Andrya Organization

06/02/2026

مۆڵەتی بەخێوکار(خۆتەرخانکار) هەموارکرایەوە.

🔵وەزارەتی کارو کاروباری کۆمەڵایەتی بە ڕێنمایی ژمارە 1ـی ساڵی 2026، ڕێنمایی پێدانی مۆڵەتی بەخێوکاری هەموارکردەوە تیایدا گۆرانکاریەکان زۆرترین ئاسانکاری بۆ ئەو فەرمانبەرانەی کەمئەندامێک یان زیاتر لەخێزانەکانیان دا هەیە کردووە، تا بتوانن خزمەت بە کەمئەندامەکانیان بکە.

🔵مۆڵەتی بەخێوکار چیە:- پێدانی مۆڵەتی بەخێوکارییە بۆ فه‌رمانبه‌رى داواکار، کە کەسی پلە یەکی خێزانەکەی نەخۆشە یان خاوه‌ن پێداويستى تايبه‌تە توانای کارکردنيان نيیه پێویستیان بە چاودێر و بەخێوکەر هەیە.

🔴گۆڕانکاریەکانی ڕێنمایەکە ئەم خاڵانە لەخۆ دەگرێت.

①ئەمجۆرانەی کەمئەندامیش دەتوانن مۆڵەتی بەخێوکار وەربگرن.
🔸دەردەفیل
🔸 نەخۆشی شەکرە تایپی یەکەم بۆ منداڵی خوار 15ساڵ.
🔸تالاسیمیا
🔸هیمۆفیلیا

② فەرمانبەری داواکار ناتوانێت لەیەک کاتدا بۆ دوو کەمئەندامی خێزانەکەی مۆڵەت وەربگرێت.

③ ئەگەر دایک و باوک فەرمانبەر بوون و زیاتر لە توشبوویەکی ئۆتیزم یان شەلەل دەماغ لەخێزانەکەیاندا بوو هەردووکیان دەتوانن مۆڵەتەکە وەربگرن.

④ فەرمانبەری داواکار دوو ساڵ جارێک مامەڵە بۆ وەرگرتنی مۆڵەتەکە دەکات.

⑤ دایک و باوک دەتوانن دەتوانن بەڕێکەوتن مۆڵەتەکە وەربگرن بۆ چاودێری منداڵەکانیان.

⑥ ئەو حاڵەتانەی چارەسەریان نیە وەک (داون، لەدەستدانی ئەندامێکی جەستە، هیمۆفیلیا، تالاسیمیا) تەنها یەک جار لیژنەی پزیشکی بڕیاری لێدەدات.

ڕێنمایی ژمارە 1ـی ساڵی 2026 و چاوپێکەوتنێکی کورتی مافپەروەر هیوا ڕەحمان لێرە ببینن👇
https://socialsuli.com/News.aspx?id=3604&MapID=3

04/01/2026

بەرزو پیرۆز بێت یادی ڕۆژی جیهانی نوسینی بڕایل
بڕایل ئەو زمانەی کە سەربەخۆیی بەخشی بەکەسانی نابینا بوو بە ڕوناکی چاوی کەسانی نابینا
نووسینی زبر واتا بڕایل ئەو نوسینە بوو کە پەنجەکانی کەسانی نابینا شوێنی چاوەکانی بۆ گرتنەوە بۆیە ڕێکخراومان بەناوی بەڕێوبەرو دەستەی کارگێڕییەوە گەرمترین پیرۆزبایی لەنابینایانی جیهان بە گشتی و هەرێمی کوردستان بەتایبەتی دەکات لەم ڕۆژەدا دەخوازین نوسینی بڕایل بەرەو پێشچونی زیاتر بە خۆوە ببینێت وببێتە ئەو نوسینەی کەکەسانی نابینا لە هەرێمی کوردستاندا هاوشێوەی وڵاتانی دیکەی جیهان لەبوارە جیاوازەکانی وەک و پەروەردەو فێرکردن و کەرتی تەندروستی و سەرجەم خزمەت گوزاریەکاندا سودی لێوەربگرن .

12/12/2025

سێ رێکخراوی پەروەردەیی پانێڵێکی تایبەت بە قوتابيان و خوێندكارانى خاوەن پێداويستى تايبەت ئەنجامدرا

ئه مڕۆ١١/١٢/٢٠٢٥له هۆڵى كارگەى كەلتوورى سلێمانى، هەرسێ ڕيكخراوى (پەروەردەی هاوچەرخ بۆ کوردستان،پەروەردەی نوێ، پەروەردەی سەردەم) پێکەوە بە یەک ئامانجی هاوبەش و يەكگرتوو ، پانێڵى (ئالنگەرييەکانی پەروەردە و چارەسەری گشتگير بو قوتابيان و خويندكارانى خاوەن پێداويستى تايبەت)یان ئەنجام دا.

لە میانەی پانێڵەکەداكه له لايه ن خاتوونى به توانا به ريوه برا چەندین تەوەری سەرەکی تاوتوێ کران:

🔹 ئاڵنگاریيه پەروەردەییەکان، كه ڕووبەڕووی خوێندکارانی خاوەن پێداویستی تایبەت دەبنەوە)
لە لایەن پارێزەر شاناو پێشڕەو پێشکەشکرا. تیشک خرايه سەر بەربەستەکان و چارەسەرە پراكتيكيیەکان بۆ دروستکردنی ژینگەیەکی فێرکاری و گشتگير.

🔹 ڕوونکردنەوەی یاسایی خۆتەرخانکەر بۆ دایک و باوکی منداڵی خاوەن پێداویستی تایبەت لە لایەن بەڕێز هیوا ڕەحمان، ڕاوێژکاری یاسایی، کە تێڕوانینێکی بەنرخی سەبارەت بە ماف و بەرپرسیارێتی دایک و باوک پێشکەش کرد.

🔹 كەيسەکانی پەروەردەیی تايبەت له نێوان گرفتى تێکەڵکردنی ناوپۆل
لەلایەن به رێز دکتۆره کانی سالار عوسمان پسپۆڕ لە شڵەژانی دەروونی منداڵ، کە تیایدا تیشک خرایه سەر بەرنامەسازی پۆل، کەلێنی خزمەتگوزاری، و پێویستی ستراتیژی پەروەردەیی بەهێزتر.
سوپاس و پێزانینی خۆمان ئاراستەی هەموو بەشداربووان و پانێليستان و ڕێکخراوەکانى کۆمەڵگەی مەدەنی و پەروەردەکاران و خێزانەکان دەکەین بۆ پابەندبوونیان بە بنیاتنانی داهاتوویەکی پەروەردەیی..

06/12/2025

شانۆی لەوەتەی مرۆڤ هەیە منیش هەم
لە دەرهێنانی / ئاسۆ نووری سەلیم

#شانۆ #کوردستان #سلێمانی slemani kurdistan

04/12/2025

03/12/2025

ئەمرۆ 3 / 12 / 2025 ڕۆژی جیهانی کەمئەندامان لە جیهان سەکۆی شکۆی کەمئەندامان کە پێک هاتبون لە ڕێکخراوی ڕۆشنایی دڵ و ڕێکخراوی ئەندریا و ڕێکخراوی ئاماژە و ڕێکخراوی کۆمەڵەی ڕۆژ بۆ کەسانی کەمئەندام و ڕێکخراوی ئاشای مرۆیی و ڕێکخراوی پەروەردەی هاوچەرخ وێڕای پیرۆزباییەکی گەرم ئاراستەی کەمئەندامانی جیهان و کەمئەندامانی کوردستان بە تایبەتی کۆنگرەیەکی ڕۆژنامەوانیان ئەنجامدا چەندین پەیامیان ئاراستەی حکومەت کرد بۆ باشتر کردنی گوزەرانی کەمئەندامان و جێ بە جێ کردنی یاساو ماف و ئیمتیازاتی کەمئەندامان هاوکات باخچەی ساویانیی چوارچرای نمونەیی سەردانیان کردین وە لە نزیکەوە لە چالاکیەک ئاشنامان کردن بە مافەکانی کەسانی کەمئەندام و خاوەن پێداویستی تایبەت و وە ئەنجامدانی چەندین چالاکی جۆراو جۆر کە هەموو جۆرەکانی کەمئەندامان تێدا بەشدارن وە بڕیارمان داوە هەموو ساڵێک لە 12/3 تا کۆتایی ئەو مانگە پڕ چالاکی بێت و جەختی تەواو لە حکومەت بکەین بۆ جێ بەجێکردنی یاساو ماف و ئیمتیازاتی کەمئەندان

Today 3 / 12 / 2025 World Disabled Day in the world Dignity of Disabled Platform which consisted of Light of Heart Organization, Andrea Organization, Reference Organization, Roj Association for Disabled People, Human Security Organization and Contemporary Education Organization They also visited Chawarchray Model Kindergarten and introduced them to the rights of people with disabilities and conducted various activities involving all types of disabled people. We have decided to conduct various activities every year from 12/3 to the end of the month Let us be active and put full emphasis on the government to implement the laws, rights and privileges of the disabled

08/09/2025

ئەمڕۆ بەرواری ٨/٩/٢٠٢٥ لەبارەگای مەکتەبی کاروباری ڕێکخراوەیی یەکێتی نیشتیمانی کوردستان وەفدی ڕێکخراومان پێشوازی کرا لەلایەن هەریەک لە هەڤاڵان دکتۆرە جوان ئیحسان ئەندامی مەکتەبی سیاسی وە بەڕێز کاک زیاد جەبار بەرپرسی بۆردی ڕێکخستن یەکێتی نیشتیمانی کوردستان تێیدا سەرەڕای پێشوازی گەرمی هەڤاڵان لەوەفدی ڕێکخراومان بەوردی باس لە هەڵبژاردنەکانی داهاتوی پەرلەمانی عێراق و ڕۆڵی ڕێکخراوە خاوەن پێداویستییە تایبەتییەکان و توێژی خاوەن پێداویستییە تایبەتەکان وەک توێژێکی گرنگی کۆمەڵگا کرا وەتیایدا باس لە ئەرکە ڕێکخراوەییەکانمان کرا لەم هەڵبژاردنەدا بەمەبەستی سەرخستنی پڕۆسەکە وە تایبەت تر یەکێتی نیشتیمانی کوردستان وە لەهەمان کاتتداو لەهەمان کۆبونەوەدا چەند تەوەرێکی ڕێکخراوەیی و حیزبی تایبەت بە بەرژەوەندی کەسانی خاوەن پێداویستی تایبەت لە داهاتوودا هێنرایە سەر زارو باسی لێوە کرا وەلە کۆتایشدا وەفدی ڕێکخراومان سوپاس و پێزانینی پێشوازی گەرمی هەڤاڵانی دووپات کردەوە .

05/08/2025

ئەمڕۆ بەرواری ٥/٨/٢٠٢٥ بەڕێوبەری گشتی ڕێکخراوی ئەندریا بە یاوەری بەڕێز هاوبەش نوعمان ڕاوێژکاری نابینایان لە مەکتەبی ڕێکخراوە دیموکراتیەکان سەردانی دامەزراوەی سەرۆک جەلال تاڵەبانیمان کردو وە لەلایەن بەڕێز دکتۆر محمدصابیر سەرۆکی دامەزراوەو وەفدی یاوەریانەوە پێشوازییەکی گەرممان لێکرا وە تیایدا لە کۆبونەوەیەکی بەرهەمداردا باس لە دۆخی کەسانی خاوەن پێداویستی تایبەت و هەماهەنگی هەردوو ڕێکخراو کرا بۆ کارو پڕۆژەی داهاتوو وە بەڕێزیان وەفدی یاوەریان بەڵێنی پشتیوانی و ئەنجامدانی چەند کارێکی هاوبەشیان دا لە داهاتوودا و ئێمەش وەک و وەفدی ڕێکخراو سوپاس و ڕێزی خۆمان و توێژەکەمان بە بەڕێزیان و وەفدی یاوەریان گەیاند .

05/08/2025

بەرواری ٤/٨/٢٠٢٥ بەڕێز بەڕێوبەری گشتی ڕێکخراومان بەیاوەری بەڕێز هاوبەش نوعمان ڕاوێشکاری نابینایان لە مەکتەبی ڕێکخراوە دیموکراتیەکان لەبارەگای مەکتەبی سیاسی یەکێتی نیشتیمانی کوردستان سەردانی بەڕێز کاروان گەزدەیی وتەبێژی یەکێتی نیشتیمانی کوردستانمان کردوو لەلایەن ناوبراو پێشوازییەکی شایستەمان لێکرا سەرەڕای گەیاندنی پیرۆزبایی ڕێکخراومان بە جەنابیان کە دەست بەکار بوون وەکو وتەبێژی یەکێتی نیشتیمانی کوردستان هاوکات بە وردی باسمان لەدۆخی کەسانی خاوەن پێداویستی تایبەت لە هەرێمی کوردستان کردو وە بەڕێزیان بەڵێنیان دا کە وەکو یەکێتی نیشتیمانی کوردستان وەک چۆن لە پێشوودا پشتیوانی توێژی کەسانی خاوەن پێداویستی تایبەت بوون ئاوا لە داهاتوودا بەهەمان شێوە پشتیوانی توێژەکەمان بن و نوێنەرو هاودەنگ و هاودەست بن لەگەڵماندا بۆبەدیهاتنی مافە ڕەواکانمان وە هەر لەهەمان دیداردا شاد بووین بە بەڕێز شێخ شەماڵ بەرپرسی بۆردی پەیوەندیەکانی دەرەوەی یەکێتی نیشتیمانی کوردستان و بەڕێزیشیان پشتیوانی تەواویان دوپات کردەوە بۆ کەسانی خاوەن پێداویستی تایبەت بەبێ جیاوازی و بەڵێنی پشتیوانی کردنیان دا .

29/07/2025

بەرواری ٢٧/٧/٢٠٢٥ لەشاری سلێمانی لەبارەگای نوسینگەی پەرلەمانی کوردستان وەفدی ڕێکخراومان هاوشان لەگەڵ ڕێکخراوە هاوپەیمانەکانمان لە سەکۆی شکۆی کەمئەندامان کۆبونەوەیەکی بەرهەمدارمان لەگەڵ ئەندام پەرلەمانانی کوردستان لە فراکسوێنە جیاوازەکان ئەنجامدا تیایدا سەرەڕای ناساندنی سەکۆی شکۆی کەمئەندامان وەباسکردن لە ئامانج و کار و پڕۆژەکانی داهاتووی سەکۆکەمان باسمان لە گیروگرفتی کەسانی خاوەن پێداویستی تایبەت کرد لە هەرێمی کوردستان وە جەختمان لە جێبەجێکردنی یاسای تایبەت بە کەسانی خاوەن پێداویستی تایبەتی ساڵی ٢٠١١ کەیاسای ژمارە ٢٢ ماف و ئیمتیازاتی کەسانی خاوەن پێداویستی تایبەتە کردەوە وە سەرجەم پەرلەمانتارانی ئامادە بوو بەڵێنیان دا کە پاڵپشتی توێژەکەمان بن لەداهاتووداو لەگەڵ ئێمە خەبات بکەن بۆبەدی هاتنی مافە بەدی نەهاتووەکانی توێژەکەمان وە جێبەجێکردنی داوا ڕەواکانمان .

21/07/2025

ڕێکخراوی ئەندریا خەڵاتی ڕێزلێنان دەبەخشێت بە قایمقامی قەزای مەرکەزی سلێمانی

ئەمڕۆ بەرواری ٢١/٧/٢٠٢٥ بەڕێز بەڕێوبەری گشتی ڕێکخراوی ئەندریا بەیاوەری بەڕێز هاوبەش نوعمان ڕوێژکاری نابینایان لەمەکتەبی ڕێکخراوە دیموکراتییەکان سەردانی بەڕێز ئاوات محمد غەفور قایمقامی قەزای مەرکەزی سلێمانیمان کردو لەلایەن بەڕێزیانەوە پێشوازییەکی گەرمو دۆستانەمان لێکرا وە لەپای خزمەتەکانی بەرێزیان بە توێژی کەسانی خاوەن پێداویستی تایبەت بەگشتی و ڕێکخراومان بەتایبەتی تایبەتر هەماهەنگی ئیداری ناوبراو لە پڕۆژەی Promoting Effective and Active Civic Engagement among Persons with Disabilities in Iraq (PEACE) کە پشتیوانی ئیداریانەی پڕۆژەکەمان بوو بەشێوازێکی گشتگیر لەپای ئەوەدا ڕێکخراومان ڕێزو سوپاسی خۆمان گەیاند بە بەڕێزیان و وە سوپاسی تایبەتمان پێ گەیاند لەپای خزمەتە بەردەوامەکانی بە توێژەکەمان وەناوبراویش پشتیوانی خۆی بۆتوێژی کەسانی خاوەن پێداویستی تایبەت و تایبەتر ڕێکخراوەکەمان دووپات کردەوەو بەڵێنیدا لەداهاتووشدا پشتیوانی سەرەکی توێژەکەمان بێت لە سەرجەم کارە جیاوازەکاندا دووبارە سوپاسی بێپایانمان بۆ جەنابی قایمقامی قەزای مەرکەزی سلێمانی بەڕێز کاک ئاوات محمد غەفوور .