کلینیکی دکتور زاکروس غفور داراغا

15/06/2024

جەژنتان پیرۆز بێت.

09/04/2024

31/12/2023

پیرۆزبایی ساڵی نوێی 2024 لە چارەخوازە ئازیزەکانمان دەکەین بەهیوای ساڵێکی پڕ لە خۆشی و کامەرانی بۆ هەموو لایەک.

01/09/2023

خۆشەویستان ئاگادار دەکەینەوە کە لە بەرواری 5.9.2023، سێ شەممە ،دکتۆر زاگرۆس لە خزمەتی چارەخوازە خۆشەویستەکاندا دەبێت لە کلینیک.

27/06/2023

جەژنی قوربان پیرۆز بێت لە چارە خوازەکانمان بەهیوای لەش ساغی و تەندروستی باش بۆ هەموو لایەک ـ

23/03/2023

پیرۆز بایی مانگی پیرۆزی ڕەمەزان لە هەموو چارەخوازەکانمان دەکەین، بەهیوای لەش ساغی بۆ هەموو لایەک.

20/03/2023

جەژنی نەورۆز پیرۆز بێت لە هەموو خۆشەویستان، بەهیوای سەلامەتی بۆ هەموو لایەک.

22/11/2022

هیوایەک بۆ توشبوانی نەخۆشی شەکرە
دوو جۆری سەرەکی نەخۆشی شەکرە هەیە ئەویش جۆری یەک و جۆری دووە،هەروەها جۆری کەشمان هەیە کە لە دەرفەتێکی تردا بۆتان ڕوون دەکەینەوە.
جۆری یەک ئەو شەکرەیە کە لە منداڵ و هەرزەکاردا ڕوو دەدات وە دەبێت دەرزی ئەنسولین وەربگرن هەتا لە ژیاندا بن.
هەرچی جۆری دووە لە تەمەنی سەروو ٤٥ ساڵەوە ڕوو دەدات، وە ئەم نەخۆشانە زۆربەیان قەڵەون وە یەکێکی تر لە ئەندامانی خێزانەکەی شەکرەی هەیە. وە دەتوانرێت بە چەند ڕێگایەک شەکرەیان کۆنترۆڵ بکرێت وەکو پارێز، وەرش، دابەزاندنی کێش، دەرمانی شەکرە، وە هەندێ جار پێویستیان بەدەرزی ئەنسۆلین دەبێت.
هەواڵە خۆشەکە بۆ تووشبوانی نەخۆشی شەکرەی جۆری یەکە، ئەویش بەپێی ئەو هەواڵەی کە لە ڕێکخراوی شەکرەی ئەمەریکیی (ADA) یەوە پێمان گەیشتووە کە ئاژانسی خواردن و دەرمانی ئەمریکی (FDA) ڕەزامەندی داوە لەسەر بەکارهێنانی دەرمانێکی بایۆلۆجی (Biological agent) بەناوی (Teplizumab) کە دەبێتە هۆی دواکەوتنی قۆناغەکانی نەخۆشی شەکرەی جۆری یەک بەتایبەتی لەوانەی هێشتا نیشانەکانیان تێدا دەرنەکەوتووە. وەکو ئامەژەمان پێکرد تووشبوانی شەکرەی جۆری یەک دەبێت تا لە ژیاندا بن دەرزی ئەنسۆلین وەربگرن ، جا ئەگەر بتوانرێت بەم دەرمانە نیشانەکانی شەکرە و ماکە درێژ خایەنەکانی وە بەکارهێنانی دەرزی ئەنسۆلین بۆ چەند ساڵێک دوا بخات ،ئەمە بەدەست هێنانێکی زۆر گەورەیە نەک تەنها بۆ تووشبوانی نەخۆشی شەکرە بگرە بۆ خێزانەکانیشیان. ئەمڕۆ ڕۆژێکی مێژوویە بۆ کۆمەڵگای نەخۆشانی شەکرە.
بۆ زانیاری ,دەرمانە بایۆلۆجیەکان بۆ زۆر نەخۆشی درێژ خایەن بەکار دێت وەکو نەخۆشی ڕۆماتیزمی جوومگەکان وە چەندەها نەخۆشی تر.
د. زاگرۆس غفور داراغا
پسپۆری هەناوی و شەکرە 22.11.202

04/11/2022

ئامۆژگاری بۆ ئەو نەخۆشانەی کێشەی گەڕانەوەی ترشەڵۆکی گەدەیان هەیە (GERD)
١) هەوڵ بدە ٣ کاژێر پێش خەوتن خواردن نەخۆیت وە لە کاتی خەوتن هەوڵ بدە لەسەر لای چەپت بخەویت.
٢) هەوڵ بدە لە مادە کحولیەکان، گازیەکان، کافایین و جگەرە کێشان دوور بکەویتەوە.
٣) ئەگەر کێشت زۆرە، هەوڵ بدە کێشت دابەزێنیت.
٤) لەکاتی خەوتن با سەرت لە لاشەت بەرزتر بێت، واتە باسەرینەکەت بەرز بێت.
٥) هەوڵ بدە بڕی ژەمەکانت کەم بکەیتەوە بەڵام ژمارەیان زیاد بکەیت، لە جیاتی ٢-٣ ژەمی گەورە، ٤-٥ ژەمی بچووک بخۆ.
٦) دوور بکەوە لە خواردنی تیژ (بەهارات) و چەور. هەرگیز دوای خواردن یەکسەر ڕامەکشێ وە مەنوو.
٧) هەوڵ بدە لەو خواردنانە دوور بکەوە کە ترشەڵۆکت بۆ درووست دەکەن وەکو پیاز، شەربەتی مزرەمەنی فرێش، دۆشاوی تەماتە و شۆکۆلاتە.
٨) هەوڵ بدە جلی تەسک لەبەر نەکەیت.
٩) هەوڵ بدە زۆر خۆت نەچەمێنیتەوە.
١٠) بنێشت بجوو بۆ ئەوەی لیکت زیاد بکات کە دەبێتە هۆی هاوتا کردنی تڕشەڵۆکی گەدە.
١١) هەوڵ بدە خۆت خەریک بکەیت بەو کارانەی کە سترێس کەم دەکاتەوە.
د زاگرۆس غفور داراغا
پسپۆڕی هەناوی و شەکرە.
4.11.2022

04/10/2022

توشبوانی شەکرە پێویستە لەم خواردنەوانە دووربکەونەوە

نەخۆشی شەکرە یەکێکە لە نەخۆشیە مەترسیدارەکان، بەشێوەیەکی زۆر بڵاوەو ژمارەیەکی زۆر بە هۆکاری جیاواز توشدەبن.
توێژینەوە زانستیەکان دەریانخستووە ڕۆژانە خواردنەوەی دانەیەک لە خواردنەوە گازیەکان یان شیرینەکان زیانی بۆ توشبوانی شەکرە هەیە، هەروەها ڕێژەی شەکری خوێن پێنچ ئەوەندە زیاتر دەکات.
ئەو خواردن و خواردنەوانەی کالۆریان زۆر تێدایە دەبنە هۆی زیاد بوونی کێش، ئەمەش ئەگەری توشبوون بە نەخۆشی شەکرە زیاتر دەکات، ئەو کەسانەی بەدەست نەخۆشی شەکرەوە دەناڵێنن پێویستە لە خواردنی هەندێک میوە و خواردنەوە دووربکەونەوە کە دەبنە هۆی بەرزبونەوەی رێژەی شەکر لە خوێندا.
پزیشکان ڕێنمایی دەدەن توشبوانی شەکرە پێویستە لەم خواردنەوانە دووربکەونەوە چونکە ڕێژەیەکی زۆر شەکریان تێدایە:
-شەربەتەکان
پێویستە لە شەربەتە ئامادەکراوەکان یان ئەوانەی لە ماڵەوە بە فرێشی ئامادە دەکرێن بەبێ شەکر دووربکەونەوە، ڕاستە ئەوەی لە ماڵەوە ئامادە دەکرێت شەکری تێدا نییە،بەڵام میوەکان شەکری سروشتیان تێدایە دەبنە هۆی بەرزبونەوەی شەکری خوێن.
-خواردنەوە گازیەکان:
خواردنەوە گازیەکان کە شەکریان تێدایە زیان بە تەندروستی توشبوانی شەکرە دەگەیەنن.

دکتۆر‌ ‌زاگرۆس‌ ‌غفور‌ ‌داراغا‌
پسپۆڕی‌ ‌نەخۆشیەکانی‌ ‌هەناو‌ ‌و‌ ‌شەکرە‌ ‌و‌ ‌کوێرە‌ ‌گلاندەکان‌
ناونیشان/ شەقامی ئیبراهیم پاشا - نزیک فەرعی دارۆ‌غا -
‌07703506690

26/09/2022

بەشداری کردنم لە گۆنگرەی ئەوروپی بۆ نەخۆشی شەکرە EASD لە شاری ستۆکهۆڵم سوید .
ئەم کۆنگرەیە ساڵانە دەکرێت هەر ساڵەو لە وڵاتێکی ئەوروپی ئەنجام دەدرێت و چەندەها توێژینەوەی تازە لە سەر نەخۆشی شەکرە باس دەکرێت لەگەڵ تازەگەریەکان لە بواری شەکرە و بەکارهێنانی تەکنەلۆژیای تازە لە بواری پێوانی شەکرەی خوێن و پێدانی ئەنسولین بە نەخۆش .
ئەم کۆنگرەیە تایبەتە بە ڕێکخراوی شەکرەی ئەورپی.