د. حياة هاشم عبيد

14/11/2023

#٢٠/١١/٢٠٢٣



بمناسبة يوم الطفل العالمي يسرنا حضوركم للاحتفال بهذا اليوم في عيادتنا في حي اور ال٦٠٠-مقابل سنتر حي اور و مجاور صيدلية د. سجاد حسن {يوم الاثنين القادم (٢٠/١١/٢٠٢٣)}
** علما ان الفحص سيكون مجاني للاطفال في العيادة
#اطفال



#تغذية

Paediatrician

24/06/2023

فيتامينات لو بروبايوتك؟
و مع تدفق الالاف من المكملات الغذائيه
صار صعب جدا موضوع اختيار اي مكمل غذائي يرهم النا و لاطفالنا
خلينا نحجي شويه عن اشهر المكملات الغذائيه و متى ممكن ناخذها !
❤ الفيتامينات و هي الاشهر و الاوسع
متوفره بكل الاشكال حبوب و شرابات و ابر و قطرات و جلاتين
تاخذها فقط من اكو نقص بيها او بالغذاء اللي تتناوله يوميا
الفيتامينات تساعد على تفعيل انزيمات معينه تساعد عمليه التمثيل الغذائي
❤ البروبايوتك
البروبايوتك مثلها مثل الفيتامينات من المواد اللي دخلت من ضمن المكملات الغذائيه و صارت تستخدم اما لاستخدامات طبيه بحته او للوقايه من الامراض او تحسين الهضم
البروبايوتك تفرق بأنها كائنات حيه
و بما انه 70 بالميه من نظامنا المناعي يبنى في الامعاء لذلك زياده البكتريا النافعه في الامعاء راح يحسن المناعه اكثر و اكثر
❤ المعادن
و هذه تشبه الفيتامينات و مع الأسف فان جسمنا غير قادر على تصنيعها مثل الحديد و الكالسيوم و الزنك و انه ممكن تناولها من ضمن الطعام اليومي
لذلك اذا الاكل ناقص ببعض العناصر فيمكن تزويده من خلال شرابات او حبوب
❤ طب الاعشاب و الطب التقليدي
من الاشياء الجديده القديمه
هي تحديث لمعلومات قديمه كانت تستخدم للوقايه من الامراض
و بعد تصفيتها و دراستها صارت فعلا مفيده
مثل استخدام العسل للسعال
و استخدام التوت البري لحرقه الادرار
و استخدام الاكنيشيا و زهرتها للمناعه
نجي للسؤال الاهم شوكت اخذ كل وحده منهم ؟
💔 الفيتامينات ممكن تستخدم في حال وجود نقص او ندري انه الطفل او البالغ ما ياخذ احتياجه
مثل الطفل اللي يرضع طبيعي لازم ياخذ فيتامين دي مثلا
💔 البروبايوتك
و تؤخذ في حالات:
اولا الانتفاخ مثل قطرات اوبيتباك و قطرات فلوراجت و قطرات بايوكايا
ثانيا الغازات و اللي تعني سوء الامتصاص
ثالثا الامساك مثل أكياس اوبيتباك الخضراء
رابعا الاسهال مثل انتيروجيرمنا و أكياس اوبيتباك الزرقاء
خامسا الامعاء و حركتها غير منتظمه يوم اسهال يوم امساك
سادسا عدم تحمل الطعام و كثر التحسس من الاغذيه
سابعا فطريات الفم
ثامنا الاكزيما و هذا مجال جديد دا تبدع بيه البروبايوتك
تاسعا فقدان الطاقه و الخمول
عاشرا القولون العصبي
و اخيرا التهابات متكرره بالجهاز التنفسي
يعني يوميه نشله يوميه انفلونزا
لأجل مثل هذا و ذاك
وجدت البكتريا النافعه ( البروبايوتك )
💔 أكدر اخذ فيتامين و بروبايوتك سويه ؟
اي طبعا تكدر
جلاتين الاوبتيباك بيها بالاضافه للبكتريا النافعه فيتامين دي و كالسيوم و اذا مال كبار فبيها زنك بالاضافه للدي و الكالسيوم
كبسول المناعه من اوبيتباك بيه بكتريا نافعه و فيتامين سي!
ساشيتات لاكتو Z بيها بكتريا نافعه و زنك
و هكذا
❤ كلمه مهمه
تاثير البروبايوتك يستمر دامك تاخذ البروبايوتك يعمي البروبايوتك هي جرعه المناعه اليوميه و تستمر لمده اسبوع ممكن بعد قطعك البروبايوتك و هذا يفسر ليش طفلك صار يتمرض وره ما قطعتي البروبايوتك اللي يستخدم للوقايه من الامراض
❤ كلمه اخيره
مو كلما تكثر كلما افضل
لا ابد
فقط تناول فيتاميناتك و بروبايوتكاتك بعد استشاره الصيدلاني باعتبارها مكملات غذائيه

24/06/2023

24/06/2023

من عمر سنه إلى ٣ سنوات
هو العمر النشط
يعني اكعد اسكت لا تتحرك هو شي انساه انساه
لان هو هذا العمر النشط
فاليكم ٧ افكار بسيطه حتى تحصلون طفل اقل حركه:
١. خليه يهوس
اي و الله جديات
خليه يهوس و يلعب و خليله غرفه لعب يهوس بيها
أطفالي من عرفتهم على الالوان و الرسم بالألوان كلش صاروا اهدا
غرفه العاب
او حديقه
او اي نشاط يبدع بيه
عدا الموبايل و الايباد طبعا
٢. علمه يطلب المساعده
من العادي ان نص الهوسه اللي يسويها هو بسبب انه يريد يسوي الشي وحده
علمه يطلب منك المساعده من يريدها
فهمه انه انت موجود حتى تساعده
٣. احضنه و احجي وياه فد ٥ دقايق ولو مرتين يوميا
شوفه من تحضنه او تحجي وياه عن يومه و عن فعاليته كلش راح يفرح
خليك قريب منه
٤. خليله دور بالبيت مما يناسب عمره
مثلا يلم الملابس من الحبل
او ينظف و يرتب العابه
او يرتب الصاله يوميا
استفاد من نشاطه و علمه على حب العمل و فهمه انه اله دور بالحياه
٥. الطلعه بره
٥ دقايق طلعه وياه راح تصير نقطه مهمه بالنسبه اله
و يفرح بيها
اطلع وياه بره
محد بينا يكدر يوديهم يطلع أطفاله للالعاب يوميه
مثلا اني بين دوام و عياده و بيت
بس طلعه ام ال ٥ دقايق بالمنطقة تشتري الاغراض كلش كلش مهمه
٦. من مستعجل و مخبوص و دا ينتظر شي
سوي شي يلهي
مثلا جوعان يريد يتعشى
كوليله يلا خلي نغني ABC
لحد ما يكمل
او Five little monkeys
هذا يعلمه على الصبر و يقضيله وقته
٧. احضنه صباحا و احتضنه و عبريله عن حبك اله
الصبح هي الفتره النشطه مالتهم
خليك وياهم و العب وياهم الصبح
كلش راح يقلل فعاليته بالنهار الجاي
عبريله عن مشاعرك
كوليله احبك و احضنيه

سيف سمير البياتي
اخصائي طب الأطفال

01/05/2023

تعرفون اكيد انه طريقه النوم الصحيحه تحت سنه هي على الظهر و بدون مخده او بطانيه
بس شايفين الأطفال؟
اكثر فعالياتهم على البطن
هذا الوقت يسموه tummy time
اللي هو الوقت على البطن
و طبعا هذا الوقت على البطن تنصح بيه الأكاديميه الامريكيه لطب الأطفال
حتى راسه لا يصير مسطح
و تنصح بيه من اول فتره بعد ما يرجع الطفل على البيت
الفتره اللي تخليها نايم على بطنه تفرق لكل عمر
و طبعا لازم الطفل كاعد و انت كاعده
و الا يغص و يروح بيها و بمراقبة شديده
الفترات كالتالي
🌲تحت شهر من ٣ إلى ٥ دقائق بالمره
مرتين إلى ٣ مرات باليوم
بعدها يبدي الطفل يحب الوضعيه هاي
و بعد ما يعبر الشهر تكدرين تخليه شكد ما يحب
🌲يعني بعمر ٣ إلى ٤ اشهر يبقى ثلث ساعه كوقت كلي باليوم
طبعا الثلث ساعه تتوزع

نصائح الأمان
هذه النصائح اهم من البوست نفسه
١. لازم الطفل كاعد مو نايم
٢. لازم متراقب و بحذر منك او من ابوه
٣. ماكو شي صلب قريب منه
زين اذا ابنك يكره ال tummy time شتسوين ؟
ببساطه تدريجي
تبدين ب ١٠ ثواني ووتصعدين شويه شويه
و تخليه يلعب من هو نايم على بطنه
د. سيف سمير البياتي اخصائي طب الاطفال

21/11/2022

اليوم العالمي للطفل
-اليوم حبيت احجيلكم عن يوم الطفل العالمي والذي صادف في يوم الأحد ٢٠تشرين الثاني. ٢٠٢٢.
-اليوم العالمي للطفولةهو احد الايام والذي يوافق ٢٠نوفمبر من كل عام
-وتم اختيار هذا اليوم ليكون بمثابة الاهتمام بحقوق الطفل حيث انه هو اليوم الذي اعلنت فيه الجمعية العامة للامم المتحدة الاعلان الخاص بحقوق الطفل. لذلك جعلوه يوم عيد الطفولة
-وقد تم تأسيس هذا اليوم من اجل التوعية وتحسين حياة الطفل في مختلف انحاء العالم

**مااهمية الاهتمام بالاطفال🤔
* يعتبر الطفل العمود الفقري للمجتمع لذلك يجب الاهتمام به بشكل يضمن للعالم توفير اجيال لديها الوعي الكافي والحرية. والقدرة على التصرف السليم في الأمور التي يواجهها.
**ان الطفولة صفحة ناصعة البياض. وحياة كلها صفاء وثغر باسم. وقلب نقي. وروح مرحة.
🌹🌹وبهذه المناسبة اتمنى لك طفل بالعالم الصحة والعافية والعمر المديد والمستقبل الزاهر. الملي بالسعادة والتوفيق. والله يحفظ اطفالكم جميعاً. ❤️❤️❤️

12/09/2022

حنان الاب

هذا المصطلح … يمنع الكثير من الاضطرابات النفسية

لدى الطفل والبالغ

حنان الام.. هو العاطفة القوية بين الام وولدها

العاطفة المتجردة من القوة…

اما حنان الاب فهو العاطفة القوية المشبعة بالقوة

اي ان الطفل يشعر بحنان الاب وقوته معا

مما يجعل منه طفلا بشخصية قوية واحتياجات عادية

وعدم وجود فراغات عاطفية يمكن ان تملأ بالخطأ في المستقبل

الاب عندما يشعر الاطفال بحنانه .. يشعرهم انهم ملوك العالم

❤️❤️

د.مخلد الفضلي
طبيب نفسي

12/09/2022

صباح الخير لجميع متابعين اسفة انقطعت عنكم لفترة من الزمن وذلك لظروف صحية المت بي فاعذروني. إن شاء الله الايام القادمة سوف اعود لكتابة بعض المواضيع المهمة التي لها علاقة بالطفل وتسأل عنها اغلب الامهات... اكرر اسفي لكم. واعتذاري منكم....

05/07/2022

* (مجاناً)
السلام عليكم
مراجعينا الكرام
كما عودناكم دائما
سيكون يوم الخميس المقبل ( ٧-٧-٢٠٢٢ ) فحص الاطفال مجانا (بدون كشفية)
من الساعه ٤-٧ مساء
للحجز الاتصال برقم العيادة 07712947935
.............................................................................

الدكتورة حياة هاشم عبيد
اخصائية طب اطفال و حديثي الولادة
العنوان : حي اور ال٦٠٠ مقابل سنتر حي اور- مجاور صيدلية سما الرياحين (مجمع الرياحين الطبي)

02/07/2022

المغص عند الاطفال الرضع وحديثي الولادة
مغص الاطفال الرضع له كثير من الأسباب وهو من الأشياء المزعجة للامهات حيث يؤدي البكاء الشديد للطفل نتيجة الالام التي يعاني منها مصدر خوف للام وعدم الراحة.☹️
وهو شائع من عمر ٣اسابيع الى ٣ أشهر.

ماهي اسباب مغص الاطفال 🤔
**عادةً مايكون سببه هو الاصابة بمشاكل في الجهاز الهضمي بسبب عدم امتصاص الحليب بشكل سليم في معدة الطفل.☹️
**كذلك الاصابة بالغازات الناتجة عن دخول الهواء اثناء الرضاعة نتيجة وضعية الرضاعة غير الملائمة.🤗
**تناول الام الاطعمة التي تعمل على اصابة الطفل بالغازات.
ماهي الخطوات التي يجب على الام اتباعها لتجنب اصابة الطفل بالغازات والمغص.؟؟🤔
هناك بعض الخطوات البسيطة التي يجب اتباعها🌹.
١.الحرص على تجشو الطفل في وسط ونهاية الرضاعة. من خلال التربيت على ظهره.👋
٢.مراعاة الوضعية الصحيحة للرضاعة حيث يكون مستوى رأسه اعلى من مستوى جسده. حتى لا يبلع الهواء مع الحليب.👍
٣.تدليك بطن الطفل بإستخدام الزيوت الطبيعية وفركها بلطف في اتجاه عقارب الساعة على ان تكرر العملية لمدة ٣ دقائق.🌝
٤.تثبيت مواعيد الرضاعة والالتزام بكمية الحليب المحددة اذا كان الطفل يرضع الحليب الصناعي.
٥.وضع الطفل على ظهره ثم تحريك قدميه برفق مثل حركة البايسكل..🤔
٦.استخدام الكمادات الدافئة. والعمل على تهدئة الطفل من خلال الحمام الدافئ للطفل يساعد على نومه بسرعة.🤗
٧.من الممكن تحضير مشروب دافئ من اليانسون والكمون وإعطائه للطفل.👍
٨.اعطاء الطفل الالبروبايوتك على شكل قطرات مفيدة لتقليل الغازات.👋
٩.اغلب القطرات المستخدمة وماء الغريب فعاليتها جدا قليلة.😅
١٠.استعمال الهاية ممكن ان يقلل المغص لكن يجب المحافظة على نظافتها. وكذلك تستخدم فقط من عمر شهر الى ٤اشهر.✋
اما في حالة عدم استجابة الطفل واستمراره بالبكاء فيجب استشارة الطبيب.
فقد يكون سبب غير بسيط وراء عدم استجابته لإجراء التحاليل والفحوصات الاخرى🌹🌹

د. حياة هاشم عبيد
اختصاص اطفال وحديثي الولادة

28/06/2022

مرض الكوليرا
اليوم حبيت احجيلكم عن مرض الكوليرا بعد مالاحظنا واستقبلنا الكثير من حالات الجفاف الشديدة بسبب الاسهال عند الاطفال هذه الايام والذي شخص بعضهم بالاصابة بهذا المرض..
الكوليرا: هي التهاب معوي حاد تسببه عصيات جرثومية يطلق عليها vibro cholare..
والاسهال الشديد هو بمثابة العلامة الفارقة للاصابة بهذا المرض.
والذي يمكن ان ينتشر بسرعة بين الأفراد فقد يكون مستوطنا او وبائيا او متفشيا.. والصفة المميزة للاسهال يكون لونه يشبه ماء الأرز..

وان اكثر الاشخاص المعرضين للإصابة هم كبار السن والاطفال.
**وان هذا المرض ينتقل عن طريق الطعام والشراب الملوث بفضلات الشخص المصاب الى الشخص السليم.
لهذا فان النظافة الشخصية هي العنصر المهم في الوقاية من المرض..

**في حالة الاصابة البسيطة قد لايصاحب بأعراض شديدة او لاتظهر اعراض.
اما الاصابة الشديدة تؤدي الى فقدان خطير للسوائل والاملاح وبالتالي تؤدي الى الوفاة خلال ساعات معدودة.
**التشخيص المبكر يسرع في الشفاء. لكن التشخيص الدقيق لايشكل شرطا للعلاج.

**ان الاولوية في علاج اي اسهال شديد هو تعويض السوائل والاملاح المفقودة التي يمكن من خلالها إنقاذ حياة الطفل. والتي تبدا من البيت باعطاء السوائل المتوفرة في البيت من محلول ارواء فموي والسوائل الغذائية التي تشمل الحساء ومياه الارز وغيرها.
في حالة الجفاف الشديد ينقل الطفل الى المستشفى.
دمتم ودام اطفالنا بالصحة والعافية أن شاء الله.
د. حياة هاشم.
اختصاص طب الاطفال وحديثي الولادة

27/06/2022

السلام عليكم
مراجعينا الكرام
كما عودناكم دائما
سيكون يوم الخميس المقبل ( ٣٠-٦-٢٠٢٢ ) فحص الاطفال مجانا (بدون كشفية)
من الساعه ٤-٨ مساء
للحجز الاتصال برقم العيادة 07712947935
.............................................................................

الدكتورة حياة هاشم عبيد
اخصائية طب اطفال و حديثي الولادة
العنوان : حي اور ال٦٠٠ مقابل سنتر حي اور- مجاور صيدلية سما الرياحين (مجمع الرياحين الطبي)