عيادة الدكتورة فرح جعفر العزاوي لامراض المفاصل والروماتزم والتأهيل الطبي

  • Home
  • Iraq
  • Baghdad
  • عيادة الدكتورة فرح جعفر العزاوي لامراض المفاصل والروماتزم والتأهيل الطبي

عيادة الدكتورة فرح جعفر العزاوي لامراض المفاصل والروماتزم والتأهيل الطبي Contact information, map and directions, contact form, opening hours, services, ratings, photos, videos and announcements from عيادة الدكتورة فرح جعفر العزاوي لامراض المفاصل والروماتزم والتأهيل الطبي, Medical Center, شارع دمشق مقابل معرض بغداد الدولي مجاور جامع القبانجي, Baghdad.

صفحة طبية توعوية بالحالات الروماتزمية وامراض المفاصل
العنوان
Use Waze to drive to عيادة الدكتورة فرح جعفر العزاوي, Baghdad, Baghdad Governorate: https://waze.com/ul/hsvzt3rxhz 

الاعزاء جميعاالالم الي يصير بعد العملية مباشره بايام ويستمر بالرقبة او الظهر يوميا لاسبوع او اكثر وشديد ويكعدك من النو...
25/04/2026

الاعزاء جميعا
الالم الي يصير بعد العملية مباشره بايام ويستمر بالرقبة او الظهر يوميا لاسبوع او اكثر وشديد ويكعدك من النوم لا تهملوه
راجعو مباشرة
وحده من الاحتمالات ممكن يكون التهاب جرثومي بالفقرات
وهذا اذا انترك فتره يسبب تآكل وتحطم الفقرة وكل يوم يفرق هوايه من نبدي بالعلاج
راجع مريض اليوم يعاني من الم بالرقبة بعد خمس ايام من عملية سابقة قبل شهرين
اتضح بالرنين التهاب جرثومي ماكل الفقرتين ومسوي جراحة ودمار بالمكان مع وجود خراج صغير امامها
تم بدء العلاج المناسب ونتمنالكم العافية

اكثر دفعة للمرحلة سادسة تلقيت ردود فعل ايجابية وامتنان منهمحول تدريس مادة الباطنية لمرحلتهموفعلا مرتبين ومؤدبين .. الغال...
22/04/2026

اكثر دفعة للمرحلة سادسة تلقيت ردود فعل ايجابية وامتنان منهم
حول تدريس مادة الباطنية لمرحلتهم
وفعلا مرتبين ومؤدبين .. الغالبية العظمى على مدار السنة مندفعين للعلم ومليانين حماس لمهنة الطب
ان شاء الله مستقبل القريب زملاء ونشوفهم بمختلف الاختصاصات يبدعون
الف مبروك تخرجكم

الدايت الصارم والروماتزمماكو شي اسمه حمية خاصة للروماتيز ماكو شي اسمه اكطع الحنطة والتمن واللحم والخضروات واللبن ووو علم...
22/04/2026

الدايت الصارم والروماتزم
ماكو شي اسمه حمية خاصة للروماتيز
ماكو شي اسمه اكطع الحنطة والتمن واللحم والخضروات واللبن ووو علمود الروماتيز
هالموضوع اله ترويج باليوتيوب تشوفوه وغيره بس ماله اساس علمي
بالكتب ماكو هيج شي
اكو مريضة تراجعني عدهه روماتزم شوغرن
شو وره ماشخصتهه بدينا علاج
وراهه الزيارات كل مره اشوفهه اضعف ومن اخذت تاريخ مرضي طلع هي ماتاكل معظم الاكل والحنطة وقسم من الخضروات والفواكه وكاطعة اللحوم لان شافت فديو يكولون حمية روماتيز ونصحتهه توقف بس مافاد الى ان مره جتي وزنهه ٤٧ كيلو فقط
هيج وزن بقت عضلات؟ تكدر تكمل يومهه طبيعي؟ شعر يبقى ميتساقط؟!
تدرون حتى هشاشة قوي يسوي
بعدين وره كل هالتحذير توقفت اخيرا
الرجاء تحري صحة الموضع علميا حتى لا تأذون روحكم

عملي الجديد بعد وقت طويل… تدريب زيتي على كانفاس🌸
21/04/2026

عملي الجديد بعد وقت طويل… تدريب زيتي على كانفاس🌸

سعيدة بالمشاركة ضمن معرض النتاجات العلمية التي اقامتها جامعتي العزيزة الجامعة المستنصرية وتمت المشاركة ببحثين منشورين ض...
17/04/2026

سعيدة بالمشاركة ضمن معرض النتاجات العلمية التي اقامتها جامعتي العزيزة الجامعة المستنصرية وتمت المشاركة ببحثين منشورين ضمن المستوعبات العالمية وتقديم شرح موجز عنها للسيد رئيس الجامعة والسيد عميد كلية الطب المحترمين

شوية تغييرالمراجعين القديمين من يجون للعيادة هوايه طلبو نغير اللوحات صار كم سنة نفسهميله هاي مجموعة جديدة علكناهم من اعم...
14/04/2026

شوية تغيير
المراجعين القديمين من يجون للعيادة هوايه طلبو نغير اللوحات صار كم سنة نفسهم
يله هاي مجموعة جديدة علكناهم من اعمالي
🌺🌷

الابر الخبطابره كورتزون.. ابر الدكسونابرة الخبطة فولتارين ودكسونرجاءا اتجنبوههلاتستعملون دواء بدون وصفة طبيب واستخدام صح...
13/04/2026

الابر الخبط
ابره كورتزون.. ابر الدكسون
ابرة الخبطة فولتارين ودكسون
رجاءا اتجنبوهه
لاتستعملون دواء بدون وصفة طبيب واستخدام صح
هاامريضة جتي تبجي من الوجع
تبجي فعليا تكول اريد انانم اريد امشي.. على كرسي متحرك
سمنه مع اطراف نحيلة حدا
نسميهه متلازمة cushing
ومسوية هشاشة قوية مع تلف ضمور بالعضلات
مع الم مستمر
ليش؟
صار سبع سنوات كل ماوجعهه مفاصلهه تاخذ ابره عضليه كورتزون
تخيلو سبع سنوات على هالوضع
بالبداية تحسوه سحر وتختفي الاوجاع وراهه تصير المضاعفات
هي كان كتفهه ميتحرك وضاربة ابره انجماد كتف قبل شهر اثر عثر بسيطة قبلهه بشهرين
شنو طلع بالاشعة؟ الكتف مخلوع
من عثرة!
الانسان يصير هش على مدى السنين بالاخذ الخاطئ للعلاج
ويصير اكيد فشل بالغدة الكظرية

د. فرح جعفر العزاوي
اختصاص بورد ( دكتوراه) مفاصل وتأهيل طبي
بغداد الحارثية قرب جامع القبانجي

كل المرضى المراجعين وعدهم روماتزم انصحهم يتركون التدخين ومنهم مرضى تشمع الصلبهالشي مذكور بالكتب بس سويت بحث عنه وجمعت ال...
06/04/2026

كل المرضى المراجعين وعدهم روماتزم انصحهم يتركون التدخين
ومنهم مرضى تشمع الصلب
هالشي مذكور بالكتب
بس سويت بحث عنه وجمعت المرضى العدهم تشمع ويدخنون وقسم لا
اتضح التآكل وغيره من علامات قوه تأثير المرض اسوأ بمرضى الي يدخنون
بحمد الله نشر بمجلة مستوعب سكوبس
وهذا الرابط للقراءة

https://www.researchgate.net/publication/403321814_Assessment_of_smoking_status_in_relation_to_sacroiliitis_detected_by_MRI_in_axial_spondyloarthropathy

الرسائل الجميلة من طلابنا الشطار والمتميزينشوية طاقة ايجابيةسعيدة بيكم🌸🌷
03/04/2026

الرسائل الجميلة من طلابنا الشطار والمتميزين
شوية طاقة ايجابية
سعيدة بيكم
🌸🌷

بداية يوم رائعة ..صباحكم خير ويه فوز منتخبنا فرحة متنوصف👏🙏⁩
01/04/2026

بداية يوم رائعة ..صباحكم خير ويه فوز منتخبنا فرحة متنوصف👏🙏⁩

الحمد لله حالة ثانية انحلت بجهود روح الفريق لطبيب جهاز هضمي ومفاصل وامراض الدم 🌷🥀مشخصه داء الذئبة وعلى طول يطلع مخزون حد...
31/03/2026

الحمد لله حالة ثانية انحلت بجهود روح الفريق لطبيب جهاز هضمي ومفاصل وامراض الدم 🌷🥀
مشخصه داء الذئبة وعلى طول يطلع مخزون حديد جدا ووظائف كبد مرتفعة وقيل لها ماكو داعي نبحث بيه هذا من الذئبة
بالفحص والتاريخ المرضي ميمشي ويه داء الذئبة وصار شك بالتشخيص السابق كداء ذئبة اساسا
وحتمال وجود حالة مرضية لتراكم مخزون الحديد
وحولته لاختصاص امراض الدم د ايناس المبدعة وفعلا طلع عدهه هالحالة المرضية hereditary hemochromatosis لوجود طفرة جينية بالاشتراك مع طبيب الجهاز الهضمي ايضا ..لحسن الحظ المريضة كانت ملتزمه بالنصيحة والتحويل للاستشارة مما ساهم بشكل كبير بحل موضوعهه وماهملت التحويل كون قسم مرضى يتصورون ماكو ربط وماكو داعي كتبيلنه دواء ويختفون ويظلون بدوامة المراجعات للمفاصل
تشخصت صح وبدت العلاج الصحيح الحمد لله

Address

شارع دمشق مقابل معرض بغداد الدولي مجاور جامع القبانجي
Baghdad

Opening Hours

Monday 14:30 - 18:00
Tuesday 14:30 - 18:00
Thursday 14:30 - 18:00
Saturday 12:00 - 15:00
Sunday 14:30 - 18:00

Telephone

+9647715777209

Website

Alerts

Be the first to know and let us send you an email when عيادة الدكتورة فرح جعفر العزاوي لامراض المفاصل والروماتزم والتأهيل الطبي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category