بەڕێوەبەرایەتی خۆپاراستنی تەندروستی سلێمانی

25/02/2026

کۆبوونەوەی ساڵانەی بەڕێوەبەرایەتی خۆپاراستنی تەندروستی سلێمانی ، لەپێناو خزمەتی زیاتری نەخۆش و کارکردن بۆ دابینکردنی زۆرترین خزمەتگوزاری تەندروستی لەمەڵبەندە تەندروستییەکان بەڕێوەچوو.

ئەمڕۆ چوار شەممە ڕێکەوتی ٢٠١٦/٢/٢٥ لەهۆڵی بەڕێوەبەرایەتی تەندروستی خۆپاراستن، بەسەرپەرشتی جێگری بەڕێوەبەری (بەڕێوەبەرایەتی خۆپاراستنی تەندروستی سلێمانی) بەڕێز (کارزان ڕەفیق) و بەئامادەبونی لێپرسراوی دەرمان و پێداویستی پزیشکی مەڵبەندە تەندروستییەکان دکتۆر (یادگار) و لێپرسراوی هۆبەی چاودێری و سەلامەتی گەشەی منداڵ دکتۆرە (سایە) کۆبوونەوەکە بەڕێوەچوو، کەسەرجەم بەڕێوبەری مەڵبەندە تەندروستییەکانی سنوری سلێمانی ئامادە بوون.

لەکۆبونەوەکەدا چەند تەوەرێک گفتگۆی لەبارەوە کرا لەوانە زیاترکردنی خزمەتگوزاری تەندروستی و دابینکردنی بڕی پێویستی پێشوەختەی دەرمان و پێداویستییە تەندروستییەکان، هەروەها تیشک خرایە سەر چەند بابەتێکی پەیوەست بەتەندروستی منداڵی خوار یەک ساڵ و ڕێنماییە پێویستەکان لەوبارەیەوە تەوەرێکیتری کۆبوونەوەکەبوو.

لەکۆتایی کۆبوونەوەکەشدا ئامادەبووان سەرنجی خۆیان لەبارەی تەوەرەکانی کۆبوونەوەکەوە خستەڕوو .


ڕاگەیاندنی خۆپاراستنی تەندروستی سلێمانی

11/02/2026

وتنەوەی خ*ل و سیمینار ...

هۆبەی پەتاگەری نەخۆشیە گوازراوەکان لە بەڕێوەبەرایەتی خۆپاراستنی تەندروستی سلێمانی خ*لێکی دوو ڕۆژەیان بۆ کارمەندانی نەخۆشخانەو مەڵبەندە تەندروستیەکانی سلێمان و چەمچەماڵ کردەوە.

کردنەوەی خ*لەکە بە مەبەستی ئاماری حەفتانەیە لە سەر بەرنامەی ـــ DHIS 2 ـــ

ڕاگەیاندنی خۆپاراستنی تەندروستی سلێمانی

02/02/2026

. (بسم الله الرحمن الرحيم) ‌
وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمُ الْمُهْتَدُونَ

بەداخ و پەژارەوە هەواڵی كۆچی دوای (هۆگر عبدالقادر صابر) کارمەندی بەڕێوەبەرایەتیمان لە هۆبەی چاودێری تەندروستی سلێمانی ڕادەگەیەنین.

كۆچی لەناكاویان لە دڵەوە هەموومانی خەمبار و نیگەران كرد.
بۆ ئەم كۆسپە خامناكە بەناوی بەڕێوەبەرایەتی خۆپاراستنی تەندروستی سلێمانیەوە پرسە و سەرەخۆشی خۆمان ئاڕاستەی خێزان و هاوڕێیان و كەسوكار و بنەماڵە بەڕێزەكەیان دەکەین.

لە خوای گەورە داواكارین رۆحی پاكی بە بەهەشتی بەرین شاد بكات و سەبر و ئارامی بەهەموو لایەك ببەخشێ.


{ إِنَّــا لِلَّهِ وَإِنَّــا إِلـَيْـــــهِ رَاجِــــعُــــونَ }

20/01/2026

کۆبونەوەی ساڵانەی هۆبەی نەخۆشیە گوازراوەکان

لە بەرواری ٢٠٢٦/١/١٩ هۆبەی نەخۆشیە گوازراوەکان سەر بە بەڕێوەبەرایەتی خۆپاراستنی تەندروستی سلێمانی هەڵسان بە کۆبونەوەی ساڵانەی خۆیان لە گەڵ مەڵبەندو سێکتەرە تەندروستیەکانی سەر بە بەڕێوەبەرایەتی تەندروستی سلێمانی.

ئامانج لە کۆبونەوەکە خستنەڕوی ئامارو چالاکیەکانیان و دانانی پلان و کارکردنیان بو بۆ ساڵی ٢٠٢٦ .

ڕاگەیاندنی خۆپاراستنی تەندروستی سلێمانی

14/01/2026

(خستنە ڕوی چالاکیەکانی هۆبەی پتەوکردنی تەندروستی)

لە بەڕێوەبەرایەتی خۆپاراستنی تەندروستی سلێمانی هۆبەی پتەوکردنی تەندروستی و یەکەکانی روشنبیری تەندروستی لە مەڵبەندە تەندروستیەکاندا کۆبونەوەی ساڵانەی خۆیان ئەنجام دا.

لە کۆبونەوەکەدا باس و خستنە ڕووی چالاکیەکانی ٢٠٢٥ و دانانی پلان بۆ سالێ ٢٠٢٦ و دەست پێکی پڕۆژەی وشیارکردنەوەی خوێندكاران لە قوتابخانەکاندا کرا ..

جێی ئاماژەیە سوپاس و پێزانینی هۆبەکە درا بە یەکەکانی ڕۆشنبیری تەندروستی لەپای خزمەتکردنیان.

ڕاگەیاندنی خۆپاراستنی تەندروستی سلێمانی

11/01/2026

24/12/2025

تیمەکانی (خۆپاراستنی تەندروستی سلێمانی) لەهەڵمەتێکدا بۆ دڵنیابوون لەتەندروستی هاوڵاتیان و پاکی سەرچاوەکانی دابەشکردنی ئاوی خواردنەوە، ناوچە کارەساتبارەکانی چەمچەماڵ و دەوروبەریان بەسەر کردەوە.

پاش ئەو کارەسات و لافاوەی بەسەر قەزای چەمچەماڵ و دەوروبەریدا هات، لەبەرواری ١٨/ ١٢/ ٢٠٢٥ تیمەکانی بەڕێوەبەرایەتی خۆپاراستنی تەندروستی سلێمانی سەردانی ناوچەکەیان کردو لەگەڵ ( نوێنەری تەندروستی نوسینگەی جێگری سەرۆکی حکومەت) و (بەڕێوەبەرایەتی تەندروستی چەمچەماڵ) و بەڕێوەبەرایەتی ئاوی قەزاکە کۆبوونەوە، دواتر سەرجەم تیمەکان کەژمارەیان (١٥) تیم بوو لەسێکتەرە جیاوازەکان، سەردانی گەڕەک و کۆڵانە کارەساتبارەکانی چەمچەماڵ و ناحیەکانی تەکیە و شۆڕشیان کرد، بەمەبەستی دڵنیابوونەوە لەتەندروستی هاوڵاتیان و خۆراک و ئاو و ژینگەی ناوچەکە، هەروەها ڕێنمایی پێویستی خۆپارێزی لەوبارەیەوە بەهاوڵاتییانی ناوچەکە درا.

جێی ئاماژەیە بەهۆی ئەو کارەسات و لافاوەی لەچەمچەماڵ و دەوروبەری ڕویدا ژمارەیەک هاوڵاتی بوونە قوربانی و زەرەر و زیانێکی زۆر بەر ماڵ و موڵکی هاوڵاتیان و فەرمانگە حکومییەکانی ناوچەکە و سەرچاوە ئاوییەکانی چەمچەماڵ کەوت و کارەساتێی مرۆیی لەناوچەکە دروست بوو.

ڕاگەیاندنی خۆپاراستنی تەندروستی سلێمانی

22/12/2025

لەچاپدانی ژمارەیەک پۆستەری هۆشیاری تەندرووستی بەمەبەستی بڵاوکردنەوەی بەسەر خوێندنگا بنەڕەتی و ناوەندییەکاندا..

ڕێباز فاوندەیشن بە هەماهەنگی لەگەڵ بەرێوەبەرایەتی خۆپاراستنی تەندروستی سلێمانی، یەکێک لە پرۆژەکانی ساڵی ٢٠٢٥ بریتی بوو لە دیزاین و چاپکردنی ژمارەیەک پۆستەری هۆشیاری تەندروستی لەژێر ناونیشانی (پاراستنی ژینگە ئەرکی هەمووانە، سوودەکـانی جوڵان و وەرزشکـردن، هەنگاوەکانی دەست شتن، چۆنیەتی ددان شتن، دوورکەوتنەوە لە کێشانی جگەرە و نێرگەلـە و ڤەیپ )

شایەنی باسە پۆستەرەکان لە وەرزی دووەمی خوێندندا دابەشدەکرێت بەسەر خوێندنگەکاندا.

ڕاگەیاندنی خۆپاراستنی تەندروستی سلێمانی

30/11/2025

خوێندکارانی پزیشکی زانکۆی سلێمانی بەشێوەیەکی پراکتکی وانەیان لەسەر سێکتەرە جیاوازەکانی خۆپاراستنی تەندروستی پێدەوترێتەوە .

وەک نەریتێکی ساڵانەی خۆی بەڕێوەبەرایەتی خۆپاراستنی تەندروستی سلێمانی بۆماوەی هەشت مانگ و لەڕێگەی وانەو بابەتی فێرکاری و پراکتیکی تایبەتەوە، خوێندکارانی قۆناغی چوارەمی بەشی پزیشکی ئاشنا دەکات بەسێکتەرە جیاوازەکانی خۆپاراستنی تەندروستی وەک ( چاودێری تەندروستی، سەلامەتی خۆراک، پتەوکردنی تەندروستی نەخۆشیە گوازراوە و نەگوازراوەکان ،تاقیگەکانی خۆراک و ئاو و ڤایرۆس و پاراسایت و کوتان) .

وانەکان لەلایەن پزیشک و مامۆستایانی پسپۆڕی بەڕێوەبەرایەتی خۆپاراستنی تەندروستی سلێمانیەوە پێشکەش دەکرێت، ئامانجیش لەچالاکیەکە ئاشناکردنی خوێندکارانی پزیشکییە بەو ڕێکار و خۆپارێزییە پراکتیکیانەی پێویستە بۆ پاراستنی تەندروستی گشتی ئەنجام بدرێت.


ڕاگەیاندنی خۆپاراستنی تەندروستی سلێمانی

25/11/2025

پشکنینی تەندروستی هاوڵاتیان بۆ بەجێگەیاندنی فەریزەی (حەج) لە بەڕێوەبەرایەتی خۆپاراستنی تەندروستی سلێمانی.

ئەمڕۆ سێ شەمە ٢٠٢٥/١١/٢٥ یەکەم ڕۆژی دەسپێکردنی پشکنینی تەندروستی بۆ ئەو هاوڵاتیانەی کە ناویان هاتوەتەوە بۆ بەجێگەیاندنی فەریزەی خەج.

ڕاگەیاندنی خۆپاراستنی تەندروستی سلێمانی

24/11/2025

ئاگاداری...

داوا لەو هاوڵاتیانەی سنوری پارێزگای سلێمانی دەکەین کە بۆ بەجێگەیاندنی فەریزەی (حەج) ناویان هاتووەتەوە سەردانی بەڕێوەبەرایەتیەکەمان بکەن، بۆ مەبەستی پشکنین.

تێبنی: ئەو پێداویستیانەی کە پێویستە کەسەکە لەگەڵ خۆیدا بیهێنێت
١-وێنەیەک
٢-کارتی نیشتیمانی
لەبەرواری ٢٠٢٥/١١/٢٥ دەتوانن سەردانمان بکەن.

ڕاگەیاندنی خۆپاراستنی تەندروستی سلێمانی

26/10/2025

(چۆن ڤاکسین کۆمەڵگایەکی تەندروست دروست دەکات)

ئەمڕۆ یەک شەمە ٢٠٢٥/١٠/٢٦ هۆبەی کوتان لە بەڕێوەبەرایەتی خۆپاراستنی تەندروستی سلێمانی سیمنارێک لەسەر ( هۆشیارکردنەوەو سودو گرنگی پێدانی ڤاکسین ) لەلایەن دکتۆر کاردۆ پێشکەشکرا.

سیمینارەکە بۆ خوێنکارانی قۆناغی (چواری پەرستاری) لە (زانکۆی پۆلی تەکنیکی سلێمانی) بوو.

ڕاگەیاندنی خۆپاراستنی تەندروستی سلێمانی