الدكتورة رنا المجيد

07/03/2026

تعاني مريضات السمنة من الالام وثقل اسفل الظهر في الحوض في الثدي الالام بالدورة غير مفسرة ، ماكو سبب واضح لا التهابات بالحوض ولا بطانة مهاجرة وماكو سبب طبي يفسر هالاعراض ؟
في شي اسمه متلازمة احتقان الحوض Pelvic congestion syndrome وهو حالة من احتقان اوردة الحوض بسبب ارتفاع الاستروجين المستمر . منين ديجي الاستروجين ؟ من الانسجة الدهنية اللي هي تشتغل ك مصنع للاستروجين عادة يرافقها غزارة بالدورة وممكن سريريا منكدر نفرقها عن الالام البطانة المهاجرة لكن اذا تحسنت الالام بعد تنزيل الوزن هذا يمشي ويه متلازمة احتقان الحوض نفس الشي بالثدي ارتفاع الاستروجين يسبب ثقل والم بالثدي ينذب براس تليفات بسيطة او اكياس بالثدي مالها علاقة بالاعراض وينوصف خلاصة زهرة الربيع والعلاج الاساسي هي تنزيل الوزن لتقليل نسبة الاستروجين !

06/03/2026

اشياء لازم تعرفيها عن الحبوب الهرمونية :
هي حبوب حمرة مؤلمة غالبا في الفك والحنج وتزيد قبل الدورة يراققها بشرة دهنية اكزيما دهنية قشرة بالشعر وتصبغات بالابط وزاوية الفم
مو كل حبوب هرمونية هي علامة ع وجود تكيس لكن اغلب البنات العايشين ع كورسات الريتان همه تكيس غير مشخص !
احسن شي للوقاية من الحبوب هو الحفاظ ع وزن صحي الحبوب اكثر عرض بالتكيس الحبوب اكثر عرض يستجيب لتغيير نمط الحياة والاكل الصحي .
دورتج المنتظمة وسونارج الطبيعي مايعني انو ماعندج مشاكل هرمونية
الحبوب رح ترجع مدامج بعمر العشرينات لان المبايض بعدها نشطة ودتطلع هرمونات الذكورة غالبا الحبوب باقية طول فترة العشرينات احسم متصرفين ملايين ع علاج الحبوب واثارها انظم هرموناتي واصلا ما يطلعلي حبوب

05/03/2026

سونارج نظيف رحمج نظيف نظيف هاي حالة نفسية وتساقط نقص فيتامينات والحبوب عادي حب شباب النتيجة ؟!
٧٠% عالميا من مريضات التكيس غير مشخصات !
٥ سنوات وزيارة لاكثر من اختصاص مع ذلك لايشخص المرض !

04/03/2026

اضطراب النوم الارق والنهوض نص الليل بدون سبب واضح والقلق والافكار السلبية والعصبية خاصة قبل الدورة باسبوع هي اول اعراض بدء مرحلة ماقبل سن انقطاع الدورة Perimenopause يبدأ هرمون البروجيستيرون بالانخفاض بعد سن الاربعين بسبب ضعف التبويض الناتج عن تقدم العمر البروجيستيرون هو مهدأ ومثبط للدماغ anxiolytic calming hormone لذلك الحامل تنام هوايه لان يرتفع البروجيستيرون عشرات الاضعاف فهذا الهرمون من يبدي يقل يضطرب النوم
د.رنا مجيد
طبيب مصرح من الجمعية الامريكية لسن انقطاع الدورة
Certified Menopause Practioner

04/03/2026

اكثر من ٤٠% من البنات المصابات بمتلازمة تكيس المبايض يعانون من الاكتئاب
اكثر من ٥٠% من البنات المصابات بالتكيس يعانون من القلق
نسبة كبيرة من بنات التكيس يعانون من اضطرابات الاكل مثل اضطراب نهم الطعام او البوليميا ...
هذا مو اوفر ومو تصنع ومو تمثيل هاي احصائيات حقيقية من المصادر الرسمية .

04/03/2026

02/03/2026

هل "الكرش" مجرد مخزن للدهون؟ أم مصنع خفي للهرمونات؟ 🤔
​كثيرون يعتقدون أن الخلايا الدهنية وظيفتها فقط تخزين الطاقة الزائدة، لكن الحقيقة الطبية تقول شيئاً آخر تماماً!
​في الواقع، الدهون المتراكمة حول البطن (السمنة الحشوية) تعمل كـ "غدة صماء" مستقلة ونشطة جداً.Adipose tissue is an endocrine organ هذه الخلايا تحتوي على إنزيمات خاصة تقوم بتحويل الهرمونات الخاملة في الجسم إلى كورتيزول نشط (هرمون التوتر) داخل الدهون نفسها.
​بمعنى آخر: الدهون تقوم "بصناعة" الكورتيزول الخاص بها محلياً! 🏭
​ما نتيجة ذلك؟
يغرق الجسم في أعراض تشبه مرض "زيادة الكورتيزول" (داء كوشينغ)، مثل:
1️⃣ استدارة الوجه.
2️⃣ ظهور علامات تمدد (تشققات) في الجلد.
3️⃣ ارتفاع ضغط الدم.
4️⃣ صعوبة شديدة في نزول الوزن.
​هذه الحالة نسميها طبياً "كوشينغ الكاذب" (Pseudo-Cushing's)، لأن السبب ليس ورماً في الغدة، بل السمنة نفسها هي التي خلقت هذه الدوامة.
​💡 الخلاصة:
السمنة ليست مجرد زيادة في الرقم على الميزان، هي تغيير كيميائي في طريقة عمل جسمك. كسر هذه الحلقة يبدأ بخطوات طبية صحيحة لإنزال الوزن، وليس مجرد ريجيم قاسي يزيد التوتر.

28/02/2026

ملاحظة مهمة مانستقبل وحدة بس لأن عدها حكة بالاذن او اكزيما لازم تروح عالطبيب المختص ولما يتاكد ماكو شي ممكن نفكر انو المشكلة نقص هرمونات

27/02/2026

تعرفي ع علامات قد تدل ع ان بنتج مصابة بمتلازمة تكيس المبايض من قبل البلوغ حتى تشخصيها من وقت وتحافظين ع هرموناتها من وقت ولا تظل دايخة بدوامة السونارات واحد يكلها عندج وواحد يكلها ماعندج ...خلي ببالج ما نستخدم ابدا وقطعا ونهائيا السونار قبل عمر ١٨ سنة لتشخيص التكيس بل يتم استخدامه لاستبعاد الاسباب الاخرى مثل عدم تخلق الرحم او غيرها

26/02/2026

هرمونات الحمل تنشط الغدة الدرقية فسيولوجيا ويعتبر هذا الشي طبيعي ولايحتاج علاج الا اذا جان مناعي

23/02/2026

البنت العربية من هي وصغيرة يتم ربط قيمتها الذاتية بنزول الدورة بحيث اذا عدها مرض مزمن يستدعي تثبيط الاباضة عادي تتحمل مضاعفات المرض ولا تاخذ علاج وطبعا الشكر لشكو صانع محتوى جاهل وغبي ينشر معلومات خطا بدل ميسوي توعية عن معاناة المراة وامراضها حتى اللي يجونا علمود الهرمونات التعويضية هدفهم يكون تنزيل الدورة اكثر مما منع الامراض المزمنة او تحسين جودة الحياة ...خليني اكلج ماكو اي اي علاج رح ينشف مبايضج ياعزيزتي وكل بنية مولودة بعدد معين من البويضات تفقد منه الاف البويضات شهريا اللي دياثر فعليا ع مخزونج هو الMetabolic health الصحية الايضية اللي مخلية جسمج بحالة التهاب مزمن وليس العلاجات اللي مفعولها مؤقت .