06/12/2025
دماغك يكبر الشي الصغير… مو لأنك ضعيف، لأنك خايف.
الخوف يخلي أي إحساس بسيط يتحول براسك لتهديد، وأي فكرة صغيرة تكبر لدرجة تحسها واقع.
العقل يخاف من المجهول، فيبدأ يبالغ حتى يحميك، بس هالحماية مرات تتحول إلى قلق مزعج.
شنو تسوي؟
1. سمي الخوف بأسمه.
كل ما تكبر فكرة براسك، اسأل نفسك هذا خوف لو حقيقة؟
70٪ من الأفكار راح تكتشفها مجرد قلق، مو واقع.
2. اختبر الحقيقة بجسمك.
إذا حسيت إحساس مزعج، انتظر دقيقتين وشوف إذا يتغير.
اللي يجي ويختفي بسرعة عادة خوف مو خطر.
3. اختصر السيناريوهات.
بدل ما يركض عقلك للكارثة، اسأله شنو أسوأ شي؟ وشنو أكثر شي منطقي؟
عادة المنطقي أهدى بكثير.
4. رجع نفسك للحاضر.
دقيقة تنفس ببطء تغير الكيمياء اللي تخلي دماغك يبالغ.
5. اكتب الفكرة.
الكتابة تصغرها گدامك لأن العقل يكبر الأشياء، بس الورقة تكشف حجمها الحقيقي.
العقل ما يشتغل ضدك هو بس خايف عليك.
بس لما تتعلم تهديه، راح تشوف شلون الأشياء الضخمة تصير صغيرة مرة ثانية.
