01/10/2025
ڤیتامین دی چییە؟(Vitamin D3)
نیشانەکانی کەمی ڤیتامین دی (Vitamin D3) چین؟
بۆچی پێویستە ڕێژەی ڤیتامین دی (Vitamin D3 )بە نۆرماڵی بهێڵینەوە؟
چۆن ڕێژەی ڤیتامین دی (Vitamin D3) بەرزبکەینەوە؟
ڤیتامین دی ڤیتامینێکی تواوەی چەورییە و یارمەتی لەش دەدات لە هەڵمژینی کالیسیۆم و فسفۆر، کە پێویستن بۆ تەندروستی ئێسک و ددان و ماسولکەکان. هەندێک جار پێی دەوترێت “ڤیتامینی تیشکی خۆر” چونکە جەستە دەتوانێت دروستی بکات کاتێک پێست بەر تیشکی خۆر دەبێت. هەروەها پاڵپشتی سیستەمی بەرگری لەش و تەندروستی گشتی دەکات. ڤیتامین D3 سەرچاوەکەی لە گۆشت و تیشکی خۆردایە
نیشانەکانی کەمی ڤیتامین D3 :
ئازاری ئەژنۆ و پشت
ئازاری ئێسکەکان بە گشتی
شەکەتی و بێ تاقەتی
سستی پێست و لاوازی نینۆک
هەڵوەرینی قژ
لاوازی ماسولکەکان
بۆچی پێویستە ڕێژەی ڤیتامین دی (Vitamin D3 )بە نۆرماڵی بهێڵینەوە؟
گرنگترین شت کە پێویستە لەسەر ڤیتامین D بزانین ئەوەیە کە پێویستە بۆ تەندروستی ئێسک و بەرگری لەش، هەروەها نەخۆشییە درێژخایەنەکان. بەبێ بوونی ڤیتامین D ی پێویست، جەستەت ناتوانێت کالیسیۆم بە باشی هەڵبمژێت، ئەمەش دەبێتە هۆی لاوازبوونی ئێسکەکان (ڕیکێت لە منداڵدا، پووکانەوەی ئێسک لە گەورەکاندا) و مەترسی زیاتری تووشبوون بە هەوکردن و لاوازی ماسولکەکان و نەخۆشییە درێژخایەنەکان.
چۆن ڕێژەی ڤیتامین دی (Vitamin D3) بەرزبکەینەوە؟
زۆر خواردنی شیر، پەنیر، ماست، ماسی، هێلکە.
ڕۆژانە بۆ ماوەی ٣٠ خولەك خۆت بدە بەر تیشکی خۆر بەومەرجەی تیشکی خۆر بەشێوازی تەندروستی لێتبدات.
بەکار هێنانی دەرمانی ڤیتامین D3 کە بە چەند جۆرێک هەیە وەک:
بە شێوازی قەترە
بە شێوازی گەمی جەلی
بە شێوازی کەپسول و حەپ
بە شێوازی دەرزی شێوازی بەکارهێنانی بە گوێرەی زۆری و کەمی ڤیتامینەکە ئەگۆڕێت.
# شیکاری ڤیتامین D3 لامان دەکرێت ئەتوانن سەردانمان بکەن.
