د. مآب جاسم محمد

د. مآب جاسم محمد صفحة طبية توعوية في كل ما يخص أمراض المفاصل والعظام

تنويه هام تم انتقال عيادتنا 🎀العنوان:بغداد - شارع المغرب - مقابل ثانوية المتميزاتاوقات دوام العيادة:يوميا من الساعة ٣ ال...
18/04/2025

تنويه هام تم انتقال عيادتنا 🎀

العنوان:
بغداد - شارع المغرب - مقابل ثانوية المتميزات

اوقات دوام العيادة:
يوميا من الساعة ٣ الى ٧:٣٠ مساءا
عدا يومي الجمعة والاربعاء (عطلة العيادة)

للاستفسار الاتصال ساعة 10 صباحا على الرقم
07737661627

د. مآب جاسم محمد
اختصاص (دكتوراه - بورد) في أمراض المفاصل والروماتيزم والتأهيل الطبي
F.I.B.M.S Rheum. & Med. Rehab.

09/09/2024

عنوان العيادة:
بغداد - شارع المغرب - مقابل ثانوية المتميزات

اوقات الدوام:
يوميا من الساعة ٣ الى ٧:٣٠ مساء، ما عدا يومي الجمعة والاربعاء (عطلة العيادة).

الحجز:
نستقبل يوميا عددا محدودا لا يتجاوز 15 مريضا، نظرا لان معظم مراجعي العيادة يعانون من امراض مناعية تتطلب دقة في اخذ التاريخ المرضي، والفحص، والعلاج، وشرح حالة المريض.

لذلك، يكون الحجز عن طريق الاتصال بالرقم المذكور ادناه ابتداء من الساعة ١٠ صباحا حتى اكتمال العدد.

اولوية الدخول الى العيادة تعتمد على اسبقية الحضور. وبسبب طبيعة الامراض المناعية، قد يحتاج مريض الى ربع ساعة للفحص واخر الى ساعة، مما يجعل من الصعب تحديد مواعيد دقيقة لكل مريض.

لذلك، نعتذر عن استقبال اي مريض لم يحجز مسبقا عن طريق الاتصال.
نرجو تفهمكم.
دمتم بصحة وامان.

رقم الحجز: 07737661627

علاج امراض المفاصل يتكون من 3 محاور:الاول: تعليمات صحيحةالثاني: تمارين علاجيةالثالث: علاجات دوائية بهذا الپوست راح اثبت...
17/07/2024



علاج امراض المفاصل يتكون من 3 محاور:
الاول: تعليمات صحيحة
الثاني: تمارين علاجية
الثالث: علاجات دوائية

بهذا الپوست راح اثبت اهم التمارين الي تحتاجوها وكل مريض حسب تشخيصه ..

🔹 تمارين الرقبة والظهر هي للتشنج العضلي والانزلاق والسوفان وتشمل

تمارين المدى الحركي للرقبة والظهر (صورة 1 & 2)

تمارين مكنزي
https://youtu.be/w3Q0xwuIF20?si=sfKWY0nxtr-VYPHu

🔸 تمارين الركبة للخشونة والسوفان وتشمل

المشي وبعد فترة من الالتزام بالمشي وتحس اداء الركبة تحسن تبدي ..

تمارين تقوية العضلات الرباعية مثل Quad set
https://youtu.be/5TUK4uT2nnw?si=sLEaC2dW5o7PFRXd

🔹 تمارين مرونة الورك
https://youtu.be/xn0sMRdMFC4?si=80RIp6fiZDYejq92

🔸 تمارين مرونة الكتف
https://www.facebook.com/reel/1082952595945618?fs=e&s=TIeQ9V&mibextid=0VwfS7

🔹 تمارين تجمد الكتف وتشمل

تمارين البندول وتسلق الحائط
https://youtu.be/BQIsQItAcOI
https://youtu.be/kuJjYd-rdww

🔹 تمارين الالم الليفي او الابهر
https://youtu.be/6WynJSdu2KI

🔸 تمارين فرط الحركة
https://youtu.be/XxZekPIeCzE

🔹 تمارين التهاب العضلات المناعي
تمارين تقوية عضلات الفخذ باستعمال الخاولي والكرة
الوقوف من وضع الجلوس
دفع الحائط
هذه موجودة بالصور ادناه
وبعد متبدي عضلاتكم تقوى تضيفون تمارين مرونة الورك والكتف ..

♦️ المشي 3-4 ساعات اسبوعيا مهم لكل الجسم والمفاصل وكذلك السباحة .. يعني تعتبر روتين يومي

♦️ كل التمارين تبدون بتعداد قليل حتى اذا تسوون الحركة مرة وحدة باليوم وبسرعة بطيئة وتتدرجون حسب لياقتكم يعني مو راسا مثل الڤديوات تعداد 30 ..

♦️ ونرجع الرياضة 30-60 دقيقة يوميا راح تخلصك من آلام ومشاكل المفاصل وممكن حتى زيارة الطبيب ..

دمتم اصحاء 🏃🏻 🏊‍♀️ 💪🏻

د. مآب جاسم محمد
اختصاص (دكتوراه - بورد) في أمراض المفاصل والروماتيزم والتأهيل الطبي

مريضاتي الي عندهم متلازمة اضداد الشحوم الفوسفورية (Antiphospholipid Syndrome)وعلى علاج وارفرين .. 1️⃣ الوارفرين هو علاج ...
07/06/2024

مريضاتي الي عندهم متلازمة اضداد الشحوم الفوسفورية
(Antiphospholipid Syndrome)
وعلى علاج وارفرين ..

1️⃣ الوارفرين هو علاج مضاد للتخثر (مميع) اذا انطينا بالجرعة الصحيحة ..
بالجرعة العالية ممكن يزيد نسبة النزف ..
وبالجرعة القليلة ممكن تزيد خطورة التخثر ..

2️⃣ لذلك لازم نتابع عن طريق تحليل اسبوعي وهو INR
لازم تكون نسبة INR بين 2-3
التحليل موجود باغلب المستشفيات والمختبرات الاهلية ..
اذا شفتوا الرقم اكثر من 5 تترك جرعة الوارفرين وتراجعون مباشرة ..

3️⃣ اي نزف من الجسم لازم تترك جرعة الوارفرين والمراجعة مباشرة ..
النزف يعني خروج دم من الفم سواء من اللثة او تقيوء دم - دم مع الخروج - دم من الانف - او نزف شديد مصاحب للدورة الشهرية ..
التقيوء بلون داكن مثل القهوة هذا نزف ..
الخروج اذا كان لود اسود هذا نزف ..

4️⃣ بأي تداخل جراحي او قلع اسنان لازم تبلغون الطبيب انو تستعملون الوارفرين ..

5️⃣ الوارفرين يتفاعل مع مجموعة من الاغذية والادوية .. رتبتلكم صورة بقائمة كل الاغذية الممنوعة ..
و بالنسبة للادوية دائما شوفوها لطبيبكم او للصيدلي حتى ميصرفولكم الادوية الي تتفاعل مع الوارفرين ..
و بحال الدواء كان ضروري ممكن نغير جرعة الوارفرين حتى نمنع التخثر او النزف ..

6️⃣ هسه تگولون اذا علاج خطر ليش دنصرفه ؟
لان ببساطة هو العلاج الافضل لمنع التخثر في متلازمة اضداد الشحوم الفوسفورية وبحال اذا التزمتوا بالتحليل وامتنعتوا عن الاغذية المذكورة وما اخذتوا ادوية بكيفكم مثل الاعشاب والمسكنات والمقويات الي منعرف شخابطين بيها مراح تصير مضاعفات ..
اكو غير ادوية للتخثر يستعملوها اطباء امراض الدم والاوعية الدموية وهذه اامن نسبيا من الوارفرين لكن للاسف متفيد بحالة مرضكم ..

7️⃣ اخذ الوارفرين وعندي انفلاونزة شاخذ علاج ..
اخذ براسيتول وسوائل دافية ..
لان اصلا الانفلاونزة هي التهاب ڤايروسي ميحتاج علاج ياخذ وقته ويروح ..

8️⃣ هسه نجي لاهم نقطة ..
يوميا توصلني مئات الرسائل ..
حتى اگدر اتابع تحاليلكم اسبوعيا لازم تساعدوني ..
كل اسبوع تدزون صورة الوصفة وبعدها صورة اخر تحليل
مع كتابة اخر جرعة وارفرين ..
الرسائل لمتابعة التحليل فقط اي نقاش واسئلة تكون خلال الزيارة الدورية للفحص ..

9️⃣ الوارفرين بيه جرع ١ ملغم و٣ ملغم و٥ ملغم ..
راح نبدي ب ٣ ملغم مثلا
وبعدها ابدي ازيد حتى احافظ ع نسبة التحليل
اذا كلنا جرعة ٤ ملغم يعني نفس الوقت تاخذون ٣ مع ١ ملغم مثلا ..
وحاولوا دائما تاخذون نفس الشركة الدوائية حتى يكون نفس الفعالية ونگدر نضبط التحليل ..

#وارفرين

د. مآب جاسم محمد
اختصاص (دكتوراه - بورد) في أمراض المفاصل والروماتيزم والتأهيل الطبي

04/03/2024

الهروب مش هو الحل 🏃🏻🏃🏻‍♀️

الامراض المناعية الرثوية هي امراض مزمنة وعلاجها مزمن ..ومهم تعرفون اسم المرض واسم العلاج المناعي الي تاخذوا ..كل مريضة ا...
29/02/2024

الامراض المناعية الرثوية هي امراض مزمنة وعلاجها مزمن ..
ومهم تعرفون اسم المرض واسم العلاج المناعي الي تاخذوا ..
كل مريضة اشخصها مرض مناعي .. اشرحلها عن المرض والعلاج ما يقارب 15-20 دقيقة ..
واكتبلها اسم المرض ع الوصفة عربي وانگليزي واگولها ارجعي اقري ع الصفحة ..
وانطيها تحاليل المتابعة بعد شهر ..

بس دتكرر حالات ترجعلي بعد شهر وكأنما محد شارحلها ..
وحدة اگولها الرثوي الحمد لله تحسن ..
تگولي اسم الله ليش اني عندي رثوي 😮

السؤال لمراجعاتي ..

دا اشرح بطريقة تفهموها او لا ؟
دا اشرح قليل ؟
لو هوايه ودا ادوخكم ؟

د. مآب جاسم محمد
اختصاص (دكتوراه - بورد) في أمراض المفاصل والروماتيزم والتأهيل الطبي

حجية وزنها 135 ودكتورة جايه عليج تطيبيني ؟الحجية هسه بعد حتى ميفيد نگولها قللي وزن ..واكيد ماكو حباية تگومها !المشكلة بن...
18/10/2023

حجية وزنها 135 ودكتورة جايه عليج تطيبيني ؟
الحجية هسه بعد حتى ميفيد نگولها قللي وزن ..
واكيد ماكو حباية تگومها !
المشكلة بنتها الي عمرها بالاربعين هم وزنها عابر 100 !
حافظوا على وزنكم من انتو صغار تره بعد محد يشيلكم ..
واكيد الاكل طيب بس الصحة اهم ..
رياضة 30-60 دقيقة يوميا كلش تفرق جسديا ونفسيا واحنا كلنا نضيع ساعات على اشياء غير مهمة ..

د. مآب جاسم محمد
اختصاص (دكتوراه - بورد) في أمراض المفاصل والروماتيزم والتأهيل الطبي

شنو علاقة ارتفاع ضغط الدم مع مسكنات المفاصل ؟📍 ادوية المفاصل ممكن ترفع الضغط بالاستعمال الطويل الي يتعدى الشهر ممكن ترفع...
06/10/2023

شنو علاقة ارتفاع ضغط الدم مع مسكنات المفاصل ؟

📍 ادوية المفاصل ممكن ترفع الضغط بالاستعمال الطويل الي يتعدى الشهر ممكن ترفعه 5-10 ملم زئبقي
(يعني بالقياس المتعارف عليه مثلا 140 ترتفع 150)
لذلك غالبا ننصح المرضى بترك ادوية المفاصل المسكنة بحدود اسبوعين الى اربعة لتجنب ارتفاع الضغط ..

📍 بس الي ضغطهم اصلا عالي وغير مستقر اكيد الادوية ممكن ترفعه اسرع .. لذلك دائما نسال المرضى عن معدل ضغطهم واذا ملتزمين بادوية الضغط او لا

📍 للاسف اغلب المرضى ميتابعون قياس ضغطهم بالبيت ويستعملون ادوية الضغط عنده الحاجة بحجة لا اتعود عليه وكثير منهم يجاوب اني ما اخذه اله يبدي راسي يوجعني !

في ارتفاع الضغط الشديد فقط ممكن تبين اعراض وممكن جدا ضغطك مرتفع وراسك ميوجعك ..
عدم السيطرة على الضغط ممكن تسبب امراض قلب وكلى وعيون وممكن بدل متتعود على حباية ضغط وحده تحتاج بعد وياها ٤ حبات مثلا اذا صار عندك ذبحة قلبية ..

❓تعرفون قياس الضغط الطبيعي ..
الاغلب من اسالهم ميعرفون ..
الطبيعي لازم اقل من 135/85
اذا الرقم اكثر من هذا المريض المفروض يتابع مع اختصاصي باطنية ليقرر بدء علاج للضغط ..
يعني مو دكتورة عادي اني ضغطي متعود عليه يصعد 150 ومياذيني !

هسه نجي لادوية المفاصل الي تصعد الضغط بالاستعمال الطويل هي مضادات الالتهاب الغير ستيرويدية مثل الپونستان والپروفين والڤولتارين والموبك والناپروكسين والكوكس وغيرها

✔️ رجاءا اي مريض يراجعنا جيب وياك اي ادوية تاخذها واي تحاليل او اشعات مسويها حتى اذا قديمة .. وحتى اذا بنظرك متخص المفاصل .. لان الم المفاصل ممكن يكون نتيجة امراض غدد او التهابات صدرية او مضاعفات سكري او عرض لمرض جهاز هضمي وغيرها ..

د. مآب جاسم محمد
اختصاص (دكتوراه - بورد) في أمراض المفاصل والروماتيزم والتأهيل الطبي

🔸 مرضانا الي ياخذون حب ميثوتركسيت اسبوعيا ..🔸 العلاج الي تاخذو اصلي بس كان يدخل للعراق تهريب وليس عن طريق وزارة الصحة .....
02/06/2023

🔸 مرضانا الي ياخذون حب ميثوتركسيت اسبوعيا ..

🔸 العلاج الي تاخذو اصلي بس كان يدخل للعراق تهريب وليس عن طريق وزارة الصحة .. وحاليا اكو حملة على الكثير من الادوية التهريب وبدت تنگطع من الصيدليات

🔸 الي تلگى الحب تبقى عليه

🔸 الي متلگى الحب لازم نحول على الابر ..
الابر نوعين: الاصلية هي ميتوجكت وتناخذ تحت الجلد سعرها تقريبا غالي 35 الف اسبوعيا وبيها جرعتين 15 و 20 ..
اكو ابر تقليد انكليزي او هندي وتنطي عضلي وسعرها نفس سعر الحب تقريبا وهذه لازم نحسب كم سي سي تاخذون حسب ما يعادل الحب ..

🔸 مراجعينا الي اشتريتو الابر دزو رسالة بيها صورة اخر وصفة ونوع الابرة الي اشتريتوها حتى نحدد الجرعة ..
الي تراجعون غير طبيب اسالو طبيبكم المعالج وهو يقرر على الجرعة ويا نوع يحولكم ..

د. مآب جاسم محمد
اختصاص (دكتوراه - بورد) في أمراض المفاصل والروماتيزم والتأهيل الطبي

❓شلون تختارون الاختصاص المناسبيوميا تمر علينا عشرات الحالات مراجعين اختصاص خطا ..المشكلة مو بس الناس البسطاء يخطؤون باخت...
03/05/2023

❓شلون تختارون الاختصاص المناسب

يوميا تمر علينا عشرات الحالات مراجعين اختصاص خطا ..
المشكلة مو بس الناس البسطاء يخطؤون باختيار الاختصاص المناسب حتى المتعلمين والمثقفين وقسم من الزملاء بالسلك الطبي ..
ببساطة لان الموضوع شائك ومعقد وكثير من الامراض متداخلة بين عدة اختصاصات ..
بس راح احاول اوضح وابسط الموضوع عسى ولعل يساعدكم بالاختيار ..

الطبيب يمر بعدة مراحل بحياته ..
كلية الطب وبعدها التخرج والعمل كمقيم وخلال هذه الفترة يتعلم التعامل مع اكثر الامراض والحالات شيوعا ..
وبعدها يبدي مرحلة الاختصاص والي تكون بفرع واحد يعني ماكو طبيب يختص بفرعين او اكثر ..
والاختصاص بيه عدة شهادات مثل الدبلوم العالي والماستر والدكتوراه والتخصص الدقيق ..

❓ هسه انتو شنو راح تستفادون من هذه المقدمة

اول شي من تدخل لطبيب اقره القطعة واعرف اختصاصه وشهادته ..
اغلبنا القطع صغيرة ومتنذكر بيها هذه التفاصيل .. تگدر تعرف ببساطة من الوصفة .. اقروا الوصفة ..

مثلا دكتوراه جراحة الدماغ والعمود الفقري والصرع والروماتيزم ..
معناها اختصاصه جراحة دماغ وعمود فقري بس اكيد مو صرع ولا روماتيزم لان ما ممكن طبيب ياخذ اختصاص باكثر من فرع !

طبعا اكو هوايه مو اطباء وفاتحين عيادات وعندهم وصفات !
مثلا معالج طبيعي ممكن يفتح مركز علاج طبيعي بس اكيد ما ممكن يشخص ويكتب علاج ويوهم الناس انو طبيب .. بس ببلدنا تصير ..
او معاون طبي ويفتح عيادة ويشخص ويعالج مرضى وتالي يجونا مرضى الاصابات والحروق صاير عندهم التهاب دم جرثومي ويتوفون ..

اكو عيادات بأسماء اطباء عرب سوريين او غيرهم وممعروفة شهاداتهم !

واكو اطباء يعالجون امراض متخص اختصاصهم ..

هسه راح نجي للاختصاصات ..

🌎 بكل دول العالم المتطورة ماكو مريض يدخل لاختصاصي مباشرة لا بمستشفى ولا بعيادة ..
انما يراجع طبيب الاسرة ..
اختصاصي الاسرة هو طبيب ملم بالامراض الشائعة باغلب الافرع .. وهو يحدد اذا المريض يحتاج يحال الى اختصاص معين او لا ..
اختصاص الاسرة ممكن تلكى بالقطعة باطنية ونسائية واطفال ..
ببلدنا ممفعل هذا النظام المريض بكيفه وين ميريد يروح والطبيب بكيفه المن ميريد يستقبل وهنا بدت الفوضى !

هسه راح نحاول نقسم الاختصاصات ..
مثلا ارتفاع الضغط والسكري وامراض القلب هذه من اختصاص الباطنية ..

الامراض النسائية والحوامل اكيد يراجعون اختصاص نسائية ..

والاطفال يراجعون اختصاص اطفال ..

واللي يحتاج عملية يراجع جراح ..

هذه الاختصاصات السابقة نسميها اختصاصات رئيسية .. وغالبا كلكم تعرفوها ..
اكو اختصاصات نسميها صغيرة او ثانوية ممفهومة للعامة ..

مثلا فرعنا المفاصل .. اغلب المرضى ميعرفون شوكت يراجع اختصاص مفاصل ..
بكل بساطة كل الم بالاطراف العليا او السفلى او العمود الفقري هذه من اختصاصنا ..
ممكن تكون الالام بسيطة نتيجة جهد والتهابات اوتار وممكن تكون بسبب امراض مناعية روماتزمية .. ع الاقل خلي اول مراجعة لاختصاص مفاصل وحتى نتاكد ماكو مرض مناعي وبعدها وين متريد روح ..

قطعة اختصاص المفاصل راح تلكى مكتوب اختصاص امراض مفاصل فقط ..
لا يكتب جراح ولا باطنية ولا اطفال ولا تجميل !

والاطفال الي عندهم روماتيزم لازم يراجعون اختصاص مفاصل مو اطفال ..

والحوامل الي عندها روماتيزم لازم تراجع اختصاص مفاصل ..

يوميا يجني مريض مو اختصاصي
مثلا مريض عنده ورم بالعظم ويحتاج عملية .. ويجي عالجيني بدون عملية مثل معالجتي فلان اقاربي ..
وارجع اكوله مو اختصاصي وبحالتك الجراح افضل مني ..
او طفلة مصخنة لان عالجت اختها الي عندها رثوي .. وهنا هم طبيب الاطفال اكيد افضل ..

ابسط تشبيه للاختصاصات .. مثل المدرسين ..
شگد ميكون مدرس الرياضيات شاطر اكيد مراح يدرس عربي مثل مدرس العربي ؟

مثلها شكد ما طبيب الباطنية او الكسور او جراح الجملة العصبية او الاطفال شاطر ..
مراح يعالج الامراض الروماتزمية مثل اختصاص المفاصل ..

اللي عندها داء الذئبة وتريد راي ثاني تاخذ راي اختصاصي مفاصل ثاني (لا اختصاص باطنية ولا اختصاص كلى ولا غيرهم ولا صيدلاني ولا مختبري ولا جوارين ولا گوگل) ..

الي عنده كسر ياخذ رأي جراح كسور ثاني ليروح اختصاص مفاصل ..

والي عنده ورم بالدماغ او الحبل الشوكي ويحتاج عملية يراجع جراح جملة عصبية ..

لتروح عيادات الالم وتجكجك ابر وتسوي جلسات قبل ميفحصك اختصاص مفاصل .. اذا تحتاج عيادات الالم احنا نحولك ..

اما بالنسبة لجماعة الاعشاب والمعالج الروحاني وجلسات طك الظهر اكيد ميفيد كل الي نگوله !
كل فترة واحد يطگون ظهره او رقبته ويصير شلل ولا اكو اجراء قانوني ولا الناس تتعظ !

اكيد اعرف هذا الپوست مثير للجدل .. وممكن راح تبدي تعليقات بعيدة عن هدف الموضوع .. وهو نشر التوعية باختيار الاختصاص بصورة عامة وبالمفاصل بصورة خاصة ..
اي تعليق تجاوز على اي اختصاص يحذف تگدرون تذمون حالة الفوضى واللا قانون المتفشية بالبلد ..

د. مآب جاسم محمد
اختصاص (دكتوراه - بورد) في أمراض المفاصل والروماتيزم والتأهيل الطبي

Address

شارع المغرب/مقابل ثانوية المتميزات
Baghdad

Opening Hours

Monday 15:30 - 19:30
Tuesday 15:30 - 19:30
Thursday 15:30 - 19:30
Saturday 15:30 - 19:30
Sunday 15:30 - 19:30

Telephone

+9647737661627

Website

Alerts

Be the first to know and let us send you an email when د. مآب جاسم محمد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category