09/04/2020
التقشير الكيميائي هو واحد من اشهر الحلول التجميليه غير الجراحيه لمعالجه الجلد بعيدا عن الاجراءات التجميليه الجراحيه او الليزريه المعقده.
حيث يعمل على تقشير الطبقات الخارجيه للجلد وتجديد خلايا البشره من خلال وضع تركيبه من عده مواد كيميائية واحماض على المنطقه المراد تقشيرها بدرجات متفاوته وتترك لفتره معينه ثم تزال ويبدء الجلد في تقشير نفسه ذاتيا.
Indications:- الاستعمالات
1- لمعالجه التصبغات
2- نضاره البشره facial rejuvunation
3- تنظيف المسامات unclogging pores
4-تقليل عمق التجاعيد وكذلك تخفيف عمق اثار حب الشباب
5-تلميع الجلد وشده
6- يساعد الجلد ان يقوم بامتصاص الكريمات والسيرمات وغيرها من منتجات التجميل👍
هسه بعد معرفنه شنو فوائد التقشير ودواعي استخدامه لازم نعرف شنو انواعه.. يوجد 3 انواع ولكل نوع مواد تختلف عن النوع الاخر ولكل نوع غرض معين للاستخدام..
** شغله مهمه نعرفهه انه مو كل انواع البشره نكدر نستخدم التقشير
**استجابه الجلد للتقشير تختلف من شخص لآخر.
انواع التقشير الكيميائي types of chemical peeling :-
1- التقشير السطحي: ابسط واسهل الانواع، ممكن نستخدمه لكل الوان البشره، ويمكن استخدامه للوجه والجسم.
امثله هي احماض الفاهايدروكسي اسد AHA
وهي
lactic acid,
ascorbic acid, mendalic,
اضافه الى انه يشمل التركيز المنخفض للساليسلك اسد و azalic acid
يستعمل لاثار الحبوب، الندوب البسيطه، نضاره ولمعان للبشره، لتفتيح البشره وازاله الشوائب، وخشونه الجلد.
ويحتاج 3-6 جلسات حته نحصل النتائج المرغوبه.
مده النقاهه 1-3 يوم
2- التقشير المتوسط.. يكون اعمق يستخدم لالوان الجلد FZP1, 2,3,4
ممكن نحتاج تخدير موضعي ( كريم)
لازم بالعياده ميصير بالبيت
فتره النقاهه7_10 ايام
نحتاج حوالي 3 جلسات حته نحصل ع النتيجة
امثله عنه
JESSNER SOL.
Salicylic acid high conc.
Glycolic acid
3-التقشير العميق : يستخدم للتفتيح
وازاله التجاعيد العميقه والاثار العميقه..
مخدر عام يستغرق مده حوالي ساعتين
نحتاج شهرين حته نبدي نشوف نتيجه
نستخدم بي الفينول
التركيز العالي TCA
هسه كملنه الانواع....
الاثار الجانبيه..Herpes simplex Burn Hyperpigmentation
التعليمات...
قبل التقشير نبتعد عن ازاله الشعر من الوجه لمده اسبوع كل انواع الازاله من ضمنها الليزر..
وهاي تخص التقشير المتوسط والعميق..
وبعد التقشير لكل الانواع الى ان تكمل عمليه ال healing
*بعد التقشير نبتعد عن العطور والميكب والماسكات كلها والكريمات والسيرمات فقط نستخدم المرطب الي كلنه عليه الطبيب.
*ماكو تغسيل كثير فقط مره بالزايد مرتين يوميا... السطحي نكدر نستخدم غسول
المتوسط فقط ماء.
*عدم التعرض للشمس بعد الجلسه واستخدام واقي شمس مناسب في بعض الأحيان حته بالمنزل..
* في بعض حالات التقشير المتوسط والعميق نستخدم انتيبايتك
ملاحظه.. طبعا الساليسلك اسد احسن بهوايه من الكلايكولك اسد بكلشي بالشغل بالنتيجه بالاذيه للبشره...
الكلايكولك لايدخل للمسامات ولايصغرهم ولاينظفهم فقط السالسلك اسد يشتغل هيج شغل
لهذا اني ابد ما انصح بالكلايكولك لان حته يسبب حروق بالبشره وتصببغات بصوره اكثر من الساليسلك ... فاني ما احبه ولا افضل استخدامه...
اكو فد شي اسمه تقشير الانزيمي وهذا يستفادون منه أصحاب البشره الحساسه الي ميكدرون يسوون غير انواع من التقشير
وتسخدم فيه الانزيمات والDNA للتقشير
هذا ميصغر المسامات ولكن يسرع بعمليه تقشير البشره الطبيعيه يعني الnatural process
ويستخدم بالبيت..
** اكو حاليا انواع تقشير مميزه ورائعه يمزجون اكثر من نوع يعني مثلا ساليسلك اسد واسكوربك اسد وريتنول ومندالك ولاكتك
يعني احماض الفواكه وياها ساليسلك اسد بنسبه قليله تسويلنه تقشير سطحي جميل ونايسي ..
وكذلك التقشير الانزيمي الي هوDNA peel
هاي كلها متوفره ع شكل kits للاستخدام المنزلي
يستخدم كل 3-6 اشهر مره
مفعوله جدا لطيف وميسبب اي حروق اني استخدمته شخصيا...
اذا ترودون معلومات اكثر دخلو للبيج
Dermatology in our life
https://www.facebook.com/DoctorZahraaZuhair/
