الدكتورة رنا المجيد

07/11/2025

خربطة الدورة باول سنتين من البلوغ شي طبيعي ومالازم نشخص متلازمةةتكيس المبايض الا تفوت اقل شي سنتين ع نزول اول دورة وتبقى مخربطة .
السونار ممنوع نهائيا لتشخيص التكيس بهاي الفترة لان طبيعي يطلع بي تكيسات .
شوكت اودي بنتي للطييبة ؟
عدم نزول اول دورة والعمر ١٥ سنة مع نمو ث*ي طبيعي ونمو شعر العانة
العمر ١٣ وعدم ظهور اي علامة من علامات البلوغ سواء كانت نمو ث*ي او دورة .
الدورة نزلت ثم اختفت اكثر من ٦ اشهر او صاحبهاا الم شديد
شوكت نشك من البداية اكو خلل هرموني ؟
زيادة الوزن من اعمار مبكرة
بلوغ مبكر
ظهور شعر ذكوري او فقدان الشعر من مقدمة الراس .
الام مصابة سابقا بمتلازمة تكيس المبايض (جان عدها قبل خربطة دورة او تاخر حمل ) لان البنت هنا تكون معرضة اكثر بسبب الوراثة .

06/11/2025

الاجابات ليست مبنيه ع اراء شخصيه بل تستند عالادلة العلميه المتوفره حاليا

05/11/2025

ليش الم الث*ي جزء من مرض السمنه ومقاومه الانسولين ومابعد الاربعين والمصابات بمتلازمة تكيس المبايض والبطانه المهاجرة لان هاي الحالات كلها هاي حالات ارتفاع استروجين

04/11/2025

سيناريو متكرر دكتورة شعري طلع وفرحت بي ! اشو هسه هم رجع يوكع القصة شنو ؟ دي ٣ ؟ حديد ؟ توتر ؟ لكن اللي ماتعرفي ان مو كل بيبي هير طلع رح ينمو ويطول ويصير شعر كامل للاسف !!!!!
ليش ؟ العلاج المتاخر مو دايما يجيب نتيجة اذا تاخرتي في بدء العلاج الصحيح الخاص بمرضج اذا عشتي بحالة انكار لا هذا مو صلع هرموني لان ماعدنا وراثه اذا مشيتي ورة الترندات التكولج المينوكسديل من تتركي يوكع شعرج وزيت الفلاني احسن والامبولات بربع مليون حل نهائي للاسف رح تنصدمين الاغلب يجوني من واصلين للهالمرحلة !
بس احب اكلج اتشخصي صح وابدي بيوم اللي تشخصتي لاتاجلين الموضوع ! العلاج الموضعي والفموي اهم من اي حقنة وجلسات تسويها رغم ان الجلسات دورها مهم لكن يتم تهويل نتائجها لدرجة يقنعوك انك مو محتاج اي علاج وياها !

23/10/2025

قبل ماجان اكو تكيس لا اكيد جان اكو اسالي امج او عمتج اللي شالت الرحم او اللي فجاه كالوها عندج تشمع بالكبد وتوفت او اللي اكتشفو سرطان الرحم بعد مانتشر ؟ المرض موجود من زمن الاغريق لكن مجان معروف الى ان فسره الاطباء الامريكان في ثلاثينات القرن الماضي اصلا عدم علاج التكيس ادى الى ولادة جيل عدهم تكيس وسمنه من اعمار اصغر لان بيئة الرحم ماكانت صحيه فسببت تغييرات مافوق الجينات فالام اللي كان عدها تكيس بسيط ولدت بنت عدها تكيس من المراهقه ومع ذلك يتم لوم المراهقه ع امراض جينيه لم تخترها ويتم لوم الخبز والحنطه بدل مايتم لوم البيئة وشركات الاكل وضعف السياسات الحكوميه لمحاربة السمنه ومحاربة ثقافه الفاست فود وتشجيع النقل العام لوم الابناء لن يصنع الفرق فقط سيجلب الاضطرابات النفسيه يزيد المشكله سوء

13/09/2025

04/09/2025

خمس ارقام احصائية ضروري تعرفيها عن متلازمة تكيس المبايض:
٧٠% من المصابات غير مشخصات ! الدورة دتتخربط بسبب حالتج النفسية وشعرج ديوكع بسبب نقص فيتامين دي والحبوب هي حب شباب ! النتيجة سنين من المعاناة بسبب تاخر التشخيص والاعتماد ع حلول سطحية دون علاج جذر المشكلة !
٢- يتضاعف خطر الاصابة بسرطان بطانة الرحم ٣ اضعاف بسبب ارتفاع الاستروجين المستمر ونقص البروجيستيرون والسمنة ! بكل سهولة نكدر نقلل الخطر ونتابع سمك بطانة الرحم خاصة بعد الاربعين !
٥٠% من المصابات رح يصير بيهم سكري نوع ثاني قبل عمر ال٤٠ لو ما اتدخلنا دوائيا بغض النظر عن الوزن يعني ممكن ضعيفة ووزنها طبيعي لكن محيط الخصر عريض لذلك يصير بيها سكري نوع ٢ .
١٠-١٥% من النساء وربما اكثر في مجتمعاتنا الشرق اوسطية يعانون من متلازمة تكيس المبايض النسب تزداد بسبب وباء السمنة ونمط الحياة العصرية اللي يتميز بقلة الحركة ووفرة الطعام والتوتر المستمر .
١٤ مليار دولار كلفة علاج المتلازمة عالحكومة الامريكية في سنة واحدة فلهذا التشخيص المبكر لمنع المضاعفات لانه يعتبر عبى مالي عالحكومات (سكري سمنة مضاعفات السكري قلة الانتاجية اجازات حكومية مدفوعه )
September is PCOS awareness month !
Do you know that up to 70% is undiagnosed while still suffering from Obesity , mental health issues, balding and even raised cardiovascular risk .
PCOS is a cardiometabolic condition .it is not only a reproductive problem .it deserves attention and awareness .