Dr.Sally Ali Shwailia

31/03/2024

ادويه لاتاخذوها سويه
بسبب التداخلات الدوائيه الي تصير 🌷:

🌷ادويه لحديد+ الكالسيوم
الكالسيوم يقلل امتصاص الحديد. وهيج مراح نستفاد من الحديد لاصحاب فقر الدم

🌷اقراص الفحم + ادويه اخرى
الفحم يعيق امتصاص معظم الادويه

🌷ادويه الحموضه+ ادويه الحديد
تقلل من امتصاص الحديد

🌷ادويه الغده الدرقيه( الثايروكسن )+ حبوب الكالسيوم او فايتمن دي او حبوب الحديد
راح يقلل من امتصاص الجسم لحبوب خمول الغده الدرقيه
لذلك يفضل ترك ٢-٤ ساعات بينهم ☺️

25/03/2024

06/02/2024

🌷🌷تسمم الحمل او preeclampsia 🌷🌷
هو ارتفاع ضغط الدم في الحمل بعد الاسبوع ال20
يرافقه بروتين في الادرار او تورم القدمين

طبعا بي عده درجات من الخفيف الى الحاد
حسب درجه الارتفاع في الضغط وكميه البروتين بالادرار ( الزلال)
من اكثر ناس عرضه لتسمم الحمل؟
- المراه بعد ال٣٥ سنه
-المراه الي عدها امراض مزمنه كالسكر
-الي عدها ضغط حمل او تسمم حمل في الولادات السابقه
-الحمل الاول للمراه بعد فتره طويله من عدم الانجاب
-التدخين

شنو تحتاج خلال فتره الحمل؟
تحتاج متابعه مستمره بعد التشخيص
تتابع الضغط
البروتين بالادرار
الاكل الصحي بعيدا عن الملح والدهون
وممكن تدخل ادويه خافظه للضغط حسب حاله المريضه

متابع وضع الطفل والنبض والنمو بالسونار

وفي حاله ضهور اعراض من ( صداع ، تقيا ، الم اعلى يمين البطن، ضبابيه الرؤيا ..) هاي الاعراض تدل على حدّيه المرض ويحتاج متابعه ومراجعه فوريه لحمايه الام والطفل

د.سالي علي

06/02/2024

🌸🌸وسائل منع الحمل🌸🌸

اكو عده وسائل لمنع الحمل
منها الغير دوائيه
بسييطه وسهله الاستخدام
ومنها الادويه الهرمونيه الي تحتاج ضبط والتزام بالوقت
واكو اللولب ومنه هرموني او نحاسي

واكو شرائح هرمونيه تنغرز تحت الجلد
او ابر هرمونيه تنضرب كل ٣ اشهر
نختار الوسيله حسب التاريخ المرضي وحسب العمر الخ..
🔺نسبه الفشل بصوره تقريبيه :

🔺الشريحه ~ 0.03%
🔺عقد الانابيب ~0.8 %
🔺اللولب الهرموني ~ 0.3%
🔺اللولب النحاسي ~0.9%
🔺الحبوب بما يقارب 10 %

05/02/2024

المكملات الغذائية للحامل 🌸🌸

الفولك اسد ضروري جدا نبدي بي من اول معرفتنه بالحمل بجرعه 400 🌷microgram يوميا
طبعا عدا الي عدهم تاريخ مرضي للطفل مثل تشوهات الانبوب العصبي
او النساء المصابات بالصرع وادويته او المصابات بالسكري تزداد الجرعه ل 5mg يوميا

🌷الحديدضروري وحسب وضع الحامل وحاجتها
طبعا هي تحتاج مايقارب3mg يوميا
لتجنب فقره الدم
طبعا متوفر بالاكل الغني بالحديد كاللحوم الخضار السبانغ الشوندر
وايضا بالمكملات الغذائية

الكالسيوم 🌷ضروري جدا للعظام والاسنان ونمو الجنين يتوفر بالاغذيه الغنيه بالكالسيوم مثل الالبان والحليب ومشتقاته

اليود 🌷ممكن ان يسبب نقصه. ضمور او خلل في القدرات العقليه للجنين او قصور الغده الدرقيه يعالج ويعوض عن طريق الملح المعالج باليود

الزنك طبعا نقصانه بلجسم يقلل المناعه ويقلل نمو الجنين داخل الرحم 🌷
ويزيد خطر الولاده. المبكره
نعوضه بالالبان والحليب. ومشتقاته

05/02/2024

تحري عنق الرحم( مسحه عنق الرحم)
Cervical cancer screening 🌸🌸

هو اجراء اجباري وقائي لازم النساء المتزوجات تسويه من اعمار(٢١ -٦٥)
بشكل دوري ومنتظم
للكشف عن وجود سرطان عنق الرحم
طبعا فائدته تكشفلنه اذا كان بالبدايه وهذا الشى كلش كلش يفرق بالعلاج والتخلص من المرض بصوره نهائيه
احسن مما مندري بنفسنه ويكون واصل مراحل متقدمه

🌸🌸 ناخذ مسحه حتى نعرف اذا اكو تغيير بالخلايا او وجود الفايروس الحليمي المسبب لاغلب حالات سرطان عنق الرحم

🌸🌸طبعا طريقه سهله ومتوفره وبسيطه

05/02/2024

لقاح داء الكلب anti rabies vaccine

💉هو صح اسمه داء الكلب بس ينتقل مو بس عن طريق الكلب وانما عن طريق عده حيوانات مثل القطه الخفاش الثعالب
طبعا الدراسات الحديثه لغت انتقاله عن طريق الفأر انو نسبه انتقاله ضئيله جدا
لذلك منطي لقاح للي يجي بعضه فأر

💉اول متصير العضه او خدش سطحي او عميق نافذ
لازم نروح مباشره للمستشفى حتى ناخذ المصل
واللقاح

💉حتلو ملقحين وعدكم تاريخ سابق للقاح لابد انو نروح للمستشفى لان ممكن صارله سنين من اخر لقاح ويحتاجله تجديد

💉اهم شى بهذا كله حتى نحمي نفسنه لازم يتم تلقيح جميع الكلاب للحد من نقل الداء حتى يتم السيطره عليه صحياً علاجياً ووقائياً