15/11/2025
متلازمة ايزنمينغر
بسبب الفتحة بين البطينين يصير تدفق الدم من البطين الايسر الى الايمن بشكل منطقي .
اذا استمر هذا التدفق القوي حيصير عدنا ارتفاع بضغط الشريان الرئوي ثم يتحول التدفق من البطين الايمن للايسر .
بمجرد انعكاس اتجاه الدم و تحول التدفق من الايمن للايسر صارت العملية مالها فائدة و التغييرات اللي صارت بالرئتين و القلب ماممكن علاجها و المريض يحتاج زراعة قبل و رئتين .
المفروض من البداية الاب و الام يحجون ويا طبيبهم و يفهمهم الحالة و اذا هملوها شنو ممكن يصير .
هذا الشاب كسر خاطري يريد حل باي عملية ممكنة وللعلم الوفيات اغلبها بالثلاثينات او الاربعينات يعني يعرف بعد ماعنده وقت يعيشه .
شنو ذنبه هو ؟ اسوء شي من يكونون الاهل جاهلين و هاملين اطفالهم ، الطفل لاحول و لاقوة يمشي ورا اهله .
ياريت لو اكو لجان تتابع حالات الاطفال اللي يحتاجون عمليات واسباب تأخير العملية لان ذوله الاطفال ما الهم سلطة على انفسهم و اهلهم اذا جاهلين معناها انحكم على اطفالهم بمرض دائم .
د. عثمان قتيبه
مقيم أقدم جراحة القلب
#العراق #طب
