Dr. Hazhar Othman Maroof دوکتۆر هەژار عثمان معروف

هاوڵاتیی بەڕێز و خۆشەویست سڵاو و ڕێز
ژیان خۆشە بەڵام هەندێ جار کێشەی قورس و ناخۆشمان دێتەڕێ، لەو کاتە سەخت وتەنگانە کۆمەڵایەتی و دەرونیانەدا نابێت هەرگیز هیوابڕاوبین، هیوا و ئومێد بە ئێستا و داهاتو نابێت هەرگیز بمرێ
ئەگەر ئەم کێشانەی خوارەوەت هەبو پێویستە هەرچی زوتر بەتەنیا یان لەگەڵ کەسێکی نزیکت بچیتە لای دوکتۆری دەرونی بێ ئەوەی بترسی یا پێت عەیب یا شەرم بێت :

نیگەرانی و ترس و تۆقین و ڕاچڵەکین و دڵەڕاوکەی بەردەوام ؛ دڵتەنگی و غەمباری و دابڕانی کۆمەڵایەتی و بێوزەیی و بێزاری لە ژیان و بیری مردن و خۆئازاردان و خۆکوژی‌؛ بیرکردنەوەی زۆر و بەردەوام لە بەسەرهات و ڕوداوە ناخۆشەکانی ڕابوردو؛ ، کەمخەوی یا زۆرخەوی یا خەوی ترسناک و ناخۆش بینین یا فرەجوڵەیی لە خەودا؛ کێشەی وەسواسی و عەمەلی بون وەک چەندبارەکردنەوەی شتن و پاککردنەوەی خۆت و ماڵ و جل و بەرگ و ...؛ زوهەڵچون و توڕەبون و دەسوەشاندن و توندوتیژی و شەڕانی بون و کێشەی زۆر لەگەڵ خەڵک دا؛ شێوانی هەستەکان وەک بینین و بیستنی غەیبی و نادیار ؛ شێوانی بیرکردنەوە وەک گومانی زۆر لە وەی خەڵک ڕقیان لێت بێ و چاودێریت بکەن و بیانەوێ شتێکت لێبکەن ؛ هەمو جۆرەکانی کێشەی جنسی لە ژن و پیاودا؛ کێشەی مەشروب و مادەی هۆشبەر و جگەرە و نێرگەلە ؛ کێشەی ئەو ئێش و ناڕەحەتیە جەستەییانەی دوکتۆری هەناوی و نەشتەرگەری هیچ هۆیەکی جەستەیی نابینێت لە نەخۆشەکەدا و هەمو تێڕوانینەکانی خوێن و سۆنەر و سیتی سکان و... ئاسایی و نۆرمالن ؛

کێشە دەرونیەکانی پیر و بەساڵاچو وەک بیرچونەوە وخەڵەفان و ئەلزهایمەر؛
کێشە دەرونیەکانی منداڵ وەک فرەجوڵەیی و بیربڵاوی یا ترس لە باخچەی منداڵان و مەکتەب؛ یا فێرنەبون و دواکەوتن لە دەرسەکان یا ئۆتیزم و کێشەی گەشەنەکردنی عەقڵی و دەرونی؛
کێشە دەرونیەکانی هەرزەکار و گەنج، وەک کێشەکانی خۆشەویستی و عاشقبون، کێشەی شوناس و شوناسی جێندەری و سێکسی و هاوڕەگەزی ، کێشەی لاوازیی حەز و داوای جنسی.
کێشەی بیرکردنەوەی بەردەوام و نیگەرانی دەربارەی قەڵەوی یا لاوازی ، خواردنی بەهەڵپە و دواتر خۆڕشاندەنەوە ، هەوڵی زیانبەخش بۆ خۆلاوازکردن بە کەمخۆری و خواردنی حەبی میزپێکەر یا جم و جوڵی بەردەوام و وەرزشی زۆزر قورس.
کێشەکانی خوێندکاران لە قوتابخانە و زانکۆکان،وەک ترس لە تاقیکردنەوەکان، ترس لە دەرنەچون و نمرە نەهێنان، بیربڵاوی و خەیاڵ ڕۆشتن و زوبیرچونەوە.
ئەگەر نەخۆش نەتوانێ یا نەیەوێ بێت بۆ عیادەکەم، دەتوانم لە کاتی پێوست دا بێم بۆ ماڵی نەخۆش ، یا کەسی نزیکی نەخۆش دەتوانێ بێت بۆلام و بە وردی باسی کێشە دەرونیەکانی نەخۆشەکەم بۆ بکات و وێنە و ڤیدیۆی نەخۆشەکەم پیشان بدات، لە سەر
دەدەم و ڕێنمایی و دەرمانی پێویستی بۆ دەنوسم، بەڵام ڕێی ڕاست و زانستی بینینی ڕاستەوخۆی نەخۆشەکەیە.
ئەگەر نەخۆشیی دەرونیی کەسەکە زۆر قورس بو دەتوانم لە نەخۆشخانەی دەرونی بیخەوێنم
ئەگەر نەخۆش پێویستیی بە ڕاپۆرتی دەرونی هەبو بە زمانەکانی ئەڵمانی و ئینگلیزی و عەرەبی و کوردی، بە تایپ بۆی دەنوسم و مۆری ئەڵمانی یا کوردی یا ئینگلیزیی لێدەدەم
نهێنیی نەخۆش هەمیشە پارێزراوە.