتەوە ماڵەوە.

سەرچاوە: https://smarthealth.group/research/1326

02/01/2026

لە هەشتەمین سیمپۆزییەمی پەیپەرە نایابەکان پرسیارکرا کە مانای لۆگۆی کەیساین چییە!!!

ئێوەش گەر نازانن مانای لۆگۆیە کەیساین چییە بینەر بن.

29/12/2025

چاوپێکەوتنی کەناڵی NRT لەسەر ئامێری درۆش.

لینکی کۆنفرانسەکە لە کۆمێنت دانراوە.

26/12/2025

هەموو پیشەیەك کۆمەڵێك نهێنی تێدایە !

هەموو پیشەوەرێك دەست ڕەنگینی تایبەتی خۆی هەیە و دەکرێت لێوەی فێربین !
ئەمجارەیان ئەو پیشەوەرانەی پێڵاو و نەعل چاک دەکەنەوە بوون بە مامۆستام !
زۆر سوپاسیان دەکەم
زۆر سوپاس بۆ خوای باڵادەست بۆ ڕێنمونیەکانی

#درەوش

19/12/2025

سیمپۆزیەمێک مێژوو تۆماردەکات

هەشتەمین سیمپۆزیەمی پەیپەرە نایابەکان مێژوو تۆماردەکات بەوەی یەکەمین جارە لە مێژووی مرۆڤایەتیدا کە سەرجەم توێژینەوەکانی هەموو جیهان لە ساڵێکدا رانکینی بۆ کراوە!
ئامادەبوون لەم سیمپۆزیەمدا کارێکی مژووییە! زانستییە! رامیاریییە!
مێژووییە لەبەر ئەو هۆکارەی سەرەوە!
زانستییە چونکە کۆمەڵێک توێژەری بە ئەزموون لەسەر بابەتی سەردەم قسەمان بۆ دەکەن!
رامیارییە چونکە دەستخۆشی لە توێژەرە بە ئەزموونەکان دەکەین و هانیان دەدەین کاری باشتر بکەن بۆ ئەوەی خۆمان و نەوەکانمان سەربەرزبن لە ئاستی جیهاندا.
شوێن و کات: هەڵەبجەی شەهید-هۆڵی روانگە، رۆژی یەک شەمە، ٢١/١٢/٢٠٢٥، کاتژمێر ١٠ی سەرلە بەیانی
لینکی خۆتۆمارکردن لە کۆمێنت دانراوە.
بەشداریکردن بەبێ بەرامبەرە!

12/12/2025

ئایا دەبێت هەموو ئێسکەکە لاببرێت یان ڕێگایەکی ئاسانتر هەیە؟

هەست بە سڕبوون، مێرولەکردن، یان ئازارێکی توند دەکەیت کە لە ملتەوە دەست پێدەکات و بۆ شان و دەستەکانت دادەبەزێت؟

ئەمە نیشانەی باوی «کۆنیشانەی دەرچەی سنگی دەمارییە»ـیە (nTOS)، حاڵەتێک کە تێیدا پەراسوی یەکەم فشار دەخاتە سەر دەمارە گرنگەکانی ئەو ناوچەیە.

بۆ ماوەیەکی زۆر، تاکە چارەسەریی کاریگەر نەشتەرگەرییەکی ئاڵۆز بوو: بڕینەوە و لابردنی پەراسوی یەکەم. ئەمەش کارێکی ورد و هەستیارە چونکە لە نزیک دەمار و بۆرییە سەرەکییەکانی خوێنەوە ئەنجام دەدرێت.

نەشتەرگەرییەک کە پزیشکەکان دەبێت زۆر بە ئاگایییەوە کار بکەن بۆ ئەوەی زیان بەو دەمارانە نەگەیەنن. ئەمە وادەکات هەم نەخۆش و هەم پزیشک توشی نیگەرانیی زۆر بن، سەرەڕای ئەوەی کە نەشتەرگەرییەکە زۆر پێویستە بۆ کۆتاییهێنان بە ئازارەکە.

بەڵام چی ئەگەر ڕێگایەکی زیرەکانەتر هەبێت؟

توێژینەوەیەکی نوێی تاوەری تەندروستی سمارت ئەنجام دراوە، دوو ڕێگای بەراورد کردووە:

1. ڕێگای کلاسیک: بڕینەوەی پەراسووەکە.
2. ڕێگای نوێ (هەڵکێشان): بڕینی پەراسووەکە تەنها لە یەک لاوە و پاشان بەشێوەیەکی کۆنترۆڵکراو "هەڵکێشانی" پاشماوەکەی.

✅ هەردوو ڕێگاکە هەمان ئەنجامی نایابیان هەبوو لە کەمکردنەوەی ئازار و سڕبوون.

✅ ڕازیبوونی نەخۆشەکان لە هەردوو گروپەکەدا زۆر بەرز بوو (%92 لە گروپی نوێدا ئامادەبوون نەشتەرگەرییەکە بۆ کەسانی تریش پێشنیار بکەن).

✅ ڕێگا نوێیەکە ڕەنگە کەمتر ئاڵۆز بێت و ڕێگە بدات بەشێکی درێژتری پەراسووەکە لاببرێت، کە ئەمەش لەوانەیە ئەگەری گەڕانەوەی کێشەکە کەم بکاتەوە.

ئەم دۆزینەوەیە هیوا دەبەخشێت کە لە داهاتوودا بتوانرێت چارەسەری ئەم حاڵەتە بە ڕێگایەکی سادەتر و سەلامەتتر ئەنجام بدرێت.

سەرچاوە: https://smarthealth.group/research/1228

06/12/2025

ئەگەر" دەوالی قاچەکان " چارەسەر نەکرێت چی ڕووەدات؟

#دەوالی

28/11/2025

بۆچی ڕێگا سەختەکە هەڵبژێرین، ئەگەر ڕێگایەکی ئاسانتر هەبێت؟

یەکێک لەو نەشتەرگەرییانەی کە زۆربەمان لێی دەترسین، نەشتەرگەریی کردنەوەی قەفەسی سنگە. بیرۆکەی برینێکی گەورە، ئازاری دوای نەشتەرگەری، و مانەوەی درێژخایەن لە ماڵەوە، بێگومان نیگەرانی بەدوای خۆیدا دەهێنێت.

ئێستا بیهێنە بەرچاوت تووشی 'کیسی ئاوی' بوویت لە سییەکانتدا (کە بەهۆی مشەخۆرێکەوە دروست دەبێت)، و پزیشک پێت دەڵێت پێویستە بەو ڕێگا کلاسیکییە نەشتەرگەری بکەیت. ئەمە تەنها بەواتای ئازار نایەت، بەڵکو نزیکەی مانگێک دوورکەوتنەوەیە لە ژیانی ئاسایی.

بەڵام ئایا ڕێگایەکی باشتر نییە؟ توێژینەوەیەکی نوێ لە تاوەری تەندروستی سمارت لەسەر 50 نەخۆش ئەنجامدراوە، وەڵامێکی دڵخۆشکەرمان پێدەدات.

توێژینەوەکە دوو جۆر نەشتەرگەری بۆ ئەم نەخۆشییە بەراورد کردووە:

🔪 ڕێگای کۆن (کردنەوەی سنگ - Thoracotomy): برینێکی گەورە بۆ کردنەوەی قەفەسی سنگ.

🎥 ڕێگای نوێ (دووربین - VATS): چەند کونێکی بچووک و بەکارهێنانی کامێرایەکی ورد بۆ ئەنجامدانی نەشتەرگەرییەکە.

ئەنجامەکان چۆن بوون؟

• ✅ ئازاری زۆر کەمتر: ئەو نەخۆشانەی بە ڕێگای نوێ (دووربین) نەشتەرگەرییان بۆ کرا، ئازارێکی زۆر کەمتریان هەبوو.

• ✅ گەڕانەوەی خێراتر بۆ ژیان: بە شێوەیەکی باوەڕپێنەکراو، ئەم نەخۆشانە بە تێکڕا 9 ڕۆژ زووتر گەڕانەوە سەر کار و چالاکییەکانیان! (18 ڕۆژ لەبری 27 ڕۆژ).

• ✅ هەمان کاریگەریی پزیشکی: گرنگتر لە هەمووی، هەردوو ڕێگاکە لە ڕووی سەلامەتی و چارەسەرەوە وەک یەک کاریگەر بوون.

ئەمە مانای ئەوەیە کە تەکنەلۆژیای نوێی پزیشکی دەتوانێت ئەزموونی نەخۆش بە تەواوی بگۆڕێت. چیتر پێویست ناکات نەشتەرگەرییەکی قورس بە مانای ئازار و پەککەوتنی درێژخایەن بێت.

پەیامی توێژینەوەکە سادەیە: بۆچی ڕێگا سەختەکە هەڵبژێرین، ئەگەر ڕێگایەکی ئاسانتر هەبێت کە هەمان ئەنجامی نایابی هەیە؟

ئامادەکراوە لە لایەن بەشی زانستیی تاوەری تەندروستی سمارتەوە

بۆ زانیاری زیاتر دەتوانن سەردانی بەستەری توێژینەوەکە بکەن:
https://smarthealth.group/research/1270

21/11/2025

کۆنفرانس و کۆمەڵە زانستییە جیهانییەکان لە ئەمڕۆدا سەرچاوەی زانستن!

ئەوان سەرپەرشتی گایدلاین و تێکستبووکە زانستییەکان دەکەن کە تێیدا جیهان ئاراستە دەکەن بۆ چۆنییەتی پراکتیزە کردنی زانستی پزیشکی.

سوپاس بۆ پەروەردگاری باڵادەست، وردە ورد رێنمونیمان دەکات کە چۆن بتوانین رۆڵی سەرەکی ببینین لەو کۆنفرانس و کۆمەڵە زانستییانەداو لە داهاتوودا ئێمەش بەشێک بین لەو کەسانەی جڵەوی زانست دەگرینەدەست، نەک تەنها جێبەجێکاربین بەڵکو سەرپەرشتیار بین لە زانستی پزیشکیدا!

پڕۆفیسۆری یاریدەدەر د.فەهمی حسین کاکەمد

30/01/2026

23/01/2026

16/01/2026

09/01/2026

02/01/2026

29/12/2025

26/12/2025

19/12/2025

12/12/2025

06/12/2025

28/11/2025

21/11/2025

Address

Telephone

Website

Alerts

Shortcuts

Share

Category